Monday, April 23, 2018

မှန်ကန်သောကျွေးမွေးနည်းဖြင့် (၆)လအောက်ကလေးများကို ပြုစုစောင့်ရှောက်ခြင်း

တောင်ကြီး၊ ၂၀၁၈ ခုနှစ်၊ ဧပြီလ (၂၄)ရက်


ကိုယ်ဝန်ဆောင်အမျိုးသမီးများနှင့် နို့တိုက်မိခင်များသည် ညီညွှတ်မျှတသော အစားအစာကို မည်ကဲ့သို့ စားသုံးရမည်။ မည်ကဲ့သို့ ပြုမူစားသောက်နေထိုင်ရမည်။ မည်သည့်အရာများကို ရှောင်ကြဉ်ရမည် စသည်တို့ကို ပြုလုပ်ခြင်းအားဖြင့် မွေးဖွားလာမည့်ကလေးအတွက် မည်မျှအကျိုးပြုသည်ကို ယခင် ဆောင်းပါးတွင် ရေးသားတင်ပြခဲ့ပြီးဖြစ်ပါသည်။ ယခုတင်ပြရေးသားမည့် ဆောင်းပါးသည်“(၆)လအောက် ကလေးများကို မည်ကဲ့သို့ ပြုစုစောင့်ရှောက်ရမည်”ဆိုသည့်အကြောင်းကို အဓိကရေးသားတင်ပြမည်ဖြစ်သည်။ မိမိသည် ဆရာဝန်တစ်ယောက်မဟုတ်ပါ။ သို့သော် အနာဂတ်မျိုးဆက်သစ်ကလေးများ ကျန်းမာဖွံ့ဖြိုးကြီးထွားဖို့စေရန် မိခင်လောင်းများအပေါ်များစွာမူတည်နေသောကြောင့် မိမိတက်ခဲ့သော သင်တန်းမှရရှိလာသည့် အချက်အလက်များ၊ အတွေ့အကြုံများနှင့် အခြားဗဟုသုတများကို အနာဂါတ်မိခင်လောင်းဖြစ်မည့်သူများ၊ နို့တိုက်မိခင်များကို ပြန်လည်မျှဝေပေးလိုခြင်းဖြစ်ပါသည်။ (၆)လအောက် ကလေးများကို မှန်ကန်သော ကျွေးမွေးပြုစုခြင်းဖြင့် ရရှိလာမည့် အကျိုးကျေးဇူးများနှင့် ဖြည့်စွက်စာ ကျွေးမွေးခြင်းကြောင့် ကလေးများအား အသက်အန္တရာယ်ကိုပင် ဖြစ်လာစေနိုင်သည့်အကြောင်းများကို အဓိကရေးသားဖော်ပြမည်ဖြစ်ပါသည်။

ကလေးများသည် ပုံမှန်ဖွံ့ဖြိုးကြီးထွားရန်နှင့် ရောဂါဘယရန်မှ ကာကွယ်နိုင်ရန်အာဟာဓာတ်ပြည့်စုံစွာပါဝင်သော မှန်ကန်သည့် အစာများကို လိုအပ်ပါသည်။ မွေးစမှ (၆)လအရွယ်အထိ ကလေးငယ်များသည် မိမိတို့လိုအပ်သည့် အာဟာရဓာတ်အားလုံးကို မိခင်နို့ရည်မှပြည့်ဝစွာ ရရှိသဖြင့် အခြားအစားအသောက်များ မလိုအပ်ပေ။ ဤအသက်အရွယ်၌ အခြားသောအစားအသောက်များ ကျွေးမွေးခြင်းသည် ကလေးငယ်များအား မကျန်းမမာ ဖြစ်စေပါသည်။ ကလေးငယ်များမွေးဖွားပြီးသည်နှင့် တစ်ပြိုင်နက် အချင်းမကွာမီ မိခင်နို့ထွက်မှုလှုံ့ဆော်ရန် မိခင်နို့ကို မွေးပြီးပြီးချင်း စတင်တိုက်ကျွေးသင့်ပါသည်။ ခပ်ပျစ်ပျစ်အဝါရောင်သမ်းနေသော ပထမဆုံးထွက်သည့် မိခင်နို့ဦးရည်ကို တိုက်ကျွေးရမည်။ ထိုနို့ဦးရည်သည် မွေးကင်းစကလေးငယ်များအား ရောဂါများဖြစ်ပွားမှု ကာကွယ်ပေးစေပါသည်။ မွေးပြီးတစ်နာရီအတွင်း နို့ချိုတိုက်ကျွေးခြင်းဖြင့် မိခင်၏ခန္ဓာကိုယ်သည် မီးဖွားခြင်းမှ အမြန်နလန်ထူနိုင်ပြီး နို့ရည်ထွက်အား ပိုကောင်းစေပါသည်။ ထို့ပြင်မကြာခဏနို့ချိုတိုက်ကျွေးခြင်းဖြင့် မိခင်အား နို့ရည်ပိုထွက်စေရန် ကူညီပေးပါသည်။ ကလေးငယ်များသည် နေ့ရောညပါ ၎င်းတို့စို့ချင်သည့်အချိန်တိုင်း နို့ချိုတိုက်ကျွေးရန် လိုအပ်သည်။ သို့မှသာ ကလေးငယ်များအတွက် ကနဦးပိုင်းနို့ရည်တွင်ပါရှိသည့် အာဟာရဓါတ်များနှင့် မတူညီသည့် အာဟာရပြည့်ဝသော နှောင်းပိုင်းနို့ရည်ကို ရရှိစေပါသည်။

