ညောင်ရွှေမြို့နယ်၊ အင်းလေး ဖော်တော်ဦးဘုရားကုန်းပေါ်တွင် ဒုတိယအကြိမ်အင်းသားအမျိုးသားနေ့ကို ၂၀၁၇ ခုနှစ်၊ အောက်တိုဘာလ (၂၀) ရက်တွင် ကျင်းပခဲ့ပါသည်။ အခမ်းအနားတွင် ဖော်တော်ဦးဘုရားရင်ပြင်ရှေ့သို့ ဆွဲလှေ (၄၈) စီး သရုပ်ပြလှော်ခတ်ကြပြီး အင်းအမျိုးသားနေ့ကျင်းပရခြင်းရည်ရွယ်ချက် (၄) ရပ်ဖြင့် တက်ရောက်လာသည့်အင်းသားများက ရွတ်ဆိုခဲ့ကြပါသည်။
ဆက်လက်ပြီး အင်းသားရိုးရာလှံစည်အကဖြင့် အခမ်းအနားဖွင့်လှစ်ပြီး သဘာပတိအဖွဲ့မှနေရာယူကာ ပြည်ထောင်စုလွှတ်တော် နာယက၊ အမျိုးသားလွှတ်တော် ဒု-ဥက္ကဌ ဦးအေးသာအောင် ကနှုတ်ခွန်းဆက်စကားပြောကြားခဲ့ပါသည်။ တိုင်းရင်းသားရေးရာပြည်ထောင်စုဝန်ကြီး ဦးနိုင်သက်လွင်၊ ဟိုတယ်နှင့်ခရီးသွားလာရေးဝန်ကြီးဌာန ပြည်ထောင်စုဝန်ကြီး ဦးအုန်းမောင်၊ ရှမ်းပြည်နယ်အစိုးရအဖွဲ့ ပြည်နယ်ဝန်ကြီးချုပ် ဒေါက်တာလင်းထွဋ်၊ အင်းတိုင်းရင်းသားလူမျိုးရေးရာဝန်ကြီး ဒေါက်တာထွန်းလှိုင် တို့က နှုတ်ခွန်းဆက်စကားပြောကြားပေးခဲ့ပါသည်။
ထို့နောက် ပြည်သူ့လွှတ်တော် ဥက္ကဌ ဦးဝင်းမြင့် က ဒုတိယအကြိမ် အင်းသားအမျိုးသားနေ့ ပေးပို့သောသ၀ဏ်လွှာကို ညောင်ရွှေမြို့နယ် ပြည်သူ့လွှတ်တော်ကိုယ်စားလှယ် ဦးနေမျိုးက ဖတ်ကြားပေးခဲ့ပြီး အမျိုးသားလွှတ်တော် ဥက္ကဌ ဦးမန်းဝင်းခိုင်သန်း က ပေးပို့သော သ၀ဏ်လွှာကို ညောင်ရွှေမြို့နယ်၊ မဲဆန္ဒနယ်အမှတ် (၁)၊ ပြည်နယ်လွှတ်တော်ကိုယ်စားလှယ် ဦးခင်မောင်ဝင်း ကဖတ်ကြားပေးခဲ့ပါသည်။ ကျန်ရှိသော သ၀ဏ်လွှာများကို အင်းသားအမျိုးသားနေ့ကျင်းပရေးကော်မတီက မှတ်တမ်းတင်ခြင်းများပြုလုပ်ခဲ့ပါသည်။
အဆိုပါအခမ်းအနားများကို အမျိုသားလွှတ်တော် ဒု - ဥက္ကဌ၊ တိုင်းရင်းသားရေးရာပြည်ထောင်စုဝန်ကြီး၊ ဟိုတယ်နှင့် ခရီးသွားလာရေး ပြည်ထောင်စုဝန်ကြီး၊ ပြည်နယ်ဝန်ကြီးချုပ် ဒေါက်တာလင်းထွဠ်နှင့် ရှမ်းပြည်နယ်အစိုးရအဖွဲ့ဝင်များ၊ လွှတ်တော်အသီးသီးမှ ကိုယ်စားလှယ်များ၊ တိုင်းရင်းသားစာပေယဉ်ကျေးမှုအဖွဲ့များ၊ ဖိတ်ကြားထားသည့်ဧည့်သည်တော်များ တက်ရောက်ကြောင်းသိရှိရပါသည်။
အိနြေ္ဒခမ်း
Like On Facebook
Follow On Twitter
Subscribe On RSS