သင့်အရေးမဟုတ်တောင်မှ ဒါလေးသိသင့်သည်

တောင်ကြီး၊ ၂၀၁၆ ခုနှစ်၊ စက်တင်ဘာလ (၉) ရက်

ယခုခေတ် Social Network ဟုခေါ်သည့် လူမှုကွန်ရက်သည် နည်းပညာခေတ်၏ ရေပန်းအစားဆုံး ဆက်သွယ်ရေး ပုံသဏ္ဍာန်တခုဖြစ်လာပြီး လူမှုကွန်ရက်သည် ပုံစံအမျိုးမျိုး ထွန်းကားခဲ့ရာ ယနေ့အချိန်သည် Facebook SocialNetwork သည် လူသုံးအများဆုံး ဖြစ်လာပါသည်။ လူမျိုးပေါင်းစုံ ဘာသာစကားမျိုးစုံနှင့် သုံးစွဲနေကြသည်ကို တွေ့မြင်ရပါသည်။ လူမှုကွန်ရက်တွေကြောင့် ကောင်းကျိုးများပေါ်ပေါက်လာသကဲ့သို့ ဆိုးကျိုးများလည်း ပေါ်ပေါက်လာပြန်ပါသည်။ ထို့ကြောင့် လူမှုကွန်ရက်များနှင့် ပက်သက်ပြီး ဆင်ခြင်သင့်သည့် အပြုအမူများ ရှောင်ကျဉ်သင့်သည့် အချက်အလက်များလည်း များစွာရှိပါသည်။
အများစုသည် Facebook သို့မဟုတ် Social Network များပေါ်၌ လူမျိုးရေး၊ ဘာသာရေး ၊ နိုင်ငံရေး၊ သို့မဟုတ် တခြားအကြောင်းအရာ တစ်ခုခုပေါ်တွင် အုပ်စုကွဲပြားမှုများပေါ်မူတည်ပြီး လူသားအချင်းချင်း အမုန်းပွားရန် ၊ ပဋိပက္ခများဖြစ်ရန်၊ အဓိကရုဏ်းများပေါ်ပေါက်ရန် ရည်ရွယ်ချက် ရှိရှိဖြစ်စေ၊ ရည်ရွယ်ချက်မရှိဘဲနှင့်ဖြစ်စေအပြန်အလှန် လှုံ့ဆော် ရေးသား ပြောဆိုဝေဖန်ကြပြီး အပြင်းအထန်တိုက်ခိုက် အပုပ်ချကြလေ့ရှိပါသည်။ ဤကဲ့သို့ အွန်လိုင်းပေါ် လှုံ့ဆော်မှုများကြောင့် မလိုလားအပ်သည့် ပြဿနာများ ဖြစ်ပေါ်ခဲ့ပြီး ထိခိုက်ဆုံးရှုံးရသည့် မိသားစုများ လူမှုဘ၀များ မြေဇာပင်ဖြစ်ခဲ့ရသည့် ကလေးငယ်များ ပေါ်ပေါက်ခဲ့ဖူးသဖြင့် သူတို့သည်လည်း သင်နဲ့ထပ်တူ မိသားစုဘ၀၊ ကိုယ်ပိုင်ဘ၀၊ ကိုယ်ပိုင်ယဉ်ကျေးမှုများ ရှိနေမည်၊သူတို့သည်လည်း သင့်ကဲ့သို့ ငြိမ်းငြိမ်းချမ်းချမ်း လုံလုံခြုံခြုံ နေလိုကြမည်သည်မှာ သင်ကိုယ်ချင်းစာနိုင်မည်ဖြစ်သည်။ သမိုင်းကြောင်းတစ်လျှောက် ဖြစ်ပေါ်လာခဲ့သော အမုန်းပွားမှုများ၊ အငြင်းအခုန်များကို Facebook မှတစ်ဆင့် ထပ်မံ မီးမတောက်ပါစေရန် Facebook သည် လူမျိုးရေး၊ ဘာသာရေး အမုန်းပွားမှုများကို အစပျိုးခဲ့ပြီး အားပေးအားမြှောက် ပြုခဲ့မည်ဆိုလျှင် သင်သည် ဥပဒေအရ အရေးယူမခံရလည်း သင်သည်ပြစ်မှု ကျူးလွန်သူတစ်ယောက် ရက်စက်ကြမ်းကြုတ်သူတစ်ယောက် ဖြစ်သွားနိုင်သည်။ ထို့ကြောင့် Facebook မှတစ်ဆင့် လူသားအချင်းအချင်း အမုန်းပွားစေသောအပြုအမှုများ မလှုံ့ဆော်မိပါစေရန် အကြံပြုလိုပါသည်။
