၂၀၁၆-ခုနှစ်၊ ဇွန်လ(၂၂)ရက်နေ့ နေ့လယ်(၁း၄၀)နာရီအချိန်တွင် Smart Consultancy Group, Programme Development , M & E and Accountability Specialist မှ Team Leader ဦးခင်မောင်လွင်၊ ဒါနရှေ့ဆောင်မြန်မာ(COM)အဖွဲ့မှ Project Manager ဦးကိုကိုမောင်၊ ဖန်တီးအိမ်အဖွဲ့မှ Program Coordinator ကိုဝင်းပိုက်မျိုးနှင့် Trocaire အဖွဲ့မှ Project Officer မပြည့်ပြည့်ဖြိုးဆွေ တို့နှင့် အဖွဲ့ကိုယ်စားလှယ်များက ပအိုဝ်းအမျိုးသားအဖွဲ့ချုပ်(PNO)၊ ဗဟိုဌာနချုပ်ရုံး တာဝန်ရှိပုဂ္ဂိုလ်များအား ပအိုဝ်းအမျိုးသားအဖွဲ့ချုပ်(PNO)၊ ဗဟိုဌာနချုပ်ရုံး၌ လာရောက်တွေ့ဆုံခဲ့သည်။
ထိုအဖွဲ့များကို ပအိုဝ်းအမျိုးသားအဖွဲ့ချုပ်(PNO)မှ ရုံးအဖွဲ့မှူး ဦးစောခွန်ကျော်ဝင်း၊ လေ့ကျင့်ပညာပေးရေးဌာန ဌာနမှူး ခွန်ဆောင်းရွှေတို့က အဖွဲ့အစည်းကိုယ်စား လက်ခံတွေ့ဆုံဆွေးနွေးခဲ့ကြောင်း သတင်းရရှိခဲ့ပါသည်။
ထိုသို့တွေ့ဆုံရာတွင် ၎င်းအဖွဲ့တို့မှ ဖွင့်လှစ်ခဲ့သည့်သင်တန်းများ၊ အလုပ်ရုံဆွေးနွေးပွဲများ၊ စကားဝိုင်းများတက်ရောက်မှုအပေါ်အခြေခံပြီး အသိပညာမြှင့်တင်ရေးပညာပေးလုပ်ငန်းပြန်လည်မျှဝေရာတွင် ဒေသခံပြည်သူလူထုများအတွက် သက်ရောက်မှု(ကောင်းကျိုး၊ဆိုးကျိုး)များ၏ အခြေအနေများကို ခေါင်းစဉ်အလိုက်အသေးစိတ် ပြန်လည်သုံးသပ်ခဲ့ကြောင်း၊ လူငယ်စင်တာဖွင့်လှစ်မှုအပေါ် အမြင်များ၊ တွေ့ရှိချက်များကို အပြန်အလှန်ဖလှယ်ခဲ့ကြောင်း၊ လုပ်ငန်းများရှေ့ဆက်လုပ်ဆောင်ရာတွင် ဒေသခံပြည်သူများ အမှန်တကယ်လိုအပ်သည့်အရာများကို အပြန်အလှန်အဆိုပြုဆွေးနွေးခဲ့ကြောင်း၊ စီမံကိန်းများဆက်လက်ဆောင်ရွက်ရာတွင် ဒေသခံပြည်သူများနှင့် တိုက်ရိုက်ပူးပေါင်းဆောင်ရွက်နိုင်သည့် စီမံကိန်းများဖြင့် ဒေသခံပြည်သူများသည် စာရင်းဇယားကိုင်တိုယ်မှုအခန်းကဏ္ဍနှင့် တာဝန်ယူ/တာဝန်ခံမှု အခန်းကဏ္ဍများ များစွာတိုးတက်လာမည်ဖြစ်သည့်အကြောင်းကို အကျယ်တ၀င့် အပြန်အလှန် ဆွေးနွေးခဲ့ကြပါသည်။
ခွန်သွောင်းထို (ခွန်ဖြားဗွာခမ်း)
Like On Facebook
Follow On Twitter
Subscribe On RSS