နိုင်ငံတစ်နိုင်ငံတည်ဆောက်ရာတွင် လိုအပ်သည်များမှာ ပြည်သူ(လူဦးရေ)၊ နယ်နိမိတ်၊ အစိုးရ စသည်တို့ကိုရှိရမည့်အပြင် နိုင်ငံကိုထိန်းကျောင်းမည့်ပုံစံ(ဒီမိုကရေစီ၊ ဆိုရှယ်လစ်…)ကို အခြေခံသည့် ဖွဲ့စည်းပုံအခြေခံဥပဒေတို့ဖြစ်သည်။ နိုင်ငံ၏အခြေခံအုတ်မြစ်ဖြစ်သော ဖွဲ့စည်းပုံအခြေခံဥပဒေ ကို အခြေခံ၍ ဥပဒေများကို ထပ်မံရေးဆွဲပြီး လိုအပ်သော နည်းဥပဒေများနှင့် လုပ်ထုံးလုပ်နည်းများ ကိုရေးဆွဲကာ တိုင်းပြည်နိုင်ငံအုပ်ချုပ်ကြသည်ကို တွေ့ရသောကြောင့် လူတိုင်းသည် ဥပဒေများကို သိရှိထားရန် လိုအပ်ပါသည်။
နိုင်ငံသားတိုင်းသည် နိုင်ငံ၏ဥပဒေများကိုသိရှိမှသာ ဥပဒေများသည် နိုင်ငံသားများကို မည်သို့အကာကွယ်ပေးသည် စသည်တို့ကိုသိရှိနိုင်မည်ဖြစ်သည်။ ဥပဒေများကိုအခြေခံပြီး နိုင်ငံသားတို့သည် မိမိတို့၏အရေးအရာ(စီးပွားရေး၊ လူမှုရေး၊ ပညာရေး…)တို့ကို မည်ကဲ့သို့ လုပ်ဆောင်နိုင်မည်ကို သိရှိနိုင်မည်ဖြစ်သည်။ ဥပဒေများကို မသိရှိ၊ မလေ့လာဘဲ မိမိတို့၏ အရေးအရာများကို ဆောင်ရွက်သောအခါဥပဒေများနှင့်မလွတ်ကင်းပါက ဥပဒေများသည် မိမိတို့ကိုခွင့်လွတ်မည် မဟုတ်ဘဲ အရေးယူမည်ကို စာဖတ်သူများသိရှိထားပြီးဖြစ်ကြောင်း မိမိအနေဖြင့်ယုံကြည်ပါသည်။ ထို့ကြောင့် ထင်ရှားသော ပုဂ္ဂိုလ်များသည် ၎င်းတို့လုပ်ငန်းများ ဆောင်ရွက်သောအခါ ဥပဒေများနှင့် မလွတ်ကင်းသည့်အရာများကို မလုပ်ဆောင်မိစေရန် ဥပဒေအကြံပေးပုဂ္ဂိုလ်များ ထားရှိသည်ကို ကြည့်ခြင်းအားဖြင့် ဥပဒေ၏ အရေးပါအရာရောက်မှုကို သိရှိနိုင်သည်။
အထက်တွင်ဖော်ပြထားသည့်အတိုင်း နိုင်ငံသားများသည် မိမိတို့၏အရေးအရာများကို လုပ်ဆောင်သည့်အခါ ဥပဒေများကို လိုက်နာပြီးဆောင်ရွက်ရမည်ဖြစ်သည်။ သို့သော် မိမိတို့ ပအိုဝ်းလူမျိုးများသည် များသောအားဖြင့် မိမိတို့အရေးအရာများကို လုပ်ဆောင်ကြရာတွင် ဥပဒေများက မည်ကဲ့သို့ပြဌာန်းထားသည်ကို မလေ့လာဘဲ စိတ်ထင်သည့်အတိုင်း လုပ်ဆောင်နေကြသည် ကိုတွေ့ရသည်။ ထိုသို့ဥပဒေများပြဌာန်းထားသည့်အတိုင်း မလုပ်ဆောင်၍ ဥပဒေများက အရေးယူသည့်အခါ မည်ကဲ့သို့ပြန်လည်ချေပရသည်ကို မသိရှိသည့်အတွက် အကူအညီများကို လိုက်ရှာရပါသည်။ ထိုအခြေအနေသို့ရောက်သောအခါ အခြားပုဂ္ဂိုလ်များက ခြောက်တစ်ခါချောတလဲ့ လုပ်ဆောင်ပြီး ငွေကြေးများကိုမြောက်များစွာတောင်းသော်လည်း မသိမနားလည်သည့်အတွက် ခေါင်းငြိမ့်ပြီးပေးလိုက်ရသည်။ မိမိတို့သည်တရားဥပဒေများကို သိရှိနားလည်မှုမရှိသောကြောင့် မိမိတို့ပအိုဝ်းလူမျိုးများအပေါ် တခြားပုဂ္ဂိုလ်များ၏ အထင်းသေးမှုများကိုခံခဲ့နေရပါသည်။
