၂၀၁၅ ခုနှစ်၊ သြဂုတ်လ (၁၇) ၊ ၁၃၇၇-ခုနှစ်၊ ၀ါခေါင်လဆန်း(၂)ရက်၊ တနင်္လာနေ့၊ နေ့လည် (၁၁း၃၀)အချိန်တွင် ပအိုဝ်းကိုယ်ပိုင်အုပ်ချုပ်ခွင့်ရဒေသ၊ ဆီဆိုင်မြို့နယ်၊ လွယ်မွန်းကျေးရွာ၊ လွယ်မွန်းဘုန်းတော်ကြီးကျောင်းတွင် ပအိုဝ်းအမျိုးသားခေါင်းဆောင် ဦးအောင်ခမ်းထီမှ ဒေသခံ ပြည်သူများအား တွေ့ဆုံပြီး သြ၀ါဒစကား မြွက်ကြားခဲ့ပါသည်။
သြ၀ါဒအမှာစကားများမှ - ` ယခုခေတ် မြန်မာနိုင်ငံ နိုင်ငံရေးသည် ပါတီစုံနိုင်ငံရေးဖြစ်သည့်အတွက် တိုင်းရင်းသား ၁၃၅ မျိုးမှ အသီးသီး အခွင့်အရေးရှိပါကြောင်း၊ အရင်ကလည်း မြန်မာနိုင်ငံတွင် ၁၉၄၈-မှ ၁၉၅၈ ခုနှစ်ထိ ပါတီစုံပါလီမာန်ဒီမိုကရေစီရွေးကောက်ပွဲ ရှိခဲ့ပြီး ၄-နှစ် တစ်ကြိမ် ရွေးကောက်ပွဲပြုလုပ်ခဲ့ကြောင်း၊ ထိုအချိ်န်တွင် ဦးနုဦးဆောင်သော ဖဆပလ အစိုးရ အုပ်ချုပ်ခဲ့ကာ နောက်ပိုင်းတွင် ဖဆပလ နှစ်ခြမ်းကွဲခဲ့ရပြီး နု-တင် ဦးဆောင်သော ပြည်ထောင်စုပါတီနှင့် ဆွေ- ညိမ်း ဦးဆောင်သော တည်မြဲဖဆပလဟူ၍ နှစ်ဖွဲ့ ကွဲခဲ့ရပါကြောင်း၊ ထိုအချိန်တွင် ပြည်သူများအနေဖြင့် မည်သည့်အဖွဲ့ကို မဲပေးရမည်ကို တွေဝေနေခဲ့ကာ တစ်ချို့မိသားစုများအတွင်းမှာပင် မိသားစုအချင်းချင်း ပါတီများအပေါ် သဘောထားကွဲပြားခဲ့ကြောင်း၊ ဒီမိုကရေစီဆိုသည်မှာ လွတ်လပ်စွာယုံကြည်ခွင့် ရှိသည့်အလျှောက် ကိုယ်ယုံကြည်ရာပါတီကို ကိုယ်ရွေးခွင့်ရှိသည့်အတွက် လူကြီးချင်း အာဏာလုနေကြပြီး ကိုယ့်မဲဆန္ဒနယ် ကိုယ်နိုင်ရေးအတွက် ကြိုးပမ်းခဲ့ကြကာ ပျဉ်းမနား (ယခု နေပြည်တော်) နေရာတွင် ငါးလောင်းပြိုင် လူသတ်မှုများပင် ဖြစ်ပွားခဲ့ပါကြောင်း၊ ဒီမိုကရေစီစနစ်ကို ကျင့်သုံးတတ်လျှင် အကျိုးရှိ၊ ကျင့်သုံးမတတ်လျှင် ကွဲပြားတတ်ပါကြောင်း။
ထိုအချိန်တွင် တောင်ကြီးမြို့ တောင်ဘက်ကျေးရွာများတွင် မဲပေးနိုင်ရေးအတွက် မြန်မာစစ်တပ်တားဆီးသည့်ကြားမှ မိမိအခွင့်အရေးကို လက်မလွတ်လိုသည့် ပအိုဝ်းပြည်သူလူထုများတစ်ချို့ အသက်ကိုပင် စတေးခဲ့ရပါကြောင်း၊ မြန်မာနိုင်ငံရေးသည်လည်း ပိုမိုရှုပ်ထွေးခဲ့ကာ ပအိုဝ်းပြည်သူလူထု၏ ကံကြမ္မာသည်လည်း စုန်ချည် နစ်ချည် ခေတ်အဆက်ဆက် ဖြတ်သန်းလာခဲ့ရပါကြောင်း၊
