တောင်ကြီးမြို့၊ ပအိုဝ်းအမျိုးသားအဖွဲ့ချုပ် (PNO)၊ ဗဟိုဌာနချုပ်ရုံးတွင် ဌာနပေါင်းစုံ ၂၁၀၇-နှစ်ချုပ်အစည်းအဝေးကို ၂၀၁၈ ခုနှစ်၊ ဇန်န၀ါရီ(၁၅)ရက်နေ့၊ မနက်(၁၀)နာရီအချိန်၌ ကျင်းပပြုလုပ်ခဲ့ကြောင်း သိရသည်။
ဦးစွာပထမ နိုင်ငံတော်အလံ၊ ပအိုဝ်းအမျိုးသားအလံနှင့်ပအိုဝ်းအမျိုးသားနိုင်ငံရေးများကို လှုပ်ရှားဆောင်ရွက်ခဲ့သည့် အမျိုးသားခေါင်းဆောင်များအား အလေးပြုကာ ပအိုဝ်းအမျိုးသားသီချင်းအား သီဆိုပြီးနောက် ပအိုဝ်းအမျိုးသားအဖွဲ့ချုပ် (PNO) ပါတီဥက္ကဋ္ဌ ဖြားခွန်စံလွင်က အဖွင့်အမှာစကား ပြောကြားခဲ့ကြောင်း သိရသည်။
တစ်မျိုးသားလုံးနှင့်ဆိုင်သည့် လုပ်ငန်းကိစ္စရပ်များကို လုပ်ဆောင်နေသည့်အတွက် ဂုဏ်ယူမိပါကြောင်း၊ ကိုယ်လုပ်သည့်အလုပ်ကိစ္စနှင့်ပတ်သက်၍ ဘယ်လောက်ထိရောက်နေပြီလဲဆိုတာကို ပြန်လည်သုံးသပ်ကာ ဆထက်ထမ်းပို လုပ်ဆောင်ရမှာဖြစ်ကြောင်း၊ ပအိုဝ်းအမျိုးသားအဖွဲ့ချုပ်(PNO)ပါတီအနေဖြင့် (၈)နှစ်တာကာလအတွင်း နိုင်ငံရေးကိစ္စရပ်များ၊ ပြည်သူ့အကျိုးပြု ဖွံ့ဖြိုးရေးကိစ္စရပ်များကို တတ်နိုင်သလောက် ကြိုးစား လုပ်ကိုင်ကာ အပြည့်အ၀ မအောင်မြင်သော်လည်း အောင်မြင်သင့်သလောက် အောင်မြင်ခဲ့ပါကြောင်း၊ ကမ္ဘာတည်သရွေ့ ပအိုဝ်းအမျိုးသားနိုင်ငံရေးသည် စဉ်ဆက်မပြတ်ရှိနေပြီး မျိုးဆက်အစဉ်အဆက် လုပ်ဆောင် ရမှာဖြစ်ကြောင်း၊ သို့ဖြစ်သည့်အတွက် မျိုးဆက်သစ်ခေါင်းဆောင်များ ပေါ်ထွက်လာအောင် မြှင့်တင်သွား မှာဖြစ်ကြောင်း၊ ယနေ့ မြန်မာ့နိုင်ငံရေးအခြေနေသည် ချောချောမောမောဖြင့် သွားရမည်မဟုတ်၊ အခက်အခဲပေါင်းများစွာဖြင့် ဖြတ်သန်းရမည်ဖြစ်ကြောင်း၊ ပအိုဝ်းကိုယ်ပိုင်အုပ်ချုပ်ခွင့်ရဒေသဦးစီးရုံးတွင် အုပ်ချုပ်ရေးမဏ္ဍိုင်၊ ဥပဒေပြုရေးမဏ္ဍိုင်ရှိပြီး ဖြစ်သော်လည်း တရားစီရင်ရေးမဏ္ဍိုင်မရှိသေးသည့်အတွက် တရားစီရင်ရေး မဏ္ဍိုင်ရှိလာအောင် ကြိုးပမ်းလုပ်ဆောင်နေဆဲဖြစ်ကြောင်း၊ ပအိုဝ်းအမျိုးသားနိုင်ငံရေးသည် တည်ဆောက်ရေး ဖြစ်ကြောင်း၊ ယနေ့ ပအိုဝ်းအမျိုးသားများအနေဖြင့် ပအိုဝ်းအမျိုးသားခေါင်းဆောင်ကြီး ဖြားတန်အောင်ခမ်းထီ၏ အရိပ်အာဝါသအောက်တွင် ရှိနေပါကြောင်း၊ ပအိုဝ်းအမျိုးသားအဖွဲ့ချုပ်အနေဖြင့် ပြည်သူများနှင့်တစ်သား တည်းရှိနေဖို့ လိုအပ်ကြောင်း စသည့် အဖွင့်အမှာစကားကို ပအိုဝ်းအမျိုးသားအဖွဲ့ချုပ် (PNO)ပါတီ ဥက္ကဋ္ဌ ဖြားခွန်စံလွင်က ပြောကြားခဲ့သည်။
