မိမိတို့ လူသားများ၏ ပညာရေး၊ ကျန်းမာရေး၊ စီးပွားရေးစသော လူမှုရေးကိစ္စအဝဝတွင် လက်ရှိ အခြေအနေထက် ပိုမိုဖွံ့ဖြိုးတိုးတက်လာစေရန် အမျိုးသားလူထုတစ်ရပ်လုံးက ညီညီညွတ်ညွတ် တက်တက်ကြွကြွဇွဲရှိရှိနှင့် ကြိုးစားမြှင့်တင်ပေးရန် များစွာလိုအပ်လှပေသည်။ အခြားလူမျိုးရေး ကိစ္စများအတွက် အမျိုးသားများ၏ ကျန်းမာရေးကိစ္စနှင့် ပတ်သက်၍ ပြုပြင်ဆောင်ရွက်ရန် အချက် အလက်အချို့ကို တင်ပြလိုပါသည်။
ယနေ့ခေတ်တွင် လူတိုင်းလူတိုင်း ကျန်းမာရေးအခြေအနေကောင်းမွန်စေရေးအတွက် အလွန် အရေးကြီး သည်ဟု ယူဆမိပါသည်။ ခန္ဓာကိုယ်ကျန်းမာမှ အလုပ်လုပ်နိုင်မည်။ အလုပ်များများလုပ်နိုင်မှလည်း နိုင်ငံသားတို့၏ ဓနအင်အားတောင့်တင်းခိုင်မာပြီး ပါဝင်တည်ဆောက်နိုင်ကြမည်ဖြစ်ပါသည်။ ထို့ကြောင့် ကျန်းမာရေးသည် အရေးကြီးလှသော လူမှုရေးကိစ္စတစ်ရပ်ဟု ဆိုချင်ပါသည်။ ယနေ့နိုင်ငံတော် အစိုးရက ကျေးလက်ကျန်းမာရေးလုပ်ငန်းများကို တိုးချဲ့မြှင့်တင်ပေးနေပါသည်။ တောခေါင်ခေါင် အစွန်အဖျားကျကျ တွင် နေထိုင်ကြသော တိုင်းရင်းသားလူမျိုးများမှာ ကျန်းမားရေး အသိပညာနည်းပါးပြီး မှားယွင်းနေသော ကျန်းမာရေးအလေ့အကျင့်ဟောင်းများကို လိုက်နာကျင့်သုံးနေလျက်ရှိသည်။ သိပ္ပံနည်းကျသော ဆေးဝါးကုသမှုနှင့် အလှမ်းကွာဝေးလျက်ရှိနေပါသေးသည်။ ထို့နောက် ဆေးဝါးကုသခံယူမှုနှင့် ပတ်သက်၍ ကျန်းမာရေးဌာနမှ ဆေးဝါးကုသပေးမည်ကို မခံယူဘဲ မိမိတို့၏ အယူဝါဒများ၊ အစွဲများနှင့် ဆေးကုသမှု ကိုသာ ဆက်လက်ခံယူနေကြသည်။ ဤယူဆချက်များကို ကျန်းမာရေးဝန်ထမ်းများနှင့် ခေတ်မှီပညာတတ် လူငယ်များ၏ တာဝန်ပင် ဖြစ်ပါသည်။
တောင်သူလယ်သမားများသည် နံနက်မိုးလင်းမှ ညနေ နေဝင်သည်အထိ တောင်ယာအလုပ်ခွင်တွင် ပင်ပင်ပန်းပန်း မနားမနေအလုပ်လုပ်ကြသည်။ အလုပ်လုပ်သလောက်အစားအစာတွင် ပေါ့ဆလွန်းကြ ပါသည်။ အလုပ်ပင်ပန်းသူသည် အာဟာရပြည့်ဝသော အစားအစာကို ပို၍စားသုံးသင့်ပါသည်။ သို့မဟုတ်လျှင် အာဟာရချို့တဲ့ပြီး ရောဂါအမျိုးမျိုးဖြစ်ပေါ်နိုင်ပါသည်။ အထူးသဖြင့် ကလေးငယ်များ၊ ကိုယ်ဝန်ဆောင်မိခင်များ၊ သားဖွားပြီးမိခင်များတွင် အာဟာရချို့တဲ့သောရောဂါသည်များ အတော်များများ တွေ့ရှိရပါသည်။ ဤသို့အာဟာရချို့တဲ့ခြင်းသည် ရောဂါဝေဒနာများကို ဖိတ်ခေါ်နေသည်နှင့် တူပါသည်။ ကိုယ်ဝန်ဆောင်မိခင်များ၊ သားဖွားမိခင်များသည် အစာကိုရှောင်လွန်းကြပြီး ထမင်းနှင့် ဂျင်းပြုတ်ရေသည် သူတို့အတွက် စားသုံးရန် အသင့်တော်ဆုံးဟူ၍ ယုံကြည်ကြသည်။ ထို့ကြောင့် အာဟာရချို့တဲ့နေပြီး ယခုကဲ့သို့ အစားရှောင်ကြသောကြောင့် မီးတွင်းမိခင်နှင့် ကလေးသေနှုန်း အထူးများပြားလှပါသည်။ ထိုလူသေမှုကို ကုသိုလ်ကံကိုသာ ပုံချလိုက်ပါသည်။ အကြောင်းရင်းဇစ်မြစ်ကို မလေ့လာ၊ မစူးစမ်းကြပါ။ အချို့ကလေးငယ်များမှာ ခက်ခက်ခဲခဲလူဖြစ်ရသော်လည်း အာဟာရဓာတ်ချို့တဲ့ကြရသည်။ သို့ဖြစ်၍ တောင်သူလယ်သမားများသည် အလုပ်ကို ကြိုးစားသလောက် အစာစားရာတွင်လည်း အာဟာရ ဓာတ်ပြည့်ဝစွာ ဂရုတစိုက်စားသုံးသင့်ပါသည်။
