အချိန်အခါသည် အမြဲပြောင်းလဲနေသဖြင့် ယနေ့တိုးတက်နေသောကမ္ဘာသည် အသိပညာခေတ်သို့ရောက်လာရ၏။ အသိပညာမတိုးတက်မီက ရှင်ဘုရင်သေလျှင် အခြွေအရံအလုံးစုံ လိုက်ပါသေကြရသည်ကိုပင် ဓလေ့ထုံးစံတစ်ခုအဖြစ် ကျင့်သုံးရာမှ ယနေ့အသိပညာရှိလူသားများသည် ကမ္ဘာ့အဖြစ်အပျက်များကို ဝေဖန်သုံးသပ်နိုင်ကြပြီး သင့်လျော်သော အဖြေကို ထုတ်နိုင်ကြပြီဖြစ်သည်။ တိုးတက်ပြောင်းလဲမြန်ဆန်နေသောခေတ်တွင် မိမိအနေနှင့် တိုးတက်ပြောင်းလဲနေသော အသိပညာအကြောင်းကို တင်ပြပေးချင်ပါသည်။ ပြောင်းလဲခြင်းသည် သဘာဝတစ်ခုဖြစ်သော်လည်း လူသားတို့၏ တိုးတက်သောအသိပညာမှ ဆောင်ရွက်လိုက်သောအပြောင်းအလဲသည် ပိုမိုမြန်ဆန်လာပါသည်။ လူသားသည် တိုးတက်မှု အမြင့်ဆုံးနှင့် ဆုတ်ယုတ်မှုအနိမ့်ဆုံးကိုလည်း ဖန်တီးသူဖြစ်ရခြင်းမှာ ၎င်း၏အသိပညာကို အသုံးချမှုကြောင့်ဖြစ်သည်။
စား၊ ဝတ်၊ နေ ရေးဟူသော အခြေခံအသိမှတစ်ဆင့်မြင့် တိုးတက်သောအသိကို လူသားတို့ပိုင်ဆိုင်သည့်အခါ ကမ္ဘာသည် လျင်မြန်သောအဟုန်ဖြင့် ပြောင်းလဲသွား၏။ တစ်ဖက်တွင်လည်း ပညာခေတ်အတွင်း လူသားတို့၏ အသိနှင့် အတတ်များ အစွမ်းကုန်ဖွံ့ဖြိုးလာရာ တချို့သည် ပညာကြောင့်ပင် ပူပန်နေကြရ၏။ ဤသည်မှာပညာကို တလွဲအသုံးချခြင်းကြောင့်သာဖြစ်ပါသည်။ ပညာ၏အားသာချက်ကို သိသူတို့အတ္တပြင်းကြသဖြင့် လူသားကျင့်ဝတ်ကို ဖျက်ဆီးခြင်းကြောင့်သာဖြစ်ပါသည်။ ဤသည်ပင်ပြောင်းလဲခြင်းတစ်ခုဖြစ်ပါသည်။ လူသားတို့၏တိုးတက်သောအသိပညာသည် အမျိုးမျိုးအဖုံဖုံရှိသော်လည်း အပေါင်းလက္ခဏာဆောင်သောအသိသာ ဖြစ်သင့်ပါသည်။
လူသားများ၏ အသိဉာဏ်ပိုမိုတိုးတက်လာကြသည်မှန်သော်လည်း အချို့က အနုတ်လက္ခဏာဆောင်သော အသိဖြင့်သာ တိုးတက်သိမြင်လာကြခြင်းဖြစ်သည်။ အတ္တကိုအခြေခံသဖြင့် လူသားသည်မိမိထက် အခြားသူများကို ပိုမိုစိတ်ဝင်စားဖြစ်ကြသည်။ မိမိကိုယ်ကိုသဘာဝကျကျ ပိုမိုလေ့လာကြည့်ရှုခြင်းဖြင့်သာလျှင် ယနေ့လူသားတို့၏ တိုးတက်လာသော အသိသည် ကမ္ဘာကြီးကို ငြိမ်းချမ်းသာယာစေမည်ဖြစ်သည်။
လူသားတို့တွင် အဆင့်မြင့်အသိစိတ်ဟူသော အမှားအမှန်ဝေဖန်ပိုင်းခြားနိုင်ခြင်းနှင့် အနာဂတ်ကိုလှမ်းမျှော်ကြည့် နိုင်ခြင်းဟူသော အရည်အချင်းများကိုပိုင်ဆိုင်ကြပြီး အခြားသောသက်ရှိသတ္တဝါများတွင် သာမာန်အသိစိတ်နှင့် ခံစားမှုသာရှိကြသည်။ အဆင့်မြင့်အသိစိတ်ကို ပိုင်ဆိုင်သဖြင့်သာ လူ့ဘောင်၏ ပြောင်းလဲတိုးတက်မှုသည် လျင်မြန်သောအဟုန်ဖြင့် ရွေ့လျားနိုင်ခြင်းဖြစ်သည်။ တိုးတက်လာသော အသိများကြောင့် အယူအဆများလည်း အခြေခံမှတစ်ဆင့် ပြောင်းလဲလာကြပြီး ကမ္ဘာနှင့်လိုက်လျောညီထွေ၍ အသာစီးရရန်ကြိုးစားကြသည်။
