ယနေ့ခေတ်ကာလတွင် မိမိတို့နိုင်ငံ၊ မိမိတို့ဒေသတွင်းရှိ လူငယ်များ မူးယစ်ဆေးဝါးသုံးစွဲလျက်ရှိနေသည်ကို အများအပြား မြင်တွေ့ကြားသိနေရသည်။ ထို့ကြောင့် လူငယ်များအနေဖြင့် မူးယစ်ဆေးဝါးကြောင့် လမ်းမှားကို မရောက်ရစေရန်၊ တိုင်းပြည်နှင့်လူမျိုးအတွက် အကျိုးပြုနိုင်ပြီး မိသားစု၊ ဆွေမျိုး အသိုင်းအဝိုင်းမှ အားကိုးအားထားပြုရသည့် လူငယ်များဖြစ်နိုင်စေရန်၊ မူးယစ်ဆေးဝါးသုံးစွဲခြင်းကြောင့် ဖြစ်ပေါ်လာမည့် နောက်ဆက်တွဲဆိုးကျိုးများကို သိရှိနိုင်စေရန်၊ ရှောင်ကြဉ်သင့်သည်များကို ရှောင်ကြဉ်နိုင်စေရန် ရည်ရွယ်၍ မိမိအနေဖြင့် ဤဆောင်းပါးဖြင့် လူငယ်လူရွယ်များကို အသိပေးရေးသားရခြင်းဖြစ်သည်။
မူးယစ်ဆေးဝါးရောင်းဝယ်သုံးစွဲနေသည့်အကြောင်းများကို ဖေ့စ်ဘုတ်စာမျက်နှာတွင်လည်းကောင်း၊ ဂျာနယ်နှင့်သတင်းစာများတွင်လည်းကောင်း ကျယ်ကျယ်ပြန့်ပြန့် မြင်တွေ့ကြားသိနေရသည်။ မူးယစ်ဆေးဝါးသည် ကမ္ဘာတစ်ဝှမ်းရှိ နေရာအနှံ့အပြားတွင် တရားမဝင်ရောင်းဝယ်ဖောက်ကားသုံးစွဲလျက်ရှိသည့် ဆေးဝါးတစ်မျိုးဖြစ်သည်။ မြန်မာနိုင်ငံ၏နေရာအနှံအပြားတွင်လည်း စိုက်ပျိုး၊ ရောင်းဝယ်၊ သုံးစွဲလျက်ရှိသည်ကို တွေ့ရှိရသည်။ အထူးသဖြင့် မြို့ပြနှင့်ဝေးပြီး မူးယစ်ဆေးဝါးနှင့်ပတ်သက်သော အသိပညာဗဟုသုတ နည်းပါးသည့် ဒေသများတွင် အများဆုံးတွေ့ရလေ့ရှိသည်။ လတ်တလောဂျာနယ် တစ်ခုတွင် အခြေခံပညာသင်ယူလေ့လာနေကြသည့် ဆယ်ကျော်သက်ကျောင်းသားများမှ ဆေးသုံးနေသည့်သတင်းကို ဖတ်ကြားခဲ့ရပါသည်။ ဤသည်ကိုကြည့်ခြင်းအားဖြင့် မူးယစ်ဆေးဝါးသည် လူငယ်နှင့်လူသားထုတစ်ရပ်လုံးကို ခြိမ်းခြောက်နေသောအရာတစ်ခု ဖြစ်နေပေသည်။
ယနေ့အချိန်ဆိုလျှင် မူးယစ်ဆေးဝါးသည် လူငယ်များအကြား ကျယ်ကျယ်ပြန့်ပြန့် စိမ့်ဝင်လျက်ရှိသည့် အရာတစ်ခုအဖြစ် ရှိနေပေသည်။ မူးယစ်ဆေးဝါးကို တချို့သောလူများသည် အလုပ်လုပ်ရာတွင် ခံနိုင်ရည်ရှိအောင်၊ အမောခံနိုင်အောင်၊ မအိပ်ငိုက်အောင်၊ ဆာလောင်မှုဒဏ်ခံနိုင်အောင်နှင့် နာတာရှည်ရောဂါကုသရာတွင် ဆေးဝါးအဖြစ်သုံးစွဲလျက်ရှိကြသည်။ အချို့သောလူငယ်များသည် စိတ်ဓါတ်ကျသည့် ဝေဒနာကိုကုစားရန်အတွက် အသုံးပြုလျက်ရှိကြကာ အချို့လူငယ်များဆိုလျှင်မူ လူဖြစ်ရချိန်တဒင်္ဂတွင် သုံးစွဲဖူးသည်ရှိအောင် လက်တည့်စမ်းသုံးကြည့်ရာမှ နောက်ဆုံးမူးယစ်ဆေးဝါးကို စွဲလမ်းသွားသည့်အခြေအနေသို့ ရောက်ရှိသွားသော လူငယ်သည်လည်း အများအပြားရှိနေပေသည်။ ဤသို့ဆေးကိုသုံးစွဲရာတွင် အစပိုင်းတွင်သာ ထိရောက်ပြီး နောက်ဆုံးဆေးအာနိသင်ပြယ်သွားသည့်အချိန်တွင် လူကိုပို၍ ပင်ပန်းစေခြင်း၊ အသက်ရှူကျပ်မှုဒဏ်ကို ခံစားရစေခြင်း၊ စိတ်ကယောင်ကတမ်းဖြစ်စေခြင်း၊ စိတ်တိုလွယ်စေခြင်း စသည့် အကျိုးဆက်များကို ဖြစ်ပေါ်စေသည်။ ဆေးစွဲသွားပြီဆိုသည်နှင့်အမျှ အိမ်ထောင်ရေး၊ လူမှုဆက်ဆံရေး၊ စီးပွားရေးများနှင့် စိတ်ပိုင်းဆိုင်ရာများ ထိခိုက်လာပြီး ဥပဒေနှင့်မကိုက်ညီသည့် ပြစ်မှုများကျုးလွန်ခြင်း နောက်ဆုံးမိမိကိုယ်ကို အဆုံးစီရင်ခြင်းစသည့် မကောင်းသည့်အရာများကို မလွဲမတွေ တွေ့ကြုံခံစားရမည်ပင်ဖြစ်သည်။ ဆေးစွဲသွားပြီဆိုသည်နှင့် မကောင်းမှုများကို ကျုးလွန်ရန် ကြောက်တော့မည် မဟုတ်ပေ။ ထို့ကြောင့် မူးယစ်ဆေးဝါးသည် လူသားကို မည်သည့်နည်းနှင့်မျှ ကောင်းကျိုးပေးသည့်အရာမဟုတ်ပါ။ လူငယ်နှင့်တိုင်းပြည်ကို ဒုက္ခပေးနေသည့် အရာပင်ဖြစ်သည်။ မူးယစ်ဆေးဝါးကို စွဲလမ်းမိပြီဆိုသည်နှင့်အမျှ ဖြစ်ပေါ်လာမည့်နောက်ဆက်တွဲသည် ကောင်းကျိုးထက် ဆိုးကျိုးချဉ်းသာရှိသည်ကို ပြောစရာမလိုလောက်အောင်ပင် သိရှိပြီးဖြစ်သည်။
မူးယစ်ဆေးဝါးသုံးစွဲခြင်း၏ အကြောင်းအရင်းကို ကြည့်မည်ဆိုလျှင် ပတ်ဝန်းကျင်နှင့်လည်းသက် ဆိုင်လျက်ရှိသည်ကို တွေ့ရှိရပေသည်။ လူများသည် မိမိတို့နေထိုင်ရာပတ်ဝန်းကျင်ကို ကောင်းမွန်အောင် ပြောင်းလဲနိုင်စွမ်းမရှိကြပဲ ပတ်ဝန်းကျင်ကိုလိုက်၍ အလိုက်သင့်နေထိုင်တတ်ကြသည့် သဘောရှိသည်။ ထို့ကြောင့် “ရေများရေနိုင် မီးများမီးနိုင်”ဆိုသကဲ့သို့ မိမိတို့နေထိုင်ရာပတ်ဝန်းကျင် ကောင်းမွန်လျှင် မိမိသည်လည်းလိုက်၍ ကောင်းမည်ဖြစ်ပြီး မိမိတို့နေထိုင်ရာပတ်ဝန်းကျင်ဆိုးလျှင် မိမိသည်လည်း လိုက်၍ဆိုးမည်မှာ မလွဲပေ။ သို့သော်လည်း လူတိုင်းသည် မိမိကိုယ်ကိုမပျက်စီးရလေအောင် ထိန်းကျောင်းရမည့် တာဝန်ရှိသည်။ ထိန်းနိုင်မှလည်းရမည်ပင်ဖြစ်သည်။ ဤမှသာ မိမိ၏အနာဂါတ်လည်း ထွန်းလင်းတောက်ပမည်ဖြစ်သည်။