ကျန်းမာရေးဗဟုသုတ၊ အသိပညာအားနည်းပြီး ကျေးလက်ကျန်းမာရေးဆေးပေးခန်းနှင့် ဝေးလံခေါင်ပါးသော နေရာဒေသများတွင် မိခင်များသည် ကလေးများကို ပြုစုစောင့်ရှောက်မှုနည်းလမ်းမမှန်ကန်မှုကြောင့် ကလေးများမဆုံးရှုံးသင့်ဘဲသေဆုံးကြရသည်ကို တွေ့မြင်နေရပါသည်။ (၆)လအောက် ကလေးများကို ထမင်းများ အခြားသရေစာများကျွေးခြင်းသည် ကလေးအတွက် အန္တရာယ်ဖြစ်စေပါသည်။ အကြောင်းမှာ ကလေး၏ အစာမြိုကြွက်သား မဖွံ့ဖြိုးသေး၍ မြိုချရန် အခက်အခဲရှိသောကြောင့် အစာသီးခြင်း၊ အန်ခြင်း၊ နင်ခြင်းများဖြစ်နိုင်သည်။ အစာနင်ခြင်းနှင့် သီးခြင်းပြင်းထန်လျှင် အသက်ရှုလမ်းကြောင်း ပိတ်ပြီး ရုတ်တရက်အသက်ဆုံးရှုံးနိုင်သည်။ ကျွေးသောအစာတွင် ရောဂါပိုး အနည်းငယ်လေးပါရုံမျှနှင့် ကိုယ်ခံအား မဖွံ့ဖြိုးသေးသောကလေးက အလွယ်တကူ ဝမ်းပျက်နိုင်ပါသည်။ (၆)လအောက်ကလေး ဝမ်းလျှောလျှင် အချိန်တိုအတွင်း ကိုယ်ခန္ဓာမှ ရေခန်းခြောက်ပြီး အသက်အန္တရာယ် ထိခိုက်နိုင်ပါသည်။ ထို့အပြင် ကလေးမိသားစုများအနေဖြင့် နောက်ထပ်သတိထားရမည့်အချက်မှာ ကလေးကို ဖော်မြူလာ နို့တိုက်ကျွေးခြင်းပြင်ဖြစ်သည်။ မိခင်နို့နှင့် ဖော်မြူလာနို့သည် ကလေးအရွယ်နှင့် လိုက်ဖက်သော အာဟာရပေးသော်လည်း ဖြည့်စွက်စာစောစွာ ကျွေးလျှင် ကလေးသည် နို့စို့နည်းသွားနိုင်ပြီး ကလေး၏ အစာချေ၊ အစာစုပ်ယူခြင်းစနစ် မဖွံ့ဖြိုးသေး၍ ကျွေးသောဖြည့်စွက်စာမှ အာဟာရကို အပြည့်အဝမရနိုင်သောကြောင့် အရေးကြီးသော သံဓာတ်ချို့တဲ့ပြီး ဦးနှောက်ဖွံ့ဖြိုးမှု နှေးကွေးစေနိုင်သည်။ (၆)လအောက်ကလေးများတွင် ဦးနှောက်နှင့် အစာလမ်းကြောင်းကြား ဆက်သွယ်မှုကောင်းစွာ မဖွံ့ဖြိုးသေး၍ ကလေးက ဗိုက်တင်းလျှင် အစားရပ်ရန် အသိဖွံ့ဖြိုးမှုချို့ယွင်းပြီး နောင်တွင် အဝလွန်ရောဂါရတတ်ပါသည်။ အထက်ပါ အချက်များ မဖြစ်စေရန် ကလေးမိဘများအနေဖြင့် အထူးဂရုစိုက်ရမည်ဖြစ်သည်။

