ပအိုဝ်းကိုယ်ပိုင်အုပ်ချုပ်ခွင့်ရဒေသ ဆီဆိုင်မြို့နယ် ပါလောပါကယ်ကျေးရွာအုပ်စု ဆိုက်ခေါင်စံပြကျေးရွာတွင် တိုက်နယ်ပြည်သူ့ဆေးရုံသစ်ဖွင့်ပွဲ အခမ်းအနားကို ၂၁-၇-၂၀၁၆ ခုနှစ် ကြာသပတေးနေ့ နံနက် ၁၀း၀၀နာရီအချိန်တွင် အောင်မြင်စွာ ဖွင့်လှစ်လိုက်ပြီ ဖြစ်ကြောင်း သိရှိရပါသည်။
ရှေးဦးစွာ ဆိုက်ခေါင်စံပြကျေးရွာ တိုက်နယ်ပြည်သူ့ဆေးရုံအား ပြည်နယ်လူမှုရေးဝန်ကြီး ဒေါက်တာမျိုးထွန်း၊ လုံခြုံရေးနှင့်နယ်စပ်ရေးရာဝန်ကြီး ဗိုလ်မှူးကြီးစိုးမိုးအောင်၊ ပအိုဝ်းကိုယ်ပိုင်အုပ်ချုပ်ခွင့်ရဒေသ ဦးစီးဥက္ကဋ္ဌ ဦးခွန်စံလွင်၊ ကျန်းမာရေးဦးစီးဌာန ဒုတိယညွန်ကြားရေးမှူးချုပ် ဒေါက်တာသန်းထွဋ်ဦး၊ နယ်စပ်ဒေသတိုင်းရင်းသားလူမျိုးများ ဖွံ့ဖြိုးရေးဦးစီးဌာန ဒုတိယညွန်ကြားရေးမှူး ဦးမြင့်စိုးတို့မှ ဖဲကြိုးဖြတ် ဖွင့်လှစ်ပေးခဲ့ပြီး ရှမ်းပြည်နယ်အစိုးရအဖွဲ့ ပြည်နယ်ဝန်ကြီးချုပ် ဒေါက်တာလင်းထွဋ်မှ ကမ္ဗည်းမော်ကွန်းအား စက်ခလုတ်နှိပ် ဖွင့်လှစ်ပေးခဲ့ပါသည်။
ထို့နောက် ရှမ်းပြည်နယ်အစိုးရအဖွဲ့နှင့် ပအိုဝ်းကိုယ်ပိုင်အုပ်ချုပ်ခွင့်ရဒေသ ဦးစီးအဖွဲ့တို့သည် ဆိုက်ခေါင်စံပြကျေးရွာ တိုက်နယ်ပြည်သူ့ဆေးရုံကို လှည့်လည်ကြည့်ရှု့စစ်ဆေးကာ ရှမ်းပြည်နယ်အစိုးရအဖွဲ့ ပြည်နယ်ဝန်ကြီးချုပ် ဒေါက်တာလင်းထွဋ်၊ ကျန်းမာရေးနှင့် အားကစားဝန်ကြီးဌာန၊ ကျန်းမာရေးဦးစီးဌာန ဒုတိယ ညွန်ကြားရေးမှူးချုပ် ဒေါက်တာသန်းထွဋ်ဦးတို့က အဖွင့်အမှာစကားပြောကြားပေခဲ့ခြင်း၊ ပအိုဝ်းကိုယ်ပိုင် အုပ်ချုပ်ခွင့်ရဒေသ ဦးစီးဥက္ကဋ္ဌ ဦးခွန်စံလွင်မှ ကျေးဇူးစကားပြောကြားပေးခဲ့ပြီး အမှတ်တရ လက်ဆောင်ပစ္စည်းများကို ပါလောပါကယ်ကျေးရွာအုပ်ချုပ်ရေးမှူးကိုယ်စား ရပ်မိရပ်ဖဦးခွန်ထွန်းငယ်နှင့်အဖွဲ့မှ ဧည့်သည်တော် များထံ အရောက်ပေးအပ်ခဲ့ကြောင်း သိရှိရပါသည်။
ပအိုဝ်းကိုယ်ပိုင်အုပ်ချုပ်ခွင့်ရဒေသ ဆီဆိုင်မြို့နယ် ပါလောပါကယ်ကျေးရွာအပ်စု ဆိုက်ခေါင်စံပြကျေးရွာ တိုက်နယ်ပြည်သူ့ဆေးရုံဖြစ်မြောက်ရေးအတွက် နယ်စပ်ရေးရာဝန်ကြီးဌာန၏ ၂၀၁၃-၂၀၁၄ ဘဏ္ဍာရေးနှစ် ခွင့်ပြုရံပုံငွေဖြင့်၎င်း၊ ကျန်းမာရေးနှင့်အားကစားဝန်ကြီးဌာန၏ ၂၀၁၅-၂၀၁၆ဘဏ္ဍာရေးနှစ် ခွင့်ပြုရံပုံငွေဖြင့်၎င်း ဒေသခံမိဘပြည်သူများ အသက်ရှည်စွာ နေနိုင်ရေးအတွက် ပအိုဝ်းကိုယ်ပိုင်အုပ်ချုပ်ခွင့်ရဒေသ ဦးစီးအဖွဲ့တို့မှ ဦးဆောင်ကြပ်မတ်ပြီး အောင်မြင်စွာအကောင်အထည်ဖော် ဆောင်ရွက်နိုင်ခဲ့ခြင်းဖြစ်ကြောင်း သိရှိရပါသည်။
ဆိုင်ခေါင်တိုက်နယ်ပြည်သူ့ဆေးရုံသစ် ဖွင့်ပွဲကို ရှမ်းပြည်နယ်အစိုးရ ပြည်နယ်ဝန်ကြီးချုပ် ဒေါက်တာလင်းထွဋ်နှင့်အဖွဲ့ဝင်များ ပအိုဝ်းကိုယ်ပိုင်အုပ်ချုပ်ခွင့်ရဒေသ ဦးဥက္ကဋ္ဌ ဦးခွန်စံလွင်နှင့်အဖွဲ့ဝင်များ အမျိုးသားလွှတ်တော်ကိုယ်စားလှယ် ဦးခွန်သိန်းဖေ၊ ပြည်သူ့လွှတ်တော်ကိုယ်စားလှယ် ဦးခွန်သန်းထူး၊ ပအိုဝ်းအမျိုးသားအဖွဲ့ချုပ် (PNO)မှ တာဝန်ရှိလူကြီးမင်းများ ဌာနဆိုင်ရာတာဝန်ရှိ ပုဂ္ဂိုလ်များ ပအိုဝ်းလူငယ်ကွန်ယက် (PYN)အဖွဲ့နှင့် ဒေသခံမိဘပြည်သူများ (၁၀၀၀)ခန့် တက်ရောက်ခဲ့ကြပြီး တက်ရောက်လာကြသော ဧည့်ပရိတ်သတ်များအား နေ့လယ်စာဖြင့် ကျွေးမွေးဧည့်ခံပေးခဲ့ကြောင်း သတင်းရရှိပါသည်။
ခွန်အောင်ထွိုက်ဗွေ
Like On Facebook
Follow On Twitter
Subscribe On RSS