“စာအုပ်စာပေလူ့မိတ်ဆွေ၊ အလိမ္မာစာမှာရှိ” ဆိုသည့်အတိုင်း စာဖတ်သောသူသည် အရာရာကိုလိမ္မာပါးနပ်၍ အောင်မြင်ကြီးပွားတိုးတက်ကြသည်။ ကျွန်ုပ်တို့သည် အသက်ကြီး လာသည်နှင့်အမျှ ဦးနှောက်အလေးချိန်ပိုစီးပြီး ပို၍ပညာရှိလာရန်နှင့် ကုန်လွန်ခဲ့ပြီးသော အတိတ် ထက် လက်ရှိပစ္စုပ္ပန်က ပို၍အသိဥာဏ်သာရန်မှာ စာများများဖတ်မှသာရရှိနိုင်မည်ဖြစ်သည်။ စာအုပ်စာပေသည် လူသားတို့၏ဥာဏ်ရည်ကိုအကောင်းဆုံးမြင့်မားအောင်လုပ်ဆောင်ဖန်တီး ပေးစွမ်းနိုင်သောအရာဖြစ်ပြီး ဘ၀တွင်လည်းအယုံကြည်စိတ်ချရဆုံးသော အကြံပေးအရာရှိ၊ တည်ငြိမ်းအေးချမ်းရင့်ကျက်သော မိတ်ဆွေများနှင့် သဘောထားကြီးသည့်ဆရာတစ်ဆူပင်ဖြစ်သည်။
စာဖတ်ခြင်းကြောင့် သင်၏ဝေါဟာရကြွယ်ဝမှုကိုလည်း အားကောင်းလာစေနိုင်ပါသည်။ သို့သော် သွေးပြီးသောဓါးကိုအသုံးမပြုဘဲ ပစ်ထားမည်ဆိုလျှင် သံချေးတက်သကဲ့သို့ ဖတ်မှတ် လေ့လာထားသော စာပေများကို လက်တွေ့အသုံးမပြုဘဲ ပစ်ထားမည်ဆိုလျှင်လည်း အကုန်လုံး မေ့ပစ်တတ်ပြီး အကျိုးရှိလိမ့်မည်မဟုတ်ပါ။ အကယ်၍ သင်သည်သာအောင်မြင်ချင်သည့်စိတ် ရှိမည်ဆိုလျှင် စာဖတ်သည့်အလေ့အကျင့်ကို မလွဲဧကန်ပြုလုပ်ရမည်ဖြစ်သည်။ ကမ္ဘာပေါ်တွင် အောင်မြင်သောသူအားလုံးတို့၏ လျို့ဝှက်ချက်တစ်ခုသည် စာဖတ်ကြခြင်းနှင့်လိုက်နာဆောင်ရွက် ကြခြင်းပင်ဖြစ်သည်။ စာဖတ်ခြင်းသည် လူတို့၏အတွေးအခေါ်၊ အတတ်ပညာ၊ အသိပညာ၊ အမြော်အမြင်များနှင့်ဆင်ခြင်တုံတရားများကို မြင့်မားလာစေပါသည်။ စာဖတ်ခြင်းသည် ကျွန်ုပ်တို့၏ဘ၀ရှေ့ရေးတိုးတက်ရန်အတွက် အကောင်းဆုံးသော ရင်းနှီးမြှပ်နှံမှုတစ်ခုလည်း ဖြစ်ပါသည်။
လူတိုင်းသည် အတွေးအခေါ်ကောင်းရန် အကြံဥာဏ်ကောင်းရန် အောင်မြင်ကြီးပွား တိုးတက်ရန်အတွက် စာဖတ်ကြရခြင်းဖြစ်ပါသည်။ စာများများဖတ်သောသူသည် အတန်းပညာ အဆင့်မမြင့်သော်လည်း အကြောင်းသင့်အကျိုးသင့် စဉ်းစားတွေးခေါ်တတ်ပြီး ပဋိပက္ခများ ကြုံတွေ့လာသောအခါတွင် တည်ငြိမ်၍ခေါင်းအေးအေးဖြင့် ဖြေရှင်းနိုင်မည်ဖြစ်သည်။ စာအုပ် စာပေများကို နှစ်နှစ်ခြိုက်ခြိုက်ဖတ်သောသူသည် များသောအားဖြင့် ဆုံးဖြတ်ချက်မမှားတတ် ကြပေ။ အခြားသူများထက်ပို၍ အောင်မြင်ကြသည်။ စာဖတ်မှသာလျှင် မိမိဘ၀၊ မိမိနှင့်ဆက်နွယ် နေသောမိသားစု၊ နိုင်ငံ၊ အဖွဲ့အစည်းနှင့်လုပ်ငန်းတို့ကို အရှိန်အဟုန်ဖြင့် ရှေ့သို့မြင့်မားတိုးတက် လာအောင် ဆောင်ရွက်နိုင်မည်ဖြစ်ပါသည်။ သင်ယူလေ့လာစရာကုန်နိုင်ဖွယ်မရှိသော လူ့လောက ကြီးတွင် အမြင်ပေါင်းစုံ၊ အတွေးအခေါ်ပေါင်းစုံ၊ နှစ်ပေါင်းများစွာကြုံတွေ့ ရရှိခဲ့သောလူပေါင်း များစွာတို့၏အသိများ၊ အတွေ့အကြုံများဖြင့် ရေးမှတ်ထားသောစာအုပ်များကို ဖတ်ရခြင်းသည် ဗဟုတုတကြွယ်ဝစေသည်သာမက