ယနေ့ခေတ်တွင်မူ မူးယစ်ဆေးဝါးအပြင် သေရည်အရက်၊ ဘီယာ၊ ဆေးလိပ်၊ ကွမ်းစသည့် လူကို မူးယစ်စေသောအရာသည် နေရာတိုင်းတွင် အလွယ်တကူဝယ်ယူသုံးစွဲနေနိုင်သော ခေတ်ဖြစ်နေလေသည်။ အရက်ဆိုင်များ၊ ကလပ်များ၊ နိုက်ကလပ်များပေါများလာခြင်း၊ တိုးတက်ပြောင်းလဲနေသည့်ခေတ်နှင့်အညီ အနောက်တိုင်းယဉ်ကျေးမှုများ လူငယ်များအကြားပြန့်နှံ့စိမ့်ဝင်လာခြင်း၊ ထိုမှတဆင့် ယနေ့facebook စာမျက်နှာတွင် ပြန့်နှံ့နေသော ကော်ရှူခြင်းပြဿနာသည်လည်း လူငယ်နှင့် လူသားထုတစ်ရပ်လုံးကို စိန်ခေါ်နေသောအရာ တစ်ခုဖြစ်သည်။ ဤသို့သောအရာများသည် လူငယ်များကို ပျက်စီးစေရုံမက မိမိတို့ နေထိုင်ရာပတ်ဝန်းကျင်ကို အရုပ်ဆိုးအကြည်းတန်စေသည့် အရာလည်းဖြစ်သည်။ ယနေ့မြန်မာနိုင်ငံဟာဆိုလျှင် ကွမ်း၊ ဆေးလိပ်၊ အရက်မသောက်စားသော လူငယ်သည် မရှိသလောက်ရှားပါးနေပေပြီ။ ဤသည်မှာ ကွမ်း၊ ဆေးလိပ်၊ သေရည်အရက်များကို နေရာတိုင်းတွင် အလွယ်တကူဝယ်ယူသုံးစွဲနိုင်ခြင်း၏ အကျိုးဆက်ပင်ဖြစ်သည်ဟု ထင်မြင်မိပါသည်။ ရပ်ကျေးတွင် ကျင်းပသည့် သာရေးပွဲများ၊ နာရေးပွဲများ၊ ဘာသာရေးပွဲများဆိုလျှင်မူ အရက်သေစာသည် အဓိကနေရာတွင် မပါမဖြစ်သောအရာအဖြစ် ရှိနေပေသည်။ အရက်မှမပါလျှင် ပွဲမစည်တော့သည့် အနေအထားပင်ဖြစ်နေပေသည်။
လူငယ်များသည် နိုင်ငံနှင့်လူမျိုးအတွက် အနာဂါတ်ခေါင်းဆောင်များဖြစ်ကြပြီး အနာဂါတ်ခေါင်းဆောင်များဖြစ်ကြသည်နှင့်အညီ အနာဂါတ်တွင် မိမိတို့တိုင်းပြည်၊ မိမိတို့ဒေသ၊ မိမိတို့လူမျိုး၊ မိမိတို့ ဆွေမျိုးအသိုင်းအဝိုင်း၊ မိမိတို့မိသားစုကို ကောင်းကျိုးပြုနိုင်အောင် ကြိုးစားအားထုတ်ရန်တာဝန်မှာ လူငယ်တိုင်းဆီတွင် ရှိပေသည်။ လူငယ်များအနေဖြင့် လူကိုကောင်းကျိုးမပေးသည့် မူးယစ်ဆေးဝါးများကို သုံးစွဲနေမည်ဆိုပါက မိမိတို့၏ အနာဂါတ်တိုင်းပြည်ကြီးသည် မည်သို့ဖြစ်လာနိုင်မည်ကို စဉ်းစားသာကြည့်ပါ။ ဘိုးဘွားတို့၏ ပြောစကားအရ တိုင်းပြည်(သို့)လူမျိုးကို တိုက်ခိုက်ရာတွင် စစ်လက်နက်ဖြင့် တိုက်ခြင်းထက် မူးယစ်ဆေးဖြင့် တိုက်ခြင်းက လူကိုပို၍ပင် အညွန့်တုံးစေကြောင်း မှတ်သားခဲ့ရပါသည်။ ထိုကြောင့်လူမျိုးနှင့် နိုင်ငံမှအားကိုးအားထားပြုရသည့် အနာဂါတ်ခေါင်းဆောင်များ သတိထားသင့်ပေသည်။ မူးယစ်ဆေးကို ဝေးဝေးကရှောင်ကြရန်လိုအပ်သည်။ မိမိတို့၏ပတ်ဝန်းကျင်တွင် မူးယစ်ဆေးဝါးသုံးစွဲနေသူများကို တွေ့လျှင်လည်း မိမိသိထားသည့် မူးယစ်ဆေးဝါးနှင့်ပတ်သက်သည့် ဖြစ်ပေါ်လာမည့်ဆိုးကျိုးများနှင့် တရားဥပဒေနှင့်မကင်းလွတ်သည့်အကြောင်းများကို နားဝင်အောင်ရှင်းပြခြင်း၊ မူးယစ်ဆေးဖြတ်နိုင်အောင် လိုအပ်သောအကူအညီများကို ကူညီဆောင်ရွက်ပေးခြင်းများ လုပ်ဆောင်ပေးရန်လိုအပ်ပါသည်။ မသိချင်ယောင် ဆောင်မနေကြရန် လိုအပ်ပေသည်။ အချို့သောလူများသည် ကိုယ့်အလုပ်မဟုတ်လျှင် စိတ်မဝင်စားတတ်ကြပါ “သူထိုက်နှင့် သူကံ”ရှိပါစေဟု ဖာသိဖာသာနေတတ်ကြသည်။ အချင်းချင်းအမုန်းပွားမည်ကို အရမ်းစိုးရိမ်တတ်ကြသည်။ ဟုတ်လည်းဟုတ်ပါသည်။ တချို့လူများကလည်း မိမိစေတနာနှင့်ကူညီသည်ကို စေတနာလို့မမြင်ပဲ အပြစ်သာလျှင် မြင်သောလူစားမျိုးရှိသောကြောင့်ဖြစ်သည်။ မည်သို့ပင်ရှိစေကာမူ လူသားချင်းစာနာထောက်ထားသောအားဖြင့် လူငယ်များမှ လုပ်သင့်လုပ်ထိုက်သည်များကို လုပ်ရန်တာဝန်ရှိသည်။ လုပ်သင့်လုပ်ထိုက်သည်များကို မပြုလုပ်လျှင် “အမှိုက်ကစ ပြဿဒ်မီးလောင်”ဆိုသည့်အတိုင်း မူးယစ်ဆေးဝါးသည် တဖြည်းဖြည်း ပေါများလာမည်ဖြစ်ပြီး နောက်ပိုင်း မဖြစ်သင့်သည့် ခိုးမှုများ၊ ဓါးပြမှုများ၊ မုဒိမ်းမှုများ၊ လူသတ်မှုများ စသည့်ပြစ်မှုများ မဖြစ်မနေဖြစ်လာမည်မှာ မလွှဲပေ။
အခြားတစ်ဖက်တွင် တာဝန်ရှိသူများအနေဖြင့် မူးယစ်ဆေးဝါးနှင့်ပတ်သက်ပြီး ထိရောက်သော လုပ်ဆောင်မှုများ၊ အရေးယူမှုများ၊ တားဆီးပိတ်ပင်မှုများ မပြုလုပ်နိုင်လျှင် နိုင်ငံနှင့်လူငယ်များ၏ အနာဂါတ်သည် မတွေးရဲစရာပင်ဖြစ်သည်။ မူးယစ်ဆေးဝါးများကို တိုင်း၊ ပြည်နယ်များတွင်သာမက ကမ္ဘာအရပ်ရပ် တွင်နှစ်စဉ်နှစ်တိုင်း တိုက်ဖျက်မှုများ ပြုလုပ်လျက်ရှိနေပါသော်လည်း ယနေ့တိုင်မပျောက်ကင်းနိုင်သည်ကို တွေ့ရှိရပါသည်။ မပျောက်ကင်းနိုင်သည့် အကြောင်းရင်းကို မိမိအနေဖြင့် သုံးသပ်ရမည်ဆိုပါက ဘိန်းစိုက်ပျိုးခြင်းကိုများသောအားဖြင့် အခြားသီးနှံများ စိုက်ပျိုးရန်ခက်ခဲသည့် တောင်ပေါ်၊ တောင်တန်းဒေသများတွင် အများဆုံးစိုက်ပျိုးလျက်ရှိကြပြီး နယ်စပ်ဒေသများတွင် အများဆုံး ရောင်းဝယ်၊ ဖောက်ကားလျက်ရှိသည်။ ဘိန်းစိုက်ပျိုးရသည့်အကြောင်းမှာ အခြားသောသီးနှံများမဖြစ်ထွန်းသည်က တစ်ကြောင်း၊ မြို့ပြနှင့် အလှမ်းဝေးပြီး သယ်ယူပို့ဆောင်ရေးခက်ခဲသည်က တစ်ကြောင်း၊ မူးယစ်ဆေးဝါးနှင့်ပတ်သက်သည့် အသိပညာဗဟုသုတနည်းပါးသည်က တစ်ကြောင်း၊ စားဝတ်နေရေးအဆင်ပြေစေဖို့ရန်အတွက်ကြောင့်စသည့် အကြောင်းများကြောင့် စိုက်ပျိုးနေရခြင်းဖြစ်သည်ဟု သုံးသပ်မိပါသည်။
ထို့ကြောင့် အစိုးရအနေဖြင့်သော်လည်းကောင်း၊ မူးယစ်ဆေးဝါးနှင့်ပတ်သက်ပြီး တာဝန်ရှိအဖွဲ့အစည်းများအနေဖြင့်သော်လည်းကောင်း သီးနှံစိုက်ပျိုးရန်ခက်ခဲသည့် ဒေသများတွင် ဘိန်းအစားအခြားသော အစားထိုးသီးနှံများစိုက်ပျိုးနိုင်အောင် စီမံဆောင်ရွက်ပေးခြင်း၊ သီးနှံများအတွက် ဈေးကွက်ပုံဖော်ပေးခြင်း၊ မူးယစ်ဆေးဝါးနှင့်ပတ်သက်သည့် အသိပညာဗဟုသုတအားနည်းသည့် ပြည်သူလူထုများကို ပညာပေးဟောပြောပေးခြင်းနှင့် ထိရောက်သော အရေးယူမှုများ၊ တားဆီးပိတ်ပင်မှုများကို လက်တွေ့ကျကျ အကောင်အထည်ဖော် ဆောင်ရွက်ပေးမည်ဆိုပါက ပပျောက်သွားနိုင်မည်ဖြစ်ကြောင်း ယုံကြည်မိပါသည်။ ထို့အပြင် မူးယစ်ဆေးဝါးပပျောက်ရေးကို အစိုးရနှင့်တာဝန်ရှိအဖွဲ့အစည်းများမှ ဘယ်လောက်ပင် ထိရောက်သောလုပ်ဆောင်မှုများ လုပ်ဆောင်စေကာမူ လူငယ်များနှင့် ပြည်သူလူထုတစ်ရပ်လုံး ပူးပေါင်းဆောင်ရွက်မှုမရှိလျှင် မည်သည့်နည်းနှင့်မျှ ပပျောက်နိုင်မည်မဟုတ်ပေ။ ထို့ကြောင့် မူးယစ်အန္တရာယ်ကင်းဝေးဖို့ဆိုလျှင် အားလုံးပူးပေါင်းတိုက်ဖျက်ကြမှသာလျှင် အောင်မြင်နိုင်မည်ဖြစ်ကြောင်း တိုက်တွန်းရေးသားအပ်ပါသည်။
ခွန်ကျော;ခေါင်;(ထီရီးဟော်ထို)
Like On Facebook
Follow On Twitter
Subscribe On RSS