သင့် Statusက သင့်ကိုဖော်ပြနေသည်ကိုလည်း သတိထားဆင်ခြင်ရန် လိုပြန်ပါသည်။ Facebook သုံးစွဲသူတော်တော် များများသည် Status ပေါ်တွင် ကိုယ့်ခံစားချက်များ တင်ကြသည်ကို တွေ့ရှိရပြီး ဤသည်မှာ Facebook သုံးစွဲသူ အချင်းချင်းကြား ဆွဲဆောင်မှုတစ်ရပ်ဖြစ်လာသည်နှင့်အမျှ Facebook သုံးစွဲရသည့် အကြောင်းရင်းများထဲတွင် တစ်ခုပင် ပါဝင်လာပါသည်။ ထို့ကြောင့် လူအများစုသည် Status များတွင် အစွန်းရောက်သွားတတ်သော သဘောသဘာဝကို လေ့လာတွေ့ရှိရသကဲ့သို့ မိမိ၏စိတ်ထဲက ခံစားချက်ကို ပွင့်ပွင့်လင်းလင်းဖော်ပြခြင်းကို အခြားသူများဖတ်နေပေသော်လည်း တခြားသူများ ကြိုက်မကြိုက် သင့်မသင့် မစဉ်းစားမိပဲ ရေးဖြစ်သွားများလည်းရှိတတ်ပါသည်။ ၎င်းအတွက် သင့်ကိုယ် သင်မမြင်စေလိုသည့် ပုံစံနှင့် လူများထင်မြင်သွားတာမျိုး ဖြစ်တတ်ပြီး Status များကြောင့် နားလည်မှုလွဲမှားပြီး သင့်ကို အစွန်းရောက်သူ ၊ အတ္တကြီးသူ၊ မိုက်မဲသူဟု ထင်မြင်သွားတတ်ပြန်သည်။ အဘယ်ကြောင့်ဆိုသော် အများစုသည် သင်၏ တကယ့်အပြုအမူများကို မသိရှိပဲ Facebook-Status မှတစ်ဆင့် သင့်ကို ထင်မြင်ယူဆနေကြမှာဖြစ်ပါသည်။ နောက်တစ်ချက်သည် Status နှင့် ပက်သက်ပြီး Comment စစ်ပွဲများထဲ သင်ဘယ်တော့မှ ၀င်မပါရန်လိုအပ်ပြီး ၎င်းလုပ်ရပ်များသည် အခြေအမြစ်မရှိပဲ မိုက်မဲသူများသာ ပြုလုပ်ကြပါလိမ့်မည်ဖြစ်ပါသည်။
လွတ်လပ်စွာပြောဆိုခွင့်ရှိပါသည်။ သို့သော်လည်း Facebook သည် ဒီမိုကရေစီအရ သင့်ထင်မြင်ယူဆချက် သင့်အတွေးများ၊ သင့်ခံစားမှုများကို လွတ်လပ်စွာထုတ်ဖော်ပြောဆိုခွင့်ရှိသည့် နေရာတစ်ခုဖြစ်သည်။ သို့သော် လွတ်လပ်စွာထုတ်ဖော်မှုသည် တခြားသူများအပါ် ထိခိုက်နစ်နာစေခြင်းမျိုး ဖြစ်ပေါ်နိုင်စေသည့် အဖြစ်မျိုး မဖြစ်သင့်ပါ။ လွတ်လပ်စွာ ထုတ်ဖော်ပြောဆိုခွင့်ကို အခွင့်အရေးယူပြီး တစ်ခြား လူပုဂ္ဂိုလ်များ၊ အဖွဲ့အစည်းများ အယူအဆများ၊ အတွေးအခေါ်စသည့် လူမှုရေး၊ စီးပွားရေး၊ နစ်နာစေခြင်းမျိုး ဖြစ်ပေါ်အောင် မလုပ်မိစေရန် အရေးပါပါသည်။ အဘယ်ကြောင့်ဆိုသော် သင့်နှင့်သင့်သဘောထား ကိုက်ညီသူကဲ့သို့ပင် အခြားဆန့်ကျင်ဘက်များမှာလည်း သူတို့အစုအဖွဲ့များနှင့် လွတ်လပ်စွာဖော်ထုတ်ပိုင်ခွင့်ကို အလွဲသုံးစားလုပ်လာကြနိုင်ပြီး -
"လွတ်လပ်စွာထုတ်ဖော် ပြောဆိုခွင့်ကို အလွဲသုံးစွဲခြင်းသည် ဒီမိုကရေစီ၏ မျက်နှာကို အိုးမည်းသုတ်သည်နှင့်တူသည့်အပြင် တရားမျှတမှုကိုလည်း သွေဖည်စေသည့်အတွက် ဤအကျိုးအပြစ်တွေသည် သင့်အပေါ် ပြန်ကျရောက်စေနိုင်ပါသည်။"
လူများ ဖေ့ဘုတ်ခ်ကို သဘောကျသည့်အချက်သည် ကွဲကွာသွားသည့် သူငယ်ချင်းများ မိတ်ဆွေများ၊မိသားစုများကို မထင်မှတ်ပဲ အလွယ်တကူ ပြန်ဆက်သွယ်ရန်ရနိုင်သကဲ့သို့ သူငယ်ချင်းအသစ်များလည်း အမြဲတိုးပွားနေခြင်းကြောင့်လည်း ပါဝင်ပါသည်။
Facebook သုံးစွဲခြင်းအားဖြင့် မည်ကဲ့သို့သော ဓာတ်ပုံ ၊ ဗွီဒီယိုဖိုင်များ မတင်သင့်သည့်အချက်များကိုလည်း သင့်အနေနှင့် သိရှိထားရမည်ဖြစ်ပါသည်။ Andriod ဖုန်းတွေ၊ ထိတွေ့မျက်နှာပြင်များကြောင့် နိုင်ငံသား ဂျာနယ်လစ်၏ အခန်းကဏ္ဍသည် ပိုမို ကျယ်ပြန့်လာပါသည်။ ၂၁ရာစုတွင် ဓာတ်ပုံအများဆုံးရိုက်သည့် ကိရိယာသည် တယ်လီဖုန်းကင်မရာများ ဖြစ်ပြီး ထူးခြားဖြစ်စဉ်များ ပေါ်ပေါက်လာသည်နှင့်တပြိုင်နက် ဖုန်းကင်မရာနှင့် ရိုက်ပြီး Social Network ပေါ်ပစ်တင်လိုက်သည့် အလေ့အကျင့်သည် လူ့အဖွဲ့အစည်း၏ နက်နက်ရှိုင်းရှိုင်း အမြစ်တွယ်နေပြီဖြစ်ပါသည်။ သို့သော် ဓာတ်ပုံတိုင်းသည် အကောင်းဘက်ချည်းသို့ ရလဒ်ထွက်ခြင်းမဟုတ်ပေ။ ဖြစ်နိုင်သမျှသည် သေသူများနှင့်ကလေးသူငယများ၏ ဓါတ်ပုံများသည် အွန်လိုင်းပေါ် မတင်ရန်ပိုပြီးအရေးကြီးပါသည်။ မလွဲမရှောင်သာ တင်ရန်ကြုံမည်ဆိုရင်လည်း သတိထားဖို့လိုပါသည်။ ထိခိုက်ဒဏ်ရာရမှုကြောင့် ရုပ်ပျက်ဆင်းပျက် ဖြစ်စဉ်များ၊မှုခင်းဆိုင်ရာ အကြောင်းအရာများ၊ အများသူငါ မကြည့်ရှုသင့်သည့် ဓာတ်ပုံများ၊ လူအုပ်စုအချင်းချင်း ပဋိပက္ခမီးတောက်လောင်နိုင်စေမည့် ဓါတ်ပုံများကိုသတိထားရမည်ဖြစ်သည်။ အသက်မပြည့် သေးသည့် ကလေးသူငယ်၏ ဓာတ်ပုံကိုလည်း အလွယ်တကူမတင်သင့်ပါ။၊ ကလေးခိုးဂိုဏ်းများ၊လူကုန်ကူးသူအဖွဲ့၏ ပစ်မှတ်သည် မိမိကလေးသူငယ်အပေါ် အွန်လိုင်းပေါ်ကတဆင့် ကျရောက်လာနိုင်သည်။ ဆင်းရဲနွမ်းပါးပြီးတောင်းစားနေသည့် ကလေးသူငယ်များကိုဖြစ်စေ၊ လေလွင့်ကလေးငယ်တို့၏ ပုံကိုဖြစ်စေ၊ ပြစ်မှုပြစ်ခင်း ကျူးလွန်ထားမိသည့် ကလေးငယ် တို့၏ဓာတ်ပုံများကိုဖြစ်စေ အွန်လိုင်းပေါ်မတင်မိရန် အရေးကြီးပါသည်။ သူတို့၏အနာဂါတ်သည်  မသိဘာသာ ရိုက်တင် လိုက်သည့် ဓာတ်ပုံများကြောင့် အမည်းစက်ကြီး တစ်ခုအနေဖြင့် တစ်ဘ၀လုံးလွှမ်းမိုးအောင် မလုပ်သင့်ပေ။ ဤလုပ်ရပ်သည် ကလေးသူငယ် အခွင့်အရေးကို သွယ်ဝိုက်ချိုးဖောက်ရာကျနေပါသည်။ အကြမ်းဖျင်းအားဖြင့် ယခုကဲ့သို့သော ဓါတ်ပုံများသည် Social Network သုံးစွဲသူအနေနှင့်သော်လည်းကောင်း၊ နိုင်ငံသားဂျာနယ်လစ်အနေနှင့် သော်လည်းကောင်း အွန်လိုင်းပေါ် မတင်ရန် အကြံပြုလိုပါသည်။
ထို့ကြောင့် Facebook သည် တက္ကသိုလ်ကျောင်းသား တစ်ဦး၏ ကျောင်းသားအချင်းချင်း ဆက်သွယ်နိုင်ရန် စိတ်ကူးစိတ်ကူး တီထွင်ခဲ့သည့် ဆက်သွယ်ရေးမီဒီယာတစ်ခုဖြစ်ပြီး ယခုအခါတွင်မူ Facebook သုံးစွဲသူများသည် အလေးအနက် အတည်တကျ သုံးစွဲခြင်းထက် အပျော်သဘော သုံးစွဲမှုက ပိုမိုများပြားလာသည်။ ထို့ကြောင့် Facebook ပေါ်တွင် ကြီးကျယ်မြင့်မြတ်သည့် ဘာသာရေးအကြောင်းအရာ တလေးတပင် ဆွေးနွေးခြင်းမျိုးသည် ရလဒ်မကောင်းသည့် အငြင်းအခုံများသာ ဦးတည်စေတတ်ပြီး ဘာသာကွဲ၊ဘာသာခြား၊ဘာသာမဲ့များနှင့် ထိပ်တိုက်ပြောဆိုအငြင်းပွားမှုများ မပြုလုပ်သင့်ပါ။ ဘာသာရေး တာဝန်ထမ်းဆောင် နေသူများသည်လည်း Facebook ကို အသုံးပြုပြီး ၀ါဒဖြန့်ခြင်း၊ဆွဲဆောင်စည်းရုံးခြင်း၊ ဘာသာရေးမှိုင်းသွင်းခြင်းမျိုးသည် မကြိုးပမ်းသင့်ဟုထင်ပါသည်။ Facebook နှင့် သာသနာပြုရန် ကြိုးစားခြင်းသည် အလေးအမြတ်ပြုစရာ ဘာသာတရားတို့သည် ပေါ့ပျက်ပျက်ပြုမူမှုမျိုး ဖြစ်စေနိုင်သည့်အတွက် Facebook ကနေ သာသနာပြုရာမရောက်ဘဲ အယူအဆ မတူသူတွေကြားထဲမှာ ရန်ငြိုးရန်စပွားစေသည့် အငြင်းအခုံခြင်းပဲ ဖြစ်စေသည့်အတွက် သာသနာဖျက်ကဲ့သို့ဖြစ်တတ်သည့်အတွက် ဆင်ခြင်သင့်ပါသည်။
