၂၀၁၇-ခုနှစ်၊ ဧပြီလ(၅)ရက်နေ့၊ နံနက်(၁၀း၀၀)နာရီအချိန်တွင် မြန်မာနိုင်ငံစာရေးဆရာကြီး တက္ကသိုလ်မြတ်သူ မိသားစုတို့သည် တောင်ကြီးမြို့ ပအိုဝ်းအမျိုးသားအဖွဲ့ချုပ်(PNO)၊ ဗဟိုဌာနချုပ်ရုံးရှိ အတွင်းရေးမှူး(၃) ဖြားခွန်တင်ထွဋ်နှင့် ရုံးအဖွဲ့မှူးစောခွန်ကျော်ဝင်းတို့အား လာရောက်တွေ့ဆုံခဲ့ကြပါသည်။
ထိုသို့တွေ့ဆုံရတွင် တက္ကသိုလ်မြတ်သူ မိသားစုတို့က ပအိုဝ်းအမျိုးသားအဖွဲ့ချုပ်(PNO)၊ ဗဟိုဌာနချုပ်ရုံး စာကြည့်တိုက်အတွက် ဘာသာရေး၊ နိုင်ငံရေးစာအုပ် စာပေများဖြစ်သော ၁။ဘုရားရိပ်တရားရိပ်မှ ကျွန်တော့်စာများ။ ၂။ ဧရာဝတီမှ ယန်စီသို့ တရုတ်ပြည်သူ့ သမ္မတနိုင်ငံသို့ ခရီးစဉ်(၄)ခုမှတ်တမ်း ၁၉၅၈၊ ၁၉၆၂၊ ၁၉၉၃၊၂၀၁၅ခုနှစ်များ။ ၃။ ဗုဒ္ဓနောက်ပါးမှ ကမ္ဘာ့လူသားများ။ ၄။ မြန်မာ့လွတ်လပ်ရေးနှင့် ပုဂ္ဂိုလ်သုံးယောက်။ ၅။ နိုင်ငံတည်မော်ကွန်းများ။ ၆။ ၈၅နှစ်ပြည့် အမှတ်တရ လက်ဆောင်မွန် စာအုပ်များကိုလှူဒါန်းပေးခဲ့ကြောင်း သိရှိရပါသည်။
မြန်မာနိုင်ငံ စာရေးဆရာကြီး တက္ကသိုလ်မြတ်သူသည် စာရေးဆရာ၊ သတင်းစာဆရာ၊ တရားလွှတ်တော်ရှေ့နေ၊ အမျိုးသားညီလာခံ၊ အသိပညာရှင်ကိုယ်စားလှယ် အခြေခံဥပဒေရေးဆွဲရေး ကော်မရှင်အဖွဲ့ဝင် မျိုးစောင့်ဥပဒေ(၂)ရပ် ရေးဆွဲရေးကော်မရှင်အဖွဲ့ဝင်စသည့် နိုင်ငံရေး ဘာသာရေးလုပ်ငန်းများကို စွမ်းစွမ်းတမံ လုပ်ကိုင်လျက်ရှိကြောင်း သိရှိရပါသည်။
ခွန်အောင်ထွိုက်ဗွေ
Like On Facebook
Follow On Twitter
Subscribe On RSS