ပအိုဝ်းလူမျိုးများ၏ ဂုဏ်ကိုမြှင့်တင်ပေးသည့် ကမ္ဘာ့အကြီးဆုံးတန်(၃၀၀၀)ကျော်မဟာကျောက်စိမ်းတုံးကြီး

တောင်ကြီး၊ ၂၀၁၆ ခုနှစ်၊ သြဂုတ်လ (၁၉) ရက်

မိမိဤဆောင်းပါးကို ရေးသားရခြင်းမှာ မိမိတို့ပအိုဝ်းလူမျိုးသည် ကမ္ဘာပေါ်တွင် အကြီးဆုံးကျောက်စိမ်းတုံးကို တူးဖော်တွေ့ရှိခဲ့ဖူးသည်ဟူသော ဂုဏ်ကိုပြန်ပြောင်းအောက်မေ့စေလိုသောဆန္ဒ၊ မိမိလူမျိုးအပေါ်ပြန်လည်ဂုဏ်ယူစေလိုသောဆန္ဒအပြင် ၎င်းသမိုင်းကိုမမေ့လျော့ဘဲ အချိန်တိုင်းမှတ်မိကာ သားစဉ်မြေးဆက်ထိလက်ဆင့်ကမ်းပေးဝေစေလိုသောဆန္ဒများပင်ဖြစ်သည်။ ထို့အပြင်၎င်း ကျောက်စိမ်းတုံးကို မိမိတို့ပအိုဝ်းလူမျိုးများတူးဖော် တွေ့ရှိခဲ့သည့် ခုနှစ်၊ နေရာ၊ အရွယ်အစား၊ အလေးချိန်နှင့် နိုင်ငံတော်အစိုးရအားလှူဒါန်းခဲ့သော ခုနှစ်၊ နေရာနှင့် လှူဒါန်းရသော ရည်ရွယ်ချက်များကို အခြားသောတိုင်းရင်းသားညီအစ်ကိုများမေးလာခဲ့လျှင်ပြန်လည်ဖြေကြား နိုင်ရန်အတွက် မရှိမဖြစ် သိရှိရန်လိုအပ်သည် ဟူသောစိတ်သဘောထားဆန္ဒများပင်ဖြစ်သည်။   
မြန်မာနိုင်ငံတွင် သဘာဝတွင်းထွက်ပစ္စည်းများ ပေါများကြွယ်ဝလှပါသည်။ သို့သော် ကမ္ဘာ့အကြီးဆုံးနီလာ ကော်ကြိုး၊ ကမ္ဘာ့အကြီးဆုံး ပြောင်ဂေါင်းစိမ်း၊ ကမ္ဘာ့အကြီးဆုံးပုလဲအပြင် မြန်မာ့သမိုင်းတွင်သာမက ကမ္ဘာ့ သမိုင်းတွင် ကျော်ကြားခဲ့ကာ မြန်မာနိုင်ငံထွက်တွင်းထွက်ပစ္စည်းဖြစ်သော “ပတ္တမြားငမောက်” ဟူသော ပတ္တမြားတုံးသည် အင်မတန်နာမည်ကျော်ကြားလှပါသည်။ သို့သော် ၎င်းပတ္တမြားကိုသာမက ကမ္ဘာ့အကြီးဆုံး နီလာကော်ကြိုး၊ ကမ္ဘာ့အကြီးဆုံး ပြောင်ဂေါင်းစိမ်း၊ ကမ္ဘာ့အကြီးဆုံးပုလဲမြင်ဖူးသည့် ပုဂ္ဂိုလ်မှာရှားပါးလှပါဘိ။ ထို့အပြင်မြန်မာနိုင်ငံတွင် ထွက်သည့် ကျောက်စိမ်းအများအပြားရှိရာ တန်(၃၀၀၀)ကျော်ရှိ ကမ္ဘာ့အကြီးဆုံး ကျောက်စိမ်းသည် နာမည်ကြီးလှပါသည်။ အဆိုပါ ကမ္ဘာ့အကြီးဆုံးကျောက်စိမ်းတုံးကို တူးဖော်တွေ့ရှိခဲ့သူ များမှာ၁၉၉၁-ခုနှစ်တွင် ငြိမ်းချမ်းရေးကိုရယူခဲ့သော အထူးဒေသ(၆)၊ ပအိုဝ်းအမျိုးသားအဖွဲ့ချုပ်(PNO) ပင်ဖြစ်သည်။
