ခေါင်းဆောင်ကောင်း သယံဇာတ

တောင်ကြီး၊ ၂၀၁၉ ခုနှစ်၊ ဇူလိုင်လ (၅)ရက်

အဖွဲ့အစည်းတစ်ခု(သို့မဟုတ်)လူမျိုးတစ်မျိုး(သို့မဟုတ်)နိုင်ငံတစ်နိုင်ငံသည် ခေါင်းဆောင်ကောင်းကို ပိုင်ဆိုင်ထားလျှင် အဆိုပါအဖွဲ့အစည်း၊ လူမျိုး၊ နိုင်ငံသည် စည်ကားဖွံ့ဖြိုးတိုးတက်ပြီး သာယာငြိမ်းချမ်းလှပါသည်။ ထို့ကြောင့် မည်သည့်အဖွဲ့အစည်းမဆို၊ မည်သည့်လူမျိုးမဆို၊ မည်သည့်နိုင်ငံမဆို ခေါင်းဆောင် ကောင်းကို မျှော်လင့်တောင်းတကြပြီး ကံကောင်းသည့်အဖွဲ့အစည်း၊ လူမျိုး၊ နိုင်ငံအချို့ကသာလျှင် ခေါင်းဆောင်ကောင်းကို ပိုင်ဆိုင်ထားကြပြီး အချို့သည် ခေါင်းဆောင်ကောင်းကို မပိုင်ဆိုင်ထားသောကြောင့် ဖွံ့ဖြိုးတိုးတက်မှုများမရရှိသည့်တိုင် ပျက်ဆီးဆုတ်ယုတ်မှုများ ဖြစ်ပေါ်လာကြရသည်။

          

စင်္ကာပူနိုင်ငံသည် ၁၉၆၅ ခုနှစ်တွင် လွတ်လပ်ရေးရရှိပြီး မြန်မာနိုင်ငံရှိ ရှမ်းပြည်နယ်မျှသာ မကျယ်သော ကျွန်းနိုင်ငံလေး တစ်နိုင်ငံဖြစ်သည်။ လွတ်လပ်ရေးရရှိသည်မှာ မြန်မာနိုင်ငံထက် (၁၇)နှစ် နောက်ကျသည်။ မည်ကဲ့သို့သော မြေပေါ်မြေအောက်သယံဇာတ တစ်စုံတစ်ရာမျှမရှိပါ။ ဘေးပတ်ဝန်းကျင်တွင် ရေငန်များသာ ဝန်ရံထားသောကြောင့် သောက်သုံးရေကိုပင် မလေးရှားနိုင်ငံမှတစ်ဆင့် ဝယ်ယူသောက်သုံးရသည်အထိ ရှားပါးသည်။ လွတ်လပ်ရေးရရှိပြီး ယနေ့အထိတိုင် (၅၄)နှစ်အကြာတွင် စင်္ကာပူနိုင်ငံသည် အာရှ၏ ကျားတစ်ကောင်ဖြစ်လာသည်။ ဖွံ့ဖြိုးတိုးတက်လာသည်။ မြန်မာနိုင်ငံ၏ ရှမ်းပြည်နယ်မျှသာ မကျယ်ဝန်းသော စင်္ကာပူနိုင်ငံတွင် ကမ္ဘာ့ထိပ်သီးတက္ကသိုလ်ကျောင်းများ များစွာရှိသည်။ ဤကဲ့သို့ အချိန်တိုအတွင်းတွင် စည်ကားဖွံ့ဖြိုးတိုးတက်ပြီး ချမ်းငြိမ်းသာယာဝပြောခြင်းသည် ခေါင်းဆောင်ကောင်း ဖြစ်သော လီကွမ်ယူးကို ပိုင်ဆိုင်ထားခြင်းပင် ဖြစ်သည်။

          

