စိတ်ဖိစီးမှုကြောင့်ဖြစ်လာမည့် အကျိုးသက်ရောက်မှုများ

တောင်ကြီး၊ ၂၀၁၉ ခုနှစ်၊ မေလ (၆)ရက်

ဖိစီးမှုသည် လူ့ယဉ်ကျေးမှုနှင့်လူ့သမိုင်းစတင်ကတည်းက ဖြစ်ပေါ်တည်ရှိခဲ့သည့်နည်းတူ ဘဝတစ်ခုစတင်ပြီဟုဆိုသည်နှင့် တစ်ပြိုင်နက်ဖိစီးမှုကလည်း တွဲလျက်ပါရှိပြီးဖြစ်သည်။ ဖိစီးမှုသည် ဘဝနှင့်အတူမွေးဖွားလာခြင်းဖြစ်ပြီး ကလေးဘဝတွင်ပင် ဖိစီးမှုတစ်စုံတစ်ရာ သူ့အဆင့်နှင့်သူရှိနေတတ်၏။ လူ့အဖွဲ့အစည်းအတွင်းသို့ ဖိစီးမှုစတင်ဝင်ရောက်လာသောအချိန်သည် လူတို့ယဉ်ကျေးမှုကို စတင်ခြေရာ ကောက်မိချိန်လောက်မှာပင်ဖြစ်သည်။ ဖိစီးမှု (stress) ဆိုသောစကားလုံး၏ရင်းမြစ်သည် ရှေးဟောင်း ပြင်သစ်နိုင်ငံတွင် နေထိုင်ခဲ့သော လွန်ခဲ့သည့်နှစ်ပေါင်း(၁၀၀၀)နီးပါးတွင် ရှေးဟောင်း နော်မန်လူမျိုး၏ ဘာသာစကား estress ဆိုသောစကားလုံးဖြစ်သည်ဟု ဆရာမခေးလုကပြောထားသည်ကို လေ့လာမှတ်သားရပါသည်။ ဖိစီးမှုသည် "နေ့စဉ်ဘဝ၏ပျက်စီးယိုယွင်းမှု" ဟု SEYLE ကဆိုခဲ့သည်။ လူတစ်ဦး၏ နေ့စဉ်ဘဝတွင် အကျိုးသက်ရောက်သော မည်သည့်ဖိအားမဆို ဖိစီးမှုဖြစ်သည်။ ဖိစီးမှုဆိုသည်မှာ "လူတစ်ယောက် သူမဖြစ်လိုသော၊ မဖြစ်ချင်သော(သို့မဟုတ်) သူ့စိတ်နဲ့သူ့ခန္ဓာက လက်မခံချင်တာကို မလွှဲမရှောင်သာ လက်ခံလိုက်ရသည့်အတွက် သူ့စိတ်တွင် ဖြစ်ပေါ်ခံစားမှုမှန်သမျှသည်" ဖိစီးမှုပင်ဖြစ်သည်။ စာရေးဆရာအောင်လှိုင်ကလည်း စိတ်ဖိစီးမှု၏အဓိပ္ပာယ်ကို "ဖိအားပေးခံရတဲ့အခြေ အနေကနေ လွန်ကဲသွားတဲ့အခါ စိတ်ဖိစီးနှိပ်စက်ခြင်းဖြစ်ပေါ်လာတယ်"ဆိုတဲ့ ဖွင့်ဆိုချက်ကို ဖွင့်ဆိုထား သည်။ အမှန်တကယ်ဖိအားပေးခံရခြင်းများ လွန်ကဲလာသည့်အခါတွင် မကောင်းသည့်အခြေအနေအပေါ် နိုင်နင်းစွာ ကိုင်တွယ်ဖြေရှင်းနိုင်စွမ်းမရှိသောကြောင့် ဖိအားပေးခံရသောအခြေအနေသည် ဖိစီးနှိပ်စက်ခံရသည့် အခြေအနေအဖြစ်ပြောင်းလဲသွားလေ့ရှိသည်။

