Monday, December 5, 2016

မွေးဖွားချိန်မှ စတင်၍

တောင်ကြီး၊ ၂၀၁၆ ခုနှစ်၊ ဒီဇင်ဘာလ (၅) ရက်


အောင်မြင်မှုအတွက် လူသားများမွေးဖွားလာကြသည်ဆိုသည့်အယူအဆကို ခံယူတတ်ရန်၊ ခံယူထားလာရန်၊ မိဘနှစ်ပါး၏ ဆိုဆုံးမမှုများနှင့်အတူ လက်တွေ့ကျသည့် ပြိုင်ဆိုင်မှုများက မိမိသာမကလူသားအားလုံး ပြုမူနေထိုင်လာတတ်ရန် လက်တွေ့ဆန်သည့် အယူအဆဆိုသည်မှာ ခေတ်အသီးသီးမှ လူသားများစွာကလည်း သက်သေထူခဲ့ကြပြီးဖြစ်ပါသည်။

“အောင်မြင်မှု”သည် ရိုးရှင်းသောစကားလုံးတစ်လုံးဖြစ်သော်လည်း အဓိပ္ပာယ်ဖွင့်ဆိုချက်၊ သတ်မှတ်ချက်နှင့် အကြောင်းအရာတို့၏ကွဲလွဲမှုနှင့် “အောင်မြင်မှု” ဆိုသည့် စကားလုံးကို အသုံးပြုသူများအကြားကွဲလွဲမှုကြောင့် စကားလုံး၏ပြောင်းလဲမှုသည် မိုးနှင့်မြေကဲ့သို့ကွာခြားနိုင်ပါသည်။ မိမိအပါအဝင် အများစုသောလူသားများအတွက် အောင်မြင်မှုသည် မိမိ၏အတ္တ၊ လောဘကို အခြေခံထားကာတူညီသောအဓိပ္ပာယ်ဖွင့်ဆိုမှုအရဆိုလျှင် မိမိဖြစ်ချင်သည့်၊ ဖြစ်သင့်သည့်အရာကို ဖြစ်မြောက်အောင် ကြိုးစားအားထုတ်လုပ်ဆောင်ခြင်းဟုဆိုချင်ပါသည်။ ဖြစ်ချင်သည့်ဆန္ဒတစ်ခုကို လက်တွေ့ခံစားဖြစ်ပေါ်လာအောင် ပုံဖော်ဆောင်ရွက်ခြင်းသည် ထင်သလောက်လွယ်ကူမှု မရှိသည်မှာ အမှန်ပင်ဖြစ်သည်။ သို့သော် ခန့်မှန်းထင်မှတ်ထားသလောက် ခက်ခဲပင်ပန်းလေ့ မရှိပါချေ။ ပြင်းပြထက်သန်သည့် စိတ်၊ မဆုတ်မနှစ်ကြိုးစားသည့် လုပ်ရပ်၊ သင့်တင့်လျော်ကန်သည့် ပညာဉာဏ်၊ ရဲဝင့်တက်ကြွသည့် အင်အားများနှင့် ပေါင်းစပ်လုပ်ကိုင်လျှင် လိုချင်သည့် အောင်မြင်မှုပန်းတိုင်သည် မိမိ၏လက်တစ်ကမ်းအကွာမှာတည်ရှိနေမှာမလွှဲနိုင်ပေ။ “လူတွေထဲမှာ သာမာန် လူတစ်ယောက်ဖြစ်ခြင်းထက် လူတွေထဲမှာ ကျော်ကြားအောင်မြင်သည့်ဘဝကို သင်အပါအဝင် လူတိုင်းရယူပိုင်ဆိုင်ချင်သည်မှာ လူ့သဘာဝပါ။” ထိုကဲ့သို့သာမာန်လူသားတစ်ယောက်ထက်ပိုသော ဘဝအဆင့်အတန်း၊ နယ်ပယ်တို့အားပိုင်ဆိုင်ရန်အတွက် အတားအဆီးတို့အားကျော်ဖြတ်ပြီး ပြိုင်ဆိုင်မှုအားအရှိန်အဟုန်ပြည့် ဆောင်ရွက်ရသောလူသားတစ်ယောက်၏ အသက်ရှင်ရပ်တည်မှုသည် သာမာန်ထက်ပိုသောလုံ့လ၊ ဝီရီယနှင့် ရပ်တည်မှုများ ရှိရန်လိုအပ်ပါသည်။ သို့သော်လည်း ဘဝဆိုသည့်အရာသည် မွေးဖွားချိန်မှစတင်၍ သေဆုံးသည့်အချိန်အထိ ယှဉ်ပြိုင်မှုများက လူသားတိုင်းအတွက် အနည်းနှင့်အများ ဖြစ်ပေါ်လာတတ်သဖြင့် အောင်မြင်မှုကို ယှဉ်ပြိုင်ရယူလေ့ ရှိတတ်သည်မှာ သဘာဝဖြစ်စဉ်တစ်ခုပင်ဖြစ်ပါသည်။ ထို့ကြောင့် သာမရိုးကျ လူမသိ၊ ရိုးရိုးကုတ်ကုတ်ဘဝနှင့် ကျေနပ်စွာနေထိုင်ရခြင်းထက် ဘဝ၏အောင်မြင်မှုအရသာနှင့် အောင်မြင်မှုသရဖူအတွက် ကြိုးစားလုပ်ဆောင်ပြီး ကုန်ဆုံးသွားသောအချိန်များကို လူတိုင်းလိုလားတောင်းတလေ့ရှိကြပါ သည်။ စွန့်လွှတ်မှု၊ စွန့်စားမှု၊ စိန်ခေါ်မှုများနှင့် စိတ်လှုပ်ရှားစွာ ဖြတ်ကျော်ရသောဘဝသည် ခံစားမှုရသစုံလင်ပြီး၊ ရှုံးနိမ့်မှု၊ ဆုံးရှုံးမှု၊ အောင်မြင်မှု၊ ကျော်ကြားမှုအရသာအထူးစုံလင်ခြင်းသည် လူသားတိုင်းတက်မက်စွာဖြင့် အပြိုင်အဆိုင်ကြိုးစားမှုများကြောင့် မထူးဆန်းသော လူ့သမိုင်းကြောင်းပင်ဖြစ်ပါသည်။

