လူ့ဘ၀သည် နေ့စဉ်နှင့်အမျှ မိသားစုအရေး၊ ရပ်ရွာဒေသအရေး၊ တိုင်းပြည်အရေး စသည်ဖြင့် ရုန်းကန်လှုပ်ရှား စဉ်းစားတွေးခေါ် အကောင်အထည်ဖော်ကြရလေသည်။ အခက်အခဲများစွာအကြားတွင် ဘ၀တစ်ခု ရှင်သန်ရေး အတွက် ခေတ်စနစ်နှင့်လျော်ညီအောင် နည်းပေါင်းစုံဖြင့် ရှာဖွေပါသော်လည်း အဆင်ပြေသူများက နည်းပါးပြီး အဆင်မပြေသူများက များပြားလာသည့် အကြောင်းရင်းတစ်ရပ်ကို အဖြေရှာကြရမည်ဖြစ်သည်။
မိသားစုအရေးသည် လူတိုင်းလိုလို ရှောင်လွှဲလို့မရသည့် အရေးဖြစ်ပါသည်။ စီးပွားရေးသည် နိုင်ငံရေး၏ အခြေခံအုတ်မြစ်ဖြစ်သည်။ လူတစ်ဦးချင်းစီဖြစ်စေ၊ မိသားစုတစ်စုဖြစ်စေ စီးပွားရေးအဆင်ပြေမှသာ အခြား သော လူမှုကိစ္စရပ်များကို စေတနာ သဒ္ဓါတရားထက်သန်စွာ လုပ်ဆောင်နိုင်မည်ဖြစ်သည်။
စီးပွားရေးသည် ပညာရေးက ထိန်းကြောင်းနေလျက်ရှိပြီး ပညာရေးကို လူတိုင်းကြိုးစားသင်ယူရမည်။ မိဘတိုင်းသည် မိမိတို့၏သားသမီးများ ပညာရေးတွင် စိတ်ဝင်စားလာအောင် အားပေးချီးမြောက်ရမည်။ နိုင်ငံတော်အနေဖြင့်လည်း ပညာရေးအခန်းကဏ္ဍကို မြှင့်တင်ပေးရာ စာမသင်မနေရ လူတိုင်းစာပေ တတ်မြောက်ရမည် ဆိုသည့် စီမံချက်ကို ကျေးရွာတိုင်းလိုလို ဖော်ဆောင်ရမည့် လူမှုရေးလုပ်ငန်း တစ်ခုဖြစ်သည်။
ယနေ့မိသားစုအရေး ဖြေရှင်းရာတွင် ပညာရှိရော ပညာမဲ့ပါ နိုင်ငံတွင်းသာမက နိုင်ငံရပ်ခြားသို့ပင် ရွေ့ပြောင်းလုပ်ကိုင်သူက များပြားလာလေသည်။ ပညာရှိသူများက အထက်တန်းတွင် ဂုဏ်သရေရှိရှိ စီးပွားရေးလုပ်ငန်းများကို ရွေးချယ်ပြီး မိမိစိတ်တိုင်းကြ လုပ်ကိုင်ကြရသော်လည်း ပညာမရှိသူများသည် ကျပန်းအလုပ်များသာ လုပ်ကိုင်ကြရသည်ကို လူတိုင်းသတိမူရမည့်အချက်ဖြစ်သည်။
လူကုန်ကူးမှုပြဿနာများ၊ လိင်ပိုင်းဆိုင်ရာ အတင်းအဓမ္မ စေခိုင်းမှုများ၊ လုပ်အားခခေါင်းပုံဖြတ်ခံရမှုများသည် မကြာခဏဆိုသလို ဖြစ်ပေါ်နေသည်မှာ ပညာရေးအားနည်းချက်ကြောင့်ပင်ဖြစ်သည်။ လူနေမှုဘ၀ဖူလုံရေးသည် မိမိနေထိုင်သည့် မိသားစု အသိုင်းအ၀န်း၊ ဒေသအခြေအနေနှင့်များစွာသက်ဆိုင်လျက်ရှိသည်။ မိဘနှစ်ပါး ဦးဆောင်လမ်းပြမှုက အရေးကြီးသကဲ့သို့ အိမ်နီးနားချင်း ကောင်းဖို့ကလည်း အလွန်အရေးကြီးပါသည်။