ကမ္ဘာတွင် လူမျိုးပေါင်းစုံကထင်ရှားကျော်ကြားသော ပုဂ္ဂိုလ်ကြီးများ၊ ချမ်းသာကြွယ်ဝသောသူများသည် ရွှေ၊ ငွေ၊ ကျောက်မျက်ရတနာတစ်မျိ်ုးမျိုးကို အဆောင်အဖြစ်ဆင်ယင်လေ့ရှိသည်။ အကြောင်းမှာ လူတိုင်းတွင် ကျောက်မျက်ရတနာနှင့်စပ်လျဉ်း၍ ထူးခြားသောတန်ခိုးဣဒ္ဓိပါဒ်များရှိနေသည်ဟု ယုံကြည်စွဲလမ်းမှုများရှိသော ကြောင့်ပင်ဖြစ်သည်။ ကျော်ဇောကိတ္တိအတွက်လည်းကောင်း၊ လူချစ်လူခင်ပေါများရန်အတွက်လည်းကောင်း၊ ကျန်းမာရေးအတွက်လည်းကောင်း၊ လာဘ်လာဘအတွက်လည်းကောင်း၊ ပီယသိဒ္ဓိအတွက်လည်းကောင်း၊ မကောင်းသောဂြိုလ်ဆိုးကြမ္မာဆိုးများ ပယ်ရှားရန်အတွက်လည်းကောင်း ကျောက်မျက်ရတနာအမျိုးမျိုးကို ဆောင်ထားလေ့ရှိကြသည်။ အထူးသဖြင့်ကျောက်စိမ်းကို ဆင်မြန်းသူများသည် သဒ္ဒါရက်ရောခြင်း၊ ရဲစွမ်းသတ္တိနှင့်ပြည့်စုံခြင်း၊ တရားမျှတသောစိတ်ဓါတ်ရှိခြင်း၊ အသိအလိမ္မာဉာဏ်ပညာကြီးမြင့်ခြင်းစသည့် အင်္ဂါ များဖြင့် ပြည့်စုံကြောင်းယူဆကြသည်။
ကျောက်စိမ်းများကို အာဖရိက၊ ကိုးရီးယား၊ အမေရိကန်ပြည်ထောင်စု၊ နယူးဇီလန်၊ ပိုလန်၊ ဆိုက်ဘေးရီးယား၊ တာဂျစ္စတန်နှင်မြန်မာနိုင်ငံတို့တွင်ထွက်ရှိကြသည်။  ကျောက်စိမ်းများကို ပေါများစွာတွေ့ရှိနိုင်သော နက်ဖရိုက် ကျောက်စိမ်းနှင့် အလွန်ရှားပါးသော အယ်ဘိုက်ဂျေဒိုက်ဟူ၍ နှစ်မျိုးရှိသည်။ နက်ဖရိုက်ကျောက်စိမ်းကို ကမ္ဘာ့ နိုင်ငံအနှံ့တွင်တွေ့ရှိနိုင်သော်လည်း ဂျေဒိုက်ကျောက်စိမ်းကိုမူ မြန်မာနိုင်ငံတွင်သာတွေ့ရသည်။ ကျောက်စိမ်း ဖြစ်ပုံရင်းမြစ်အနေအထားသည် အသွင်ပြောင်းများရှိရာဝန်းကျင်တွင် ဖြစ်ပေါ်ခဲ့ကြသည်။ သို့သော်မတူညီခြား နားမှုများစွာဖြင့် ဖွဲ့စည်းဖြစ်တည်နေတတ်သည်။ ကမ္ဘာ့အသိအမှတ်ပြု အရည်အသွေးကောင်းမွန်သော ဂျေဒိုက်ကျောက်စ်ိမ်းကို ၁၃-ရာစုခန့်တွင် တရုတ်ကုန်သည်တစ်ဦးမှ ခရီးသွားရင်းတွေ့ရှိခဲ့သော်လည်းပင်ရင်း ထွက်ရှိရာဒေသကို မသိခဲ့ရကြောင်း ၁၈၈၈-ခုနှစ် တရုတ်ကောင်စစ်ဝန်တစ်ဦး၏မှတ်တမ်းတွင်ဖော်ပြထား သည်။ တရုတ်တို့သည် မြန်မာနိုင်ငံတွင်ထွက်ရှိသော ဂျေဒိုက်ကျောက်စိမ်းများကို ၁၇၈၄-ခုနှစ်တွင်စ၍သုံးစွဲ ခဲ့ကြသည်ဟုယူဆကြသည်။ ပထမဦးဆုံးခွဲခြားသိရှိသူမှာ ပြင်သစ်လူမျိုး အလက်စစ်ဒါမော- (ALEXIS DAMOUR)ဖြစ်သည်။ ၁၈၇၂-ခုနှစ်တွင် စွန့်စားသောတရုတ်များက မြန်မာနိုင်ငံ ဖားကန့်ဥရုမြစ်၏အနောက်ဖက် ခြမ်းဒေသများတွင် ဂျေဒိုက်အမျိုးအစားထွက်ကြောင်းစတင်သိရှိလာကြသည်။ ၁၉၃၄-ခုနှစ်တွင် ချစ်ဘာ (CHIBBER)ဆိုသူက ကချင်ပြည်နယ်နှင့် စစ်ကိုင်းတိုင်းမြောက်ပိုင်းရှိ ကျောက်စိမ်းတွင်းများသို့ တိကျစွာ ကွင်းဆင်းလေ့လာဖော်ထုတ်ခဲ့ကြောင်းသိရှိရသည်။
ပအိုဝ်းလူမျိုးများအတွက် အားတက်ဂုဏ်ယူစရာ၊ ၀မ်းသာစရာစတင်ဖြစ်ပေါ်လာစေသည်ကား (၂၇-၅-၂၀၀၂) ရက်နေ့ထုတ် “ပြည်ထောင်စုမြန်မာနိုင်ငံတော်တွင်ဘာသာသာသနာပွင့်လင်းထွန်းကားစည်ပင်၊ ထူးခြားသည့် အဖိုးအနဂ္ဃထိုက်တန်သည့် ရတနာများအစီအရီပေါ်ထွန်းလျက်ရှိ၊ တန်သုံးထောင်ကျော်ရှိ မဟာကျောက်စိမ်း ရတနာအား နိုင်ငံတော်သို့ပေးအပ်လှူဒါန်း” ဟူသော သတင်းခေါင်းစဉ်ပင်ဖြစ်သည်။ ထိုတန်သုံးထောင်ကျော်ရှိ မဟာကျောက်စိမ်းရတနာလှူဒါန်းပွဲကြီးကို (၂၆-၅-၂၀၀၂) ရက်နေ့ ရန်ကုန်မြို့၊ ဆူးလေဘုရားလမ်းရှိကုန်သည် ကြီးများဟိုတယ်တွင် ကျင်းပခဲ့ကြောင်း၊ ပအိုဝ်းငြိမ်းချမ်းရေးအဖွဲ့ စီးပွားရေးတာဝန်ခံဦးနေ၀င်းထွန်းသည် “မိမိတို့ကုမ္ပဏီကို ၁၉၉၅-ခုနှစ်တွင် စတင်ဖွဲ့စည်း၍ ရှမ်းပြည်နယ်၊ မိုင်းရှူးဒေသနှင့် ကချင်ပြည်နယ်၊ ဖားကန့်ဒေသများတွင် ကျောက်မျက်ရတနာလုပ်ငန်းများ စတင်ဆောင်ရွက်ခဲ့ပါကြောင်း၊ မိုင်းရှူးဒေသတွင် လုပ်ကွက်(၇၁)ကွက်၊ ဖားကန့်ဒေသတွင်လုပ်ကွက်(၆၆)ကွက် လုပ်ကိုင်ခွင့်ရရှိခဲ့ ကြောင်း၊ မိမိတို့လူအား၊ ငွေအား၊ စက်အားနှင့် ဇွဲလုံ့လဖြင့်တူးဖော်ခဲ့ရာ ယခုတန်သုံးထောင်ကျော်ရှိ ကျောက်စိမ်းတုံးကြီးကို တူးဖော်ရရှိခဲ့ကြောင်း၊ နိုင်ငံတော်သို့ လုပ်ကွက်ဖိုးကျပ်(၆၁၇)သန်း၊ ရတနာခွန်ကျပ်(၃၅)သန်းနှင့် အမေရိကန်ဒေါ်လာ(၇)သန်း ပေးသွင်းခဲ့ပြီးဖြစ်ကြောင်း၊ တန်သုံးထောင်ကျော်ကျောက်စိမ်းတုံးကြီးတူးဖော်ရရှိပြီး ပအိုဝ်းငြိမ်းချမ်းရေး အဖွဲ့ခေါင်းဆောင် ဦးအောင်ခမ်းထီထံတင်ပြရာ ဦးအောင်ခမ်းထီက ၎င်းကျောက်စိမ်းတုံးကြီးသည် နိုင်ငံဂုဏ်ဆောင် ကျောက်မျက်ရတနာဖြစ်၍ နိုင်ငံတော်နှင့်သာထိုက်တန်ကြောင်း၊ နိုင်ငံတော်နှင့် ပြည်သူ သန်း(၅၀)ကျော်ပိုင်ဆိုင်သည့် ရတနာဖြစ်စေလိုကြောင်း၊ နိုင်ငံတော်သို့လှူဒါန်းရန် နိုင်ငံတော်သို့ ခွင့်ပြုချက်တောင်းခံသင့်ကြောင်း၊ နိုင်ငံတော်က မိမိတုိ့အလှူကို လက်ခံသဖြင့် ပအိုဝ်းငြိမ်းချမ်းရေးအဖွဲ့ ဥက္ကဌဦးအောင်ခမ်းထီ အမှူးပြုသော ပအိုဝ်းပြည်သူတစ်ရပ်လုံးက ၀မ်းမြောက်ဝမ်းသာဖြင့် ယခုကဲ့သို့ လှူဒါန်းရခြင်းဖြစ်ကြောင်း” ရှင်းလင်းတင်ပြခဲ့ပါသည်။
ပအိုဝ်းငြိမ်းချမ်းရေးအဖွဲ့ခေါင်းဆောင် ဦးအောင်ခမ်းထီသည်လည်း  “တန်သုံးထောင်ကျော် မဟာကျောက်စိမ်း ရတနာအား နိုင်ငံတော်သို့လှူဒါန်းရခြင်းနှင့် စပ်လျဉ်း၍ ရှင်းလင်းပြောကြားရာတွင် မိမိတို့ အဖွဲ့အနေဖြင့် နိုင်ငံတော်အကြီးအကဲများ၏ လမ်းညွန်ချက်များ၊ ၀န်ကြီးဌာန၏ဥပဒေ နည်းဥပဒေများနှင့် အညီလုပ်ကိုင် ခဲ့ကြောင်း၊ တောတွင်းလက်နက်ကိုင်အဖွဲ့အစည်း(၁၇)ဖွဲ့ ဥပဒေဘောင်အတွင်းဝင်ရောက် လာကြသဖြင့် ဒေသအားလုံးနီးပါး ငြိမ်းချမ်းလာ၍ မြန်မာ့ကျောက်မျက် ရတနာများ တရားဝင် ရှာဖွေတူးဖေါ်ရောင်းဝယ် နိုင်ခဲ့ကြောင်း၊ မိမိတို့အဖွဲ့သည်ဖားကန့် လုပ်ကွက်(၆၆)ကွက်အနက် နမ့်မှော်ဖော်ထုတ်(၁၀၉)လုပ်ကွက်တွင်   (၅-၅-၂၀၀၀) မှ စတင်တူးဖော်ရာ ယခုတန်သုံးထောင်ကျော် မဟာကျောက်စိမ်းတုံးကြီးကိုတွေ့ရှိခဲ့ကြောင်း၊ ရတနာများစုဝေးရာ မြန်မာ့မြေထွက် ကမ္ဘာ့အကြီးဆုံးကျောက်စိမ်းတုံးတွေ့ရှိခြင်းသည် ပြည်တွင်းငြိမ်းချမ်းရေးကို တည်ဆောက်နိုင်၍ဖြစ်ကြောင်း၊ ယခုအောင်ပွဲသည် မိမိတို့ပအိုဝ်းငြိမ်းချမ်းရေးအဖွဲ့သာမက မြန်မာနိုင်ငံ၏ လူမျိုး(၁၃၅)မျိုး လူဦးရေသန်း(၅၀)ကျော်တို့၏ အောင်ပွဲဟုခံယူပါကြောင်း၊ ကျောက်မျက်ရတနာကို လှူဒါန်းခြင်းသည် လာဘ်လာဘကုသိုလ်ကံကောင်းစေပြီး ကြံတိုင်းအောင်ဆောင်တိုင်းမြောက်သည်ဟု ရှေးဘိ်ုးဘွားစဉ်ဆက်က ယုံကြည်ခဲ့ကြောင်း၊ ကမ္ဘာက အထူးစိတ်ဝင်စားနေသော ယခုကျောက်စိမ်းတုံးကြီး မိမိတို့အဖွဲ့အစည်းလက်ထဲတွင် ထားရှိခြင်းထက် နိုင်ငံတော်လက်ထဲမှာ နိုင်ငံ့ဂုဏ်ဆောင်ရတနာတစ်ပါး အဖြစ်ထားရှိခြင်းက ပို၍သင့်လျော်လိမ့်မည်ဟု မိမိတို့ခံယူပါကြောင်း၊ ကမ္ဘာ့အကြီးဆုံးပတ္တမြား၊ ကမ္ဘာ့အကြီးဆုံး နီလာကော်ကြိုး၊ ကမ္ဘာ့အကြီးဆုံး ပြောင်ဂေါင်းစိမ်း၊ ကမ္ဘာ့အကြီးဆုံးပုလဲ ပိုင်ဆိုင်ထားပြီးဖြစ်သောနိုင်ငံတော်ကို တူးဖော်ရရှိခဲ့သော ကမ္ဘာ့အကြီးဆုံး ကျောက်စိမ်းတုံးကြီးကိုလှူဒါန်းရန် မိမိတို့တစ်ညီတစ်ညွတ်တည်းဆုံးဖြတ် ရခြင်း ဖြစ်ကြောင်း” ရှင်းလင်း တင်ပြခဲ့ပါသည်။
အဆိုပါကျောက်စိမ်းတုံးကို လှူဒါန်းခြင်းကြောင့် နိုင်ငံတော်အစိုးရက ၁၉၉၁-ခုနှစ်တွင် ငြိမ်းချမ်းရေးယူသွား သော ပအိုဝ်းအမျိုးသားအဖွဲ့ချုပ်(PNO)ကိုသာမက ပအိုဝ်းလူမျိုးတစ်ခုလုံးအပေါ် အသိအမှတ်ပြုမှု၊ ယုံကြည် ကိုးစားမှု၊ ချစ်ခင်ရင်းနှီးမှု၊ ဒေသဖွံ့ဖြိုးတိုးတက်ရေးအတွက်အလေးပေးမှုများ ယနေ့တိုင်ပိုမိုရရှိနေပါသည်။ ထို့အပြင် ယခုလက်ရှိအချိန်ထိ အာဏာရလာသော မည်သည့် နိုင်ငံ့ခေါင်းဆောင်နှင့် တပ်မတော်ခေါင်းဆောင် မဆို ကမ္ဘာ့အကြီးဆုံးတန်(၃၀၀၀)ကျော် မဟာကျောက်စိမ်းတုံးကြီးကိုလှူဒါန်းခဲ့သော မိမိတို့ပအိုဝ်းအမျိုးသား ခေါင်းဆောင်ကြီးဦးအောင်ခမ်းထီရှိရာ ကျောက်တလုံးကြီးမြို့ ထိလာရောက်တွေ့ဆုံကြသည်ကို ကြည့်ခြင်း အားဖြင့် နိုင်ငံတော်အစိုးရက မိမိတို့ပအိုဝ်းလူမျိုးအပေါ်ထားရှိသည့် အသိအမှတ်ပြုမှု၊ ယုံကြည်ကိုးစားမှု၊ ချစ်ခင်ရင်းနှီးမှုစသည့် စေတနာမေတ္တာဓါတ်များအရောင်ပြန်မှုကို ယနေ့အထိထင်ဟပ်နေသေးသည်ကို စာဖတ် သူများအနေဖြင့် တွေ့မြင်သိရှိနိုင်ပါလိမ့်မည်။