Social Network ကြောင့် သင့်တွင်ရန်သူများမတိုးပွားစေရန်၊ လူတိုင်းသည် သူ့အယူအဆနှင့်သူရှိပြီး ပဋိပက္ခများကြားတွင် ၀င်မပါမိစေရန် အရေးကြီးပါသည်။ သင်သည် ကျော်ကြားသူတစ်ယောက်ဆိုလျှင် ပိုမိုသတိထားရမည်ဖြစ်ပါသည်။ အကယ်၍ နယ်ပယ် တစ်ရပ်ရပ်တွင် ထူးချွန်ထင်ရှားသူ တစ်ယောက်ဖြစ်မည်ဆိုလျှင် Facebook ကို ကိုယ်တိုင်သုံးစွဲရန် အဆင်ပြေမည်မထင်ပါ။ တချို့သည် သင်၏ကျော်ကြားမှုကို အထင်ကြီးသောကြောင့် မိတ်ဆွေဖွဲ့ခြင်း၊ တချို့သည် သင့်၏ ကောလဟလကို အတည်ပြုရန် သင်နှင့် မိတ်ဆွေဖွဲ့ခြင်း၊ တချို့သည် သင့်ကို အနှောင့်အယှက်ပေးလိုခြင်းကြောင့် သူငယ်ချင်းလာလုပ်ခြင်း အမျိုးမျိုး တွေ့ရပါသည်။ သင်၏ wall ပေါ်တွင် ရှုပ်ယှက်ခတ်အောင် သူတို့တင်လိုသည့် အကြောင်းအရာများ ဇွတ်တင်ပစ်ခြင်းစသည်များလည်း ဖြစ်တတ်ပါသည်။ သူတို့သည် သင့်ကို အားနာမည်မဟုတ်ပါ။ သင်သည် သူတို့အပေါ် စိတ်လိုက်မာန်ပါ အမှားအယွင်း တစ်ခုခု ပြောမိဆိုမိရင်ဖြင့်  ၎င်းကို ပုံကြီးချဲ့ပြီး သင်သည် Facebook ပေါ်က သတင်းသားကောင် တစ်ကောင်အဖြစ် အလွယ်တကူ ခံရသွားနိုင်ပါသည်။ ထို့ကြောင့် သင်သည် လိုအပ်ချက်ဖြင့် Facebook အသုံးပြုမည်လျှင်ပင် သာမာန်လူများထက် ပိုမိုဂရုစိုက်ပြီး အသုံးပြုသင့်ပါသည်။
Social Network ကြောင့် တချို့သည် ကောလဟလများကို မဆန်းစစ်တတ်၍၊ စိတ်ရောဂါရရှိသူများလည်းတွေ့ရှိရပါသည်။ Social Network သည် ကောင်းကောင်းသုံးတတ်လျှင် ရတနာတစ်ခုဖြစ်လာပြီး ကောင်းကောင်းမသုံးတတ်ရင် ကျိန်စာ တစ်ခုဖြစ်လာနိုင်ပါသည်။ ထို့ကြောင့် မည်သည့် နည်းပညာမဆို ကောင်းကျိုးဆိုးကျိုးဒွန်တွဲပါလာတတ်ပြီး Social Network ပေါ်မှ ပြစ်မှုများ ၊ Facebook အသိုင်းအ၀ိုင်းမှ စံသတ်မှတ်ချက်များကို သိရှိနားလည်ပြီး သင့် Facebook ကြောင့် လူမျိုး၏ဂုဏ်သိက္ခာကို မကျဆင်းစေရန် လူမျိုး၏ဂုဏ်သိက္ခာကို မြှင့်တင်နိုင်ပါစေဟု ဆန္ဒပြုရင်း ရေးသားလိုက်ရပါသည်။
လွတ်လပ်စွာပြောဆိုပါ............အမုန်းစကားမဖြန့်ပါနှင့် (Hate Speech)
ခွန်ခမ်းမို့,ဦ,(ကောင်နောက်,ဟေ့,)
credit; လူမှုကွန်ယက်ဆိုင်ရာ ဆင်ခြင်ဖွယ်ရာများ