လူသားများသည် ရှေးပဝေသဏီခေတ်အဆက်ဆက်ကပင် တစ်ဦးတစ်ယောက်တည်းနေထိုင်လာသည် မဟုတ် ဆွေမျိုးသားချင်းတို့နှင့် စည်းစည်းလုံးလုံးညီညီညွတ်ညွတ်ဖြင့် အတူယှဉ်တွဲနေထိုင်လာခဲ့ကြသည်။
ထိုသို့နေထိုင်လာခဲ့ကြသော်ငြားလည်း အချို့လူမျိုးများသည် ဆွေမျိုးသားချင်းများကို ရိုင်းပင်းကူညီဖို့ပင် မဆိုထားနှင့် ဆွေမျိုးသားချင်းများ ချမ်းသာသွားမည်ကိုမလိုလားတတ်ကြ ကိုယ့်ထက်သာသွားမည်ကိုပင် စိုးရိမ်တတ်ကြသည်။
အကြောင်းမူကား ဆွေမျိုးသားချင်းများအထဲတွင် “ကိုယ်သည်သာချမ်းသာရမည်၊ လွမ်းမိုးနိုင်သူ ဖြစ်ရမည်၊ ကိုယ့်ထက်သာသူမည်သူမျှမရှိစေရ၊ ကိုယ်သည်သာအရာရာတိုင်း တိုးတက်ချမ်းသာရမည်၊ အရာရာတိုင်းပြည့်စုံစေရမည် ကိုယ်သည်သာ ထင်ရှားကျော်ကြားစေရမည်။ ငါ့ထက်သာသူ ငါ့ရန်သူ” ဟူသော စိတ်မျိုးရှိသူများဖြစ်ကြလေသည်။
ထိုသို့တစ်ဦးတစ်ယောက်တည်းတိုးတက်ကြီးပွားနေကြသောအခါ ရိုင်းပင်းကူညီလိုသည့် စိတ်မှာပျောက်သွား သည်မဟုတ်။ ထိုစိတ်များရှိနေခြင်းကြောင့် ကိုယ့်ထက်နှိမ့်သောဆွေမျိုးသားချင်းများ၏ ဆင်းရဲသော ကလေးငယ်များကို ခေါ်ယူကျွေးမွေးတတ်ကြသည်။ အိမ်သို့ခေါ်ယူရာတွင်လည်း ကျွန်တစ်ဦးကဲ့သို့ ခိုင်းစေခြင်း၊ အကြွင်းအကျန်များကို ကျွေးမွေးတတ်ကြလေသည်။ ထိုကဲ့သို့ခေါ်ယူခြင်းသည် သနားညာတာစိတ်ဖြင့် ကူညီစောင့် ရှောက်ထားသည်၊ ဟုတ်လှပြီဟု ထင်မှတ်ကြလေသည်။ လူ့သဘောသဘာဝအရ သိစိတ်ကခေါ်ယူစောင့်ရှောက် ထားသော်လည်း မသိစိတ်က ကိုယ့်ဘ၀တိုးတက်မြင့်မားရန် ကိုယ့်စီးပွားဖြစ်ရန် လိုရာခေါ်ယူခိုင်းစေခြင်းပင်ဖြစ်သည်။
အချို့တွင် မိမိတို့၏ဆွေမျိုးများကိုမကူညီ၊ သို့သော်မိမိဂုဏ်တက်ရန် ပုံကာအောကာလှူဒါန်းတတ်ကြသည်။ အထက်လူကြီးမင်းများ၊ အရာရှိအရာခံများ၏ ခေါင်းစဉ်အမျိုးအမျိုးဖြင့်ရောက်ရှိလာသောကိစ္စရပ်များ၊ အမည်ခံများကို လျှောလျှောရှူရှူလှူဒါန်းပေးနိုင်သော်လည်း ဆင်းရဲသားဆွေမျိုးများအတွက်မူ ရပ်ရွာမှကောက်ခံသော လူမှုရေးဆိုင် ရာအခကြေးငွေများကို ထောက်ပံ့ပေးရန်မရှိ၊ လက်တွန့်ကြသည်။ ချေးငှားပေးရန်ဆိုကလည်း မယုံကြည်၍ ချေးငှား ခြင်းလည်းမပြုကြ။
အများအားဖြင့်မြင်ရသည်မှာ တစ်ဦးတစ်ယောက် တိုးတက်ချမ်းသာလာသည့်အခါ ဆွေမျိုးထဲမှဖြစ်စေ ခင်မင် ရင်းနှီးသူများထဲမှဖြစ်စေ မိမိနှင့်အခြေအနေခြင်းကွာဟမှုမရှိသူများကိုသာ ရွေးပြီးအပေါင်းအသင်းဖွဲ့ကာ ခင်မင်တတ် ကြသည်။ အသိအမှတ်ပြုကြသည်။ အချို့လည်း “သူကပိုသာသည် ကိုယ်ကပိုသာသည်” စသဖြင့် ဥစ္စာဓနများ၊ ဂုဏ်များပြိုင်ကြသည်။ ဆင်းရဲသောဆွေမျိုးများကိုမူ မိမိတို့၏ဆွေမျိုးဟူ၍ အများရှေ့တွင်မိတ်ဆက်ရမည် ပြောပြရမည်ကို ရှက်တတ်ကြလေသည်။ ဆင်းရဲသောဆွေမျိုးများကို ဆွေမျိုးမတော်လိုကြပဲ မိမိတို့ထက် သာသည်ဟု ထင်ရသော သူစိမ်းများ၊ သိကျွမ်းမှုမရှိသူများနှင့် အယောင်ဆောင်မိတ်ဆွေဖွဲ့တတ်ကြသည်။ ဆင်းရဲသောဆွေမျိုးများ ကိုမူ လှည့်မကြည့်ပဲ ပစ်ပယ်ထားတတ်ကြသည်။
