၂၀၁၇ ခုနှစ်၊ ဇန်န၀ါရီလ (၃၁) ရက်နေ့၊ ပအိုဝ်းကိုယ်ပိုင်အုပ်ချုပ်ရဒေသ၊ ဟိုပုံးမြို့နယ်၊ ပေါင်လင်းကျေးရွာအုပ်စု၊ ပေါင်လင်းအထက်တန်း ကျောင်း(ခွဲ) ဟိုပုံးမြို့နယ်ရဲတပ်ဖွဲ့၊ ဟိုပုံးမြို့မရဲစခန်းမှ ဦးစီးသော မှုခင်းကျဆင်းရေးနှင့်သက်ငယ်မုဒိမ်းပပျောက်ရေး အသိပညာပေးဟောပြောပွဲကျင်းပခဲ့ပါသည်။
အဆိုပါဟောပြောပွဲတွင် ဟိုပုံးမြို့နယ် ပြန်ကြားရေးနဲ့ပြည်သူ့ဆက်ဆံရေးဦးစီးဌာန မြို့နယ်ဦးစီးမှူးဒေါ်နန်းဦးခမ်းမှအဖွင့်အမှာစကားပြောကြားပြီး၊ ဟိုပုံးမြို့နယ် ဥပဒေအရာရှိ ဒေါ်ထက်ထက်စံမှ ဥပဒေဆိုင်ရာများဟောပြောပေးခဲ့ကာ ဟိုပုံးမြို့နယ်ရဲတပ်ဖွဲ့ မြို့မရဲစခန်း ဒု-ရဲမှူး ဇော်မင်းမှ သက်ငယ်မုဒိမ်းဖြစ်ရခြင်းအကြောင်းကိုအကျယ်တ၀င့် ရှင်းလင်းခဲ့ရာမှာ (သက်ငယ်မုဒိမ်းဖြစ်ရခြင်း၏အကြောင်းရင်းမှာ မိဘရဲ့အုပ်ထိန်းမှုနှင့်လည်းဆိုင်တယ်၊ နည်းပညာပိုင်းဆိုင်ရာတွေနဲ့လည်းဆိုင်တယ်၊ အခုခေတ်က ဖုန်းခေတ်ဆိုတော့ လူငယ်လူရွယ်ခပ်များများဟာ ဖုန်းကိုတွယ်မက်တာ မမြင်သင့်မရှုသင့်တာတွေကိုလည်း မြင်နေရတာပါတယ် မိဘရဲ့အလိုက်မှုတွေနဲ့လည်းဆိုင်တယ်)လို့ပြောကြားသွားခဲ့ပါသည်။
ဆက်လက်၍ မိဘပြည်သူများအနေဖြင့် နောက်နောင်တွင်မှုခင်းနှင့် သက်ငယ်မုဒိမ်းကျဆင်းစေဖို့ရန်အတွက် တစ်ဘက်တစ်လှမ်းကနေပြီး အတူလက်တွဲကူညီမှသာ ကျဆင်းလာမည်ဖြစ်သည်။ ဟောပြောပွဲသို့ လာရောက်နားထောင်သော ကျောင်းသား/သူပေါင်း ၄၀၈ ဦး၊ ဆရာ/မ ၂၂ ဦးဖြစ်ကြောင်းသိရှိရပါသည်။
နဂါ,သ,ရာ;
Like On Facebook
Follow On Twitter
Subscribe On RSS