၂၀၁၅-ခုနှစ်၊ မေလ(၁၁)ရက်နေ့ ယနေ့နက်နံ (၁၁း၃၀)အချိန်တွင် နယ်သာလန်မှ NIMD အဖွဲ့အစည်းနှင့် ဖင်လန်မှ DEMO Finland အဖွဲ့အစည်းတို့ ပူးပေါင်းဆောင်ရွက်ထားသော မြန်မာ့နိုင်ငံရေးကျောင်း(Myanmar School Of Politic- MySoP)မှ မြန်မာနိုင်ငံ ကိုယ်စားလှယ် Bram Steenhuisen နှင့် လုပ်ငန်းအစီအစဉ်အရာရှိ ကိုနေမျိုးအောင်တို့မှ လာမည့် ဇွန်လ(၂၃)ရက်နေ့ ရှမ်းပြည်နယ်၊ ညောင်ရွှေမြို့နယ် အင်းလေးတွင် ကျင်းပပြုလုပ်မည့် နိုင်ငံရေးသင်တန်းနှင့် ပတ်သက်၍ လာရောက်တွေ့ဆုံခဲ့ပါသည်။
“ ကျွန်တော်တို့ ဒီနိုင်ငံရေးသင်တန်းကို မြန်မာနိုင်ငံမှာ ဧရာဝတီတိုင်းဒေသကြီးမှာ တစ်ကြိမ်၊ မွန်ပြည်နယ် မှာ တစ်ကြိမ် စုစုပေါင်း (၂)ကြိမ် ပြုလုပ်ခဲ့ပြီးဖြစ်ပါတယ်။ ဒီလိုပြုလုပ်တဲ့နေရာ ဥပမာ ရှမ်းပြည်နယ်မှာရှိတဲ့ ပါတီစုစုပေါင်း (၁၉)ပါတီကို ဖိတ်ကြားမှာ ဖြစ်ပါတယ်။ ဖိတ်ကြားတဲ့နေရာမှာ ပြည်နယ်အဆင့်၊ ဗဟိုအဆင့် CEC အဆင့်မျိုး ပုဂ္ဂိုလ်တွေကို ဖိတ်ကြားတာ ဖြစ်ပါတယ်။ ကမ္ဘာလုံးဆိုင်ရာနှင့် ဆောင်ရွက်ရတဲ့အတွက်ကြောင့် တစ်ပါတီတည်းကိုပဲ ဦးတည်ပြီးတော့ လုပ်ဆောင်တာမျိုး မရှိပါဘူး။ Multiparty အနေနဲ့ပဲ ဆောင်ရွက်တယ် ” လို့ လုပ်ငန်းအစီအစဉ်အရာရှိ ကိုနေမျိုးအောင်က ရှင်းပြခဲ့ပါသည်။
တဖန် ၄င်းမှ “ ယခုတကြိမ် အင်းလေးဒေသမှာ ပြုလုပ်မယ့် ရက်(၂၀)ကြာ ယင်းသင်တန်းမှာလည်း ပအိုဝ်းအမျိုးသားအဖွဲ့ချုပ်(PNO)ပါတီအနေနဲ့ ပါဝင်ပြီးတော့ တက်ရောက်ပေးစေလိုတဲ့အတွက်ကြောင့် ကျွန်တော်တို့ ယခုလို ကိုယ်တိုင်လာရောက် ဖိတ်ကြားရခြင်း ဖြစ်ပါတယ် ” ၄င်းမှ ဆက်လက်ပြောကြားခဲ့ပါတယ်။
ပအိုဝ်းအမျိုးသားအဖွဲ့ချုပ်(PNO) ဗဟိုအလုပ်အမှုဆောင် ဦးစောခွန်ကျော်ဝင်းမှ ပအိုဝ်းအမျိုးသားအဖွဲ့ချုပ်မှ ယခုလက်ရှိ ပြုလုပ်လျက်ရှိသော စွမ်းရည်မြှင့်သင်းတန်းများကို ပြန်လည်ရှင်းလင်းကာ “ မိမိတို့လည်း သင်တန်းပေးခြင်းဖြင့် မျိုးဆက်သစ်လူငယ်များကို မွေးထုတ်ပေးလျက်ရှိနေတယ်၊ ဒီ ၂၀၁၅ ခုနှစ်ထဲမှာ သင်တန်းသား/သူပေါင်း (၁၀၀၀၀)ကျော်ခန့်ကို သင်တန်းပေးနိုင်ခဲ့ပါတယ်။ ဒီ ဗဟိုဌာနချုပ်ရုံးမှာလည်း သင်တန်းနည်းပြ အယောက်(၂၀) ရှိပါတယ်။ တချို့တွေက အသက်အရွယ်အားဖြင့် ငယ်ရွယ်သော်လည်း အတွေ့အကြုံများပြီး တက်လမ်းများစွာ ရှိတဲ့ပုဂ္ဂိုလ်တွေလည်း ပါဝင်တယ်။ ဖြစ်နိုင်လျှင် ၄င်းသင်တန်းတွင် အတွေ့အကြုံရှိ မျိုးဆက်သစ်လူငယ်များကို ပါဝင်တက်ရောက်ခွင့်ရမည်ဆိုပါက ၄င်းပုဂ္ဂိုလ်တွေအတွက် အင်မတန် အကျိုးရှိမယ်လို့ မြင်မိပါတယ် ” ၄င်းမှ ပြောကြားခဲ့ပါသည်။
ခွန်ကျော်အေး(Admin)
Like On Facebook
Follow On Twitter
Subscribe On RSS