မိမိအနေဖြင့် ငယ်စဉ်အခါတွင် ပအိုဝ်းလူမျိုးဖြစ်သည့်အတွက် ပအိုဝ်းဝတ်စုံကိုအမြတ်တနိုး တန်ဖိုးထားပြီး ၀တ်ဆင်လေ့ရှိသည်။ အခါကြီးရက်ကြီးများနှင့် ပွဲလမ်းသဘင်မဟုတ်သော်လည်း သက္ကလပ်မဟုတ်သည့် ရိုးရိုးပအိုဝ်းဘောင်းဘီကိုဝတ်ဆင်ပြီး ပအိုဝ်းလွယ်အိတ်ကို အမြဲလွယ်လေ့ ရှိသည်။ ထိုသို့ ပအိုဝ်းဘောင်းဘီနှင့် ပအိုဝ်းလွယ်အိတ်ကို ၀တ်ဆင်ပြီးတောင်ကြီးမြို့ကို ဆိုင်ကယ်ဖြင့် တက်လာသောအခါ မြို့အ၀င်ပေါက်ရောက်လာသောအခါ ယာဉ်ထိန်းများသည် အမြဲတမ်းလိုလို မိမိမောင်းနင်သော ဆိုင်ကယ်ကိုရပ်စေပြီး ယာဉ်လိုင်စင်၊ မောင်းလိုင်စင်များကိုစစ်ဆေးပါသည်။ မိမိအနေဖြင့် ယဉ်မောင်းလိုင်စင်မရှိသည့်အတွက် ဒဏ်ရိုက်ခြင်းကိုခံခဲ့ရပါသည်။
ထိုသို့ကားလမ်းတစ်လျှောက်လုံးတွေ ကား၊ ဆိုင်ကယ်အများအပြား သွားလာနေကြသော်လည်း ယာဉ်ထိန်းများသည် ဆိုင်ကယ်များအားလုံးကိုရပ်စေပြီး စစ်ဆေးမှုများဆောင်ရွက်မှုများမရှိဘဲ အချို့ကိုသာ စစ်ဆေးမှုလုပ်နေသည်ကို မိမိအားအထူးအဆန်းဖြင့် မြင်နေရပါသည်။ စာရေးသူနှင့်အတူ အခြားသော ဆိုင်ကယ်သမားများကိုလည်း ဥပဒေများဖြင့် စစ်ဆေးမှုပြုလုပ်နေကြသည်ကို တွေ့ရပြီး ထိုသူတို့သည် များသောအားဖြင့် ပအိုဝ်းလူမျိုးတို့၏ အမှတ်သင်္ကေတ တစ်ခုခု(လွယ်အိတ်၊ အလံ၊ ဘောင်းဘီ…..)ပါသူများဖြစ်ကြပါသည်။
ထို့နောက် မိမိသည် တောင်ကြီးမြို့မဈေးသို့ရောက်လာပြီး မြင်တွေ့ရသောမြင်ကွင်းတစ်ခုတွင် ပအိုဝ်းဝတ်စုံဝတ်ဆင်ထားပြီး ဗမာစကားကို ကောင်းကောင်းမပြောနိုင်သော အမျိုးသမီး (၂)ဦးကိုတွေ့ရသည်။ ထိုအမျိုးသမီးများသည် ဆိုင်တစ်ဆိုင်တွင် ဈေးဝယ်ရန်ပစ္စည်းများကို ရွေးနေကြပြီးကြိုက်နှစ်သက်မှု မရှိသည့်အတွက် မ၀ယ်ယူဘဲပြန်ထွက်သွားသည်ကို ဆိုင်ရှင်က အော်ငေါက်ပြီး “မင်းတို့ယူကြည့်ပြီးပြီလေ မယူလို့ဘယ်ရမှာလဲ” စသည်ဖြင့်ပြောပြီး ပစ္စည်းကို အတင်းယူခိုင်းရာ ထိုအမျိုးသမီး(၂)ဦးသည် မိမိတို့မနှစ်သက်သည့်ပစ္စည်းများ ၀ယ်ယူရသည်ကို တွေ့ရသည်။ ထိုအချက်များကို သုံးသပ်ကြည့်ပါက မိမိတို့ပအိုဝ်းလူမျိုးများက ဥပဒေသည် နိုင်ငံသားများကို မည်ကဲ့သို့ အကာအကွယ်ပေးသည်ကို မသိရှိခဲ့သည့်အတွက် ပြန်လည်ခုခံနိုင်မှု မရှိခြင်းဖြစ်သည်။