ထို့နောက် ပအိုဝ်းအမျိုးသားအဖွဲ့ချုပ် (PNO)၊ ဗဟိုဌာနချုပ်ရုံး ရုံးအဖွဲ့မှူး စောခွန်ကျော်ဝင်းက အစည်းအဝေးပြုလုပ်ရသည့် ရည်ရွယ်ချက်များကို ပြောကြားပြီးနောက် ဗဟိုဌာနချုပ်ရုံးရှိ စီမံဌာန၊ ပြန်ကြားရေးဌာန၊ လွှတ်တော်ရေးရာဌာန၊ သုတေသနနှင့်နည်းဗျူဟာရေးဆွဲရေးဌာန၊ ၀က်ဆိုက်ဌာန၊ လေ့ကျင့်ပညာပေးရေးဌာန၊ ဥပဒေရေးရာဌာန၊ နိုင်ငံတကာဆက်ဆံရေးဌာန၊ စည်းရုံးရေးဌာန၊ ဘဏ္ဍာရေးဌာန၊ ပြည်သူ့ဆက်ဆံရေးဌာန၊ ပအိုဝ်းလူငယ်ကွန်ယက် (PYN)၊ ပါရမီဖွံ့ဖြိုးရေးကွန်ယက်အဖွဲ့များမှ ၂၀၁၇-နှစ်ချုပ်အစီရင်ခံစာများကို အသီးသီးတင်ပြခဲ့ကြောင်း သိရသည်။
ထို့နောက် စိုက်ပျိုးရေးတာဝန်ခံ ခွန်ချစ်လယ်၊ တမိုးအောက်အဖွဲ့မှ ခွန်လှဖေ(ခွန်လေဆာ)တို့မှ စိုက်ပျိုးရေးအကြောင်းနှင့်ပအိုဝ်းဒေသရှိ စီးပွားရေးအခြေနေများကို ပြောကြားခဲ့ပြီး ပအိုဝ်းအမျိုးသား အဖွဲ့ချုပ်(PNO) အကြံပေးအတိုင်ပင်ခံ ခွန်ဆန်းကျော်မှ အကြံပြုချက်များနှင့်သုံးသပ်ချက်များ၊ မောင်းမွူးခံဂျာနယ် အယ်ဒီတာချုပ် ဖြားခွန်ချွန်းက အားပေးစကားများ ပြောကြားခဲ့ကြောင်း သိရသည်။
ထို့နောက် ပအိုဝ်းအမျိုးသားအဖွဲ့ (PNO) အတွင်းရေးမှူး(၂) ခွန်ထွန်းရွှေ၊ ဒု-ဥက္ကဋ္ဌ ဖြားခွန်မောင်သောင်းတို့မှ အမှာစကားနှင့်အကြံပြုချက်များကို ပြောကြားခဲ့ပြီး အတွင်းရေးမှူးချုပ် ဖြားခွန်သိန်းဖေမှလည်း အမှာစကားများ အသီးသီးပြောကြားခဲ့ကြောင်း သိရသည်။
ပညာရေး၊ ကျန်းမာရေး၊ နေထိုင်မှုအဆင့်အတန်း၊ စီးပွားရေး၊ အစိုးရယန္တရားတွင် ၀င်ရောက်တာဝန်ထမ်းဆောင်နိုင်မှု၊ ပြည်ထောင်စုကို အထောက်အကူပြုမှု ဘယ်လောက်ရှိ ဒါတွေကို သုံးသပ်လုပ်ဆောင် တည်ဆောက်ရမှာဖြစ်ကြောင်း၊ ရှိပြီးသားအခွင့်အရေးကို ထိန်းသိမ်းကာ ကိုယ့်လူမျိုး ဂုဏ်နှင့်ထိုက်တန်သည့် အခွင့်အရေးများကို ရရှိလာအောင် ကြိုးပမ်းဆောင်ရွက်ရမှာဖြစ်ကြောင်း အတွင်းရေး မှူးချုပ် ဖြားခွန်သိန်းဖေက ပြောကြားခဲ့သည်။
၂၀၁၇-နှစ်ချုပ်အစည်းအဝေး ဆုံးဖြတ်ချက်များမှာ- ၂၀၂၀-ရွေးကောက်ပွဲ အောင်နိုင်ရေးစီမံချက် ရေးဆွဲရန်၊ လွှတ်တော်ကိုယ်စားလှယ်များနှင့် ရုံးဝန်ထမ်းများ တွေ့ဆုံဆွေးနွေးနိုင်ရန်အတွက် စီစဉ်သွားရန်၊ ဌာနအသီးသီးမှ တင်ပြသော ၂၀၁၇-နှစ်ချုပ်အစီရင်ခံစာနှင့် ဌာနအလိုက် ရေးဆွဲထားသော ၂၀၁၈-စီမံချက်များအား အတည်ပြုခြင်းများဖြစ်ကြောင်း သိရသည်။
ပအိုဝ်းအမျိုးသားအဖွဲ့ချုပ်(PNO)ဥက္ကဋ္ဌ ဖြားခွန်စံလွင်က နိဂုံးချုပ်အမှာစကား ပြောကြားခဲ့ပြီးနောက် ညနေ(၅)နာရီချိန်တွင် အစည်းအဝေးပြီးဆုံးကြောင်း သိရသည်။ အစည်းအဝေးတွင် လေ့ကျင့်ပညာပေးရေးဌာနမှ ထုတ်ဝေသည့် လေ့ကျင့်ပညာပေးရေးဌာနဖွဲ့စည်းခြင်း (၃)နှစ်ပြည့်အထိန်းအမှတ် ဆောင်းပါးပေါင်းခပ်စာအုတ်အတွက် အလှူငွေ ကျပ်သိန်း(၂၀)ကိုလည်း ပအိုဝ်းအမျိုးသားအဖွဲ့ချုပ်(PNO)ပါတီ ဥက္ကဋ္ဌ ဖြားခွန်စံလွင်က လှူဒါန်းခဲ့ကြောင်း သိရသည်။
ခွန်ဓဇ
Like On Facebook
Follow On Twitter
Subscribe On RSS