မြန်မာဘရူဝါရီ လီမိတက် ကရုဏာရှေးရှုမြန်မာမှုအစီအစဉ်၏ (၁၈)ကြိမ်မြောက် စုပေါင်းသွေးလှူဒါန်းပွဲ ပြုလုပ်ကျင်းပ

တောင်ကြီး၊ ၂၀၁၆ ခုနှစ်၊ ဇွန်လ (၂၇) ရက်

၂၀၁၆-ခုနှစ် ဇွန်လ (၂၇) ရက် နံနက် ၁၀နာရီအချိန် တောင်ကြီးမြို့ စစ်စံထွန်း အထွေထွေရောဂါကု ပြည်သူ့ဆေးရုံကြီးတွင် မြန်မာဘရူဝါရီလီမိတက် ကရုဏာရှေးရှုမြန်မာမှုအစီအစဉ်မှ ကြီးမှုး၍ (၁၈)ကြိမ်မြောက်စုပေါင်း သွေးလှူဒါန်းပွဲ ပြုလုပ်ကျင်းပခဲ့ကြောင်း သိရသည်။
ရှေးဦးစွာ  Mr.Takeshi Minakata (MD)က နှုတ်ခွန်းဆက်စကားပြောကြားပေးခဲ့ပြီး မြန်မာဘရူဝါရီလီမိတက်မှ အမျိုးသားသွေးလှူဘဏ်သို့ အလှူငွေ (ငါးသိန်းကျပ်)ပေးအပ်လှူဒါန်းခြင်း Mr.Takeshi Minakata (MD)နှင့် စ၀်စံထွန်းဆေးရုံအုပ်ကြီး ဒေါက်တာဦးစိုးထွန်းအောင်တို့က ဂုဏ်ပြုလွှာပေးအပ်လက်ခံရယူခြင်း ရှမ်းပြည်နယ်တောင်ပိုင်း၊ စ၀်စံထွန်းဆေးရုံကြီးမှ ရောဂါဗေဒဆရာဝန်ကြီး ဒေါက်တာနှင်းဝတ်ရည်မြင့်မှ သွေးလှူဒါန်းခြင်းကြောင်း ရရှိနိုင်သော အကျိုးကျေးဇူးများကို ရှင်းလင်းပေးခဲ့ကြောင်း သိရှိရပါသည်။
 ၁၉၉၅ ခုနှစ်မှ စတင်တည်ထောင်ခဲ့သည့် မြန်မာဘရူဝါရီလီမိတက်သည် မြန်မာနိုင်ငံတွင် ရှေ့ဆောင်လမ်းပြကုမ္ပဏီတစ်ခုအဖြစ်ခိုင်မာစွာရပ်တည်နိုင်ခဲ့ပါပြီ။ ကုမ္ပဏီစတင်တည်ထောင်စဉ်ကပင် ကုမ္ပဏီအား အကျိုးပြုနေသည့်တိုင်းပြည်နှင့် နိုင်ငံသားများအပေါ် ပြန်လည်ပေးဆပ်ရေးသည် အရေးကြီးသည့် ကုမ္ပဏီ၏ရည်မှန်းချက်(၇)ရပ်တွင် တစ်ရပ်အပါအ၀င်ဖြစ်ပါသည်။ ဤရည်မှန်းချက်ကို ပြည့်မြောက်အောင် ကြိုးစားရာတွင် လူမှုရေး၊ ပညာရေး၊ ကျန်းမာရေး၊ အားကစားနှင့် သဘာဝဘေးအန္တရာယ်ပြန်လည်ထူထောင်ရေး စသည့်ကဏ္ဍများတွင် ပြည့်စုံအောင် ကြိုးစားရန်ရည်မှန်းခဲ့ကြပြီး ယခုပြုလုပ်မည့် သွေးလှူဒါန်းပွဲအစီအစဉ်သည် ကျန်းမာရေးကဏ္ဍမှာ လူနာများအတွက် အရေးပါသည့် လှူဒါန်းမှုသာမက လှူဒါန်းသူများကိုယ်တိုင် ကျန်းမာရေးကို ဂရုပြုစေသော လှူဒါန်းမှုလည်းဖြစ်ပါသည်။