မိမိအနေဖြင့် မိမိဘဝကို မိမိဖြစ်ချင်သည့် အိပ်မက်များကို အကောင်အထည်ဖော်သူအဖြစ် လုပ်မည်လား၊ သူတစ်ပါး၏ အိပ်မက်များကို အကောင်အထည်ဖော်သူအဖြစ်နေမည်လား၊ အိပ်မက်များကို ရှာဖွေသူတစ်ယောက်အနေဖြင့် ဘဝကိုဖြတ်သန်းသွားမည်လားဆိုသည်မှာ မိမိတို့၏ ဆုံးဖြတ်ချက်ပေါ်တွင်မူတည်နေပါသည်။ နောက်ဆုံးအနေဖြင့်  ဘဝမှာအောင်မြင်မှုအရသာကို ခံစားဖို့ထက် အောင်မြင်မှု အလင်းရောင်၊ အိပ်မက်များအကောင်အထည်ပေါ်လာပြီး အမှန်တကယ် ခံစားနိုင်ရန် တစ်ဦးတစ်ယောက်တည်း၏ အိပ်မက်များထက် အများတကာအတွက် တူညီသော အိပ်မက်များခံစားစေဖို့၊ ဆောင်ရွက်ပေးခဲ့သည့် မြန်မာနိုင်ငံသားလူငယ်၊လူလတ်တစ်ယောက်ဖြစ်သည့် ဗိုလ်ချုပ်အောင်ဆန်းလိုလူမျိုးတစ်ဦးပေါ်ထွန်းခဲ့ပါသည်။ မိမိ၏ဖြစ်ချင်သည့်အိပ်မက်များ စိတ်ပိုင်းဖြတ်မှုနှင့် ကြိုးစားလုပ်ဆောင်မှုများဖြင့် အလုပ်လုပ်ဖို့အချိန်ယူပါ။ စဉ်းစားတွေခေါ်ဖို့အချိန်ယူပါ။ စာဖတ်ဖို့အချိန်ယူပါ။ မိတ်ဆွေဖြစ်ဖို့အချိန်ယူပါ။ စိတ်ကူးကြံ့ဆဖို့အချိန်ယူပါ။ ချစ်ဖို့/ချစ်ခြင်း ခံယူဖို့အချိန်ယူပါ။ ဝန်းကျင်လောကကိုလေ့လာဖို့အချိန်ယူပါ။ ရယ်မောဖို့အချိန်ယူပါ။ ဘုရားဝတ်ပြု ဖို့အချိန်ယူပါ စသည့်အကြောင်းများသည် မဝေးသောမနက်ဖြန်တွင် ချိုမြိန်သောအောင်မြင်မှုများဆီသို့ဖန်တီးရှာဖွေရင်း အောင်မြင်သောဘဝမှတ်တိုင်များပေါ်ထွန်းရန် အထောက်အကူများစွာ ဖြစ်စေသည်ကို ရေးသားတင်ပြလိုက်ရပါသည်။

ဒါန-ရှေ့ဆောင် မြန်မာသတင်းလွှာ(ကိုးကားချက်)
ခမ်းစန္တာပအိုဝ်းမူပေ
Powered by Blogger.