ပအိုဝ်းအမျိုး ဘာသာသာသနာမြှင့်တင်ရေးအဖွဲ့ကို ၁၃၈၀-ခုနှစ်၊ ဒုတိယ၀ါဆိုလဆန်း(၁၃)ရက်နေ့၊ ပအိုဝ်းအမျိုးသားဘက်စုံဖွံ့ဖြိုးရေးကွင်းမှာဖွဲ့စည်းခဲ့ပြီးဖြစ်ပါတယ်။ ဒီအဖွဲ့ဟာ ပအိုဝ်းစာပေနှင့်ယဉ်ကျေးမှု(ဗဟို)အဖွဲ့ကနေဖွဲ့စည်းပေးခဲ့တာဖြစ်ပါတယ်။
ဒီအဖွဲ့အစည်းဟာခေတ်ကာလအခြေနေအရလိုအပ်နေတဲ့ အဖွဲ့အစည်းဖြစ်လာမယ်လို့လည်း စာရေးသူအနေဖြင့် တွေးမြင်မိပါတယ်။ ပအိုဝ်းလူမျိုးများအနေဖြင့် အစဉ်အဆက် ဗုဒ္ဓဘာသာကိုယုံကြည်ကိုးကွယ်သည့်အတွက် ခေတ်အဆက်ဆက် အမျိုး၊ ဘာသာ၊ သာသနာတည်တံ့ခိုင်မြဲအောင် လုပ်ဆောင်ရမှာဖြစ်ပါတယ်။ ဒီတော့ ယခုခေတ်အခြေနေကို ကြည့်မယ်ဆိုရင် အရင်ခေတ်လိုကိုယ့်နယ်မြေကိုယ့်နေရာကိုယ့်လူမျိုးတစ်မျိုးတည်းသီးသန့် နေထိုင်ဖို့မှာအရမ်းကိုခက်ခဲသွားပြီ ဖြစ်ပါတယ်။ ခေတ်၏ ပြောင်းလဲလာမှု၊ ကမ္ဘာ့လူသားနေထိုင်မှုပုံစံအပြောင်းအလဲတွေကြောင့် ကမ္ဘာကြီးကကျဉ်းမြောင်းလာနေပြီဖြစ်လို့ ယဉ်ကျေးမှု၊ ရိုးရာဓလေ့ ထုံးတမ်းများဟာလည်းတဖြည်းဖြည်းရောယှက်ဆက်နွယ်လာနေပြီ ဖြစ်ပါတယ်။ ဒီလိုအနေအထားမျိုးမှာ လူမျိုးကြီးဝါဒ အားကြီးသူများရဲ့ ဖိညစ်မှု၊ ရောယှက်မှုတွေကြောင့် ထိန်းသိမ်းမှုအားအားနည်းသည့် တချို့လူမျိုးများမှာ မိမိလူမျိုးရဲ့ ဘာသာစကားရိုးရာယဉ်ကျေးမှုဓလေ့ထုံးထမ်းများ ပျောက်ကွယ်သွားကြတာတွေ ရှိနေပါတယ်။ ဒီတော့ ပအိုဝ်းလူမျိုးများအနေနဲ့လည်း မိမိတို့ အမျိုးသားလက္ခဏာများကို မပျောက်ပျက်အောင် ထိန်းသိမ်းနိုင်မှသာတော်ကာကျမည်ဖြစ်သည်။ ယခုဖွဲ့စည်းထားသည့် ပအိုဝ်းအမျိုးဘာသာသာသနာမြှင့်တင်ရေးအဖွဲ့အနေနဲ့ ဒီအမျိုးသားလက္ခဏာများမပျောက်ပျောက်အာင် ထိန်းသိမ်းနိုင်ရန် မြှင့်တင်ပေးခြင်းလုပ်ငန်းများကိုဆောင်ရွက်ရမှာဖြစ်ပါတယ်။
