တာဝန်ခန်းခေါင်းဆောင်မှု

တောင်ကြီး၊ ၂၀၁၆ ခုနှစ်၊ စက်တင်ဘာလ (၂) ရက်

လူ့အဖွဲ့အစည်းယန္တရားရှင်သန်လှုပ်ရှား စည်ပင်ဖွံ့ဖြိုးနေစေရန်အတွက် အလွှာအဆင့်ဆင့် အသီးသီး၌ ထက်မြတ်ထိရောက်သော ခေါင်းဆောင်မှုကို စဉ်ဆက်မပြတ် တည်ဆောက်နေရသည်ဖြစ်ရာ ခေါင်းဆောင် ကိုယ်ရည်ကိုယ်သွေး လေ့လာဆန်းစစ်ချက်များကို နိုင်ငံတိုင်းလိုလို၌ ပြုစုလျက်ရှိသည်။
သုတေသီများ၏ လေ့လာချက်အရ ခေါင်းဆောင်မှုပုံစံနှစ်မျိုးရှိသည်။ အခြေခံအကျဆုံးပုံစံနှစ်မျိုး အနက် တစ်မျိုးမှာ လုပ်ငန်းဦးတည်ခေါင်းဆောင်မှုဖြစ်သည်။ ထိုခေါင်းဆောင်မှုအမျိုးအစားသည် အမိန့်အာဏာသုံးသည်။ လမ်းညွှန်စေစားသည်။ ဒုတိယတစ်မျိုးမှာ ပုဂ္ဂိုလ်ဦးတည်ခေါင်းဆောင်မှုဖြစ်သည်။ ထိုခေါင်းဆောင်မှုအမျိုးအစားသည် ဗဟုဝါဒထုံးလိုက်သည်။ ကာသာပေးသည်။ လိုက်လျောညီထွေကျင့်သည်။ လက်ရည်တစ်ပြင်တည်း ပါဝင်ဆောင်ခွင့်ပေးသည်။
ထိုခေါင်းဆောင်မှုနှစ်မျိုးအနက် အနောက်တိုင်း ဖွံ့ဖြိုးချမ်းသာပြီးသောနိုင်ငံများ၌ ပထမအမျိုးအစားကို နှာခေါင်းရှုံ့ကာ ဒုတိယအမျိုးအစားကို ဖူးဖူးမှုတ်လာခဲ့သည်မှာ ကာလအတန်ကြာလာခဲ့ပြီဖြစ်သည်။ ဒုတိယအမျိုးအစားခေါင်းဆောင်မှုအောက်တွင်သာ လူထုပိုမိုပျော်ပိုက်သည်။ လုပ်သားထု ပိုမိုနှစ်သက်သည်။ ကုန်ထုတ်စွမ်းရည် ပိုမိုတိုးမြင့်လာသည်ဟုမှတ်ယူခဲ့ကြသည်။
ထိုသဘောထားသည် အရှေ့အုပ်စုနှင့် ဖွံ့ဖြိုးဆဲနိုင်ငံများသို့ ကူးစက်ပျံ့နှံ့လာသည်။ ဗဟုဝါဒ ရေပန်းစားလာသည်နှင့်အမျှ ကုန်ထုတ်လုပ်ငန်းများ၌ လုပ်သားထုအား မျက်နှာသာပေးသော လက်ရည်တစ်ပြင်တည်း ပါဝင်ဆောင်ရွက်ခွင့်ပေးသော ပုဂ္ဂိုလ်ဦးတည်ခေါင်းဆောင်မှုပုံစံသည် လူထုအကြိုက်ဖြစ်လာသည်။
ဤအခြေအနေတွင် အနောက်တိုင်းဖွံ့ဖြိုးချမ်းသာနိုင်ငံများ၌ ခေါင်းဆောင်မှုဆိုင်ရာအယူအဆသစ်များ ပေါ်ထွက်လာပြန်သည်။
ထိုအယူအဆသစ်အရ ပုဂ္ဂိုလ်ဦးတည်ခေါင်းဆောင်မှုသည် လူထုအကြား တက်ကြွဇောသန်မှုကို ပိုမိုမြင့်မားအောင် စွမ်းဆောင်နိုင်စွမ်းမရှိဟုဆိုသည်။ ကုန်ထုတ်စွမ်းရည်မြင့်မားမှုဘက်က ကြည့်လျှင်လည်း ထိုခေါင်းဆောင်မှုပုံစံသည် ကုန်ထုတ်စွမ်းရည်မြင့်မာစေနိုင်စွမ်း ရှိလိုရှိ မရှိလိုမရှိ သဘောမျိုးဖြစ်သည်။ အလျဉ်းမရှိဟူ၍ ဆိုနိုင်စရာပင်အကြောင်းရှိသည်ဟုဆိုသည်။