ဤကဲ့သို့ ၂၀၁၆-ခုနှစ်မှစတင်ခဲ့သော ကရုဏာရှေးရှုမြန်မာမှုအစီအစဉ်မှ ကျင်းပသောသွေးလှူပွဲများတွင် တစ်နှစ်ထက်တစ်နှစ် သွေးလှူဒါန်းသူများ ပိုမိုတိုးတက်လာခဲ့ပါသည်။ စုပေါင်းသွေးလှူဒါန်းပွဲများကိုလည်း မြန်မာနိုင်ငံရှိ မြို့ကြီးများတွင် ကျင်းပပြုလုပ်ခဲ့ပါသည်။ သွေးလှူဒါန်းခြင်း၏ အရေးကြီးမှုကို ပိုမိုနားလည်လာစေရန်၊ အရေးပေါ်လူနာများအတွက် အချိန်မှီသွေးလုံလောက်စွာ ရရှိနိုင်စေရန်နှင့် စီးပွားဖက်/မိတ်ဖက်ဆိုင်ရှင်ကြီးများနှင့် ၀န်ထမ်းများကို အသက်ကယ်သူများဖြစ်လာအောင် စုစည်းနိုင်ရန်ရည်မှန်း၍ မြန်မာဘရူဝါရီလီမိတက်၏ ကရုဏာရှေးရှုမြန်မာမှုအစီအစဉ်မှ စုပေါင်းသွေးလှူဒါန်းပွဲများကို ကျင်းပခြင်းဖြစ်ပါသည်။
မြန်မာဘရူဝါရီလီမိတက်မှ ၀န်ထမ်းများနှင့် စီးပွားဖက်မိတ်ဆွေများသည် သွေးလှူဒါန်းပွဲများကို အောင်မြင်စွာ ပြုလုပ်ခဲ့ပြီး လူနာများလိုအပ်သည့် သွေးများကို လှူဒါန်းလိုသည့် စေတနာများပေါင်းစပ်၍ စုပေါင်းသွေးလှူဒါန်းပွဲများကို ရန်ကုန်နှင့်မန္တလေးမြို့တို့တွင်  နှစ်စဉ်မပျက်ဦးဆောင်ပြုလုပ်ခဲ့ရာ မိမိတို့၏ ၀န်ထမ်းများနှင့် မိသားစုများ သာမက စေတနာသွေးလှူရှင်စီးပွားဖက် ဆိုင်ရှင်ကြီးများနှင့် ၀န်ထမ်းများနှစ်စဉ် စေတနာအပြည့်ဖြင့် လာရောက်လှူဒါန်းခဲ့ကြသောကြောင့် တစ်နှစ်ထက်တစ်နှစ် ပိုမိုများပြားသည့် သွေးပုလင်းများကို လက်ခံရရှိရုံသာမက ရောဂါပိုးသန့်စင်သော သွေးလှူရှင်များလည်း တိုးတက်များပြားလာသည်ကို မျက်မြင်ဒိဋ္ဌတွေ့မြင်လာရပါသည်။
ကရုဏာရှေးရှုမြန်မာမှု အစီအစဉ်မှ ကြီးမှုးသည့် (၁၈)ကြိမ်မြောက် သွေးလှူဒါန်းပွဲအခမ်းအနားကို ၂၀၁၆ခုနှစ် ဇွန်လ ၁ ရက်နေ့တွင် မြန်မာဘရူဝါရီလီမိတက် စက်ရုံTavern ခန်းမနှင့် ၂၀၁၆ခုနှစ် ဇွန်လ ၁၀ရက်နေ့တွင် အမျိုးသားသွေးလှူဘဏ် ရန်ကုန်တို့တွင် ကျင်းပပြုလုပ်ခဲ့ရာ သွေးပုလင်းပေါင်း(၅၀၄)ပုလင်းရရှိခဲ့ပြီး၊ ဇွန်လ (၂၃)နှင့်(၂၄)ရက်နေ့တွင် မန္တလေးမြို့တွင် ကျင်းပသောသွေးလှူဒါန်းပွဲတွင်လည်း သွေးပုလင်းပေါင်း (၄၉၀) ပုလင်းရရှိခဲ့ပြီး ကရုဏာရှေးရှု မြန်မာမှုအစီအစဉ်မှ စုစုပေါင်းသွေးပုလင်းပေါင်း(၁၅,၅၉၀)ပုလင်းကို ယခုအချိန်ထိ လှူဒါန်းပြီးဖြစ်ကြောင်း သိရှိရပါသည်။