သမိုင်းတစ်လျှောက် စစ်ဖြစ်တိုင်း အနိုင်ရရှိခဲ့သည့် ဂျပန်သည် ဒုတိယကမ္ဘာစစ်အပြီးတွင် စစ်ရှုံးပြီး ပြာပုံဘဝသို့ ရောက်ရှိခဲ့ရသည်။ စစ်အတွင်း သန်သန်မာမာ၊ ထောင်ထောင်မောင်းမောင်း ယောက်ျားကောင်းများသေဆုံးခဲ့ပြီး ဂျပန်၏ စီးပွားရေးသည်လည်း သုညသို့ ရောက်ရှိခဲ့ရသည်။ သို့သော်လည်း ဂျပန်တို့ စစ်ရှုံးခဲ့သည်များကို မေ့ဖျောက်ကာ လုပ်စရာရှိသည်များကို ကြိုးကြိုးစားစား ပြန်လည်လုပ်ဆောင်လာခဲ့ပြီး ရုန်းထခဲ့ကြသည်။ ထိုကဲ့သို့ ကြိုးစားလုပ်ဆောင်လာသည်နှင့်အမျှ ဂျပန်တို့ တစ်စတစ်စအောင်မြင်လာသည်။ ဂျပန်နိုင်ငံများ၏ ဈေးကွက်အတွင်းသို့ ဂျပန်ထုတ်ကုန်များ တစ်ဟုန်ထိုး ၀င်ရောက်လာသည်။ စစ်အပြီး နှစ်(၂၀)ခန့်အကြာတွင် ဂျပန်တို့၏ အောင်မြင်မှုသည် အမေရိကန် ဦးဆောင်သည့် အနောက်တိုင်းနိုင်ငံများ၏ စီးပွားရေးကို ရင်ဘောင်တန်းလာခဲ့ပြီး အနောက်တိုင်းများထိတ်လန့်ကြရသည်။ ယခုအချိန်တွင် ကမ္ဘာ့စီးပွားရေးအင်အား အကြီးဆုံးနိုင်ငံများအနက် တစ်နိုင်ငံအပါအ၀င် ရောက်ရှိလာသည်။ ဤကဲ့သို့ အလျင်အမြန် ပြန်လည်ဖွံ့ဖြိုးတိုးတက်လာခြင်းသည် ခေါင်းဆောင်ကောင်းကို ပိုင်ဆိုင်ထားခြင်းပင်ဖြစ်သည်။

          

အစ္စရေးနိုင်ငံသည် သဲကန္တရနိုင်ငံဖြစ်သည်။ သစ်ပင်များ ပေါက်ရောက်ရန်မဆိုထားနှင့် စိုက်ပျိုးရန်ပင် မလွယ်ပေ။ ရေချိုမရှိ ရေငန်သာရှိသည်။ နိုင်ငံအတွက် ရေချိုရရှိနိုင်သော အရင်းအမြစ်သည် ချောင်းသာသာပင် ရှိသည်။ အဆိုပါချောင်းသည်ပင် ဂျော်ဒန်နိုင်ငံနှင့် မျှသုံးရသည်။ ပူးပြင်းခြောက်သွေ့သောရာသီဥတုကြောင့် သဘာဝအရ စိုက်ပျိုးနိုင်သည့်နေရာသည် နိုင်ငံ၏ ငါးပုံတစ်ပုံခန့်သာရှိသည်။ သို့သော်လည်း အစ္စရေးတို့ စိတ်ဓါတ်မကျ ကြိုးစားအားထုတ်ကြသည်။ ထိုသို့ပင် ကြိုးစားလာကြရာ ယနေ့အချိန် အစ္စရေးတို့၏ စိုက်ပျိုးရေးကဏ္ဍသည် တစ်ဘက်ကမ်း ခတ်သွားသည်။ အငန်ဓါတ်ပါသည့် ရေဖြစ်ပင် အထွက်ကောင်း၊ အရသာကောင်းသည့်အပင်များ စိုက်ပျိုးနိုင်အောင် တီထွင်ဆန်းသစ်လာကြသည်။ လယ်ယာစိုက်ပျိုးရေးနည်းပညာတွင် ကမ္ဘာ့ထိပ်တန်းအဆင့် ရောက်ရှိသွားသည့်အတွက် အခြားနိုင်ငံများမှပင် လာရောက်လေ့လာသင်ယူရသည့်အထိ ဖြစ်လာသည်။ ဤသည်များသည် ခေါင်းဆောင်ကောင်းကို ပိုင်ဆိုင်ထားပြီး အဆိုပါခေါင်းဆောင်၏ ဦးဆောင်မှုနောက်တွင် တစိုက်မတ်မတ်လိုက်ပါအကောင်အထည်ကြဖော်ခြင်းပင် ဖြစ်သည်။

          

အမှန်စင်စစ်လျှင် အစ္စရေးနိုင်ငံတွင် သစ်ပင်စိုက်ရန်မလွယ်။ မြက်ပေါက်ရန်ပင် အထူးဂရုစိုက် စိုက်ပျိုးနေရချိန်၌ မြန်မာနိုင်ငံတွင် သစ်စေ့ကို ပစ်ထားလျှင်ပင် အပင်ပေါက်နိုင်သည်။ ရေချိုမြစ်သည်လည်း အာရှတွင် အကြီးဆုံးစာရင်းဝင်မြစ်များကို ပိုင်ဆိုင်ထားသည်။ အခြားသော မြစ်ငယ်များကိုလည်းများစွာ ပိုင်ဆိုင်ထားသည်။ သို့သော် မြန်မာနိုင်ငံ၏ ဖွံ့ဖြိုးမှုသည် နောက်ကျကျန်နေပြီး ဖွံ့ဖြိုးဆဲနိုင်ငံအဆင့်တွင်သာ တည်ရှိနေဆဲပင်ဖြစ်သည်။ လယ်ယာထွက်ကုန်ဖြစ်သည့် ဆန်စပါးသည်လည်း နောက်မှ တက်လာသည့် ဗီယက်နမ်၏နောက် ခမ်းလှမ်းလှမ်းတွင် ကျန်ခဲ့ပြီ ဖြစ်သည်။ စားပြီးပစ်ထားသော သရက်စေ့သည် အလိုလို သရက်ပေါက်ပင်ဖြစ်လာခြင်းသည် မြန်မာနိုင်ငံ၏ ရေခံ၊ မြေခံ ကြွယ်ဝခြင်းကို သက်သေထူနေပါသည်။ သို့သော် မြန်မာနိုင်ငံသည် ကျန်ခဲ့မြဲ ကျန်ခဲ့ဆဲ ဖြစ်သည်။ အဘယ်ကြောင့်နည်း။ နိုင်ငံတစ်ခု ဖွံ့ဖြိုးခြင်း၊ မဖွံ့ဖြိုးခြင်းကို ဆုံးဖြတ်နိုင်သည့် အကြောင်းအရာများစွာရှိသော်လည်း ခေါင်းဆောင်ကောင်းကို ပိုင်ဆိုင် ထားခြင်းသည် အဓိကဖြစ်သည်။