အချို့သောသူတို့သည် နေ့စဉ်ပင်ပန်းနွမ်းနယ်နေတတ်၏။ မိမိကိုယ်မိမိ ဘာမှန်းမသိဘဲ စိတ်တထင့်ထင့်ရှိနေတတ်၏။ ဖိစီးမှုသည် မိမိတို့ဘဝတွင် နေ့စဉ်ဝန်ထုပ်ဝန်ပိုးသဖွယ်ဖြစ်နေပြီး တစ်ခါတစ်ရံ ရှူပ်ထွေးမှုများကိုပါ ဖြစ်ပေါ်စေသည်။ ဖိစီးမှုသည် ဘဝ၏ အခြင်းအရာတစ်ခုအဖြစ် ရပ်တည်လာသောကာလတွင် ဖိစီးမှုတစ်စုံတစ်ရာတွေ့မှ လျော့ပါးအောင်ပြုလုပ်သည်ထက် ဘဝအစမှ အဆုံးတိုင် ဘဝတစ်လျှောက်လုံးကို လျော့ပါးအောင် စီမံခန့်ခွဲခြင်းသည် အကောင်းဆုံးဖြစ်သည်။ လုပ်ငန်းခွင်တွင် ဖိစီးမှုခံရသောသူသည် နေ့စဉ်ဘဝတွင် မလိုလားအပ်သော ရုပ်ပိုင်းဆိုင်ရာ မကျန်းမာမှု၊ စိတ်မောပန်းခြင်း၊ ခေါင်းကိုက်ခြင်း၊ စိတ်တိုခြင်း၊ စိတ်ညှိုးငယ်ခြင်းနှင့် အရက်သေစာသောက် စားတတ်ခြင်းတို့ဖြစ်၏။ ဖိစီးမှုဆိုင်ရာကျွမ်းကျင်သူတို့သည် အလုပ်ခွင်ဖိစီးမှုကို ထိန်းကွပ်နိုင်စွမ်းရှိသူသည် ကျန်းမာသူလူတစ်ယောက်ဖြစ်လာရန် အလွန်အလားအလာကောင်းသည်ဟု ဆရာချစ်စံဝင်းက ဆိုသည်။ ကျွန်တော်တို့သည် ဖိစီးမှုကို ဘဝအပိုင်းအခြားအလိုက် ဖိစီးမှုဝေဒနာ စိတ်ခံစားမှုအခြေအနေအလိုက် စိုးရိမ်ကြောင့်ကြခြင်း၊ ညှိုးငယ်ခြင်းနှင့် သိမ်ငယ်ခြင်းစသည့် ဖိစီးမှုအနည်းနှင့်အများရှိကြသည်။ ကျွန်တော် တို့၏ မကောင်းသောစိတ်ခံစားမှုများကို နားလည်နိုင်စွမ်း၊ စိတ်ဖိစီးမှုဖြစ်ပေါ်စေသော အခြေအနေအပေါ် ကိုယ်တိုင်သိရှိပြီး သတိမူနိုင်စွမ်းများသည် စိတ်ဖိစီးမှုကိုထိရောက်စွာတုံ့ပြန်နိုင်စွမ်း၊ အကောင်းဆုံးကိုင်တွယ်နိုင်စွမ်းများ ဖြစ်နေတတ်ပါသည်။

လုပ်ငန်းနှင့်ပတ်သက်သော စိတ်ဖိစီးမှုများသည် လုပ်ငန်းအဖွဲ့အစည်းတစ်ခုလုံးအလိုက်ဖြစ်စေ၊ လုပ်ငန်းလုပ်သူတစ်ဦးစီအလိုက်ဖြစ်စေ ဖြစ်ပေါ်ကြုံတွေ့ရသည့်အခြေအနေဆိုးများကြောင့် ပေါ်ပေါက်လာ တတ်သည့် စိတ်ဖိစီးမှုပုံစံဖြစ်ပါသည်။ သင်အနေဖြင့် လက်အောက်ဝန်ထမ်း၊ မန်နေဂျာ၊ ကြီးကြပ်ရေးမှူး (Supervisor)၊ ကျန်းမာရေးနှင့် ဘေးကင်းလုံခြုံရေးကျွမ်းကျင်သူ၊ အလုပ်ရှင်တစ်ဦးဦးဖြစ်နိုင်တာကြောင့် အလုပ်နှင့်ပတ်သက်သည့် စိတ်ဖိစီးမှုကလည်း အမြဲတစေ ရှိနေမှာဖြစ်ပါသည်။ စိတ်ဖိစီးမှုဖြစ်စေသော အလုပ်နှင့်ပတ်သက်သောကိစ္စပြဿနာကိုသေချာစွာဖြေရှင်းနိုင်ခြင်းမရှိသေးလျှင် မူလပြဿ  နာထက်ပို ကြီးထွားလာနိုင်တတ်သည်။