၎င်းအဖွဲ့သည် လာမည့် သြဂုတ်လနှင့် စက်တင်ဘာလလောက်တွင် ဧရာဝတီတိုင်း၊ ပဲခူးမြို့၊ တောင်ငူနှင့် မော်လမြိုင် စသောဒေသများသို့လည်း သွားရောက်လှူဒါန်းသွားမည်ဖြစ်ကြောင်း သိရှိရပါသည်။ ဒီအလှူကို ပြုလုပ်ရခြင်း၏ ရည်ရွယ်ချက်မှာ ၁။ ဆရာဝန်တစ်ယောက်ဖြစ်စရာမလိုဘဲ သူတစ်ပါးအသက်ကို ကယ်တင်နိုင်ခြင်း။ ၂။ အယုတ်အလတ်အမြတ်မရွေး တစ်ယောက်နှင့်တစ်ယောက်ခွဲခြားမှုမရှိဘဲ ဆက်သွယ်နိုင်ခြင်း စသည့်အချက်များအပြင် အခြားကောင်းမွန် အကျိုးရှိသောအရာများစွာတို့ကြောင့် သွေးလှူဒါန်းပွဲများကို ပြုလုပ်လှူဒါန်းရခြင်းဖြစ်ကြောင်း သိရှိရပါသည်။ ၎င်းအဖွဲ့သည် အဓိကလုပ်ဆောင်နေသော လုပ်ငန်းများမှာ ပညာရေး၊ ကျန်းမာရေး၊ အားကစားနှင့် သဘာဝဘေးအန္တရာယ်ကယ်ဆယ်စောင့်ရှောက်ရေး စသည့်အရာများ အဓိကထားဆောင်ရွက်နေပါကြောင်း ကျန်းမာရေးကဏ္ဍတွင် သွေးလှူခြင်း အသည်းရောင်အသားဝါ ဘီပိုး ကာကွယ်ဆေးထိုးပေးခြင်း နှုတ်ခမ်းကွဲ အာခေါင်ကွဲကလေးများ ကုသပေးခြင်း ဆားတ်ရောဂါ ရှာဖွေရေးစက်၊ H1N1 ရောဂါရှာဖွေရေးစက်များကို ကျန်းမာရေးဝန်ကြီးဌာသို့ လှူဒါန်းခြင်း အားကစားကဏ္ဍတွင် ကျန်းမာရေးနှင့်အားကစားလှုပ်ရှားမှု အစီအစဉ်များကို ပြုလုပ်ပေးခြင်း ပညာရေးကဏ္ဍတွင် စာသင်ကျောင်းဆောင်နှင့်စာကြည့်တိုက်များ ဆောက်လုပ်လှူဒါန်းခြင်း သဘာဝအန္တရာယ်ဏ္ဍမှာတော့ မီးဘေး၊ ရေဘေးများတွင် ပါဝင်ကူညီ လှူဒါန်းခြင်း စသောအစီအစဉ်ပေါင်းများစွာဖြင့် တိုင်းပြည်နှင့် လူမျိုးအပေါ်ပြန်လည်ပေးလျှက်ရှိကြောင်း သိရှိရပါသည်။
၎င်းတို့အနေဖြင့် တကယ့်ကိုဖြစ်သောနေရာ လှူဒါန်းချင်သောနေရာများကို ကွင်းဆင်းလေ့လာခြင်း တတ်ကျွမ်းနားလည်သော လူမှုကယ်ဆယ်ရေးနှင့် အကျိုးပြုလုပ်ငန်းများတွင် တကယ့်ကို အတွေ့အကြုံရှိသောလူများနှင့် တိုင်ပင်ပြီးမှသာ ဆောင်ရွက်လျှက်ရှိကြောင်း ယခုအချိန်တွင် စစ်ကိုင်းမြို့ ဇီဝိတဒါန ဆေးရုံကြီးကို သွားရောက်လေ့လာလျှက်ရှိပြီး ရေသန့်စင်စက်များ ခြင်ပြေးစက်များကို မကြာခင် လှူဒါန်းနိုင်အောင် ကြိုးပမ်းလျှက်ရှိကြောင်း သိရှိရပါသည်။
မြန်မာဘရူဝါရီလီမိတက်ဝန်ထမ်းများနှင့် စီးပွားဖက်/ မိတ်ဖက်ဆိုင်ရှင်များ ၀န်ထမ်းများ ပူးပေါင်းပါဝင်သော သွေးလှူဒါန်းပွဲကို နံက် ၁၁း၄၅အချိန်တွင်  အောင်မြင်စွာကျင်းပပြီးစီးကြောင်း သတင်းရရှိသည်။

ခွန်ထွိုက်ခမ်း၊ ခွန်ပန်းစိန်