ပြောင်းလဲခြင်းကြောင့် တိုးတက်သောအသိများရရှိလာသကဲ့သို့ တိုးတက်သောအသိ၏ လုပ်ဆောင်မှုကြောင့် ပြောင်းလဲခြင်းများတစ်ဖန်ဖြစ်လာရသည်။ အသိတိုးတက်မှုကြောင့် ပြောင်းလဲသွားသောထင်ရှားသည့် တိုးတက်မှုတစ်ခုမှာ ယနေ့ပြောဆိုနေကြသော ကမ္ဘာ့ရွာဟူသည့် ကမ္ဘာ့သွင်ပြင်လက္ခဏာဆောင်ခြင်းပင်ဖြစ်သည်။ အတတ်ပညာ၏ အသီးအပွင့် တစ်ခုဖြစ်သည့် သတင်းလျင်မြန်စွာကူးလူးရောက်ရှိသည် ကမ္ဘာ့ရွာကို ဖန်တီးခြင်း၏ အဓိကဖြစ်သည်။ အနယ်နယ်အရပ်ရပ်များ၏ ဖြစ်ပျက်မှုကို စက္ကန့်ပိုင်းအတွင်း အတားအဆီးမရှိ သိနိုင်ပြီဖြစ်သည်။
ရုပ်ဝတ္ထုဆိုင်ရာတိုးတက်မှုများထင်ရှားလာသော်လည်း စိတ်ပိုင်းဆိုင်ရာအရည်အသွေးမှာ ကျဆင်းလာနိုင်သည်။ မျက်မှောက်ခေတ်၏ယဉ်ကျေးမှုကို စက္ကန့်ပိုင်းအတွင်း လက်ခံရောနှောရာမှ မိမိတို့၏ကိုယ်တိုင် ယဉ်ကျေးမှုများလည်း ကြာလျှင် ရောနှောရာမှ ကွယ်ပျောက်လာနိုင်သည်။ အတတ်ပညာများ၏ အံ့မခန်းတိုးတက်မှုက ဘာသာရေး၏အဆုံးအမ၊ အသိတို့ကို ဖြည်းဖြည်းချင်းဝါးမျိုစုပ်ယူသွားနိုင်သည်။
ပြောင်းလဲခြင်း၏ ထင်ရှားသောမြင်ကွင်းကို မိမိ၏အနီးအနားတွင်ပင် တွေ့နိုင်မည်ဖြစ်သည်။ တိုးတက်လာသော အသိကို တစ်ဦးချင်းမှ ဦးဆောင်သူသို့တိုင် ထိန်းကျောင်းနိုင်ရန်လိုသည်။ အသိကိုဘဝတွင် လက်တွေ့အသုံးချပြီး ကောင်းကျိုးပြုစေခြင်းကိုသာ ဦးတည်စေလိုပါသည်။ အားထုတ်ရန်လည်း တိုက်တွန်းလိုအပ်ပါသည်။ ကိုယ့်ကံကြမ္မာ ကိုယ်ဖန်တီးခွင့်ရှိသော်လည်း သမိုင်းမှန်ရန်လိုအပ်သည်။ ၎င်းသည်ပင် လူ့ကျင့်ဝတ်နှင့် လူ့တန်ဖိုးဖြစ်ကြောင်း အလေးအနက်ထားစေလိုပါသည်။ တိုးတက်လာသောအသိကို ပညာဖြင့်ချွန်းအုပ်၍ ပညာသိ သိလာလျှင် သိသူရော ပတ်ဝန်းကျင်ပါ ကောင်းသောပြောင်းလဲခြင်းသို့ သယ်ဆောင်နိုင်မည်ဖြစ်သည်။ ရုပ်ပိုင်းဆိုင်ရာ သိမှုများကိုသာ ဦးစားပေး၍ အတ္တထည့်ပေါင်းလျှင် ထုဆစ်စဉ်က သတိမမူမိသောပန်းပုရုပ်မှာ ပြီးသည့်အခါ မလှမပဖြစ်လာမည်မှာ မလွဲဧကန် ဖြစ်သည်။
နိဂုံးချုပ်အနေဖြင့် သိမှုကို အပြန်အလှန်သုံးသပ်ခြင်း၊ အမှားအမှန်ဝေဖန်သုံးသပ်ခြင်းဖြင့် ကောင်းသော ပြောင်းလဲခြင်းများသို့ ရှေးရှုရန်ဖြစ်သည်။ အသိမြင့်သော လူသားများဖြစ်ပြီး ပတ်ဝန်းကျင်နှင့် ကင်းကွာ၍မရသဖြင့် လည်းကောင်း၊ နှောင်းခေတ်လူမျိုးဆက်များသို့ တန်ဖိုးရှိသော အတွေ့အကြုံအမွေတို့ကိုပေးနိုင်ရန်လည်းကောင်း မှန်သောအသိ နှင့် ကောင်းသောပြောင်းလဲခြင်းသို့ ဦးတည်သင့်သည်။ မိမိအနေဖြင့် တိုးတက်ပြောင်းလဲနေသောခေတ်တွင် ပညာရှိပါ၊ ပညာတတ် သက်သက်မဖြစ်ပါစေရန်နှင့် မှန်မှန်ကန်ကန်နှင့် ကျင့်သုံးနိုင်ရန်လိုအပ်သည်ဟု တိုက်တွန်းလိုပါသည်။
ဆားမူးပေး (စန္တားခမ်း)
Like On Facebook
Follow On Twitter
Subscribe On RSS