လေ့ကျင့်သင်ကြားမှုအားလုံးလိုလိုသည် အတွေ့အကြုံမှတစ်ဆင့် ပေါ်ပေါက်လာလေ့ရှိပါသည်။ သို့ရာတွင် မိမိနောက်လိုက်များအနေဖြင့် တစ်စုံတစ်ရာကို နားလည်တတ်မြောက်စေရန်အတွက် သင်ကြားရာ၌ ယင်းတို့ဘာသာအတွေ့အကြုံယူ၍ အမှားလုပ်မိပြီးမှ သင်ခန်းစာရယူခြင်းအစား ခေါင်းဆောင်ဖြစ်စေ၊ အတွေ့အကြုံရင့်ကျက်သူတစ်ဦးကဖြစ်စေ လမ်းညွှန်သင်ကြားပြသပေးခြင်းက ပို၍မြန်ဆန်ထိရောက်ပေသည်။
ဝန်ထမ်းများ၏ ဗဟုသုတတိုးတက်ရေးနှင့်ကျွမ်းကျင်မှုစွမ်းရည် မြင့်မားရေးအတွက် လုပ်ငန်းခွင်၏ပြင်ပတွင် သင်တန်းတစ်ရပ်ပြုလုပ်ပေးခြင်း သို့မဟုတ် သင်တန်းတစ်ခုခုသို့ တက်ရောက်စေခြင်းသည် သာမာန်အားဖြင့်ကောင်းမွန်သော်လည်း လုပ်ငန်းခွင်အတွင်း၌ ယင်းတို့အား လက်တွေ့သင်ကြားပြသပေးခြင်းလောက် ထိရောက်မှုမရှိပါ။ စင်စစ်တွင်မူ အလုပ်ခွင်အတွင်း၌ လက်တွေ့လုပ်ကိုင်ရင်း သင်ကြားပြသပေးခြင်းသည် လုပ်ငန်းဆောင်ရွက်မှု တိုးတက်စေရေး၊ စိတ်ဓာတ်မြင့်မားရေးနှင့် လုပ်ငန်းကျွမ်းကျင်မှုစွမ်းရည် တိုးတက်စေရေးတို့အတွက် အကောင်းဆုံးနည်းလမ်းပင်ဖြစ်သည်။ ယင်းလုပ်ဆောင်မှုသည် ဝန်ထမ်းတစ်ဦး၏ တိုးတက်မှုအတွက်သာမက အဖွဲ့အစည်းလိုက်တိုးတက်မှုအတွက်ပါ များစွာထိရောက်လှပေသည်။
ထိုကဲ့သို့ သင်ကြားပြသပေးခြင်းဖြင့် ဝန်ထမ်းတစ်ဦးချင်းအနေဖြင့် တာဝန်များကို ပိုမို၍ယူချင်စိတ်တိုးပွားစေသကဲ့သို့ မိမိကိုယ်မိမိယုံကြည်မှုလည်း ကြီးထွားစေပါသည်။ ရံဖန်ရံခါတွင် ထိုသူတို့သည် သင်မျှော်လင့်ထားသည့် ပမာဏထက်ကျော်လွန်၍ လုပ်ကိုင်ဆောင်ရွက်နိုင်ကြကြောင်း တွေ့ရတတ်ပါသည်။ ထို့ပြင် ထိုသို့ဆောင်ရွက်ခြင်းသည် အဖွဲ့အစည်းအပေါ်တွင် သစ္စာစောင့်သိမှု ကိုပါတိုးတက်စေသည်သာမက အခြားဌာနများသို့ ကူးပြောင်းထမ်းဆောင်မှုနှုန်းကိုလည်း လျော့နည်းစေပါသည်။ သို့ဖြစ်ရာ သင်ကြားပြသပေးခြင်းစွမ်းရည်သည် ခေါင်းဆောင်တစ်ဦးအတွက် အဓိကကျသည့် အရည်အချင်းဖြစ်သည်ဟုဆိုရပါမည်။ သို့ရာတွင် ခေါင်းဆောင်အတော်များများအား ယင်းတို့အနေဖြင့် မိမိ၏ဝန်ထမ်းများကို လုပ်ငန်းဆောင်ရွက်မှုဆိုင်ရာ နည်းပညာများသင်ကြားပေးသင့်သည်ဟု ပြောလိုက်သည်နှင့်တစ်ပြိုင်နက် ထိုသူတို့သည် ယင်းသို့ဆောင်ရွက်ပေးရန် အချိန်မရကြောင်းဖြေကြားတတ်သည်ကို ဝမ်းနည်းဖွယ်ရာ တွေ့ရှိရပါသည်။ အချို့ကမူ ယင်းတို့အနေဖြင့် လက်ရှိအလုပ်တာဝန်များကိုပင် မနိုင်မနင်းဖြစ်နေကြောင်း ပြောတတ်ကြပါသည်။
သင့်အနေဖြင့်လည်းကောင်း၊ သင်၏ဝန်ထမ်းများအနေဖြင့်လည်းကောင်း မိမိတို့၏ လုပ်ငန်းဆောင်ရွက်မှုစွမ်းရည် တိုးတက်စေရေးအတွက် မည်သို့ဆောင်ရွက်ကြမည်နည်းဟူ၍ နည်းလမ်းများရှာကြံစဉ်းစားကြမည်ဆိုလျှင်ဖြစ်စေ သို့မဟုတ် ယင်းသို့သင်ကြားပြသပေးနိုင်ရန် အခွင့်အရေးရရှိစေမည့် လုပ်ငန်းအစီအစဉ်အသစ်တစ်ရပ်ကို အကောင်အထည်ဖော်ရန် စီစဉ်မည်ဆိုလျှင်ဖြစ်စေ သင်လိုလားသည့်အခြေအနေနှင့် အခွင့်အလမ်းများစွာ ပေါ်ထွန်းလာမည်မလွှဲပေ။ “လိုလျှင်ကြံဆနည်းလမ်းရ”ဟူသော သဘောပင်ဖြစ်သည်။
