နိုင်ငံရေးဟူသောအရာသည် အမျိုးသားနှင့်သက်ဆိုင်သည်ဟု ကျွန်ုပ်တို့အမျိုးသမီးများက ယူဆကြသည်ကို အများအားဖြင့်တွေ့မြင်နေရပါသည်။ အဘယ်ကြောင့်ဆိုသော် နိုင်ငံရေးဟူသော ဝေါဟာရကို သိရှိ နားလည်မှုမရှိသောကြောင့် စိတ်ဝင်စားမှုမရှိသည်မှာ ထူးဆန်းလှသည် မဟုတ်ပေ။ ယခင်စစ်အစိုးရ လက်ထက်တွင် အမျိုးသားများ နိုင်ငံရေးလုပ်ငန်းလုပ်ဆောင်ရာတွင် ဖမ်းဆီး အရေးယူ၊ ထောင်ချမှုများ ခံနေရသည်ကို သိရှိသောကြောင့် နိုင်ငံရေးဟူသော စကားလုံးကိုကြားရသည်နှင့် ကြောက်ရွံ့သည်မှာ ယနေ့ကျေးလက်နေပြည်သူများ အချို့ရှိနေပါသေးသည်။
ရှေးယခင်က ဘိုးဘွားစဉ်ဆက်တွင် အမျိုးသမီးများသည် အတန်းပညာကို သင်ကြားခြင်းမပြုဘဲ အိမ်တွင်းမှုလုပ်ငန်းများ ကျွမ်းကျင်ပိုင်နိုင်စွာ လုပ်ဆောင်နိုင်လျှင် အမျိုးသမီးပိုမိုပီသသည်ဟု သွန်သင်ဆုံးမ ကြသည်။ မိမိပတ်ဝန်းကျင် အသိုင်းအ၀ိုင်း မိသားစုမှ ယဉ်ကျေးမှု၊ ဓလေ့ထုံးတမ်းစဉ်လာအရ အမျိုးသမီးများသည် အိမ်တွင်းမှုတာဝန်၊ ကလေးပြုစုပျိုးထောင်ရေး တာဝန်ကိုထမ်းဆောင်ရမည်ဟု အများအားဖြင့် သတ်မှတ်ထားသောကြောင့် အမျိုးသမီးများ နိုင်ငံရေးလုပ်ငန်းပါဝင်မှု အားပေးခြင်းမပြုသည့်အတွက် အခက်အခဲ၊ အဟန့်အတားများစွာနှင့် ရင်ဆိုင်နေကြရပါသည်။
အဘယ်ကြောင့်ဆိုသော် အမျိုးအမီးခေါင်းဆောင်သည်ကို ကြိုက်နှစ်သက်မှုမရှိခြင်း၊ အာပေးမှုမပြုခြင်း၊ ခွဲခြားဆက်ဆံမှုများရှိနေခြင်း၊ အများအမြင်ဖြင့်မသင့်တော်ခြင်း၊ မိသားစုအပါအ၀င် ပတ်ဝန်းကျင်၏ အလေးထားမှု တန်ဖိုးထားမှုခံရခြင်း မရှိသည်မှာ အမှန်ပင်ဖြစ်ပါသည်။ အမျိုးသားများက အမျိုးသမီးများထက် ပိုတော်သောမွေးရာပါ နိုင်ငံရေးသမားများဖြစ်ကြသည်ဟု မိမိတို့ကိုယ်တိုင် ယူဆကြသည်။ ထို့ကြောင့် “နိုင်ငံရေးဟူသည် မိမိနှင့်မသက်ဆိုင်ပေ” ဟူသော အယူအဆကို ယနေ့အချိန်တွင် ဖျောက်ဖျက်ရန် အချိန်တန်ပြီဖြစ်သည်။ အိမ်တွင်းရေးလုပ်ငန်းများလုပ်ကိုင်ခြင်း၊ စာဝတ်နေရေး ပြေလည်အောင် စီမံခန့်ခွဲပေးခြင်း၊ မိသားစုသုံးဝင်ငွေများ ရှာဖွေရာတွင်လည်း အမျိုးသားနှင့်တန်းတူ ကျေးလက်နေ အမျိုးသမီးများသည် အများအားဖြင့် လုပ်ဆောင်နေရခြင်းများသည် နိုင်ငံရေးလုပ်ငန်း လုပ်ဆောင်နေခြင်းဟုလည်း ခေါ်နိုင်ပါသည်။
