၂၀၁၅-ခုနှစ်၊ ဇွန်လ(၁၀)ရက်၊ ရှမ်းပြည်နယ်တောင်ပိုင်း၊ တောင်ကြီးမြို့၊ ပအိုဝ်းအမျိုးသားအဖွဲ့ချုပ်(PNO)ဗဟိုဌာနချုပ်ရုံးတွင် ဟိုတယ်ဝန်ဆောင်မှုပိုမိုကောင်းမွန်စေရန်အတွက် ရွှေကျွန်းမျောဟိုတယ်အုပ်စု ကုမ္ပဏီလီမီတက် လုပ်ငန်းကော်မတီများက အစည်းအဝေးပြုလုပ်ခဲ့ပါသည်။
အစည်းအဝေးတွင် အထူးဒေသ(၆) ပအိုဝ်းအမျိုးသားဟိုတယ်နှင့် ခရီးသွားလုပ်ငန်းကြီးကြပ်ရေးမှူးကော်မတီ၊ ဟိုတယ်လုပ်ငန်းကော်မတီ၊ ဟိုတယ်မန်နေဂျာများ၊ ပအိုဝ်းအမျိုးသားပိုင်ရွှေကျွန်းမျောဟိုတယ်အုပ်စု(Golden Island Cottages Hotel Group) လက်အောက်ရှိ အင်းလေး နန်းပန်ရွှေကျွန်းမျောဟိုတယ်၊ အင်းလေးသလဲဦး ရွှေကျွန်းမျောဟိုတယ်၊ ရန်ကုန်ရွှေကျွန်းမျောဟိုတယ်အုပ်စုရုံး၊ ညောင်ရွှေ ရွှေကျွန်းမျောဟိုတယ်အုပ်စု၏ ခရီးသွားရုံးတို့မှ အထွေထွေမန်နေဂျာ၊ ဒု-မန်နေဂျာများ တက်ရောက်ကြပြီး လွန်ခဲ့သည့် ၂၀၁၄-၂၀၁၅ခုနှစ် ဘဏ္ဍာရေးနှစ် လုပ်ငန်းများ အခြေအနေကို အစီရင်ခံတင်ပြပြီး ၄င်းအစီရင်ခံစာအပေါ် လုပ်ငန်း၏ အားသာချက်၊ အားနည်းချက်များကို ပြန်လည်သုံးသပ်ပြီး လာမည့် ၂၀၁၅-၂၀၁၆ ခုနှစ် လုပ်ငန်းအတွက် ကြိုတင်ပြင်ဆင်မှုများကို ဆွေးနွေးခဲ့ကြပါသည်။ ထို့အပြင် ပအိုဝ်းဒေသလူထုအခြေပြုခရီးသွား လုပ်ငန်း(community Base Tourism)ဆောက်ရွက်မည့် အခြေအနေများကို ဆက်လက်ဆွေးနွေးတင်ပြသွားကြောင်း သိရှိရပါသည်။
Kyar Aung
Like On Facebook
Follow On Twitter
Subscribe On RSS