လူ့ပတ်ဝန်းကျင်တွင် ဆူးဟူသည့်အမျိုးများထဲမှ လူ့အတွက်ဆူးဖြစ်စေမည့် အဟန့်အတား များစွာရှိသည်။ သူဌေးလောင်းတို့၏စိတ်ဓါတ်၊ သူဌေးလောင်းရည်ရွယ်ချက်၊ မျော်မှန်းချက်သည် လူတိုင်း ဖြစ်လိမ့်မည်ဟု စာရေးသူအနေဖြင့် ယုံကြည်ပါသည်။ အဘယ်ကြောင့်ဆိုသော် လူတိုင်းကောင်းစားချင် စိတ်ရှိသည်။ လူတိုင်းပြီးပြည့်စုံသောဘဝကို ပိုင်ဆိုင်ချင်ကြသည်။ လူတိုင်း ကံတစ်ခုဆိုသည့်အတိုင်းသာ ဆင်းရဲသော သူများသည်လည်း မိမိတို့မျှော်လင့်သောဘဝသည် ဆင်းရဲသည့်ဘဝမဟုတ်သလို ကံကောင်း ထောက်မ၍ သော်လည်းကောင်း၊ ကုသိုလ်ကံကြောင့်သော်လည်းကောင်း ချမ်းသာကြွယ်ဝသော ဘဝကို ပိုင်ဆိုင်သူများ အတွက်လည်း အကြွင်းမဲ့ ပြီးပြည့်စုံလိမ့်မည်မဟုတ်ပေ။
မည်သို့ပင်ရှိစေကာမူ မျှော်လင့်တောင်းတသော ဘဝအတိုင်းအတာအထိ ပြီးပြည့်စုံစေရန် မိမိဘဝလမ်းကြောင်း အတွက် ဆူးငြောင့်ခလုတ်ဖြစ်စေမည့် အရာမှန်သမျှကို ဖယ်ရှားရှောင်ကြဉ်သင့်ပေသည်။ ထိုသို့ ဘဝတက်လမ်းအတွက် အနှောင့်အယှက်ဖြစ်စေမည့် အရာများစွာကို ရှောင်ရမည်ဖြစ်သောကြောင့် ကြီးမား သော အဟန့်အတားဖြစ်သည့် မူးယစ်ဆေးဝါး ဟူသည်အန္တရာယ်တုံးကြီးကို တက်သစ်စလူငယ်များ အတွက် အထူးရှောင်ကြဉ်ကြရန်လိုအပ်ပေသည်။ ပအိုဝ်းလူငယ်များသည်လည်း ထိုအရာကို အထူးရှောင်ကြဉ်ရန်လို ကြောင်း ၊ အဘယ်ကြောင့်ဆိုသော် ပအိုဝ်းလူမျိုးအများဆုံးနေထိုင်သော ရှမ်းပြည်နယ်တောင်ပိုင်းရှိ တောင်လေးလုံးထောင်ကို “ပအိုဝ်းထောင်”ဟု အမည်တွင်စပြုနေပြီ ဖြစ်သောကြောင့်ဖြစ်သည်။
မူးယစ်ဆေးဝါးကြောင့် ပအိုဝ်းကျေးရွာများလည်း ဆုတ်ယုတ်ပျက်ဆီးခဲ့ရပြီဖြစ်သည့်အပြင် ပအိုဝ်း မျိုးရိုးဂုဏ်သိက္ခာများလည်း ကျဆင်းခဲ့ရပြီဖြစ်သည်။ ကျေးရွာဆုတ်ယုတ်ပျက်ဆီးရခြင်းမှာ အခြားသော အကြောင်းများကြောင့်မဟုတ်ဘဲ ပအိုဝ်းကျေးရွာများအများစုမှာ စိုက်ပျိုးရေးလုပ်ကိုင်မှုကြောင့် အသက် မွေးဝမ်းကြောင်း ပြုလုပ်ကြသူများဖြစ်ခြင်းကို လူတိုင်းသိရှိနေပေသည်။ ထိုသို့စိုက်ပျိုးရေးလုပ်ကိုင် အသက် မွေးဝမ်းကြောင်းပြပြီး နေထိုင်ခဲ့ကြ ၍ မူးယစ်ဆေးဝါးသုံးစွဲသူများပြားလာခြင်းကြောင့် ကျေးရွာများအတွင် စိုက်ပျိုးလုပ်ကိုင်သူ နည်းပါးလာကာ တိုးတက်မှုနှောင့်နှေးစေခဲ့သည်။ စိုက်ပျိုးလုပ်ကိုင်မှုမရှိဘဲ စားသောက် နေသောကြောင့် အိမ်တွင်းဆင်းရဲနွမ်းပါးမှုဖြစ်လာကာ စားသောက်ရမည့်အစာအဟာရများလည်း ရှားပါး လာရသည်။ ထိုသို့ ဝမ်းစာအတွက်စားသုံးရန် အခက်အခဲများဖြစ်သောကြောင့် ရှိနှင့်နေသော လယ်ယာ၊ ကျွဲနွားများကို ရောင်းစားရသည်။ ထိုသို့ဖြစ်ဖန်များလာ၍ အိမ်တွင်းရေးပြဿနာဖြစ်သော လင်မယား ရန်ဖြစ်ခြင်း၊ မူးယစ် ဆေးဝါးဝယ်ယူရန် ငွေအခက်အခဲရှိသောကြောင့် ခိုးမှုဖြစ်ပွားခြင်း၊ ခိုးဖန်များလာ၍ နောက်ဆုံးအဆင့် ဓါးပြတိုက်ခြင်း အဆင့်ထိရောက်ရှိလာတတ်ပါသည်။
ကျေးရွာတစ်ရွာအတွင်း မူးယစ်ဆေးဝါးဆုံးစွဲသူများပြားလာလျှင် ရွာတွင်းရှိရွာသူရွာသားများလည်း စိတ်အေး ချမ်းသာစွာ မနေထိုင်နိုင်တော့ပေ။ အဘယ်ကြောင့်ဆိုသော် မိမိတို့ ချွေးနဲစာဖြင့် ရှာဖွေစုဆောင်းထား သော ပစ္စည်းဥစ္စာများကို သိမ်းဆည်းရန် အခက်အခဲဖြစ်စေပါသည်။ မိရိုးဖလာအတိုင်း ထားသိုသိမ်းဆည်း၍ မရ တော့ဘဲ သူခိုးများ၏ရန်ကို ကြောက်နေရသောကြောင့်ဖြစ်သည်။ ဥစ္စာပစ္စည်းအပေါ် စိတ်ဆင်းရဲနေရသည်။
ပအိုဝ်းဒေသအတွင်း မူးယစ်ဆေးဝါးသုံးစွဲသူပေါများလာရခြင်းမှာ အခြားသောအကြောင်းရင်းများ မဟုတ်ပါ။ မိမိတို့ပအိုဝ်းဒေသကို လက်နက်ကြဉ်ဆံကြီးများဖြင့် တိုက်ခိုက်ခြင်းမဟုတ်ဘဲအနုနည်းဖြင့် တိုက်ခိုက် လာရခြင်းဖြစ်သည်။ ဤသည်ကို မိမိတို့ပအိုဝ်းလူငယ်များသည် စောစီးစွာသတိထားနိုင်မှုမရှိလျှင် မိမိတို့ ဘဝသာ ဒုက္ခရောက်ရှိသွားမည်ဖြစ်သည်။ ထိုသို့တိုက်ခိုက်ခြင်းကြောင့် မိမိတို့ပအိုဝ်းလူမျိုးများ နေထိုင်မှုဘ၀ ဆုတ်ယုတ်စေခြင်း၊ ဆင်းရဲနွမ်းပါးသောလူမျိုးဘ၀သို့ရောက်ရှိသွားခြင်းစသည် ရည်ရွယ်ချက်များ အတွက် မူးယစ်ဆေးဝါး (ဆေးပြား၊ ဘိန်း)များသည် လက်နက်ကြီးသဖွယ်ဖြင့် အသုံးပြုနေသည်ကို ပအိုဝ်းမိဘ ပြည်သူတိုင်း သတိဝိရိယထားသင့်ပေသည်။