ထိုအယူအဆပေါ်တွင် အခြေခံလျက် တတိယအမျိုးအစားခေါင်းဆောင်ပုံစံတစ်ရပ်ကို ဖော်ထုတ်လာသည်။ ပထမအမျိုးအစားနှင့် ဒုတိယအမျိုးအစားနှစ်ခုအနက်မှ ကောင်းကွက်တို့ကို ယူထားသည့်စပ်ကြားပုံစံဖြစ်သည်။ တာဝန်ခန်းဦးတည်ခေါင်းဆောင်မှုဟု အမည်နာမသတ်မှတ်ထားသည်။
တာဝန်ခန်းဦးတည်ခေါင်းဆောင်မှုတွင် ခေါင်းဆောင်မှုအပိုင်းသည် အပ်နှံအာဏာမသုံး။ ချုပ်ကိုင်ခြယ်လှယ် ခြင်းမပြု။ သို့သော် နောက်လိုက်လူထုလိုက်နာဆောင်ရွက်ရမည့် တာဝန်ခန်းကို ရှင်းလင်းပြတ်သားစွာချမှတ်ညွန်းဆိုသည်။
နောက်လိုက်အင်အားစုအဖို့ ခေါင်းဆောင်ပိုင်းဘက်က ဘာဖြစ်စေချင်၊ ဘာလုပ်စေချင်၊ ဘာပြီးစေချင်သည် ဆိုသော မိမိတို့၏တာဝန်ကဏ္ဍကို ရှင်းလင်းပြတ်သားစွာ သိမြင်သဘောပေါက်ထားခြင်းဖြင့် လုပ်ရဲကိုင်ရဲစိတ် ရှင်လာစေသည်။ လွတ်လွတ်လပ်လပ်လုပ်ခွင့်ကိုင်ခွင့် ရှိလာစေသည်ဟုဆိုသည်။ သူများယောင်လို့ယောင် အမှောင်တွင်တောင်မှန်းမြောက်မှန်းမသိအဖြစ်မျိုးမှကင်းဝေးလာသည်။ အမှားလုပ်မိနိုးနိုးစိုးရွံ့တွန့်ဆုတ်သော မလုပ်ဝံ့မကိုင်ဝံ့သောစိတ်ပြေပျောက်လာသည်။ မြေစမ်းခရမ်းပျိုးရဲလာသည်။ အဆုံးအဖြတ်ပေးဝံ့ လာသည်ဟုဆိုသည်။
ခေါင်းဆောင်ပိုင်းအနေဖြင့် နောက်လိုက်အင်အားစု၊ ပြည်သူလူထု၊ အလုပ်သမားထု စသည်တို့၏ အကျိုးစီးပွားကို အရေးထားတတ်ရမည်။ အလေးထားတတ်ရမည်။ တစ်ချိန်တည်းမှာပင် ထိုအင်အားစုတိုို့ကလိုက်နာလုပ်ဆောင်ကြရမည်။ တစ်ချိန်တည်းမှာပင် ထိုအင်အားစုတို့လိုက်နာလုပ်ဆောင်ကြရမည့်တာဝန်ခန်းကို ပြဋ္ဌာန်းသတ်မှတ်နိုင်စွမ်းသော သြဇာအာဏာရှိရမည်ဟုဆိုသည်။
ဤသည်တို့မှာ ခေတ်သစ်လူမှုရေးပညာရှင်တို့ လေ့လာသတ်မှတ်ထားကြသည့် ခေါင်းဆောင်မှုပုံစံသုံးမျိုးသုံးစားနှင့် ယင်းတို့၏ ထိရောက်စွမ်းဆောင်မှု အနေအထားများဖြစ်သည်။ နောက်ဆုံးပေါ် ခေါင်းဆောင်မှုပုံစံ၏ အချုပ်သဘောမှာ မန်နေဂျာများက နောက်လိုက်အင်အားကိုမာရေကြောရေလည်းမခိုင်း၊ ကျို့ကျို့ယို့ယို့လည်းမျက်နှာချိုမသွေး၊ တာဝန်ခန်းကို လမ်းညွန်သည်။ တာဝန်ခန်းကို သိမြင်စေသည်ဟူသော အချက်ပင်ဖြစ်သည်။
ယခုအခါ ကမ္ဘာ့နိုင်ငံများစွာ၌ စီးပွားရေး၊ လူမှုရေးစသည်နယ်ပယ်အားလုံးရှိ ခေါင်းဆောင်မှုပုံစံများ ပြောင်းလဲနေသည်။ ထက်မြက်သောခေါင်းဆောင်မှု၊ အကျိုးဖြစ်ထွန်းမှုရှိသောခေါင်းဆောင်မှု စစ်မှန်သောခေါင်းဆောင်မှု၊ ရှင်သန်သောခေါင်းဆောင်မှု၊ လူလိုနတ်ကြိုက်ခေါင်းဆောင်မှုပေါ်ထွန်းရေးအတွက် ကြံဆလှုပ်ရှားနေကြခြင်းဖြစ်သည်။

ခွန်ထွိုင်; ( ဝေင်,နယ်;သီ;သဲင်;)