တဖန်ကျေးလက်နေလူများသည် နေအိမ်ဆောက်ရာတွင်လည်း ကျန်းမာရေးနှင့် မညီညွတ်သေးပါ။ ၎င်းတို့နေအိမ်သည် ပြူတင်းပေါက်ဟူ၍ မရှိ။ လူဝင်လူထွက်ပေါက် တစ်ခုနှစ်ခုသာ ထားရှိကြပါသည်။ အိမ် အတွင်း သဘာဝနေရောင်ခြည်လည်း မဝင်နိုင်ပေ။ အိမ်ခန်း၏အလယ်လောက်တွင်မီးဖိုကို ထည့်ထားသဖြင့် တစ်အိမ်လုံး မီးခိုးတလူလူဖြင့် အသက်ရှုကြပ်လာပါသည်။ အိမ်အပေါ်ထပ်တွင် လူနေပြီး အောက်ထပ်တွင် မူ မြင်း၊ နွား၊ ကျွဲ၊ ထားသည်ကတစ်ဖက်၊ ၎င်းတို့၏ တောင်ယာထွက် ပဲပုပ်၊ မြေပဲ၊ စပါး၊ ကြက်သွန် သိုလှောင်ထားသည်ကတစ်ဖက်ဖြစ်သည်။ အိမ်အောက်ထပ်တွင် ကျွဲခြံ၊ နွားခြံ၊ မြင်းခြံလည်း ဖြစ်သလို ဂိုဒေါင်လည်းဖြစ်ပါသည်။ ထို့ကြောင့် ထွက်ကုန်သီးနှံများကို စားသောက်ပြီး ကြွက်များသည် လည်း ပွားချင်တိုင်းပွား၊ များချင်တိုင်းများနေကြသောကြောင့် ၎င်းကြွက်မှတစ်ဆင့် ရောဂါများရရှိတတ်ပါသည်။ ဤသို့ အိမ်ဆောက်လုပ်နေထိုင်သည့် အလေ့အကျင့်များလည်း ရောဂါများဖြစ်ပေါ်တတ်ပါသည်။ မိမိတို့နေထိုင်ရာအိမ်ကို ကျန်းမာရေးနှင့် ညီညွတ်သော အိမ်အဖြစ် ပြုပြင်ပြောင်းလဲနေထိုင်သင့်ပါသည်။ ကျွဲ၊ နွား၊ မြင်းများကိုလည်း စနစ်တကျ သီးသန့်ထားရှိပြီး ၎င်းတို့မှ ထွက်သော အညစ်အကြေးများကို မြေတွင်းတူး၍ သိုလှောင်ထားမည်ဆိုလျှင် မြေသြဇာဓာတ်လည်း ပိုမိုကောင်းမွန်ပြီး ကျန်းမာရေးနှင့်လည်း ညီညွတ်ပေမည်။ မိမိတို့တောင်ယာထွက်ကုန်ပစ္စည်း သီးနှံများကို ကြွက်လုံအောင် ဆောက်လုပ် သိုလှောင်ထားသင့်ပါသည်။ သို့မှသာလျှင် မိမိတို့၏ နေအိမ်သည် ကျန်းမာရေးနှင့် ညီညွတ်မည်ဖြစ်ပါသည်။
ထို့ကြောင့် တောင်တန်းပျော်တိုင်းရင်းသားများတို့အား အစားအစာ စားသောက်ရာတွင် အာဟာရ ဓာတ်ပြည့်ဝစွာ ရရှိအောင် စားသောက်သည့်အလေ့အကျင့် ရရှိခြင်း၊ ကျန်းမာရေးနှင့် ညီညွှတ်သော အိမ်ဆောက်လုပ်နေထိုင်သည့် အလေ့အကျင့်ကောင်းများ ရရှိစေခြင်းနှင့် ခေတ်မှီသိပ္ပံနည်းကျသော ဆေးဝါးကုသခံယူမှုအလေ့အကျင့်ကောင်းများရရှိစေရန် ကျန်းမာရေးဝန်ထမ်းများနှင့်အတူ ခေတ်ပညာ တတ်လူငယ်တို့က မိမိတို့လူမျိုး ကျန်းမာရေးအဆင့်အတန်း တိုးတက်မြှင့်မားလာစေရေးအတွက် အလေ့ အကျင့်ကောင်းများကို ကြိုးစားပြီး ဇွဲရှိရှိဖြင့် ကူညီဆောင်ရွက်ပေးသင့်ကြောင်း တိုက်တွန်းနှိုးဆော်လိုက်ပါ သည်။
ကိုးကားချက်။ ။ ပအိုဝ်းယဉ်ကျေးမှုမဂ္ဂဇင်း
ဆာ;မူ;ပေ;(စန္တာ;ခမ်း)
Like On Facebook
Follow On Twitter
Subscribe On RSS