၎င်းတို့အမြင်ဖြင့် ဆင်းရဲသောဆွေမျိုးများကိုပစ်ပယ်မည်ဆိုကလည်း ပစ်ပယ်ချင်စရာအကြောင်းရှိသည်။ အချို့ ဆင်းရဲသူများမှာ နတ်သိကြားမသော်လည်း မချမ်းသာနိုင်သူများလည်း အမှန်တကယ်ရှိနေသည်။ မိမိကနေ့စဉ် ပေးကမ်းခဲ့သော်လည်း မပေးနိုင်သည့်တစ်နေ့ မိမိကိုကျေးဇူးကန်းစွာ ရန်လိုတတ်သည်။ ထိုအမျိုးများသည် ဆွေမျိုးတိုင်း တွင်ရှိနေမည်ကား အမှန်ဖြစ်သည်။
လူသားတို့၏ မလိုမုန်းတီးမှုလည်း ထိုအချင်းအရာများမှ စတင်သည်ဟုဆိုရပေမည်။ ဆင်းရဲသော ဆွေမျိုးများကို မကြည့်လိုသူများသည် ဆင်းရဲသောဆွေမျိုးများ အပေါ်တွင်အပြစ်ကို အမြဲလိုလိုရှာတတ်သည်။ ဆွေမျိုးများ အပေါ်၌ မကောင်းသူသည် လူကောင်း၊ စံထားရသည့်သူများမဖြစ်နိုင်ပေ။ ရေရှည်တွင်လည်း ကြာမြင့်စွာကောင်းစား လေ့မရှိသည်ကို တွေ့ရမည်ဖြစ်ပေသည်။
သို့သော် လူမျိုး၏အောင်မြင်ခြင်း၊ တိုးတက်ခြင်း၊ ညီညွတ်ခြင်းများသည် ဆွေမျိုးများ၏ရိုင်းပင်းကူညီပေးမှုတွင် များစွာပါဝင်သည်။ ဆိုကြပါဆို့ မိမိတို့လုပ်ငန်းများ၊ ခြံယာလယ်ကွက်များတွင် ငွေအား၊ လုပ်အားဖြင့် လုပ်ကိုင်ကြရာတွင် ဆွေမျိုးများကကူညီပေးလေ့ရှိသည်။ အရေးနှင့်အကြောင်းနှင့်ဆိုလျှင်လည်း သွေးချင်းကစကား ပြောသည်ဆိုသည့်အတိုင်း ဆွေမျိုးရင်းများကသာ ဦးဆုံးလာရောက်တတ်ကြသည်။ ထို့ကြောင့် ခင်မင်သူများကို မကူညီရန်မဆိုလိုပါ။ လက်ရှိဆွေမျိုးရင်းချာများကို တစ်ဖက်တစ်လမ်းမှ ရိုင်းပင်ကူညီမည်ဆိုပါက ဆွေမျိုးရင်းချာများ အနေဖြင့်လည်း ညီတူညီမျှ အများနည်းတူတိုးတက်ကြီးပွားနိုင်မည်ဖြစ်သည်။
ခင်မင်သူများကိုသာ ကူညီရမည်ဆိုသည်မှာ မှားသည်မဟုတ် သို့သော်မှန်သင့်သလောက်သာမှန်လေသည်။ ခင်မင်သူများသည်လည်း သူ့ဆွေမျိုးနှင့်သူရှိကြသည်။ အရေးနှင့်အကြောင်းနှင့်ပေါ်လာပါက မိမိထက် ၎င်းတို့ဆွေမျိုး များကိုသာ ဦးစားပေးကူညီကြမည်ပင်။ မိမိတို့ဖက်ကိုလှည့်ကြည့်နိုင်မည် မဟုတ်ပေ။
ထို့ကြောင့် အမျိုးကိုချစ်သည် မျိုးချစ်စိတ်ပြင်းထန်သည်ဟု မည်မျှပင်ပြောဆိုနေစေကာမူ ဆွေမျိုးရင်းချာများကို မကြည့်သူ၊ မချစ်သူများသည် မျိုးချစ်စိတ်အစစ်အမှန်မဖြစ်နိုင်။ ဟန်ဆောင်မျိုးချစ်သာ ဖြစ်ပေမည်။ ဆွေမျိုးရင်းချာ များကို မချစ်နိုင်သူသည် ထိုထက်ပိုမိုနက်နဲသော လူမျိုးများကို အဘယ်သို့ချစ်နိုင်မည်နည်း။ မျိုးချစ်စိတ်သည် ဆွေမျိုးချစ်စိတ်တွင် များစွာမူတည်သည်။ ဆွေမျိုးရင်းချာများ ချစ်ကြည်မှု၊ နွေးထွေးမှု၊ ရိုင်းပင်းကူညီမှု အားကောင်းလေ ဆွေမျိုးအသိုင်းအ၀န်းသည်လည်း တိုးတက်လေ အားကောင်းလေဖြစ်မည်။ ထိုသို့ဆွေမျိုးစုများ ညီညီညွတ်ညွတ်ဖြင့် တိုးတက်ကြီးပွားလာခြင်းသည် အမျိုးများ၊ လူမျိုးများ ဖွံ့ဖြိုးတိုးတက်ခြင်း၏ ပြယုဂ်ပင် မဟုတ်ပါလော့။
ခွန်ရှိုင်းကို
Like On Facebook
Follow On Twitter
Subscribe On RSS