ထိုသို့သော လက်တွေ့သာဓကများကိုဤဆောင်းပါးတွင် ထည့်ရေးမည်ဆိုပါက စာမျက်နှာသာ များပြားနေမည်ဖြစ်ပြီး စာဖတ်ပရိတ်သတ်များ ငြီးငွေ့သွားပါလိမ့်မည်။ အဘယ်ကြောင့်ဆိုသော် မည်သည့်နေရာတွင်မဆို သူများသည် ပအိုဝ်းလူမျိုးတို့ကိုအထင်သေးမှုများကို လုပ်နေကြသည်မှာ နေရာအများအပြားတွင် တွေ့နေရသောကြောင့်ဖြစ်သည်။ အထူးသဖြင့် အစိုးရဌာနများနှင့် ဈေးဆိုင်များတွင် ပအိုဝ်းရုပ်ပေါက်နေသောသူများကို လေးစားမှုမရှိသည် အပြုအမူများကို တွေ့ရပါသည်။ အခုခေတ်ပအိုဝ်းလူငယ်များအချို့သည် မိမိတို့၏ရိုးရာဝတ်စုံများကို အမြတ်တနိုး တန်ဖိုးထားမှုအားနည်းလာသည်မှာ မိမိတို့၏အ၀တ်အစားများကို ၀တ်ဆင်သည့်အခါ လူအများ၏ အထင်သေးအမြင်သေးသော အမူအကျင့်များကို ပြုလုပ်ခံရခြင်း (သို့မဟုတ်) မြင်နေရခြင်းကြောင့် ဖြစ်သည်။ ပအိုဝ်းအားလုံးကိုရေးသားထားခြင်းမဟုတ်ပါ နားလည်မှုပေးပြီး ဖတ်ပေးပါရန် မေတ္တာရပ်ခံပါသည်။
ဤကဲ့သို့ပအိုဝ်းလူမျိုးတို့၏အားနည်းချက်များကို ရေးသားဖော်ပြနေသည်မှာ ပအိုဝ်းလူမျိုးကို အထင်သေးလိုသောစိတ်မရှိပါ ပအိုဝ်းလူမျိုးများသည် ဥပဒေများကို ကောင်းစွာ လေ့လာသိရှိနားလည်ပြီး လူများအလည်တွင် ခေါင်းမော့ရင်ကော့စွာ နေနိုင်စေလိုသော ဆန္ဒသက်သက်ဖြင့်သာ ဤဆောင်းပါးကို ရေးရခြင်းဖြစ်ပါသည်။ ထို့ကြောင့် အနာဂတ်ပအိုဝ်း မျိုးဆက်သစ်လူငယ်များသည် နိုင်ငံတစ်နိုင်၏ အသက်သွေးကြောတစ်ခုဖြစ်သောဥပဒေများကို ကောင်းမွန်စွာလေ့လာသိရှိ ထားရန်လိုအပ်ပါသည်။
အနာဂတ်တွင် မိမိတို့ပအိုဝ်းလူမျိုးသည် ဥပဒေများကို ကောင်းစွာနားလည်ထားမှသာ မိမိတို့အရေးအရာများနှင့် အမျိုးသားရေးလုပ်ငန်းများဖြစ်သော (နိုင်ငံရေး၊ စီးပွားရေး၊ လူမှုရေး၊ ပညာရေး၊ ရိုးရာဓလေ့ထုံးတမ်းများနှင့် ယဉ်ကျေးမှုများ…..) စသည်တို့ကိုလုပ်ဆောင်ကြသည့်အခါ ဥပဒေဘောင်အတွင်း ကောင်းမွန်စွာလုပ်ဆောင်နိုင်ပြီး လူအများတို့၏ လိမ်လည်မှုများကိုလည်း ရှောင်ကျဉ်နိုင်မည်ဖြစ်သည်။ အနာဂတ်တွင် လူတို့သည် မိမိတို့၏အရေးအရာများ ဆောင်ရွက်သည့်အခါ ဥပဒေဘောင်အတွင်းတွင်သာ လုပ်ဆောင်ရမည်ဖြစ်သည်။ ထိုကြောင့် ပအိုဝ်းအမျိုးသားများသည် လူတို့၏ကိစ္စအ၀၀ကိုလုပ်ဆောင်ရာတွင် ဥပဒေဘောင်အတွင်း ထိရောက်စွာလုပ်ဆောင်နိုင်စေရန် ဥပဒေများကို လေ့လာသိရှိရန် လိုအပ်ပါကြောင်း တင်ပြရပါသည်။..
ခွန်လာထို(ကောင်ရွဉ်)
Like On Facebook
Follow On Twitter
Subscribe On RSS