အဌာရသ ပညာရပ်များနှင့်ပြည့်စုံသော ဆရာတစ်ဦးအထံတွင် တပည့်အဖြစ်ခံယူပါက လူတစ်ရာကို အုပ်ချုပ်နိုင် သည်ဆိုသည့်အတိုင်း လူနေမှုဘ၀ တိုးတက်ဖို့ဆိုလျှင် ဆရာသမားကောင်းရှိဖို့လည်းအလွန် အရေးကြီးပါ သည်။ အဇာတတတ်မင်းကြီးသည် အရှင်ဒေ၀ဒတ်ကို ဆရာအတင်မှားပြီး ကျွတ်ထိုက်သူဖြစ်ပါလျှက် အပယ်ငရဲ သို့ ကျရောက်ခဲ့ရသည်။
အချို့လူငယ်များသည် ဆရာသမားကောင်းပါလျှက် မ်ိတ်ဆွေအပေါင်းအသင်းကြောင့် ဘ၀တစ်ခုလုံး ရေစုံမျောကြရသည်။ အပြင်ပိုင်းသဏ္ဍန် တိုးတက်နေသော ယနေ့ခေတ်ကြီးတွင် စိတ်ဓါတ်မြင့်မားဖို့၊ စိတ်ဓါတ်ကောင်းဖို့၊ စိတ်ပိုင်းဆိုင်ရာ ဖွံွ့ဖြိုးဖို့သည်လည်း အလွန်အရေးကြီးပါသည်။
လူနေမှုဘ၀ဖွံ့ဖြိုးရေးသည် ကျန်းမာရေးလည်း အရေးပါသော အချက်ဖြစ်သည်။ ကျန်းမာရေးသည် စိတ်ဓါတ်နှင့်လည်း သက်ဆိုင်ပါသည်။ အကြောင်းမှာ ၀ိသမလောဘကြောင့် စိတ်ဓါတ်အောက်တန်းကျပြီး မိမိစီးပွားရေး အောင်မြင်မှုကိုသာ ဦးစားပေးဆောင်ရွက်နေမှုကြောင်း လူသားတို့သုံးကုန်များနှင့် အစားအစာများတွင် အစာအဆိပ်သင့်စေသည့် ဓါတုဆေးဝါးများထည့်ခြင်း၊ ရောနောစေခြင်းကြောင်း ထူးခြားဆန်းပြား သော ရောဂါဘယကို ယနေ့လူသားတို့ခံစားနေရသည်။
လူမှုဘ၀ ဖွံ့ဖြိုးတိုးတက်ရေးအတွက် လူတိုင်းတွင် ချစ်ခင်ခြင်း၊ ကြင်နာခြင်း၊ ၀မ်းမြောက်ခြင်း လျစ်လျူရှုခြင်း တည်းဟူသော ဗြဟ္မာစိုရ်တရားကို လက်ကိုင်ထားပြီး ဆရာကောင်း၊ မိတ်ကောင်းဆွေကောင်း၊ အသိုင်းအ၀ိုင်းကောင်းခြင်းများကို ရှာဖွေပေါင်းသင်းလျက် ယခုဘ၀ရော နှောင်ဘ၀ပါ ဖွံ့ဖြိုးတိုးတက်သော လူနေမှုဘ၀များကို ပိုင်ဆိုင်ကြပါစေကြောင်း ဆုတောင်းရင်း အဆုံးသတ်လိုက်ရပါသည်။
နန်းဆာတဲုင်
Like On Facebook
Follow On Twitter
Subscribe On RSS