မဟာဗျူဟာမြောက်ဖွံ့ဖြိုးမှု (၅) နှစ်စီမံချက် ဦးစားပေးအစီအစဉ်ချမှတ်ခြင်းအလုပ်ရုံဆွေးနွေးပွဲ ပြုလုပ်

တောင်ကြီး၊ ၂၀၁၈ ခုနှစ်၊ ဇွန်လ (၁၃)ရက်

တောင်ကြီးမြို့၊ ပအိုဝ်းအမျိုးသားအဖွဲ့ချုပ်(PNO)၊ ဗဟိုဌာနချုပ်ရုံး၊ အစည်းအဝေးခန်းမတွင် ၂၀၁၈ ခုနှစ်၊ ဇွန်လ (၁၃) ရက်၊ နံနက် (၉း၀၀)အချိန်တွင် ပအိုဝ်းကိုယ်ပိုင်အုပ်ချုပ်ခွင့်ရဒေသဦးစီးအဖွဲ့၊ MIID အဖွဲ့နှင့် ပအိုဝ်းအမျိုးသားအဖွဲ့ချုပ်(PNO)၊ ပါရမီဖွံ့ဖြိုးရေးကွန်ယက်တို့ ပူးပေါင်းပြီး ပအိုဝ်းကိုယ်ပိုင်အုပ်ချုပ်ခွင့်ရဒေသ မဟာဗျူဟာမြောက်ဖွံ့ဖြိုးမှု (၅) နှစ်စီမံချက်ဦးစားပေးအစီအစဉ်ချမှတ်ခြင်း အလုပ်ရုံဆွေးနွေးပွဲ ပြုလုပ်ကြောင်းသိရသည်။

အဆိုပါအလုပ်ရုံဆွေးနွေးပွဲတွင် ပအိုဝ်းကိုယ်ပိုင်အုပ်ချုပ်ခွင့်ရဒေသဦးစီးဥက္ကဋ္ဌ ဖြားခွန်စံလွင်က အဖွင့်အမှာစကားပြောကြားရာ ယခုလိုဦးစားပေးအစီအစဉ်ချမှတ်ရာမှာ ဒေသခံအချက်အလက်များကို ရယူမှသာလျှင်ဆောင်ရွက်နိုင်မည်ဖြစ်ပြီး ဒေသတစ်ခု ဦးစားပေးလုပ်ဆောင်ရမည့်အရာများကို ဒေသခံပြည်သူများနှင့် ပူးပေါင်းမှသာလျှင် များစွာအကျိုးပြုမည်ဖြစ်ကြောင်း၊ ပြည်သူများသည် ၈၉ %သာ  စိုက်ပျိုးရေးကိုမှီခိုအားထားပြီး ၁၁ % ကသာ မြို့ပြနေသူများဖြစ်၍ ဒေသအတွင်း အဓိကစိုက်ပျိုးရေးကို ဘယ်လိုထူထောင်မလဲ၊ ဘယ်လိုအခက်အခဲများကို ကျော်လွားနိုင်မလဲ၊ ဘယ်လိုပေါင်းစည်းနိုင်မလဲ စသည့်များကို ပြောကြားခဲ့ပါသည်။

ဆက်လက်ပြီး MIID အဖွဲ့မှ အမှုဆောင်ဒါရိုက်တာ Joern Kristensen  နှင့် အဖွဲ့ခေါင်းဆောင် Paul Knipe  တို့က စီမံကိန်းရေးဆွဲရေးလုပ်ငန်းစဉ်အကြောင်းများကို အကျဉ်းချုပ်ပြောကြားပေးခဲ့ပါသည်။ ထိုအလုပ်ရုံ ဆွေးနွေးပွဲကို ဇွန်လ (၁၃) ရက်မှ (၁၄) ရက်နေ့အထိ (၂) ရက်သာပြုလုပ်သွားမည်ဖြစ်ပြီး ပအိုဝ်းကိုယ်ပိုင်အုပ်ချုပ်ခွင့်ရဒေသဦးစီးအဖွဲ့များ၊ ပအိုဝ်းကိုယ်ပိုင်အုပ်ချုပ်ခွင့်ရဒေသအတွင်း အုပ်ချုပ်ရေးမှူးများ၊ တာဝန်ရှိပုဂ္ဂိုလ်များ၊ ပအိုဝ်းအမျိုးသားအဖွဲ့ချုပ်(PNO)မှ ကိုယ်စားလှယ်များ၊ ပအိုဝ်းစာပေနှင့် ယဉ်ကျေးမှု အဖွဲ့များ၊ ဟိုတယ်နှင့်ခရီးသွာလုပ်ငန်းများ၊ ပအိုဝ်းသွေးလှူရှင်အသင်းများ၊ ပအိုဝ်းအမျိုးသမီးပညာရေး ဖောင်ဒေးရှင်း၊ ပအိုဝ်းအမျိုးသမီး သမဂ္ဂအဖွဲ့များ၊ သက်ဆိုင်ရာအဖွဲ့အစည်းများ (၄၀) ခန့်တက်ရောက် ကြောင်းသိရသည်။

ထိုအလုပ်ရုံဆွေးနွေးပွဲဖွင့်ပွဲအခမ်းအနားကို ပအိုဝ်းကိုယ်ပိုင်အုပ်ချုပ်ခွင့်ရဒေသဦးစီးဥက္ကဋ္ဌ ဖြားခွန်စံလွင်၊ ပအိုဝ်းအမျိုးသားအဖွဲ့ချုပ်(PNO)၊ အတွင်းရေးမှူး ဖြားခွန်သိန်းဖေ၊ ပအိုဝ်းကိုယ်ပိုင်အုပ်ချုပ်ခွင့်ရဒေသ ပြည်နယ်လွတ်တော်ကိုယ်စားလှယ်များ၊ နည်းပညာပညာရှင်များ၊ ပအိုဝ်းအမျိုးသားအဖွဲ့ချုပ်(PNO)၊ အတွင်းရေးမှူး (၃) ဖြားခွန်တင်ထွဠ်၊ ရုံးအဖွဲ့မှူး စောခွန်ကျော်ဝင်း၊ ပါရမီဖွံ့ဖြိုးရေးကွန်ယက် ဥက္ကဋ္ဌ ဖြားခွန်အောင်ခင်၊ MIID အဖွဲ့မှ တာဝန်ရှိပုဂ္ဂိုလ်များ၊ သက်ဆိုင်ရာအဖွဲ့အစည်းများ တက်ရောက်ကြောင်း သိရှိရပါသည်။

နန်းအိနြေ္ဒခမ်း