မိသားစုဝင်ကြောင့်ဖြစ်စေ၊ အလုပ်ခွင်အတွင်းကြုံတွေ့ရသည့် အခြေအနေအကြောင်း တရားအမျိုးမျိုးများသည် စိတ်ဖိစီးမှုဖြစ်စေရာများကို တဖြည်းဖြည်းမြင့်မားအောင် တည်ဆောက် ပေးနိုင်သည်။ အကယ်၍ မိမိ၏စဉ်းစားတွေးခေါ်ပုံတစ်ခုကြောင့် စိတ်ဖိစီးမှုဖြစ်စေခဲ့လျှင် မိမိ၏စဉ်းစား တွေးခေါ်ရှုမြင်ပုံကို တစ်ခါတည်းပြောင်းလဲပစ်လိုက်ပါ။ မိမိစဉ်းစားတွေးခေါ်မှုသည် ခေတ်ကာလအခြေအနေနှင့် လုံးဝကိုက်ညီအသုံးဝင်နိုင်ခြင်း မရှိတော့လျှင် ချက်ချင်းလက်ငင်း ပြောင်းလဲပစ်နိုင်အောင်ကြိုးစားရမည်။ လက်တွေ့အသုံးမချနိုင်သော စဉ်းစားတွေးခေါ်မှုများသည် စိတ်ဖိစီးမှုများကိုပိုဖြစ်စေသည်။

မိမိ၏လက်ရှိအပြောအဆို၊ အပြုအမူများကို ပြောင်းလဲပေးခြင်းအားဖြင့်လည်း စိတ်ဖိစီးမှုအခြေအနေကို သိသာစွာ လျော့ကျသွားမည်။ လူတစ်ဦးချင်းစီအနေဖြင့် အချိန်ကိုကောင်းစွာ စီမံခန့်ခွဲနိုင်ရမည်။ အရှိကိုအရှိတိုင်းပွင့်လင်းရိုးသားစွာနှင့် ပြောဆိုနိုင်ရမည်။ မိတ်ဆွေအပေါင်းအသင်းကောင်းများနှင့် လုပ်ဖော်ကိုင်ဖက်ကောင်းများရှိမည်ဆိုလျှင် စိတ်ဖိစီးမှုဝေဒနာများကို သက်သာစေမည်ဖြစ်သည်။ မိသားစု/လုပ်ငန်းခွင်နှင့်ပတ်သက်ပြီး စိတ်ဖိစီးစရာဖြစ်ပေါ်လာသည့်အခါတွင် မိမိအနေဖြင့် ကျွမ်းကျင်သည့်အရည်အချင်းများကို စဉ်းစားသည့်အနေဖြင့် "ဒါဖြစ်ရမယ်၊ ဖြစ်သင့်တယ်"ဆိုပြီး စဉ်းစားခြင်းသည် မိမိ၏စိတ်ဖိစီးမှု ဝေဒနာများကို သိသာစွာ လျော့ကျလာစေမည်ဖြစ်သည်။ ထို့အပြင် မိမိအနေဖြင့် အချို့သောလုပ်ငန်းတာဝန်များတွင် ကျရှုံးခဲ့လျှင် တစ်စိတ်တစ်ဒေသမျှ(အနည်းငယ်သာ) ကျရှုံးခြင်းဖြစ်ပြီး ဘဝတစ်သက်တာ ကျရှုံးမှုကြီးမဟုတ်သည်ကို ကောင်းစွာလက်ခံနားလည်ပေးဖို့လိုအပ်ပါသည်။

ထို့ကြောင့် သင်၏စိတ်ဖိစီးနှိပ်စက်ခံရမှု အခြေအနေအရပ်ရပ်သည် သင့်တစ်ဦးတစ်ယောက်တည်းကိုသာ ထိခိုက်စေရုံသာမက လူအများကိုပါ ဆိုးရွားသော အကျိုးသက်ရောက်မှုများလည်း ပေးစွမ်းတတ်ကြောင်းကို စာဖတ်ပရိတ်သတ်များအနေဖြင့် သတိထားဆင်ခြင်သုံးသပ်နိုင်စေရန်အတွက် ရည်ရွယ်၍ ဆရာဦးအောင်လှိုင်ရေးသားသည့် စိတ်ဖိစီးမှုပြဿနာဘယ်လိုဖြေရှင်းမှာလဲစာအုပ်မှ ထုတ်နုတ်ကိုးကားကာ ဤဆောင်းပါးအားရေးသားလိုက်ရပါသည်။

နင်;ကေသရို 
(မဲုင်းကောင်)