          

ယနေ့ မိမိတို့ ပအိုဝ်းတိုင်းရင်းသားတို့သည် ခေါင်းဆောင်ကောင်းကို ပိုင်ဆိုင်ထားရှိပြီး အဆိုပါ ခေါင်းဆောင်၏ ဦးဆောင်မှုကြောင့် ပအိုဝ်းဒေသဖွံ့ဖြိုးတိုးတက်လာပြီး မိဘပြည်သူများသည်လည်း အေးချမ်းစွာ လုပ်ကိုင်စားသောက်နေနိုင်ကြသည်။ ခေါင်းဆောင်၏ ဦးဆောင်ဦးရွက်မှုကို မိဘပြည်သူများမှ လည်း လက်ခံသဘောတူပြီး တစ်စိုက်မတ်မတ် လိုက်ပါဆောင်ရွက်သောကြောင့် ဖွံ့ဖြိုးတိုးတက်သင့် သလောက် ဖွံ့ဖြိုးလာသည်။ စာရေးသူအနေဖြင့် အသားပေးဖော်ပြလိုသည်မှာ အဖွဲ့အစည်းတစ်ခု၊ လူမျိုးတစ်မျိုး၊ နိုင်ငံတစ်နိုင်ငံ၏ ဖွံ့ဖြိုးခြင်း၊ မဖွံ့ဖြိုးခြင်းသည် မြေပေါ်မြေအောက် သဘာဝမှပေးသည့် သယံဇာတသည် အရေးမကြီးပဲ အဆိုပါအဖွဲ့အစည်း၊ လူမျိုး၊ နိုင်ငံကို ဦးဆောင်မည့် ခေါင်းဆောင်ကောင်းသယံဇာတသည်သာလျှင် အရေးကြီးသည်။ မြေပေါ်မြေအောက်သဘာဝသယံဇာတများ ပေါကြွယ်ဝသော်လည်း မဖွံ့ဖြိုး၊ မတိုးတက်ဘဲ ဆင်းရဲနေရသည့် နိုင်ငံများစွာရှိပြီး မြေပေါ်မြေအောက်သဘာဝသယံဇာတမရှိသော်လည်း ဖွံ့ဖြိုးတိုးတက်နေသည့် နိုင်ငံများစွာရှိသည်။

          

ထို့ကြောင့် အဖွဲ့အစည်းတစ်ခု၊ လူမျိုးတစ်မျိုး၊ နိုင်ငံတစ်နိုင်ငံ ဖွံ့ဖြိုးခြင်း၊ မဖွံ့ဖြိုးခြင်းကို ဆုံးဖြတ်နိုင်သည့် အကြောင်းအရာများစွာ ရှိသော်လည်း ခေါင်းဆောင်ကောင်းသယံဇာတသည်သာ အဓိကဖြစ်သည်။ မည်သည့်အဖွဲ့အစည်း၊ လူမျိုး၊ နိုင်ငံအနေများအနေဖြင့် အဆိုပါခေါင်းဆောင်မျိုးကို ပိုင်ဆိုင်ထားပြီဆိုပါက တန်ဖိုးထားရန် လိုအပ်ပါသည်။ သစ္စာရှိရန် လိုသည်။ အဘယ့်ကြောင့်ဆိုသော် ကံကောင်းသည့် အဖွဲ့အစည်း၊ လူမျိုး၊ နိုင်ငံကသာလျှင် အဆိုပါခေါင်းဆောင်ကောင်းကို ပိုင်ဆိုင်ထားကြခြင်းပင် ဖြစ်ကြောင်းကို ရေသားတင်ပြလိုက်တယ်။

ကိုးကားချက်    -   (စာရေးဆရာ ဇေယျသူ၏ သရက်ပင်နှင့်လူသားဆောင်းပါး)

Kka Sp