ခေတ်စနစ်ပြောင်းလဲလာသည်နှင့်အမျှ ဒီမိုကရေစီစနစ်ကျင့်သုံးနေသည့်အချိန်တွင် အမျိုးသမီးများ၏ ပါဝင်မှုအခန်းကဏ္ဍသည် အလွန်အရေးပါလှသည်။ နိုင်ငံရေးလုပ်ငန်းတွင် အမျိုးသမီးများအတွက် သိသိသာသာ နေရာပေးမှု၊ ပါဝင်လာမှု၊ လက်တွဲခေါ်ယူမှုနှင့် အမျိုးသမီးများ ကိုယ်တိုင်နေရာ ယူတတ်မှုများ ရှိနေသည်ကို တွေ့မြင်နေရပြီဖြစ်သည်။ ထို့ကြောင့် အမျိုးသမီးများသည် နိုင်ငံရေးတွင် ပိုမိုပါဝင်လာနိုင်ရန် စိတ်ဓါတ်မြှင့်တင်ပေးခြင်း အမျိုးသမီးခေါင်းဆောင်မှုနှင့်ပတ်သက်သည့် သင်တန်းများ၊ အလုပ်ရုံဆွေးနွေးပွဲများ၊ အရည်အသွေးမြှင့်တင်ခြင်းလုပ်ငန်းများ၊ လက်တွဲခေါ်ယူမှုများကို ဆောင်ရွက်နေကြပြီဖြစ်သည်။၊ ထို့အတူ ကျေးလက်နေအမျိုးသမီးများကိုလည်း လက်တွဲခေါ်ယူရန် အလွန်ပင်လိုအပ်ပါသည်။
အမျိုးသမီးများသည် နေ့စဉ်ကြုံတွေ့နေရသည့်အခက်အခဲများ၊ ပြဿနာများကို အမျိုးသမီးများ အချင်းချင်းကသာ ပိုမိုနားလည်ပေးနိုင်သကဲ့သို့ အမျိုးသမီးကိုယ်စား တာဝန်ယူဖြေရှင်းနိုင်ရန်နှင့် အမျိုးသားများ တန်းတူအခွင့်အရေးများ ဖန်တီးရယူနိုင်ရန်အတွက် ကြိုးစားရပါမည်။ အချို့သော အမျိုးသမီးများ၏ ဆုံးဖြတ်နိုင်မှုစွမ်းရည်သည် အမျိုးသားများထက် ပိုမိုပြတ်သားသည်ကိုတွှေ့ရသည်။ အဘယ်ကြောင့် ဆိုသော် အိမ်တစ်အိမ်တွင် မိသားစု စီးပွားရေးလုပ်ငန်း စတင်လုပ်ဆောင်တော့မည်ဆိုလျှင် ရှေးဦးစွာ အမျိုးသမီး၏ အကြံပေးမှုကို ရယူပြီး အမျိုးသမီး အကြံပေးမှုအတိုင်း၊ ဆုံးဖြတ်ပေးသည့်အတိုင်း ဆောင်ရွက်နေကြသည်ကို တွေ့ရသည်။ အမျိုးသမီးများ၏ အကြံပေးမှုအခန်းကဏ္ဍတွင် အမှားအယွင်းကင်းမှုနှင့် စေ့စပ်သေချာမှုရှိ သောကြောင့် အောင်မြင်မှုပိုမိုရရှိပြီး အိမ်တွင်းသာမက နိုင်ငံတော်အဆင့်ထိ ကျင့်သုံးနေသည်ကိုလည်း ယခု မျက်မြင်သက်သေ ရှိနေပြီဖြစ်သည်။ လက်ရှိမြန်မာနိုင်ငံ၏ နိုင်ငံတော် အတိုင်ပင်ခံ ပုဂ္ဂိုလ်သည် အမျိုးသမီး ဖြစ်သည်ကို အားလုံးသိရှိပြီးဖြစ်ကြပါသည်။
