၂၀၁၁ ခုနှစ်၊ မတ်လ ၃၀ ရက်တွင် တပ်မတော်အစိုးရ အုပ်ချုပ်မှုစနစ်မှ ပြည်သူရွေးချယ်ပေးသော ပုဂ္ဂိုလ်များဖြင့် အုပ်ချုပ် သော စနစ်သို့ ပြောင်းလဲခဲ့ပါသည်။ ထို့ပြင် ပြုပြင်ပြောင်းလဲမှုများဖြစ်သော -
(၁) နိုင်ငံရေးပြုပြင်ပြောင်းလဲမှု၊
(၂) စီးပွားရေးပြုပြင်ပြောင်းလဲမှု၊
(၃) အုပ်ချုပ်ရေးပြုပြင်ပြောင်းလဲမှု၊
(၄) ပုဂ္ဂလိကကဏ္ဍ မြှင့်တင်ရေးပြောင်းလဲမှု၊
ဆိုသောအချက်ကြီး (၄) ချက်ဖြင့် တစ်ဆင့်ပြီးမှတစ်ဆင့်၊ တစ်ခုပြီးမှတစ်ခု ပြုပြင်ပြောင်းလဲလျက်ရှိပါသည်။ မည်သည့် အရာ မှ တစ်ပြိုင်တည်းနှင့် ချက်ချင်းပြောင်းလဲ၍ မရပါ။ မြန်မာနိုင်ငံ၏ ပြုပြင်ပြောင်းလဲရေးများကို အခြားနိုင်ငံများကပါ စောင့်ကြည့် လျက်ရှိနေပါသည်။ အောင်မြင်သည်ဖြစ်စေ၊ မအောင်မြင်သည်ဖြစ်စေ အနာဂတ်အတွက် အကောင်းဆုံးများ ဖြစ်နိုင်သည်မှာ မလွဲပါ။ ယခုရေတွင်းတူး၊ ယခုရေကြည်သောက်၍ မရပါ။ အစိုးရတစ်ခုတည်း ပြုပြင်ပြောင်းလဲ၍မရပါ။ ပြည်သူလူထု တစ်ရပ် လုံး ပါဝင်ဆောင်ရွက်မှ ရမည်ဆိုသည်ကို အားလုံး သိကြပါသည်။ မည်သည့် အရာမဆို အမှန်နှင့်အမှား အဖြူနှင့်အမည်း အကောင်းနှင့်အဆိုး ဒွန်တွဲလျက်ရှိနေပါသည်။ နိုင်ငံရေးဆိုသည်မှာ နိုင်ငံ၏ အရေးအရာကိစ္စများအားလုံးဟု အဓိပ္ပာယ် ဖွင့်ဆိုနိုင်ပါသည်။ အရေးအရာကိစ္စများဟု ဆိုခြင်းကြောင့် နိုင်ငံတော်နှင့် နိုင်ငံသားတို့မှ လူမှုစီးပွားရေးဘ၀များ၊ နိုင်ငံသား အားလုံးနှင့် သက်ဆိုင်သောကိစ္စများဟု ဆိုနိုင်ပါသည်။ နိုင်ငံရေးဆိုသည်မှာ အဘယ်နည်း။ နိုင်ငံရေးပညာရပ်ဆိုသည်မှာ -
(၁) နိုင်ငံတော်က ပြဋ္ဌာန်းအတည်ပြုလိုက်သော ဥပဒေများအလိုက် နိုင်ငံသားတို့တစ်ဦးနှင့်တစ်ဦး မည်သို့ ဆက်ဆံကူးလူးပုံ၊
(၂) နိုင်ငံတော်သားသည် နိုင်ငံတော်နှင့်တစ်ဦးချင်းအနေဖြင့်လည်းကောင်း၊ နိုင်ငံတော်တစ်ခုအနေဖြင့် လည်း ကောင်း မည်သို့ဆက်သွယ်ပုံ၊
(၃) နိုင်ငံတော်သည် အခြားတစ်နိုင်ငံနှင့် မည်သို့ဆက်သွယ်ပုံတို့ကို လေ့လာသောပညာရပ်ဟု မိမိအနေဖြင့် လေ့လာမှတ်သားခဲ့ဖူးပါသည်။
