လူငယ်အားမာန်

တောင်ကြီး၊ ၂၀၁၇ ခုနှစ်၊ ဒီဇင်ဘာလ (၂၇)ရက်

ယနေ့ကမ္ဘာပေါ်တွင် ကြီးမားသောစွမ်းအားအမျိုးမျိုးကို ထုတ်လုပ်ပေးနိုင်သည့် စွမ်းအင်ပင်မ အရင်းအမြစ်တို့ကို ရှာဖွေတွေ့ရှိလာကြသည်။ ဖန်တီးတီထွင်နိုင်ကြသည်။ သို့သော် အမှန်တကယ် အင်အားကြီးမားသည်မှာ ဓာတုလက်နက်များ စက်ကိရိယာများ မဟုတ်ချေ။ ဤသို့သော တီထွင်ကြံဆမှုအမျိုးမျိုးကို ဖော်ထုတ်နိုင်သည့် လူတို့၏ စွမ်းရည်သာလျှင်ဖြစ်ချေသည်။ လူဟုဆိုရာ၌ အရွယ်သုံးပါးတွင် အသွက်လက်အထက်မြက်ဆုံးမှာ လူငယ်တို့အရွယ်ပင်ဖြစ်သည်။ ထို့ကြောင့် လူငယ်တို့ဝ၏ စွမ်းရည်သတ္တိနှင့် အားမာန်တို့သာလျှင် အပြင်းပြဆုံး အထိရောက်ဆုံး ဖြစ်ပါတော့သည်။
လူငယ်များသည် ပထမအရွယ် နုနယ်ချိန်၌ ပညာများကို ရှာဖေဆည်းပူးကြရမည့်တာဝန်သာ ရှိလေသည်။ ပညာကို ရှာဖွေသင်ယူပြီး ပြန်သောအခါ မိမိ၏ ပညာစွမ်းရည်ကို အသုံးချရန် အလုပ်ခွင်များသို့ ဝင်ကြရသည်။ တိုင်းပြည်တစ်ပြည်၏ ကြီးပွားတိုးတက်ရေးသည် လူငယ်တို့အပေါ်၌သာ လုံးလုံးလျားလျား တည်နေခြင်းဖြစ်သည်။ ယနေ့လူငယ်သည် နောင်တွင်လူကြီးဟု ဆိုကြစမြဲဖြစ်သည်။ နောင်တစ်ချိန်တွင် နိုင်ငံတာဝန်ကို ပုခုံးပြောင်းထမ်းဆောင်ရမည့် လူငယ်တို့၏ သဘောသဘာဝကို ဦးစွာဆင်ခြင်ကြည့်ရသော် လူငယ်ဆိုသည်မှာ ပင်ကိုယ်ဗီဇကပင် ဖြူစင်ကြသည်။ လွတ်လပ်ပွင့်လင်းမှုကို နှစ်သက်ကြသည်။ တိုးတက်ချင်သောစိတ် အမြဲရှိသည်။ အစုအပေါင်းနှင့် စည်းရုံးလုပ်ဆောင်ခြင်း၏ အကျိုးတရား ကိုလည်း ကောင်းစွာနားလည်ကြသည်။ ဤသို့စုပေါင်းဆောင်ရွက်ခြင်းကသာလျှင် လူငယ်တို့၏ အားမာန်ကို တစ်စုတစ်စည်းတည်းဖြစ်အောင် ဖွဲ့စည်းမွေးဖွားပေးနိုင်သည်။
လူငယ်တို့၏ နုနယ်သေးသော နှလုံးသားများသည် အမှန်ဖြူစင်သန့်ရှင်းကြသည်။ ဆိုးသောအရောင်ကိုလိုက်၍ ပြောင်းလဲမည့် အဝတ်ဖြူဖြူတစ်ခုနှင့် သဏ္ဍာန်တူလှသည်။ သန့်ရှင်းခြင်းကို မညစ်နွမ်းစေသင့်ပါ။ လူငယ်တို့၏ အသိဥာဏ်သို့ မှန်ကန်သော အတွေးအခေါ်များကိုသာ သွတ်သွင်းပေးရန်သည် အရေးအကြီးဆုံးဖြစ်သည်။ ထို့ကြောင့်လည်း “လူငယ်များ၏ ကာယ၊ ဥာဏ၊ စာရိတ္တ ဘက်စုံဖွံ့ဖြိုးတိုးတက်ရေးအတွက် ဆောင်ရွက်ပေးရန် တာဝန်ရှိသည်” ဟုနိုင်ငံတော်က သတ်မှတ်ပြဌာန်း တာဝန်ယူခဲ့လေသည်။