မူးယစ်ဆေးဝါးသုံးစွဲလိုက်သော လူတစ်ဦးသည် ကျန်သောရေးရာမှန်သမျှကို စဉ်းစားတွေးခေါ်မှု များမရှိတော့ဘဲ အရာရာရေစုံမျှောလိုက်သည့်အတိုင်း ဆုံးရှုံးသွားရပြီဖြစ်သည်။ သားသမီးပညာရေး၊ စားဝတ်နေရေး စသည့်အရာအားလုံးထက် မူးယစ်ဆေးဝါးသုံးစွဲရရေးသာလျှင် အရေးကြီးကြောင်း ဖြစ်ပါသည်။ မူးယစ်ဆေးဝါး သုံးစွဲသွားသောလူတစ်ဦးသည် ဘဝမရှိသော လူသားနှင့်တူနေပေသည်။ ပအိုဝ်းပြည်သူ တစ်ရပ်လုံးအတွက် ယောင်မှား၍သော်လည်းကောင်း သုံးစွဲမိခဲ့ခြင်းများရှိလျှင် ထိုသူတစ်ဦးတစ်ယောက်သည် လမ်းလျှောက်ရင်း ဆူးပုံနှင်းမိသောလူတစ်ဦးကဲ့သို့ မိမိဘဝသည်လည်း မှန်ကန်သောလမ်းကြောင်းကို မည်သောအခါမှ ရောက်ရှိ နိုင်တော့မည်မဟုတ်ပေ။ ထို့ကြောင့် မိမိမျော်မှန်းထားသော၊ တောင်းတနေသော၊ အိပ်မက်မက်နေသော သဌေးဘဝ၊ အဆင့်မြင့်သောဘဝ၊ လူရာဝင်သောဘဝနှင့် ဝေးကွာသောလမ်းကြောင်းသို့ ရောက်ရှိသွား နိုင်သည်။
မိမိတို့ပအိုဝ်းလူငယ်များအတွက် မိမိအိပ်မက်မက်နေသော ဆန္ဒရှိနေသော သူဌေးလောင်းဘဝ၊ သူဌေးဘဝများအတွက် လူကိုအညွှန့်တုံးစေတတ်သောဤမူယစ်းဆေးဝါး (ယာဗွာ၊ ယာမ)ကို “ရှောင်လေ ဝေးဝေး၊ တို့အရေး” ဟူသည်ကြွေးကြော်ချက်အတိုင်း သတိဝိရိယဖြင့် ဆင်ခြင်သင့်ပေသည်။ ဥာဏ်ကြီးရှင် များ၏ စစ်လက်နက်သည် အထင်သေး၍မရသလို ကြောက်လန့်ဖွယ်ကောင်းသော အင်မတန်အဆိပ်ပြင်းသော လက် နက်သဖွယ်ဖြစ်နေသောကြောင့် မိမိကိုယ်သာအားကိုရာဆိုသည့်အတိုင်း လုံ့လဝိရိယဖြင့်သာဆင်ခြင် ကြ ပါကုန်လော့။
ထို့ကြောင့် မိမိတို့ပအိုဝ်းလူမျိုး သူဌေးလောင်းလူငယ်များအတွက် အလွန်ပင် အဆိပ်ပြင်းသော၊ ဘ၀လမ်းကြောင်းအတွက် ဆူးငြောင့်ခလုတ်သဖွယ်ကန့်လန့်နေသော မူးယစ်းဆေးဝါး( ဆေးပြား၊ ယာဗွာ၊ ယာမ) ကို မိမိတို့ပအိုဝ်းဘဝအတွင်းသို့ မ၀င်ရောက်နိုင်စေရန်နှင့် ဝင်ရောက်သွားဖူးပြီဖြစ်သော ဆူးခလုတ်များကို အမြစ်ပါ မကျန်ဆွဲနုတ်တားဆီးကာကွယ်သွားနိုင်မှသာလျှင် မိမိတို့၏လူနေမှုဘဝ လူမှုရေး၊ စားဝတ်နေရေး၊ ကျန်းမာရေးစသည့် အဘက်ဘက်သည်လည်း ပြည့်စုံလှပသော လူ့ဘောင်အဖွဲ့အစည်းအတွင်း ပျော်ရွင်စွာ နေထိုင်သွားနိုင်မည်ဖြစ်သောကြောင့် ဤဆောင်းပါးကိုဖတ်ရှုရချိန်မှစ၍ မိမိမျှော်လင့်တောင်းတနေသော သူဌေးလောင်းဘ၀ကို ခလုတ်မထိ၊ ဆူးမငြိဘဲ ပိုင်ဆိုင်နိုင်ကြပါစေ။
နန်းလေဗွာ (အွံအား)
Like On Facebook
Follow On Twitter
Subscribe On RSS