ထို့ကြောင့် နိုင်ငံရေးတွင် အမျိုးသမီးများခေါင်းဆောင်မှုကဏ္ဍ ပိုမိုမြှင့်တင်ခြင်း၊ ပါဝင်ခြင်းနှင့် ကိုယ်စား ပြုခြင်းတို့သည် ကျား-မ တန်းတူညီမျှရေးကိုဦးတည်ပြီး ဖွံ့ဖြိုးရေးနှင့် လူ့အခွင့်အရေး ဆိုင်ရာ ကိစ္စရပ်များသည်လည်း အမျိုးသားများနှင့်တန်းတူ ရင်ဘောင်တန်းလုပ်ဆောင်နိုင်ပြီး ဒီမိုကရေစီ နည်းလမ်း ကျမည် ဖြစ်ပါသည်။ မြန်မာနိုင်ငံတွင် အမျိုးသား၊ အမျိုးသမီးကိုယ်စားပြုမှုသည် တန်းတူအခွင့်အရေး ပေးထားသောကြောင့် နိုင်ငံသားတို့နှင့်လည်း အပြန်အလှန်ဆက်သွယ် ဆောင်ရွက်မှု ပိုမိုအားကောင်းလာမည်ဟု ယုံကြည်ပါသည်။ အဘယ်ကြောင့်ဆိုသော် ထက်ဝက်ကျော်သော လူဦးရေသည် အမျိုးသမီးများဖြစ်ကြပါသည်။ ထို့ကြောင့် အမျိုးသမီးများ လွှတ်တော်တွင် တန်းတူအခွင့်အရေးများ၊ နေရာများပေးထားပြီဖြစ်၍ နိုင်ငံရေးနှင့် စီမံအုပ်ချုပ်ရေးကဏ္ဍတို့တွင် ပိုမိုလုပ်ဆောင်လာနိုင်မည်ဖြစ်ပြီး နိုင်ငံတိုးတက်ဖွံ့ဖြိုးရေး၊ ငြိမ်းချမ်း ရေး၊တည်ငြိမ်ရေးနှင့် ပြည်သူအားလုံး ပါဝင်လာရေးတို့အတွက် နိုင်ငံတော်ကို များစွာအထောက် အကူပြုမည် ဖြစ်သည်ဟု ယုံကြည်ပါသည်။
ထို့သို့ပါဝင်လာနိုင်အောင် အမျိုးသမီးများကိုယ်တိုင်ကလည်း အဓိက စိတ်ဝင်စားမှုရှိရန်နှင့် မိမိကိုယ်ကိုယုံကြည်မှုရှိရန် အလွန်ပင်လိုအပ်ပါသည်။ လူမှုဝန်းကျင်တွင်သာမက အိမ်တွင်းရေး၊ လူမှုရေးနှင့် ယဉ်ကျေးမှု စသည့်အခန်းကဏ္ဍတွင် အမျိုးသမီးများအနေဖြင့် စိန်ခေါ်မှုများအား နိုင်ငံရေးနယ်ပယ် အသီး သီးတွင် ရင်ဆိုင်နေရသည့်အတွက် အများ၏ကြိုက်နှစ်သက်မှု၊ အလေးထားမှု၊ အမျိုးသမီး အချင်းချင်း တန်ဖိုးထားမှု၊ ယုံကြည်မှု မရရှိသောကြောင့် နိုင်ငံရေးလုပ်ငန်းတွင် ပူးပေါင်းပါဝင်မှု နည်းပါးလာသည် ကိုတွေ့ရပါသည်။ ထို့ကြောင့် အမျိုးသားများ အဓိက တာဝန်ရှိသကဲ့သို့ ပတ်ဝန်ကျင်၊ မိသားစုများ၊ အမျိုး သမီးများအချင်းချင်း အားပေးမှုများ အထူးလိုအပ်ပါသည်။
