ပင်းတယမြို့နယ်၊ ကလောမြို့နယ်ရှိ ပအိုဝ်းစာပေပြန့်ပွားရေးနှင့်ယဉ်ကျေးမှုအဖွဲ့မှ ဦးဆောင်၍ ဒုတိယ အကြိမ်မြောက် ပအိုဝ်းစာပေကျောင်းဆင်းပွဲနှင့်ဆုပေးပွဲကို ဒီကနေ့ ၂၀၁၇ခုနှစ်၊ ဧပြီလ(၉)ရက်နေ့၌ ဓနု ကိုယ်ပိုင်အုပ်ချုပ်ခွင့်ရဒေသ၊ ပင်းတယမြို့နယ်၊ ဘုရားဖြူကျေးရွာတွင် ပြုလုပ်ကျင်းပခဲ့ပါသည်။
အဆိုပါ ပအိုဝ်းစာပေ ကျောင်းဆင်းပွဲနှင့် ဆုပေးပွဲသို့ ဓနုကိုယ်ပိုင်အုပ်ချုပ်ခွင့်ရဒေသ ဦးစီးအဖွဲ့ဥက္ကဌ ဦးအာကာလင်း၊ ကလောမြို့နယ် ပအိုဝ်းအမျိုးသားအဖွဲ့ချုပ်(PNO) ဒု-ဥက္ကဌ ဖြားခွန်ကျော်သူနှင့် သက်ဆိုင်ရာ လူကြီးမင်းများ၊ ရပ်မိရဖများ၊ ကျောင်းသား/သူများ တက်ရောက်ခဲ့ပါသည်။
အခမ်းအနားတွင် ဓနုကိုယ်ပိုင်အုပ်ချုပ်ခွင့်ရဒေသ ဦးစီးဥက္ကဌ အဖွင့်အမှာစကားပြောကြားပြီး ပအိုဝ်းစာပေကျောင်းဆင်းပွဲနှင့် ဆုပေးပွဲအတွက် အလှူငွေ(၅)သိန်းကျပ် ချီးမြှင့်ပေးခဲ့ပါသည်။ ထို့နောက် ကလောမြို့နယ် ပအိုဝ်းအမျိုးသားအဖွဲ့ချုပ်(PNO) ဒု-ဥက္ကဌ ဦးခွန်ကျော်သူက အားပေးစကားပြောကြားကာ ပထမ၊ ဒုတိယ၊ တတိယဆု ရရှိသည့် ကျောင်းသား/သူများကို ဆုချီးမြှင့်ပေးအပ်ပြီး ကြွရောက်လာသော လူကြီးမင်းများနှင့် မိဘပြည်သူများအတွက် ကျောင်းသား/သူများမှ အကပဒေသာများဖြင့် ဧည့်ခံဖျော်ဖြေ ပေးခဲ့ပါသည်။
အဆိုပါ ပအိုဝ်းစာပေဖြေဆိုရာတွင် ပင်းတယမြို့နယ်နှင့် ကလောမြို့နယ်ရှိ ကျေးရွာအုပ်စု စုစုပေါင်း(၈)အုပ်စုမှ ကျောင်းသား/သူ စုစုပေါင်း(၄၈၅)ဦး ဖြေဆိုခဲ့ကြောင်း သိရှိရပါသည်။
ခွန်မျိုးညွန့်(အောင်ပန်း)
Like On Facebook
Follow On Twitter
Subscribe On RSS