ပါလီမန်မိခင် အင်္ဂလန်နိုင်ငံရွေးကောက်ပွဲများတွင် မည်သူ့ကိုမျှ မသေစေပဲ တိုင်းသူပြည်သားအားလုံး ကိုယ့်အသိစိတ်ဓာတ်ဖြင့် စနစ်ကျကျမဲပေးကြကာ စနစ်ကျအောင်လည်း တာဝန်ရှိသူများ စီစဉ်ပေးကြပါကြောင်း၊ မြန်မာနိုင်ငံတွင်လည်း လွန်ခဲ့သည့် ၂၀၁၀-ခုနှစ်တွင် တိုင်းသူပြည်သား မဲပေးခဲ့ကြပြီးပြီဖြစ်ကာ အခုလာမည့် ၂၀၁၅-၊ နိုင်ဝင်ဘာ (၈)ရက်တွင်လည်း မဲပေးရတော့မည်ဖြစ်သဖြင့် ကိုယ်ဒေသအကျိုးကို တကယ်လုပ်ပေးနိုင်တဲ့ အမတ်တွေကို ပြန်ရွေးချယ်ရတော့မည်ဖြစ်ပါကြောင်း၊ အမတ်အသစ်တွေလည်း ပါလာမည်ဖြစ်ပါကြောင်း၊ ၂၀၁၀ -နဲ့မတူ ပအိုဝ်းကိုယ်ပိုင်အုပ်ချုပ်ခွင့်ရဒေသအတွင်းတွင် ယခုလာမည့်ရွေးကောက်ပွဲမှာ ဒေါ်အောင်ဆန်းစုကြည် ဦးဆောင်သော NLD ပါတီ၊ ရှမ်းတိုင်းရင်းသားကိုယ်စားပြု ကျားခေါင်းနှင့်ကျားဖြူပါတီ၊ ပအိုဝ်းမှ ပအိုဝ်းအမျိုးသားအဖွဲ့ချုပ်(PNO)ပါတီနှင့် ပအမဖပါတီများ ၀င်ပြိုင်ကြမည်ဖြစ်ပါကြောင်း၊ ကြံ့ခိုင်ရေးနှင့်ဖွံ့ဖြိုးရေးပါတီ ၀င်ပြိုင် မပြိုင်ဆိုသည်မှာ အသေအချာမသိသေးပါကြောင်း၊
ပအိုဝ်းအမျိုးသားအဖွဲ့ချုပ် (PNO)အနေဖြင့် ၁၉၉၁-ခုနှစ်တွင် ငြိမ်းချမ်းရေးယူကာ မြို့ပေါ်ရှိ ပအမဖအဖွဲ့ရှိသူများနှင့်ပူးပေါင်းကာ ပအိုဝ်းဒေသအတွင်းရှိ ဖွံ့ဖြိုးရေးလုပ်ငန်းများကို အတူလုပ်ဆောင်ခဲ့ပါကြောင်း၊ ၂၀၁၀-ခုနှစ်တွင် ပအိုဝ်းအမျိုးသားအဖွဲ့ချုပ်(PNO)နှင့်ပအမဖအဖွဲ့ဝင်များ ညီလာခံကျင်းပကာ အမျိုးသားနိုင်ငံရေးပါတီအမည်ကို အများက လက်ခံသည့် (PNO)နာမည်ဖြင့် ပါတီကိုဖွဲ့စည်းခဲ့ကြောင်း၊ သို့သော် ယခုနောက်ပိုင်း (PNO)ပါတီအပေါ် အမြင်စောင်းသော ပုဂ္ဂိုလ်များက နဂါးခေါင်းတံဆိပ်ဖြင့် ပအမဖပါတီကို ပြန်ဖွဲ့ကာ ပအိုဝ်းပြည်သူလူထုများကို တွေဝေအောင် လုပ်ဆောင်နေကြကြောင်း၊ သို့ဖြစ်၍ ပအိုဝ်းပြည်သူများအနေဖြင့် နားမယောင်ဖို့ လိုအပ်သလို လာမည့်ရွေးကောက်ပွဲတွင် မိမိဒေသအကျိုးကို တကယ်လုပ်ဆောင်ပေးနိုင်သည့် ကိုယ်စားလှယ်များကို မဲပေးဖို့လိုအပ်ကြောင်း။