လယ်သမား၊ အလုပ်သမားကအစ ကာကွယ်ရေး၊ ကျန်းမာရေး၊ ပညာရေး၊ လူမှုရေးစသည်ဖြင့် ဆောင်ရွက်နေကြ သောတိုင်းရင်းသားအားလုံးသည် နိုင်ငံရေးသမားဖြစ်ပြီး နိုင်ငံရေးဆောင်ရွက်ချက်များကို လုပ်ဆောင်နေကြပါသည်။ မည်သည့်လုပ်ငန်းဆောင်ရွက်ချက်မဆို အကောင်းမြင်ဘက်မှ ကြည့်သူရှိသကဲ့သို့၊ မကောင်းသည့်ဘက်မှ ကြည့်နေသူများ လည်းရှိနေကြပါသည်။ မည်သည့်လုပ်ငန်းမဆို အမှားအမှန်ရှိတတ်ကြ၍ အပြုသဘောဆောင်သော ဝေဖန်မှု၊ ထောက်ပြမှုနှင့် ပူးပေါင်းညှိနှိုင်းဆောင်ရွက်ခြင်းသည် အကောင်းဆုံးသောဆောင်ရွက်ချက်ဖြစ်သည်ဟု ထင်မြင်မိပါသည်။ မှားသည်ကို မှားသည်ဟု ရဲဝံ့စွာထောက်ပြပြောဆိုသင့်ပါသည်။ စစ်ရေးနယ်ပယ်၊ စီးပွားရေးနယ်ပယ်၊ လူမှုရေးနယ်ပယ်နှင့် မည်သည့် နယ်ပယ်မဆို ယှဉ်ပြိုင်ဘက်ကို ချီးကျူးစကားဆိုဝံ့သူ ရှားပါးကြပါသည်။
မည်သည့်နိုင်ငံတွင်မဆို အစိုးရဟူသောအဖွဲ့မရှိလျှင် မဖြစ်ပါ။ အစိုးရအဖွဲ့များသည် ပြည်သူလူထု၏အကျိူးစီးပွား ကာကွယ်ရေးနှင့် ပြည်သူလူထု၏ အကျိူးစီးပွားတိုးတက်ရေးကို အလေးထားဆောင်ရွက်ပေးနေသော အဖွဲ့အစည်း ဖြစ်ပါသည်။
နိုင်ငံတော်၏ လက္ခဏာရပ်တွင်
(၁) နယ်နိမိတ်
(၂) လူဦးရေ
(၃) အချုပ်အခြာအာဏာ
(၄) အုပ်ချုပ်မှုအစိုးရတို့ ရှိရန်လိုအပ်ပါသည်။
မြန်မာနိုင်ငံတွင် မဏ္ဍိုင်ကြီး(၄) ရပ်ဖြင့် လည်ပတ်ဆောင်ရွက်ခြင်းကြောင့် အောက်ခြေမှစ၍ အထက်အထိစီမံခန့်ခွဲ ဆောင် ရွက်နေကြသော ပုဂ္ဂိုလ်များသည်လည်း အားလုံးအမှန်ဆောင်ရွက်သူ၊ အားလုံးအမှားဆောင်ရွက်သူများဟု၍ မရှိပါ။ တစ်ဦး တစ်ယောက်၏ လုပ်ဆောင်ချက်ကို ထိုတစ်ဦးတစ်ယောက်၏လုပ်ဆောင်ချက်အပေါ်မှာသာ ဝေဖန်ထောက်ပြသင့် ပါသည်။ ရောသုတ်မလုပ်သင့်ပါ။ အစိုးရတစ်ခုတည်းကိုသာ ထောက်ပြဝေဖန်ခြင်းမပြုသင့်ဟုထင်ပါသည်။ ဝေဖန်ခြင်းနှင့် ပြစ်တင် ရှုံ့ချခြင်း၊ အရှက်ခွဲခြင်းကို ခွဲခြားနားလည်သင့်ပါသည်။ ထိုနည်းတူစွာ စတုတ္ထမဏ္ဍိုင်ဖြစ်သော မီဒီယာ အခန်းကဏ္ဍသည် လွန်စွာအရေးကြီးသော အခန်းကဏ္ဍဖြစ်ပါသည်။ အစိုးရနှင့် ပြည်သူကြား ကြားခံဆက်သွယ်ပေးသော အဖွဲ့အစည်း တစ်ခု ဖြစ်ပါသည်။ မီဒီယာ၏ သဘောသဘာဝမှာ အစိုးရ၏ဟန်ချက်ကို ထောက်ပြဝေဖန်ပေးရမည့်အပြင် အခြားပါတီ အဖွဲ့အစည်း များကိုလည်း ဘက်လိုက်မှုမရှိ အဂတိကင်းရှင်းစွာ ဝေဖန်ရေးသားထောက်ပြရေးသားကြရပါမည်။ အများပြည်သူ ၀န်ဆောင်မှု မီဒီယာဥပဒေကိုလည်း နိုငံတကာစံချိန်စံညွန်းများနှင့်အညီ ရေးဆွဲထားရှိပြီးဖြစ်ပါသည်။ ထို့ကြောင့် ဖြစ်သင့် သည်မှာကောင်းလျှင်ကောင်းသည့်အလျောက် မကောင်းလျှင်မကောင်းသည့်အလျောက် အချက်အလက်များနှင့် အတူတကွ ထောက်ပြဝေဖန်တတ်ရန် လိုအပ်ပါသည်။ မီဒီယာဟူသည် အချုပ်အခြာအာဏာ(၃)ရပ်၏ တည့်မတ်ယိုင်လဲမှုကို ထိန်းကျောင်းပေးရသည့် စတုတ္ထမဏ္ဍိုင်ဖြစ်ပါသည်။ တစ်ဖက်ကို သိက္ခာချအရှက်ခွဲပြီး၊ မိမိကိုသူတော်ကောင်းအဖြစ် အမွှန်းတင်သည့် စနစ်ကွယ်ပျောက်ပြီး၊ အပြုသဘောဝေဖန်ထောက်ပြ ညှိနှိုင်းပူးပေါင်း ဆောင်ရွက်မှသာ ပြုပြင်ပြောင်းလဲရေး ဘယ်အရာမဆို အောင်မြင်လာမည်ဖြစ်သည်။ ယခုဖြစ်နေကြသည်မှာ အစိုးရသက်သက်ကိုသာ ဝေဖန်နေကြသည်ကိုတွေ့ ရှိရသည်။
အစိုးရဆိုသည်မှာ လူမှုအဖွဲ့အစည်း၏အကျိုးစီးပွားအတွက် နိုင်ငံရေးအရ ဆုံးဖြတ်ချမှတ်ချက်များကို ချမှတ် အကောင် အထည်ဖော် အသက်သွင်းပေးရသော အဖွဲ့အစည်း (သို့မဟုတ်) လူပုဂ္ဂိုလ်များသာ ဖြစ်ကြပါသည်။ အစိုးရ (အုပ်ချုပ်စီမံခန့်ခွဲသောသူ)သည် လူသားတစ်ဦးပင်ဖြစ်သည်။ လူဖြစ်သည့်အလျောက် ဖြစ်လိုသည့်ဆန္ဒအားလုံး စွမ်းဆောင် နိုင်မှာမဟုတ်ပါ။ ဘောင်အတွင်း အတိုင်းအတာတစ်ခုဖြင့်သာ ဆောင်ရွက်နိုင်မည်ဖြစ်ပါသည်။ ဆောင်ရွက်မှုတိုင်းသည် လည်းအားလုံးမှန်ချင်မှ မှန်ပါမည်။ အားလုံးခြောက်ပြစ်ကင်း သဲလဲစင်ဖြစ်ချင်မှ ဖြစ်ပါမည်။ သို့သော် ခွင့်လွှတ်နိုင်သော အမှား နှင့်စေတနာအမှား ဖြစ်ချင်လည်းဖြစ်ပါမည်။ ထို့ကြောင့် အရာရာကို ရန်သူသဖွယ်ရှုမြင်ပြီး ဝေဖန်ထောက်ပြပြစ်တင်ရှုံ့ချ၊ အရှက်ခွဲမည်ဆိုသောအမြင်များကို ပြောင်းလဲသင့်ပြီဖြစ်ကြောင်း ရေးသားတင်ပြအပ်ပါသည်။
နန်းအေးစန္ဒာမျိုး (မျင်,မိုရ်;ခမ်)
Like On Facebook
Follow On Twitter
Subscribe On RSS