၂၀၁၆ခုနှစ်၊ ဇွန်လ (၁၃) ရက် ပအိုဝ်းအမျိုးသားအဖွဲ့ချုပ် (PNO)၊ ဗဟိုဌာနချုပ်ရုံး၊ ပြန်ကြားရေးဌာနမှ ဦးဆောင်၍ အခြေခံသတင်းရေးသားနည်း သင်တန်းကို ပအိုဝ်းကိုယ်ပိုင်အုပ်ချုပ်ခွင့်ရဒေသ ပင်လောင်းမြို့နယ်၊ ပအိုဝ်းအမျိုးသားအဖွဲ့ချုပ် (PNO) ပါတီရုံးတွင် ဖွင့်လှစ်ခဲ့ကြောင်း သိရှိရပါသည်။
ထိုသင်တန်းများဖွင့်လှစ်ရခြင်းရည်ရွယ်ချက်မှာ ပင်လောင်းမြို့နယ်အတွင်းရှိ မျိုးဆက်သစ်လူငယ်များ အခြေခံသတင်းရေးသားနည်းအကြောင်းအရာများကို သိရှိနားလည်နိုင်ရန်နှင့် သတင်းများရေးသားပုံ ရေးသားနည်းသိရှိနိုင်ရန်၊ မြို့နယ်သတင်းထောက်များ ပေါ်ပေါက်လာနိုင်ရန်၊ မြို့နယ်/ကျေးရွာဒေသရှိ ဖြစ်ပျက်နေသော အကြောင်းအရာများကို အချိန်မှီသတင်းများရေးသားနိုင်ရန် စသည့်ရည်ရွယ်ချက်ဖြင့် ဖွင့်လှစ်ခဲ့ပါသည်။
ထိုသင်တန်းတွင် မီဒီယာနှင့်ပတ်သက်သည့် အခန်းကဏ္ဍများ၊ Social Media အကြောင်းအရာများကို ဇွန်လ(၁၃) ရက်နေ့မှ (၁၅) ရက်နေ့အထိ ဖွင့်လှစ်သွားမည် ဖြစ်ပါသည်။ ထိုသင်တန်းသို့ သင်တန်းသူ/သားများ (၁၀၀)ဦးခန့် တက်ရောက်လေ့လာနေကြောင်း သိရှိရပါသည်။
နန်းဆားတဲုင်
Like On Facebook
Follow On Twitter
Subscribe On RSS