ကလေးများသည် မွေးဖွားပြီး (၆)လအရွယ်အထိ မိမိတို့လိုအပ်သည့် အာဟာရဓါတ်အားလုံးကို မိခင်နို့ရည်မှ ရရှိသဖြင့် အခြားအစားအသောက်များကို မလိုအပ်သေးသောကြောင့် မိခင်နို့ရည်မှလွဲ၍ အခြားစားစရာ (သို့မဟုတ်) သောက်စရာများ၊  မတိုက်ကျွေးသင့်ပါ။ ယင်းတို့ကို တိုက်ကျွေးရန် မလိုအပ်သည့်အပြင် တိုက်ကျွေးလျှင် ကလေးငယ်ကိုပင် ဖျားနာစေနိုင်ပြီး ဝမ်းလျှောဝမ်းပျက်ခြင်းကိုပင်ဖြစ်စေပါသည်။ အချို့သော မိခင်များသည် ရာသီဥတုပူပြင်းသောကြောင့် ကလေးအား ရေတိုက်ကျွေးသည်ကို မကြာခဏမြင်တွေ့နေရပါသည်။ မိခင်နို့ရည်သည် ၉၀% ရေဖြစ်ပြီး (၆)လအရွယ် ကလေးနှင့် မွေးကင်းစကလေးအတွက် လုံလောက်နေပြီဖြစ်၍ ရေတိုက်ရန်မလိုအပ်တော့ပါ။ မိခင်(သို့မဟုတ်) ကလေးငယ်ဖျားနာနေသည့် အချိန်တွင်လည်း နို့ချိုကို ဆက်လက်တိုက်ကျွေးရမည်ဖြစ်ပြီး အာဟာရလုံလောက်စေရန်အတွက် မိခင်နို့ကို အကြိမ်ပို၍ပင် တိုက်ရမည်။ အကယ်၍ မိခင်နို့ရည်မထွက်ပါက သက်ဆိုင်ရာ ကျေးလက်ကျန်းမာရေးဌာန (သို့) ဆရာဝန်များနှင့် တိုင်ပင်၍ အကြံဉာဏ်များရယူသင့်ပါသည်။ ဈေးကွက်မှ ရောင်းချနေသော အာဟာရမုန့်များ၊ ဖော်မြူလာနို့မှုန့်များကို ဆရာဝန်၏ ညွန်ကြားချက်မပါဘဲ မတိုက်ကျွေးသင့်ပေ။ ဆရာဝန်များ၏ ညွန်ကြားချက်ကိုသာ လိုက်နာသင့်ပါသည်။ 

ဤသို့ဖြင့် (၆)လအောက်ကလေးများကို မိခင်နို့တစ်မျိုးတည်း တိုက်ကျွေးခြင်းအားဖြင့် မိခင်နှင့် ကလေးပါ ကောင်းမွန်သော အကျိုးကျေးဇူးများစွာရရှိမည်ဖြစ်ပါသည်။ မိခင်အနေဖြင့် မိခင်နို့တစ်မျိုးတည်း တိုက်ကျွေးခြင်းကြောင့် ကလေးမီးဖွားခြင်းဒဏ်မှ ပို၍လျင်မြန်စွာ နလန်ထူလာစေနိုင်ခြင်း၊ သွေးဆုံးသောအခါတွင် ဖြစ်ပွားတတ်သော သားမြတ်နှင့် မျိုးဥအိမ်ကင်ဆာအန္တရာယ်ကို လျော့နည်းစေခြင်း၊ အမျိုးသမီး၏ သန္ဓေတည် နိုင်မှုကို လျော့ချသဖြင့် နောက်ကိုယ်ဝန်ချက်ချင်းမရအောင် တားဆီးပေးနိုင်ခြင်းနှင့် သွေးဆုံးရှုံးမှု နည်းပါးကာ သံဓါတ်ထိန်းသိမ်းထားသဖြင့် သွေးအားနည်းရောဂါ အဖြစ်နည်းစေပါသည်။ ကလေးရရှိမည့် အကျိုးကျေးဇူးများမှာ မိခင်နှင့် ကလေးကြားရင်းနှီးတွယ်တာမှုကို ပိုမိုခိုင်မြဲလာစေခြင်း၊ ကလေးငယ်၏ ကျန်းမာရေးနှင့် ဖွံ့ဖြိုးကြီးထွားမှုအတွက် ရေနှင့် အစားအစာလိုအပ်ချက်အားလုံး ဖြည့်ဆည်းပေးခြင်း၊ ကလေးဦးနှောက်လှုံ့ဆော်ပေးခြင်း၊ ကလေးငယ်အားသံဓါတ်ရရှိစေခြင်းနှင့် အစာကြေလွယ်၍ သန့်ရှင်းဘေးကင်းသော အစားအစာကို ဖြည့်ဆည်းပေးခြင်း စသည့်အကျိုးကျေးဇူးများစွာ ရရှိမည်ဖြစ်သည်။ ထို့ကြောင့် (၆)လအောက်ကလေးများကို မိခင်နို့တစ်မျိုးတည်းမှလွဲ၍ အခြားဖြည့်စွက် အစာများတိုက်ကျွေးရန်မလိုကြောင်း ဖြည့်စွက်စာကျွေးလျှင် ကလေးကိုပင် အန္တရာယ်ဖြစ်စေနိုင်ကြောင်းကို မိမိ၏ လက်လှမ်းမီသလောက် လေ့လာမှတ်သားထားသော ဗဟုသုတများကို စာဖတ်သူများအား သိရှိစေလို၍ မျှဝေပေးခြင်းဖြစ်ပါသည်။

ခြဲုင်းမူ;ပေ;
(စန္တာခမ်း)
Powered by Blogger.