နိုင်ငံတော်၏ ရင်နှစ်သည်းချာ ရတနာများဖြစ်ကြသော လူငယ်တို့သည် အမိနိုင်ငံတော်ကို များစွာအကျိုးပြုနိုင်သည်။ နိုင်ငံတော်မှ ဖွဲ့စည်းထားသော ကြက်ခြေနီနှင့် အရန်မီးသတ်များတွင်လည်း လူငယ်များက အဓိကကျသော အခန်းကဏ္ဍမှ ပါဝင်ပေးကြသည်။ သဘာဝဘေးဒဏ်၊ စစ်ဘေးဒဏ်များ၊ ရေဘေး၊ မီးဘေးကြုံလာခဲ့လျင် လူငယ်တို့ကသာ စွမ်းစွမ်းတမံ ကူညီကြသည်။ လူငယ်တို့သည် တက်ကြွစွာ ရှင်သန်နေကြသူများပီပီ ပင်ပန်းဆင်းရဲခြင်းကိုလည်း နောက်မတွန့်ဘဲ ရင်ဆိုင်နိုင်ကြသည်။ တစ်ယောက်အားနှင့် တစ်သောင်းအား မည်သို့ကွာခြားကြောင်းကို လည်းကောင်းစွာသိကြသည်။ ကျောင်းသားလူငယ်များ၊ ကျေးလက်လူငယ်များ၊ တပ်မတော်သားလူငယ်များ၊ အလုပ်ခွင်မှ လူငယ်များ စုပေါင်းညီညာခြင်းဖြင့်သာလျှင် သာယာသော ပြည်ထောင်စုကို တည်ဆောက်ထားနိုင်ကြပေသည်။
မည်သည့်နိုင်ငံသားလူငယ်မဆို မသိစိတ်၌ဖြစ်စေ၊ သိစိတ်၌ပင်ဖြစ်စေ မိမိမွေးဖွားရာနိုင်ငံကို ချစ်မြတ်နိုးစိတ် ရှိကြသည်ချည်းပင်ဖြစ်သည်။ မိခင်နိုင်ငံတော်၏ အမည်နာမကိုဂုဏ်တင်လိုခြင်း ဆန္ဒသည်လည်း လူငယ်တို့၏ အားမာန်များတွင် တစ်ခုအပါအဝင်ဖြစ်လေသည်။ နိုင်ငံတော်၏ အားကစား အဆင့်အတန်းတိုးတက်မြင့်မားရေးသည် လူငယ်တို့အပေါ်တွင် လုံးလုံးလျားလျား တည်နေပေသည်။ လူငယ်ပီပီ တီထွင်ကြံဆ ကြိုးစားလိုစိတ်၊ မိမိတိုင်းပြည်အကျိုးအတွက် မိမိ၏ အစွမ်းအစပြလိုစိတ်ဟူသော အားမာန်တို့ဖြင့်သာ အမိမြန်မာပြည်ကြီး၏ ဂုဏ်သရေကို တင့်တယ်ထွန်းလင်းစေရပေလိမ့်မည်။ နိုင်ငံတစ်နိုင်ငံလုံး၏ ပင်မအုတ်မြစ်အဖြစ်သော်လည်းကောင်း၊ အဖွဲ့အစည်းများအားလုံး၏ အခြေခံအုတ်ချပ် သဲပွင့်ကလေးများ အဖြစ်လည်းကောင်း လူငယ်တို့၏အားမာန်များသည် အခြေခံကျသော်လည်း မထင်မရှား ကွယ်ဝှက်လျက် ရှိတတ်သေးသည်။
အချုပ်အားဖြင့် ဆိုရသော် လူငယ်အားမာန်သည် နေဝင်ချိန်ကဲ့သို့ မှိုင်းရီအားပျော့သော် အလှတရားမဟုတ်၊ တက်နေခြည်ဝန်းတမျှ အင်သစ်အားသစ်တို့ကို နိုးကြားစေသည့် သတ္တိတရားသာ ဖြစ်လေသည်။ ထို့ကြောင့် လူငယ်တို့သည် ဤသို့အားမာန်ဇွဲစိတ်တည်းဟူသော ပန်းကလေးများအသွင် နိုင်ငံအကျိုးကို အစဉ်သယ်ပိုးသွားနိုင်ကြလိမ့်မည်ဖြစ်ကြောင်း ဦးစန်းငွေ(ခရေပင်စာပေ)စာအုပ်မှ ကောက်နုတ်ရေးသားတင်ပြလိုက်ရပါသည်။


နန်းစန်းစန်းဝင်း
လွယ်ကောင်း