တောင်ကြီး၊ ၂၀၁၄-ခုနှစ်၊ ဒီဇင်ဘာလ (၂၂) ရက်
၂၀၁၄-ခုနှစ်၊ ဒီဇင်ဘာလ(၂၁)ရက်နေ့တွင် ပအိုဝ်းအမျိုးသားအဖွဲ့ချူပ်(PNO) ဗဟိုကော်မတီ ဒုတိယအကြိမ် မျက်နှာစုံလင်တွေ့ဆုံပွဲအခမ်းအနားကို တောင်ကြီးမြို့၊ ဖရဲးငွေတောင်ဘုန်းတော်ကြီးကျောင်းတွင် ကျင်းပခဲ့ပါသည်။ ၄င်းအခမ်းအနားတွင် ပအိုဝ်းအမျိုးသားအဖွဲ့ချူပ်(PNO)မှ နာယကများအနေဖြင့် ဦးခွန်မောင်တုတ်၊ ဦးခွန်ချစ်မောင်၊ ဦးခွန်ပီတာထွန်းနိုင်၊ ဥက္ကဋ္ဌဦးခွန်စံလွင်၊ ဒုဥက္ကဋ္ဌ ဦးခွန်မောင်သောင်း၊ ဦးခွန်ဝင်းကို၊ အတွင်းရေးမှူး ဦးခွန်သိန်းဖေ၊ ဦးခွန်လာ၊ ဦးခွန်သိန်းဖေ(ကန်ရှေ့)၊ ဗဟိုကော်မတီအလုပ်အမူဆောင်အဖွဲ့၊ ပအိုဝ်းအမျိုးသာအဖွဲ့ချူပ်(PNO)ဗဟိုဌာနချူပ်ရုံးမှ ရုံးအဖွဲ့မှူးနှင့် ဌာနခွဲအသီးသီးမှ ရုံးဝန်ထမ်းများ၊ မေတ္တာဖွံ့ဖြိုးရေးဖောင်ဒေရှင်းအဖွဲ့၊ ပဲခူးတိုင်း၊ ကရင်ပြည်နယ်၊ မွန်ပြည်နယ် တို့ဘက်မှ ကိုယ်စားလှယ်များ တက်ရောက်ခဲ့ကြပါသည်။
အခမ်းအနားတွင် ပထမဦးဆုံးအနေဖြင့် နိုင်ငံတော်အလံ၊ ပအိုဝ်းအမျိုးသားအလံ၊ တာဝန်ပြီးဆုံးခဲ့သော အာဇာနည်ခေါင်းဆောင် များကို အလေးပြုပြီး၊ ပအိုဝ်းအမျိုးသားသီချင်း သီဆိုခြင်းဖြင့် အခမ်းအနားဖွင့်လှစ်ခဲ့ပါသည်။ အခမ်းအနားတွင် နာယကကြီး ဦးခွန်မောင်တုတ်မှ အမှာစကားပြောကြာခဲ့ပြီး၊ ဥက္ကဋ္ဌဦခွန်စံလွင်မှ ပအိုဝ်းအမျိုးသားအဖွဲ့ချူပ်(PNO) ဗဟိုကော်မတီ ဒုတိယအကြိမ် မျက်နှာစုံလင်တွေ့ဆုံရခြင်း အကြောင်းအရင်းကို ရှင်းလင်းပြောကြားခဲ့ပါသည်။ ဆက်လက်၍ အတွင်းရေးမှူး ဦးခွန်သိန်းဖေမှ (၄)နှစ်အတွင်း လွှတ်တော်အတွင်းလုပ်ဆောင်မူများကို ရှင်းလင်းတင်ပြခဲ့ပါသည်။ ဆက်လက်၍ နယကအဖွဲ့ ဦးခွန်မောင်တုတ်၊ ဦးခွန်ချစ်မောင်၊ ဦးခွန်ပီတာထွန်းနိုင်၊ ဒုဥက္ကဋ္ဌ ဦးခွန်မောင်သောင်း၊ ဦးခွန်ဝင်းကို၊ အတွင်းရေးမှူး ဦးခွန်လာ၊ ဦးခွန်သိန်းဖေ(ကန်ရှေ့) တို့မှ ၄င်းတို့၏ထင်မြင်ချက်များကို တင်ပြဆွေးနွေးပြီး ပအိုဝ်းအမျိုးသားအဖွဲ့ချူပ်(PNO)ဗဟိုဌာနချူပ်ရုံးရှိ ဌာနခွဲအသီးသီးတို့မှ ဌာနအတွင်းလုပ်ဆောင်ချက်များကို ပြောကြားခဲ့ပါသည်။ ဆက်လက်၍ မြို့နယ်အသီးသီးရှိ ကိုယ်စားလှယ်များမှ ၄င်းတို့၏လိုအပ်ချက်၊ လုပ်ဆောင်ချက်များကို တင်ပြဆွေးနွေးပြီး ဥက္ကဋ္ဌဦးခွန်စံလွင်မှ (၄)နှစ်အတွင်း လွှတ်တော်မှ ချမှတ်ပေးသည့်ှ ဘက်ဂျက်သုံးစွဲမူများကို ရှင်းလင်းတင်ပြဆွေးနွေးကာ ဒုဥက္ကဋ္ဌဦးခွန်မောင်သောင်းမှ လွှတ်တော်အတွေ့အကြုံများကို ပြောကြားခဲ့ပါသည်။ ဆက်လက်၍ ပအိုဝ်းအမျိုးသားအဖွဲ့ချူပ်(PNO) ဗဟိုကော်မတီ ဒုတိယအကြိမ် မျက်နှာစုံလင်တွေ့ဆုံပွဲအခမ်းအနားတွင် ဆုံးဖြတ်ချက်(၈)ချက်ချမှတ်ပြီး နာယကကြီးဦးခွန်မောင်တုတ်မှ အပိတ်အားပေးစကားပြောကြားခဲ့ပါသည်။ ဆက်လက်၍ အခမ်းအနားသို့တက်လာသောလူကြီးမင်းများအားလုံး မတ်တပ်ရပ်ပြီး နီပအိုဝ်း သီချင်း သီဆိုခြင်းဖြင့် အခမ်းအနားကို ရုတ်သိမ်းခဲ့ပါသည်။
ခွန်အောင်မျိုးဦး
Like On Facebook
Follow On Twitter
Subscribe On RSS