Monday, January 9, 2017

ကျောက္ကချားလူငယ်နှင့်ပအိုဝ်းအမျိုးသားအဖွဲ့ချုပ်(PNO)မှစည်းရုံးရေးဌာန၊နိုင်ငံတကာဆက်ဆံရေးဌာနတို့တွေ့ဆုံခဲ့ကြ

တောင်ကြီး၊ ၂၀၁၇ ခုနှစ်၊ ဇန်န၀ါရီလ (၉) ရက်



ပအိုဝ်းကိုယ်ပိုင်အုပ်ချုပ်ခွင့်ရဒေသ၊ဟိုပုံးမြို့နယ်၊စံဖူးကျေးရွာအုပ်စု၊ကျောက္ကချားရွာ၌ကျောက္ကချားရွာလူငယ်များနှင့်ပအိုဝ်းအမျိုးသားအဖွဲ့ချုပ်(PNO)၊စည်းရုံးရေးဌာန၊နိုင်ငံတကာဆက်ဆံရေးဌာနတို့သည်၂၀၁၇ခုနှစ်၊ဇန်နဝါရီလ(၇)နေ့ညတွင်တွေ့ဆုံခဲ့ကြသည်။ဒေသဖွံ့ဖြိုးရေး၊အမျိုးသားအရေးတို့အကြောင်းအပြန်အလှန်ဆွေးနွေးနိုင်ရေး၊လူငယ်အချင်းချင်းအမြင်ဖလှယ်ရေး၊ပအိုဝ်းအမျိုးသားအဖွဲ့ချုပ်ရှိဌာနအလိုက်အစဉ်မပြတ်လူထုအသိပညာပေးရေးနှင့်လူထုအမြင်ရယူရေးတို့ကြောင့်ထိုသို့တွေ့ဆုံကြရခြင်းဖြစ်သည်ဟုသိရသည်။ထိုတွေ့ဆုံမှုတွင်ကျောက္ကချားလူငယ်နှင့်တကွဒေသခံများမှလူ(၁၀၀)ဦးကျော်၊ပီတိဆရာကွန်ယက်မှ (၁၁)ဦး၊ပအိုဝ်းအမျိုးသားအဖွဲ့ချုပ်(PNO)မှ (၂)ဦးတက်ရောက်ခဲ့ကြပြီးပအိုဝ်းအမျိုးသားအဖွဲ့ချုပ်(PNO)၊စည်းရုံးရေးဌာနမှတာဝန်ခံနန်းခမ်းဗွာသည်ဌာန၏လုပ်ငန်းဆောင်ရွက်မှုအကြောင်းအကျဉ်းချုပ်ပြောပြခဲ့ပြီးစည်းရုံးရေးပညာအကြောင်းဆွေးနွေးရှင်းပြကာ နိုင်ငံတကာဆက်ဆံရေးဌာနမှခွန်လှစိုးသည်လူငယ်များသိသင့်သော “ပြောင်းလဲခြင်း” “Change”အကြောင်းအသိပညာပေးတင်ပြဆွေးနွေးပေးသွားခဲ့သည်။ အဆိုပါညတွေ့ဆုံမှုတွင်လုပ်ငန်းဆောင်တာမှပင်ပန်းလာသောလူငယ်များနှင့်တကွဒေသခံများအပန်းဖြေနှိုင်ရန်အလို့ငှာသီချင်းသီဆိုဖျော်ဖြေခြင်းအစီအစဉ်များကိုပါထည့်သွင်းခဲ့သည်ဟုသိရသည်။

ခွန်ဖုံထံယံဟိတ်

Powered by Blogger.