လူဆိုသည်မှာ တစ်ဦးတစ်ယောက်တည်း ခွဲထွက်နေ၍ မရပါ။ တစ်ဦးတည်းအဖွဲ့ကိုဖွဲ့၊ အိမ်ကိုဆောက်၊ ရွာ၊ မြို့နှင့် နိုင်ငံတော်ကို တည်ဆောက်၍မရနိုင်ပါ။ သို့သော် တစ်ဦးတစ်ယောက်မှစ၍ လူအများ၏ ပေါင်းစည်းအားဖြင့်သာ မိမိတို့ရပ်ရွာ၊ မြို့နယ်နှင့် နိုင်ငံတော်ကိုဖွံ့ဖြိုးတိုးတက်အောင် မိမိလိုချင်သည့်ပုံစံများကို ဖန်တီးတည်ဆောက်ယူနိုင်မည်ဖြစ်ပါသည်။ ထို့ကြောင့် တစ်ဦးတစ်ယောက်မှ စတင်ပူးပေါင်း၍ လူအများ၏ ပေါင်းစည်းအားဖြင့် မည့်သည့်လုပ်ငန်းကိုမဆို တက်ညီလက်ညီဖြင့် ပူးပေါင်းဆောင်ရွက်လျှင် မိမိတို့ရည်ရွယ်ထားသည့်အတိုင်း အောင်မြင်စွာ လုပ်ဆောင်နိုင်ပါသည်။
“ဖြေးဖြေးသွားလိုရင် တစ်ယောက်တည်းသွား မြန်မြန်သွားလိုလျှင် အဖွဲ့နှင့်သွား” ဆိုသည့် စကားရပ်အတိုင်း အလုပ်လျှင်မြန်စွာ ပြီးမြောက်လိုလျှင် လူအများ၏ပေါင်းစည်းအားဖြင့် လုပ်ဆောင်ရမည် ဖြစ်သကဲ့သို့ ခေါင်းဆောင်ကြီးများမှ ချမှတ်ထားသည့် ပန်းတိုင်ဆီသို့ လျှောက်လှမ်းရာတွင်လည်း တစ်ဦးတစ်ယောက်မှစ၍ အများပြည်သူနှင့် လက်တွဲညီညွတ်စွာဖြင့် ပူးပေါင်းပါဝင်ဆောင်ရွက်နိုင်မှသာ ပန်းတိုင်ဆီသို့ အမြန်လျှောက်လှမ်းနိုင်မည်ဖြစ်ပါသည်။
မိမိတို့၏ရပ်ရွာ အမှန်တကယ် ဖွံ့ဖြိုးတိုးတက်လိုလျှင် ဖွံ့ဖြိုးတိုးတက်လိုသည့် ပြင်းထန်သည့် စိတ်ဆန္ဒများ အမှန်တကယ်ထားရှိခြင်း၊ မိမိကိုယ်ကျိုးမကြည့်ဘဲ အများအကျိုးကို အမှန်တကယ်သယ်ပိုး ဆောင်ရွက်လိုသော စိတ်ရင်းအမှန်များထားရှိခြင်းဖြင့် တစ်ဦးချင်းစီမှ တာဝန်သိစိတ်ဖြင့် လက်တွေ့ပူးပေါင်းလုပ်ဆောင်တတ်ရန် အလွန်ပင် လိုအပ်ပါသည်။ မိမိတို့နေထိုင်သည့် နိုင်ငံ၊ မြို့နယ်၊ ကျေးရွာများကို ဖွံ့ဖြိုးတိုးတက်လာစေရန် မိမိတို့သည်တာဝန်ရှိသည်ဟူသော ပြင်းထန်သည့်ခံယူချက်ဖြင့် အများပြည်သူအတွက် အလုပ်လုပ်ပေးနေသည့် မည်သည့်အဖွဲ့အစည်းနှင့်မဆို ပူးပေါင်းပါဝင်လာတတ်ရန် အလွန်ပင် အရေးကြီးပါသည်။ မိမိတစ်ဦးချင်းအနေဖြင့်လည်း နိုင်ငံတော်မှ ချမှတ်ထားသည့်ဥပဒေ၊ ကျေးရွာမှချမှတ်ထားသည့် စည်းမျဉ်းစည်းကမ်းများကို လိုက်နာလုပ်ဆောင်ခြင်းအားဖြင့်လည်း မိမိ၏ ကျေးရွာ၊ နိုင်ငံတော်ဖွံ့ဖြိုးတိုးတက်ရေးကို တစ်ဖက်တစ်လှမ်းမှ ပူးပေါင်းပါဝင်ပံ့ပိုးပေးနိုင်ပါသည်။
အများ၏အင်အားနှင့် ညီညွတ်စွာ ပေါင်းစည်းလုပ်ဆောင်တတ်ခြင်းဖြင့် အချင်းချင်း အသင်းအဖွဲ့တည်ဆောက်တတ်ခြင်းများ(Team Building) ၊ ခင်မင်ရင်းနှီးမှုများ(Relationships) နှင့် သတင်းအချက်အလက်များ (Informations) ရယူရာတွင်လည်းကောင်း မျှဝေရာတွင်လည်းကောင်း ပိုမိုမြန်ဆန်လာမည်ဖြစ်ပြီး အချင်းချင်း အပြန်အလှန် ယုံကြည်ကိုးစားမှုများလည်း ပိုမိုအားကောင်းလာပါသည်။
အများအကျိုးကို သယ်ပိုးဆောင်ရွက်ရာတွင် ပြင်ပမှ ဝေဖန်မှုလုပ်ငန်းများ လုပ်ဆောင်သည်ထက် မိမိတတ်နိုင်သည့် အခန်းကဏ္ဍမှ တာဝန်သိစိတ်ဖြင့် လက်တွေ့ပူးပေါင်းဆောင်ရွက်မှသာ ပိုမိုထိရောက်နိုင်မည်ဖြစ်ပါသည်။ မည်သည့်လုပ်ငန်းကိုမဆို လူတိုင်းဝေဖန်မှုလုပ်ငန်းများ လုပ်ဆောင်နိုင်သော်လည်း အများစုမှာ လက်တွေ့တွင် တာဝန်သိစိတ်ဖြင့် ပူးပေါင်းပါဝင်ဆောင်ရွက်တတ်မှုမရှိသည်ကို အများအားဖြင့် မိမိတို့၏ ပတ်ဝန်းကျင်တွင် မြင်တွေ့နေရပါသည်။ ဝေဖန်မှုလုပ်ငန်းသည် လူတိုင်းလွယ်လွယ်နှင့် လုပ်ဆောင်နိုင်သော်လည်း လက်တွေ့ပူးပေါင်းဆောင်ရွက်သည့် လုပ်ငန်းသည် လူတိုင်းလုပ်ဆောင်ရန် အလွန်ပင်ခက်ခဲပါသည်။ အဘယ်ကြောင့်ဆိုသော် လူသားတို့အချင်းချင်းသည် ခွဲခြားဆက်ဆံမှုရှိခြင်းနှင့် လွယ်ကူသော လုပ်ငန်းများကိုသာ အများအားဖြင့် ရွေးချယ်သောကြောင့်ပင် ဖြစ်ပါသည်။
လူမျိုးချင်း၊ ဘာသာချင်း၊ အဖွဲ့အစည်းချင်းတူသော်လည်း မည်သည့်လုပ်ငန်းမျိုးမဆို လက်တွဲ ပူးပေါင်းပါဝင်ဆောင်ရွက်မှုမရှိခြင်းသည် အချင်းချင်းရင်းနှီးမှုများ၊ အပြန်အလှန်ယုံကြည်မှုများကို မည်သည့် အခါမှတည်ဆောက်ရယူနိုင်မည် မဟုတ်ပါ။ အဘယ်ကြောင့်ဆိုသော် လက်တွဲဆောင်ရွက်မှုများမရှိခြင်းသည် တစ်ပါးသူ၏ စိတ်ရင်းအမှန်ကို သိရှိုနိင်ရန် အလွန်ပင်ခက်ခဲလှပါသည်။ တစ်ပါးသူ၏ စိတ်ရင်းမှန်သိရှိထားခြင်း မရှိဘဲ အပေါ်ယံဆုံးဖြတ်မှုသည် အမှားအယွင်းများစွာ တည်ရှိနိုင်သကဲ့သို့ အပြန်အလှန်ယုံကြည်ကိုးစားမှုများလည်း တည်ရှိနိုင်မည်မဟုတ်ပါ။