ထိုအခါ သင်၏နောက်လိုက်ဝန်ထမ်းများက သင့်အပေါ်မည်သို့ထင်မြင်ယူဆကြမည်နည်းဟူသော အချက်မှာလည်း ယင်းတို့၏စွမ်းရည်တိုးတက်မှု လိုအပ်ချက်နှင့်ပတ်သက်၍ သင်၏တုန့်ပြန်မှုသဘောထား ပမာဏအပေါ်တွင် မူတည်နေပါသည်။ တကယ်တမ်းအားဖြင့် အချိန်ကိုစနစ်တကျစီမံ၍ အသုံးပြုမည်ဆိုပါက သင်လိုအပ်သောအချိန်ကို မလွဲမသွေရရှိမည်သာဖြစ်ပါသည်။
သင်၏ဝန်ထမ်းများအား သင့်အနေဖြင့် တစ်စုံတစ်ရာကို သင်ကြားပြသပေးမည်ဟူ၍ ဦးစွာ မပြောကြားသင့်ပေ။ ထိုသူတို့အနေဖြင့် ယင်းသို့သင်ကြားပြသပေးမှုမျိုးကို လိုလားကြောင်းကိုလည်းကောင်း၊ အဆိုပါ သင်ကြားပြသပေးမှုကို မပျက်မကွက်တက်ရောက်ကြမည်ဟူသော ဝန်ခံချက်မျိုးကိုလည်းကောင်း ပထမဆုံးရယူရပါမည်။ ယင်းအစီအစဉ်အတိုင်း ဖြစ်ပေါ်လာစေရေးအတွက် သင်သည် မေးခွန်းများမေးခြင်း အကြံပြုချက်များပေးခြင်း ယင်းတို့၏ထင်မြင်ချက်အပေါ်၌ ထားရှိသည့် သင်၏သဘောထားကို အသိပေးခြင်း ယင်းတို့၏ပြောဆိုမှုကို စိတ်ပါဝင်စားစွာနားထောင်ခြင်း စသည့်နည်းနာအချို့ကို အသုံးပြုရန်လိုအပ်ပါသည်။
မိမိ၏ဝန်ထမ်းများကို သင်ကြားပြသပေးနေချိန်တွင် သင့်အားမည်သည့်အနှောက်အယှက်မျှ မရှိစေရန်လည်းကောင်း၊ သင့်အနေဖြင့် ကိုယ်စိတ်နှစ်ပါးလုံး သက်သောင့်သက်သာနှင့် ပေါ့ပေါ့ပါးပါးရှိနေစေရန်လည်းကောင်း၊ သင့်အားကူညီမည့်သူများ အသင့်ရှိနေစေရန် ကြိုတင်စီမံထားရပါမည်။ သင်ကြားပြသပေးရမည်ဟုဆိုသဖြင့် သင်ကချည်းပြောဆိုသင်ကြားနေရမည်ဟု ထင်မှတ်မိလျှင် ထိုထင်မြင်မှုသည်မှားနေပါသည်။ သင် ဆောင်ရွက်ရမည်မှာ ထိုသူတို့ပြောသမျှကို ဦးစွာနားထောင်ရန်ဖြစ်ပြီး လိုအပ်သည့်အခါတွင်သာ လိုအပ်ချက်ကို အနည်းငယ်ဝင်ရောက်ဆွေးနွေးရန် ဖြစ်သည်။ ရာခိုင်နှုန်းအားဖြင့် ပြရသော်မိမိဝန်ထမ်းများပြောသမျှကို နားထောင်ရမည့်ပမာဏသည် ၈၀ ရာခိုင်နှုန်းရှိပြီး သင်ဆွေးနွေးပြောဆိုရမည့်ပမာဏသည် ၂၀ ရာခိုင်နှုန်းသာရှိပေသည်။
နိဂုံးချုပ်အနေဖြင့် သင်သည်အကြံပြုချက်များပေးရာတွင် သတိထားရန်လိုပါသည်။ ဖြစ်နိုင်ပါက ယင်းတို့အနေဖြင့် သင်၏အကြံပြုချက်များကို အသုံးမပြုဘဲ ယင်းတို့၏ကိုယ်ပိုင်အယူအဆ၊ ကိုယ်ပိုင်နည်းလမ်းများကို ဖော်ထုတ်သည်က ပို၍ကောင်းပါသည်။ ထို့ပြင် သင့်အနေဖြင့် သင်၏ဝန်ထမ်းများအား သင်ကြားပြသပေးနေသည့် ပုဂ္ဂိုလ်တစ်စုံတစ်ယောက်အား သင်ရရှိဖော်ထုတ်နိုင်သမျှသော စိတ်ကူး၊ အကြံဉာဏ်၊ နည်းလမ်းများကို ဖော်ထုတ်ခွင့်ပြုပါ။ ယင်းသို့ဖော်ထုတ်ရန်လည်းအားပေးပါ။ ထိုပုဂ္ဂိုလ်အနေဖြင့် စိတ်ကူး၊ အကြံဉာဏ်များ ထပ်မံဖော်ထုတ်နိုင်ခြင်း မရှိသည့်အခါမှသာ သင်၏အကြံပြုချက်ကို ပေးသင့်ပါသည်။
မူပေးမဲုင်းကောင်
Like On Facebook
Follow On Twitter
Subscribe On RSS