အဆိုပါ မြန်မာ့သမိုင်းစာမျက်နှာတွင်သာမက ကမ္ဘာ့သမိုင်းစာမျက်နှာပေါ်တွင် ယနေ့ထိ စံချိန်တင်နေဆဲ ဖြစ်သော ကမ္ဘာ့အကြီးဆုံးတန်(၃၀၀၀)ကျော်မဟာကျောက်စိမ်းတုံးကို တူးဖော်ရရှိခဲ့သူများမှာ မိမိတို့ပအိုဝ်း လူမျိုးများပင်ဖြစ်သည်ဟူသောသမိုင်း၊ ၎င်းကမ္ဘာ့အကြီးဆုံး ကျောက်စိမ်းတုံးကို မိမိတို့၏အဖွဲ့အစည်းအကျိုး၊ မိမိတို့၏လူမျိုးအကျိုးအတွက်အသုံးမပြုဘဲ ပအိုဝ်းတစ်မျိုးသားလုံး၏ ဆန္ဒကိုခံယူကာ ပအိုဝ်းပြည်သူတစ်ရပ် လုံး၏နိုင်ငံတော်ကိုလှူဒါန်းမည်ဟူသော တစ်ညီတစ်ညွတ်တည်း သန္ဓိဋ္ဌာန်ချခဲ့ကြသည်ကိုကြည့်ခြင်းအားဖြင့် ပအိုဝ်းလူမျိုးသည် မြန်မာတွင်သာမက ကမ္ဘာပေါ်တွင် စေတနာတရားအထက်သန်ဆုံး၊ အညီညွတ်ဆုံး လူမျိုးပင်ဖြစ်ကြောင်း မြန်မာ့အလယ် တွင်သာမက ကမ္ဘာ့အလယ်တွင်ပါ ပအိုဝ်းလူမျိုးကိုယ်စား မိမိကိုယ်ကိုမိမိ ဂုဏ်ယူဝင့်ကြွားနိုင်မည် ဟုယုံကြည်မိပါသည်။
ထို့အပြင် မိမိတို့ယခုလက်ရှိ ပအိုဝ်းလူကြီးများသာမက လူငယ်များအနေဖြင့် “အတိတ်ကိုအခြေခံ ပစ္စုပ္ပန်ကိုအ ခြေပြု အနာဂါတ်ကိုရှေ့ရှု” ဆိုသည့်အတိုင်း  မိမိတို့ပအိုဝ်းလူမျိုးများသည် ကမ္ဘာ့အကြီးဆုံးတန်(၃၀၀၀)ကျော် မဟာကျောက်စိမ်းတုံးကို ရှာဖွေတူးဖော်တွေ့ရှိခဲ့ဖူးသည်၊ လှူဒါန်းခဲ့ဖူးသည်ဟူသော အတိတ်သမိုင်းကို အခြေခံ ပြီး ယခုပစ္စုပ္ပန်တွင် မိမိတို့သားသမီးများကိုအခြေပြု၍၎င်းသမိုင်းကိုပြောပြခြင်း၊ နောင်လာမည့် ပအိုဝ်းလူမျိုး အနာဂါတ်မျိုးဆက်များအတွက် ၎င်းသမိုင်းကို ဆက်လက်ပြီးလက်ဆင့်ကမ်းမျှဝေပေးခြင်းများ ပြုလုပ်ကြပါစို့လားဟု တိုက်တွန်းရေးသားတင်ပြလိုက်ရပါသည်။

ကိုးကားချက်များ။    ။ ပြည်ထောင်စုထဲက “ပအိုဝ်း”
 ခွန်ယွေးယဲင် 
(ခမ်းစန္တာ;ဟေ့,)