သို့ဖြစ်ပါ၍ လူမှုရေး၊ ဘာသာရေး၊ နိုင်ငံရေး၊ စီးပွားရေး စသည့် အများအကျိုးနှင့်ဆိုင်သည့် မည်သည့်အရေးအရာကိုမဆို သယ်ပိုးဆောင်ရွက်ရာတွင် ရပ်ရွာအရေးမှစ၍ နိုင်ငံတော်အဆင့်အထိ တစ်ဦးတစ်ယောက်ချင်းစီမှ တာဝန်သိစိတ်နှင့် လက်တွဲညီညွတ်စွာဖြင့် ပူးပေါင်းပါဝင်လုပ်ဆောင်တတ်လာစေရန်နှင့် ပြည်ထောင်စုသမ္မတမြန်မာနိုင်ငံတော်ကြီး ဖွံ့ဖြိုးတိုးတက်လာစေရန် အသက်အရွယ်မရွေး၊ ကျား/မ မရွေး မြန်မာနိုင်ငံအတွင်းရှိ နေထိုင်သည့် ပြည်သူတိုင်းတာဝန်ရှိသည်ဟူသော ပြင်းထန်သည့် ခံယူချက်ဖြင့် တစ်ဦးတစ်ယောက်ချင်းစီထံမှ မွေးဖွားလာနိုင်စေရန် ဟူသောရည်ရွယ်ချက်ဖြင့် ရေးသားတင်ပြရင်းဖြစ်ပါသည်။
နိဂုံးချုပ်အနေနှင့် တိုက်တွန်းလိုသည်မှာ အများပြည်သူနှင့် သက်ဆိုင်သည့် အများကောင်းကျိုးကို သယ်ပိုးနေသည့်သူများသော်လည်းကောင်း၊ အဖွဲ့အစည်းများသော်လည်းကောင်း အချင်းချင်းအပြန်အလှန် ခွဲခြားဆက်ဆံမှုမပြုဘဲ “စည်းလုံးခြင်းသည်အင်အား”ဆိုသည့် စကားရပ်အတိုင်း တစ်ဦးချင်းမှစ၍ လူအများ၏ အင်အားဖြင့် ပေါင်းစည်းလုပ်ဆောင်ရန်လိုအပ်ကြောင်း၊ ကိုယ်ကျိုးကို ပဓာနမထားဘဲ အများအကျိုးကိုသာ ရှေ့ရှု့၍ သယ်ပိုးလုပ်ကိုင်လိုသည့် စိတ်ရင်းအမှန်နှင့်တည်ရှိနေသည့် မည်သူကိုမဆို လက်တွဲခေါ်ဆောင်စေလိုကြောင်းနှင့် မြန်မာနိုင်ငံသူ/သားများအပေါင်းလည်း တစ်ဦးတစ်ယောက်ချင်းစီထံမှ မိမိနိုင်ငံတော်ကြီး ဖွံ့ဖြိုးတိုးတက်စေရန် မိမိသည် တာဝန်ရှိသည်ဟူသောခံယူချက်ဖြင့် မွေးဖွားစေလိုကြောင်းနှင့် တာဝန်သိစိတ်နှင့်တကွ အများပြည်သူနှင့်လည်း တွဲလက်ညီညွတ်စွာဖြင့် ပူးပေါင်းပါဝင်ဆောင်ရွက်တတ်မှသာလျှင် ပြည်ထောင်စုသမ္မတမြန်မာနိုင်ငံတော်ကြီး လျှင်မြန်စွာ ခေတ်မှီဖွံ့ဖြိုးတိုးတက်စေမည်သာမက အထက်ပါအတိုင်း လက်တွေ့ ပူးပေါင်းဆောင်ရွက်မည်ဆိုပါက မိမိတို့လိုချင်သည့် ပန်းတိုင်ဆီသို့လည်း လျှင်မြန်အောင်မြင်စွာ လျှောက်လှမ်းနိုင်မည်ဖြစ်ပါကြောင်း နိုင်ငံတော်ကြီးဖွံ့ဖြိုးတိုးတက်မှသာ နိုင်ငံတွင်းရှိ နေထိုင်သည့် ပြည်သူများအားလုံးလည်း မိမိတို့ရည်ရွယ်ရာ ပန်းတိုင်ဆီကို အမြန်လျှောက်လှမ်းနိုင်မည်ဖြစ်သည်ဟု စာရေးသူအနေဖြင့် ယုံကြည်၍ ရေးသားတင်ပြလိုက်ရပါသည်။
နင်;အွဉ်ရက်ခွို,
Like On Facebook
Follow On Twitter
Subscribe On RSS