နိုင်ငံရေးတွင် အမျိုးသမီးများပါဝင်မှုနှုန်းမြင့်မားလျှင် အများဆုံးကြုံတွေ့နေရသည့် အမျိုးသမီးပြဿနာများ၊ အကြမ်းဖက်မှုများကို ဖြေရှင်းပေးနိုင်မှု၊ ပွင်လင်းမြင်သာမှု၊ ကျားမတန်းတူအခွင့်အရေးရရှိမှု၊ ခွဲခြားဆက်ဆံမှု၊ အမျိုးသမီးရပိုင်ခွင့်များကို လွှတ်တော်တွင်း ကိုယ်စားပြုတောင်းဆိုမှု၊ လွှတ်တော်တွင်း အမျိုးသမီးကိုယ်စားလှယ်များ ပိုမိုပါဝင်လာမှုနှင့် ဖွံ့ဖြိုးတိုးတက်မှုများစသည်တို့ကို ပိုမိုလုပ်ဆောင်နိုင်မည် ဖြစ်ပြီး စည်းကမ်းပြည့်ဝသော ဒီမိုကရေစီစနစ်ထူထောင်ရာတွင် များစွာအထောက်အကူပြုမည်ဖြစ်သည်။ မြန်မာ နိုင်ငံတွင် ကြုံတွေ့နေရသည့် အမျိုးသမီး ပြဿနာများလည်း ပိုမိုလျော့ချပေးနိုင်မည်ဖြစ်သည်။
မြန်မာနိုင်ငံတွင် ၂၀၁၀မတိုင်ခင်ကာလနှင့် ၂၀၁၀နောက်ပိုင်းကာလ နှိုင်းယှဉ်ကြည့်ပါက အမျိုးသမီးများ နိုင်ငံရေးတွင် ပူးပေါင်းပါဝင်မှု အခန်းကဏ္ဍတွင်သာမက ဦးဆောင်မှုအခန်းကဏ္ဍတွင်လည်း အရည် အချင်းပြည့်ဝသည့် အမျိုးသမီးခေါင်းဆောင်များ အမြောက်အမြား ပေါ်ထွက်လာသည်ကို သိသိသာသာ မြင်တွေ့နေရပြီဖြစ်ပါသည်။
ထိုသို့အမျိုးသမီးများ နိုင်ငံရေးခေါင်းဆောင်မှု အခန်းကဏ္ဍတွင် ပူးပေါင်းပါဝင်မှု ပိုမိုမြင့်မား လာစေရန် မြန်မာ့လူမှုအဖွဲ့အစည်းရှိ ယဉ်ကျေးမှုများနှင့် လူမှုဆိုင်ရာ အတားအဆီးများကို လျော့ကျစေရန် ကျားမတန်းတူညီမျှရေးဆိုင်ရာ အသိပညာများ အမြင်ဖွင့်သင်တန်းများ ပြုလုပ်ပေးခြင်း၊ ကဏ္ဍအသီးသီး နယ်ပယ်အသီးသီးတွင် အောင်မြင်နေသည့် အမျိုးသမီးများ၊ အမျိုးသမီးခေါင်းဆောင်များ၊ အမျိုးသမီးလွှတ် တော်ကိုယ်စားလှယ်များ၊ အမျိုးသမီးထုများနှင့် တွေ့ဆုံမှုများပြုလုပ်ပေးခြင်း၊ ချိတ်ဆက်ဆောင်ရွက်ပေး ခြင်းနှင့် လက်တွဲခေါ်ယူခြင်းဖြင့် နိုင်ငံရေးလောကတွင် အရည်အသွေးပြည်ဝသည့် အမျိုးသမီးများ၏ စိတ်ဝင်စားမှုများ၊ ခေါင်းဆောင်မှုများ ပိုမိုပေါ်ပေါက်လာမည်ဖြစ်ပြီး စည်းကမ်းပြည့်ဝပြီးဖွံဖြိုးတိုးတက်သော ဒီမိုကရေစီနိုင်ငံတော်တည်ဆောက်ရာတွင် များစွာ အထောက်အကူပြုမည်ဖြစ်သည်ဟု တိုက်တွန်းရင်း တင်ပြလိုပါသည်။
နန်းအွဉ်ရက်ခွို,
ခမ်းစန္တား
Like On Facebook
Follow On Twitter
Subscribe On RSS