နိုင်ငံရေးဆိုသည်မှာ လူသားဘဝ၊ လူမှုပတ်ဝန်းကျင်၊ လူသားတို့၏ အရေးအရာမှန်သမျှကို ဆိုလိုသည်။ ပညာရေး၊ စီးပွားရေး၊ ကျန်းမာရေး၊ လူမှုရေးနှင့် သဘာဝပတ်ဝန်းကျင် စိမ်းလန်းစိုပြည်ရေး အစရှိသော အရင်းအမြစ်များနှင့် ရေသောက်မြစ်များသည် နိုင်ငံရေးပင်ဖြစ်သည်။ နိုင်ငံရေးဟူသည် လူသားများအားလုံးနှင့် သက်ဆိုင်နေသည်။ ထို့ကြောင့် မိမိတို့ပန်းတိုင်များ လျှင်မြန်စွာရောက်လိုလျှင် နိုင်ငံရေးကဏ္ဍတွင် မဖြစ်မနေပါဝင်ရမည်ဖြစ်သည်။
ယနေ့ခေတ်တွင် နိုင်ငံရေးကဏ္ဍကို လေ့လာကြည့်လျှင် အမျိုးသမီးဦးရေပါဝင်မှု နဲပါးနေသေးသည် ကိုတွေ့ရသည်။ မြန်မာနိုင်ငံအနေဖြင့် လွှတ်တော်ကိုယ်စားလှယ် ရွေးချယ်ခန့်အပ်ရာတွင် အမျိုးသား ဦးရေ မှာ(၇၀)ရာခိုင်နှုန်းဖြစ်ပြီး၊ အမျိုးသမီးဦးရေမှာ(၃၀)ရာခိုင်နှုန်းပါဝင်ရန် သတ်မှတ်ထားသည်။ သို့သော်လည်း သက်ဆိုင်ရာ လွှတ်တော်ကိုယ်စားလှယ်များထဲတွင် အမျိုးသမီးလွှတ်တော်ကိုယ်စားလှယ် ပါဝင်မှု ရာခိုင်နှုန်း မပြည့်မီသေးသည်ကို တွေ့နိုင်ပါသည်။ မြန်မာနိုင်ငံတွင် ခေတ်အဆက်ဆက် အမျိုးသားနှင့် အမျိုးသမီး တန်းတူအခွင့်အရေး မရသေးသည် ကိုလည်း ရှင်းရှင်းလင်းလင်း မြင်နိုင်ပါသည်။ သာဓကအားဖြင့် ပညာရေး၊ စီးပွားရေး၊ လူမှုရေး အစရှိသော အခန်းကဏ္ဍများတွင် အမျိုးသမီးများအနေဖြင့် ခွဲခြားခံရမှု ရှိနေသေးသည်။ ပညာရေးနယ်ပယ်တွင် တက္ကသိုလ်ပညာရပ်ဝင်ခွင့်ကို ဆေးတက္ကသိုလ်၊ ကွန်ပျူတာ တက္ကသိုလ် စသော တက္ကသိုလ်ပညာရပ် အသီးသီးတွင် အမျိုးသားဝင်ခွင့်အမှတ်နှင့် အမျိုးသမီး ဝင်ခွင့် အမှတ်မှာ (၂၀)မှတ်ကျော်ကျော်ပင် ကွာဟနေသည်ကိုတွေ့ရသည်။
စီးပွားရေးနယ်ပယ်တွင်လည်း အမျိုးသားများသာ နိုင်ငံရပ်ခြားတိုင်းတပါးသို့ ထွက်ခွါပြီး အလုပ်လုပ် ရန် သင့်တော်သည်ဟု ဆိုကြပြန်သည်။ အမျိုးသမီးများသည် မိန်းကလေးသဘာဝ အိမ်ရှင်မအလုပ်သာ အိမ်တွင်းပုန်းအဖြစ် သတ်မှတ်ထားကြသည်။ ထိုမျှမက လူမှုရေးတွင်လည်း အမျိုးသားများသည် အမျိုးသမီးများထက် ဦးစားပေးမှု ခံနေရဆဲဖြစ်သည်။ ကျေးရွာအုပ်ချုပ်ရေးဖြစ်သော ကျေးရွာအတွင်း အစည်းအဝေးတွင်ပင်လျှင် ဆုံးဖြတ်ချက်ချသောနေရာတွင် အမျိုးသမီးများ၏ စကားသံများ ထဲ့သွင်းမှု မရရှိ သေးချေ။ ယနေ့ခေတ်တွင် အချို့သော အမျိုးသမီးများသည် အမျိုးသားများနှင့် တန်းတူ လုပ်ရည်ကိုင်ရည် ရှိကြသည်ကိုတွေ့ရသည်။ အမျိုးသမီးများသည် ငြိမ်းချမ်းရေးကို ကိုင်တွယ်လျှင် ပို၍အေးချမ်းလွယ်သည်ဟု သုတေသနစာတမ်း တစ်ခုတွင် လေ့လာတွေ့ရှိနိုင်သည်။ အဘယ်ကြောင့်ဆိုသော် အမျိုးသမီးများသည် မိခင်မေတ္တာဓါတ်အပြည့် ရှိသောကြောင့် စစ်ပွဲများကြားတွင် မိသားစုအသိုက်အကို ပျက်စီးမည်ကို မလိုလား ချေ။ ဤသည်ကို ကြည့်လျှင် အမျိုးသမီးများသည် အများသားများနှင့်တသားတည်း လုပ်ကိုင်နိုင်စွမ်း ရှိ သည်ကို လေ့လာတွေ့ရှိနိုင်ပါသည်။
နိုင်ငံရေးပါတီအတွင်းတွင် အမျိုးသမီးကိုယ်စားလှယ် မဖြစ်မနေ ပါဝင်နိုင်ရန် လိုအပ်သည်။ အဘယ်ကြောင့်ဆိုသော် အမျိုးသမီး၏ ရထိုက်သော အခွင့်အရေး၊ အမျိုးသမီးတစ်ရပ်လုံး၏ အရေးအရာ များကို အမျိုးသမီးကသာလျှင် ပိုမိုသိရှိနားလည်လွယ်ပြီး၊ ရပ်ရွာကျေးရွာမှစ၍ နိုင်ငံတော်အထိ အမျိုးသမီး ထုတစ်ရပ်လုံး၏ အခက်အခဲများကို အမျိုးသမီးထုတစ်ရပ်လုံးကိုယ်စား အော်ဟစ်ခွင့်၊ တောင်းဆိုခွင့် ရမည် ဖြစ်သည်။ အမျိုးသမီးရေးရာ ကော်မတီဥက္ကဋ္ဌရာထူးကို အမျိုးသမီးကသာ ဖြစ်သင့်သည်။ အမျိုးသမီးထု တစ်ရပ်လုံးကိုယ်စားအဖြစ် အမျိုးသမီး လွှတ်တော်တွင်နေရာရရန် လိုအပ်သည်။ ထိုသို့ လွှတ်တော် ကိုယ်စားလှယ်အတွင်း အမျိုးသမီးကိုယ်စားလှယ်များ ဝင်ရောက်နိုင်အောင် မိမိ၏နိုင်ငံရေးအဖွဲ့အစည်းများ၊ ပါတီခေါင်းဆောင်၏ ထောက်ပံ့မှု၊ ဆွဲခေါ်မှုလည်းလိုအပ်သည်။ ပြည်သူ လူထုနှင့် တွေ့ဆုံသောနေရာတွင် အမျိုးသမီးများသည် အမျိုးသားများထက် ဆွဲဆောင်မှုရှိပြီး၊ စည်းရုံး လှုံ့ဆော်ရေး၊ စည်းရုံးရေး အားကောင်း သည်။ နိုင်ငံရေးပါတီများအနေဖြင့် အရည်အချင်း ပြည့်မီသော အမျိုးသမီး၊ ပြည်သူလူထု အားကိုးအားထား ရသော၊ စွမ်းရည်ပြည့်ဝသော အမျိုးသမီး ကောင်းများအဖြစ် ပြုစုပျိုးထောင်ပေးမှသာလျှင် လွှတ်တော်တွင်း အရည်အချင်း ပြည့်မီသော အမျိုးသမီး လွှတ်တော်ကိုယ်စားလှယ်ကောင်းများ ပေါ်ထွက်လာနိုင်မည်။