ပအိုဝ်းကိုယ်ပိုင်အုပ်ချုပ်ခွင့်ရဒေသအတွင်းတွင် ပအိုဝ်းတိုင်းရင်းသားသာမက တခြားတိုင်းရင်းသားများနှင့်လည်း အတူတကွနေထိုင်ကြသည်ဖြစ်ရာ မိတ်ဆွေရင်းချာ ရှမ်းတိုင်းရင်းသားများအနေနှင့်လည်း မိမိယုံကြည်ရာ ဘယ်ပါတီကိုမဆို မဲပေးနိုင်ပါကြောင်း၊ သို့သော် မိမိဒေသအတွင်းရှိ ဖွံ့ဖြိုးရေးလုပ်ငန်းများကို မည်သူက လုပ်ဆောင်ပေးနိုင်သည်ကို အသေအချာစဉ်းစားကာ မိမိမဲများ အလဟဿမဖြစ်စေသင့်ပါကြောင်း၊ ဆီဆိုင်မြို့သည် ပအိုဝ်းကိုယ်ပိုင်အုပ်ချုပ်ခွင့်ရဒေသ အတွင်းရှိသည့်အတွက် မည်သည့်ကိုယ်စားလှယ်က မိမိဒေသလိုအပ်ချက်များကို ဆောင်ရွက်ပေးနိုင်သည် ဆိုသည်ကို အသေအချာစဉ်းစားပြီး မဲပေးသင့်ပါကြောင်း၊ (PNO)အနေဖြင့် တော်လှန်ရေးလုပ်ဆောင် နေချိန်ကစပြီး ယခုထိ ဖွံ့ဖြိုးရေးလုပ်ငန်းများလုပ်ဆောင်ရာတွင် လူမျိုးရေးအနေဖြင့် မခွဲခြားခဲ့ပါကြောင်း၊
ပအိုဝ်းတိုင်းရင်းသားများလည်း နဂါးတံဆိပ်(PNO)နှင့် နဂါးခေါင်းတံဆိပ်(ပအမဖ)ကို သေသေချာချာ ခွဲခြားသိမြင်ပြီး ကိုယ့်အသိစိတ်ဓာတ်ဖြင့် မဲပေးဖို့လိုပါကြောင်း၊ မဲပေးရာတွင် - အသက် (၁၈)နှစ် ပြည့်ပြီးသူဖြစ်ရမည်ဖြစ်ပြီး၊ အမျိုးသားမှတ်ပုံတင်ကဒ်ရှိနှင့် အိမ်ထောင်စုဇယားရှိထားဖို့လိုသလို မဲစာရင်းတွင် မိမိနာမည် ပါ မပါ ကြည့်ရှု စစ်ဆေးသင့်ကြောင်း၊ ရှမ်းပြည်တောင်ပိုင်းတွင် မဲစာရင်းမပါသူ (၁၀၀၀၀)ကျော်ခန့်ရှိသည်ဟု သတင်းရထားပါကြောင်း၊ မဲပေးခွင့်ရရှိသည်ဆိုလျှင် ပယ်မဲမဖြစ်စေဖို့အတွက် မဲပေးရာတွင် စနစ်ကျဖို့လိုပါကြောင်း၊
ယခု လာမည့် ၂၀၁၅- ရွေးကောက်ပွဲကြီးသည် အင်မတန်မှ အရေးကြီးသည့်အတွက် မိမိအသိစိတ်ဓာတ် မျိုးချစ်စိတ်ဖြင့် မဲပေးကြဖို့လိုအပ်ကြောင်း၊ ဘေးကပြောသည့်စကားများကို နားမယောင်ဖို့လိုအပ်သလို ဒေသစွဲ၊ လူမျိုးစွဲမထားပဲ မိမိတို့အကျိုးကို တကယ်သယ်ပိုးနိုင်သည့်ပုဂ္ဂိုလ်များကို ရွေးချယ်ဖို့လိုအပ်ကြောင်း၊ မိမိဒေသတိုးတက်ဖို့ ညီညီညွတ်ညွတ်ရှိရမည်ဖြစ်ပါကြောင်း သြ၀ါဒစကား မြွှက်ကြားခဲ့ပါသည်။
ခွန်ဓဇ(ဟိုနမ်း)
Like On Facebook
Follow On Twitter
Subscribe On RSS