လက်တွေ့ဘ၀တွင်လည်း အရာရာကိုသတိဖြင့် လုပ်ဆောင် လာနိုင်စေပါသည်။ အောင်မြင်သူများ၏အကြံကောင်းနှင့် ကျဆုံးသူများ၏လုပ်ရပ်များကို သိရှိထား သည့်အတွက် အောင်မြင်မှုပန်းတိုင်ကိုပို၍ မြန်မြန်ရောက်ရှိစေနိုင်ပါသည်။ ထို့အပြင် မိမိတို့၏ ဘ၀သည် အဆင့်အတန်းမြင့်မြင့်ဖြင့်နေထိုင်နိုင်၍ မိမိတွင်စီးပွားရေး၊ လူမှုရေး၊ ပညာရေးနှင့် ကျန်းမာရေးကိစ္စတို့သည်လည်း တိုးတက်မြင့်မားလာမည်ဖြစ်သည်။
စာများများဖတ်သောသူသည် လောကကြီးအကြောင်းကိုပိုမိုသိရှိ၍ လူများ၏အကြောင်း၊ စိတ်ထားနှင့်စိတ်ဝင်စားနေမှုများကိုလည်းသိရှိနိုင်သည်။ သူတစ်ပါး၏စိတ်ကို နားလည်နိုင်သည့် စွမ်းရည်များတိုးတက်၍ ဆက်ဆံရေးမဟာဗျူဟာ ကောင်းမွန်ခြင်းကြောင့် သူတစ်ပါးထက်သာ၍ အောင်မြင်မှုများကိုဆွတ်ခူးနိုင်ပြီး မိမိနှင့်ပေါင်းသင်းဆက်ဆံနေရသော လူမှုပတ်ဝန်းကျင်သည် လည်း ကောင်းကျိုးများဖြစ်ပေါ်စေပါသည်။ စာအုပ်စာပေများကိုဖတ်ရှုရသည့်အတွက် မိမိတို့၏ အနာဂတ်တွင် ကောင်းကျိုးဖြစ်ပေါ်စေနိုင်သောလုပ်ဆောင်ချက်များကို ကြိုတင်ပြင်ဆင်ထားနိုင်ပါ သည်။ မိမိရှာဖွေဖတ်ထားသော စာပေများကြောင့် မိမိလုပ်ငန်းလုပ်ကိုင်ရာတွင် ဆန်းသစ်တီထွင်၍ ဖန်တီးမှုစွမ်းရည်လည်း မြင့်မားကောင်းမွန်လာစေသဖြင့် အတွေးများကိုလည်း နက်နက်နဲနဲ တွေးတောတတ်လာမည်ဖြစ်သည်။ စာများများဖတ်ခြင်းကြောင့် ကိစ္စတိုင်းကိုစူးစမ်းလိုစိတ် ပြင်းထန်ပြီး အောင်မြင်တိုးတက်လိုသောစိတ်များကိုလည်း ဖြစ်ပေါ်လာစေသည်။ စာပေများကို ဦးနှောက်နှင့်နှလုံးသားဖြင့်ဖတ်ရသည့်အတွက် အာရုံစူးစိုက်မှုလည်းအားကောင်းစေပါသည်။
စာဖတ်ခြင်းသည် မှတ်ဥာဏ်ကိုတိုးမြှင့်ပေးနိုင်ခြင်း၊ ဦးနှောက်ထုံထိုင်းပျက်စီးမှုကို ကာကွယ်ပေးနိုင်ခြင်း၊ စိတ်မသက်မသာနာကျင်မှုအာရုံကို လွဲပြောင်းနိုင်ခြင်း၊ အာရုံစူးစိုက်စေပြီး တွေးတောမှုအားကောင်းခြင်း၊ စိတ်ဓါတ်ကျအားငယ်မှုများကို ကုစားနိုင်ခြင်းနှင့်စိတ်ဓါတ်တက်ကြွ၍ အောင်မြင်မှုတို့ကို ရရှိခံစားစေနိုင်ပါသည်။ စာဖတ်ခြင်းကို ချစ်မြတ်နိုးခြင်းသည် အတိတ်မေ့ရောဂါ ဖြစ်ပွားခြင်းမှကာကွယ်နိုင်ပြီး စိတ်ဖိစီးမှုများလျှော့ကျစေခြင်း၊ အပြုသဘောတွေးတောမှုကို အားကောင်းလာခြင်းနှင့် ခင်မင်ရင်းနှီ်းမှုများကိုလည်း အားကောင်းစေလာနိုင်ပါသည်။ စာမဖတ်သောသူသည် ပြတင်းပေါက်မရှိသောအခန်းနှင့်တူပြီး စာဖတ်သောသူသည် လောကကြီး ကို အလင်းနှင့်အေးချမ်းမှုကိုပေးသည့် စန္ဒာလနှင့်တူပါသည်။ ထို့ကြောင့် မိမိတို့၏ဘ၀နှင့် အနာဂါတ်ကမ္ဘာ သာယာလှပနိုင်ရန်အတွက် ယနေ့မှစ၍ စာဖတ်ရန်မပျင်းကြဖို့ တိုက်တွန်းလိုက်ရပါသည်။
ခွန်တကျော; (ခါ;ပြောဝ်,ပြုံ;)
Like On Facebook
Follow On Twitter
Subscribe On RSS