ပါတီ၏လွှတ်တော်ကိုယ်စားလှယ် လျာထားခြင်းခံရသော အမျိုးသမီးများသည်လည်း ပါတီပုံရိပ် မြှင့်တင်ခြင်း၊ သုတေသနပညာရပ်၊ စည်းရုံးရေးပညာရပ်များကို ထိမိပိုင်နိုင်စွာ လေ့လာထားရန်လိုအပ် သည်။ မိမိပါတီ၏ မိတ်ဖက်၊ ပြိုင်ဖက်အစရှိသော ပါတီနိုင်ငံရေးအမြင်များကို မိမိဘက်က လေ့လာထားရ မည်။ ထို့အပြင် မိမိ၏ကိုယ်ပွားသဘောအဖြစ် မိမိ၏လက်အောက်ငယ်သားများကိုလည်း နောင်တစ်ချိန် တွင် ပုခုံးလွဲပြောင်း တာဝန်ထမ်းဆောင်နိုင်ရန် မိမိ၏အတွေ့အကြုံ ပညာရပ်များက်ို လက်ဆင့်ကမ်းရန် လိုအပ်ပါသည်။ မိမိ၏ပါတီအတွင်း အမျိုးသမီးများအတွက် ကိုယ်စားပြုသော အမျိုးသမီးအဖွဲ့ မဖြစ်မနေ ဖွဲ့စည်းရန်လိုအပ်သည်။
ထို့ကြောင့် အမျိုးသမီးနှင့် အမျိုးသား တန်းတူညီမျှမှုရရှိရေး၊ အမျိုးသမီး၏ အခက်အခဲ၊ အမျိုးသမီး များ၏ ရထိုက်သောအခွင့်အရေး အစရှိသော အမျိုးသမီးအရေးအရာများကို အကောင်အထည် ဖော်နိုင်ရန် အတွက်လည်းကောင်း၊ တန်းတူညီမှုရရှိပြီးသော ကိစ္စရပ်များ ဆက်လက်လုပ်ဆောင်ပြီး၊ တန်းတူညီမျှမှု မရရှိသေးသော ကိစ္စရပ်များကို တန်းတူညီမှုရရှိလာအောင် ပူးပေါင်းပြီး ကြိုးစားကြရန် အမျိုးသမီးများ အားလုံးတွင် တာဝန်ရှိပါသည်။ မတူညီသောပါတီ၊ ကွဲပြားသောလူမျိုး ဖြစ်နေပါသော်လည်း အမျိုးသမီးများ အားလုံး၏ အခက်အခဲများ၊ ကိစ္စရပ်များသည် ကမ္ဘာပေါ်တွင် နေထိုင်သော အမျိုးသမီးများအားလုံးနှင့် သက်ဆိုင်ပါသည်။ ထို့ကြောင့် အမျိုးသမီးထုတစ်ရပ်လုံး၏ အခက်အခဲ၊ ရင်တွင်းဖြစ် ခံစားချက်များကို အမျိုးသမီးများကိုယ်စား လုပ်ပိုင်ခွင့်ရရှိနိုင်သောနေရာဖြစ်သော လွှတ်တော်ကိုယ်စားလှယ်အတွင်းသို့ ဝင်ရောက်ပြီး တင်ပြတောင်းဆိုနိုင်ရန် မဖြစ်မနေ ကြိုးစားကြရန်လိုအပ်လှပါသည်။
နန်း ခမ်း ညာ
ကောင်တန်ပင်တ၀ီးဒေသ
Like On Facebook
Follow On Twitter
Subscribe On RSS