ပအိုဝ်းလူမျိုးများအနေဖြင့် ဗုဒ္ဓဘာသာကိုသာ သက်ဝင်ယုံကြည်ကြသည်မှာမြတ်စွာဘုရားသက်တော်ထင်ရှားရှိစဉ် အချိန်ကပင်ဖြစ်ကြောင်းနှင့်တပုဿနှင့်ဘလ္လိကတို့ဟာ ပအိုဝ်းလူမျိုးဖြစ်တယ်ဆိုတာကိုလည်း တချို့သောပအိုဝ်းသမိုင်းဆရာတွေရဲ့ပြောပြချက်အရသိရှိရပါတယ်။ ပအိုဝ်းလူမျိုးများအနေဖြင့် အစဉ်အဆက် တပုဿနှင့်ဘလ္လိကကစပြီး ယနေ့ချိန်ထိ ထေရ၀ါဒဗုဒ္ဓဘာသာကိုသာ ယုံကြည်ကိုးကွယ်ကြပါတယ်။ ဒီယုံကြည်ကိုးကွယ်မှုကိုအစဉ်အဆက် ပအိုဝ်းမျိုးဆက်အဆက်ဆက် တည်တံ့ခိုင်မြဲအောင် လုပ်ဆောင်ရမှာဖြစ်ပါတယ်။ ပအိုဝ်းနှင့်ဗုဒ္ဓဘာသာ ၊ ဗုဒ္ဓဘာသာနှင့်ပအိုဝ်း ခွဲခြားလို့မရ၊ ပအိုဝ်းလူမျိုးဆိုသည်နှင့် သူ၏ကိုးကွယ်မှုသည် ဗုဒ္ဓဘာသာဖြစ်နေသည်ကိုသိရှိနေရမှာ ဖြစ်ပါတယ်။
နိုင်ငံရေး၊ စီးပွားရေး၊ လူမှုရေးစသဖြင့် ပွတ်တိုက်မှုများအားကောင်းလာသည့် ယနေ့ခေတ်မှာကိုယ့်ဘာသာမပျောက်ပျက်အောင် မထိန်းသိမ်းနိုင်ပါက အလွယ်တကူဝါးမြိုခံနေရမည်မှာ အသေအချာပင်ဖြစ်ပါတယ်။ အဖက်ဖက်ကအနုနည်းအကြမ်းဖက်နည်းစသဖြင့် စနစ်တစ်ကျ တိုက်ခိုက်လာနေသည်ကို ကိုယ့်ဖက်ကအေးတိအေးစက် နေလို့မရတော့တဲ့ခေတ်ဖြစ်ပါတယ်။ ကိုယ့်ဘာသာကိုရိုးရိုးသာမာန်ထိန်းသိမ်းရုံနဲ့ မဖြစ်တော့၊ ကိုယ့်လူမျိုးမျိုးဆက်သစ်များဗုဒ္ဓဘာသာအသိတရားများကို နှစ်နှစ်ကာကာ သက်ဝင်ယုံကြည်လာအောင်ဓမ္မစကူးလ်သင်တန်းများ၊ ကလေးသူငယ်နှင့်လူငယ်များအတွက် ဗုဒ္ဓအကြောင်းတရားဟောပြောပွဲများနှင့် ဗုဒ္ဓ၀င်အမေးအဖြေ ပြိုင်ပွဲများစသည့် ကလေးသူငယ်များစိတ်အားထက်သန်မှုရှိသည့်နည်းစနစ်များဖြင့် ပြုလုပ်ကြရမှာဖြစ်ပါတယ်။ လူငယ်မျိုးဆက်သစ်များ၏ ရင်ထဲနှလုံးသားထဲဗုဒ္ဓအသိတရားများရှိနေမှသာ ဗုဒ္ဓဘာသာ၏ တန်ဖိုးကိုသေသေချာချာသိရှိမှသာဘာသာအတွက် ယုံကြည်စိတ်ချရမှာ ဖြစ်ပါတယ်။ ခေတ်၏ ကဗြောင်းဆန် တိုက်ခိုက်လာမှုဒဏ်အားကိုခံနိုင်ရည်ရှိလာနိုင်ရန် မိရိုးဖလာသာမန်ကိုးကွယ်ရုံသက်သက်နဲ့တော့ လုံလောက်မည်မဟုတ်သည့်အတွက် ဤအဖွဲ့အနေဖြင့် မိမိလူမျိုးကိုးကွယ်သည့်ဘာသာမပျောက်ပျက်အောင် ထိန်းသိမ်းနိုင်ရန်အတွက် ဘာသာရေးပိုင်းဆိုင်ရာမြှင့်တင်ခြင်းလုပ်ငန်းများကို လုပ်ဆောင်ရမှာဖြစ်ပါတယ်။
သာသနာဆိုသည်မှာ အဆုံးအမ၊ ဗုဒ္ဓသာသနာ- ဗုဒ္ဓအဆုံးအမကိုဆိုလိုခြင်းဖြစ်ပါတယ်။ ဗုဒ္ဓသာသနာကို သာသနာ့ဝန်ဆောင် သံဃာတော်များကအစဉ်အဆက် မပျောက်ပျက်အောင် ထိန်းသိမ်းပေးပြီးတိုင်းပြည်အုပ်ချုပ်မင်းလုပ်သည့် မင်းနှင့် လူပရိသတ်များက သာသနာအထောက်အပံ့များထောက်ပံ့ခြင်းနှင့် မိမိရင်နှစ်သည်းချာသားရတနာများအားသာသနာ့ဘောင်သို့ ၀င်ရောက်စေခြင်းဖြင့် ဗုဒ္ဓသာသနာတည်တံ့ခိုင်မြဲအောင် လုပ်ဆောင်ရမှာ ဖြစ်ပါတယ်။ သာသနာ့တာဝန်ထမ်းဆောင်သည့် သံဃာတော်များအား သာသနာ့တာဝန် မပူမပင် မကြောင့်မကြထမ်းဆောင်နိုင်ရန် အာဏာစက်အနေဖြင့်သော်လည်းကောင်း၊ ပစ္စည်းလေးပါးထောက်ပံ့ခြင်းဖြင့်လည်းကောင်းပံ့ပိုးရမှာဖြစ်ပါတယ်။
တိုင်းပြည်အုပ်ချုပ်မင်းလုပ်သည့် မင်းဆိုသည်မှာ မင်းကျင့်တရားနှင့်ပြည့်စုံဖို့ လိုပါတယ်။မင်းကျင့်တရား(၁၀)ပါးတွင် (သဒ္ဓါ)ဆိုသည့် ရတနာသုံးပါးအပေါ်ယုံကြည်သည့် အချက်တစ်ချက်ပါရှိပါတယ်။ ယုံကြည်သည့်အလျောက် မိမိတိုင်းပြည်တွင် အများစုကိုးကွယ်သည့် မိမိဘာသာမပျောက်ပျက်ရန် အာဏာစက်ဖြင့် ထိန်းသိမ်းဖို့ရန်လိုပါတယ်။ အာဏာစက်ကိုင်တွယ်သည့် တိုင်းပြည်အုပ်ချုပ်မင်းလုပ်သည့်သူကိုယ်တိုင် မိမိကိုးကွယ်သည့်ဘာသာအားနည်းအောင် လုပ်ဆောင်နေပါကထိုမင်းသည် မင်းကျင့်တရားနှင့်ပြည့်စုံသည့်မင်းမဖြစ်နိုင်။ ထက်မြက်သည့်မင်းဆိုသည်မှာ မိမိတိုင်းပြည်တည်ငြိမ်အေးချမ်းတိုးတက်အောင်စွမ်းဆောင်နိုင်ရမှာဖြစ်သလို တစ်ဖက်ကဘာသာသာသနာတိုးတက်စည်ပင်အောင်လုပ်ဆောင်နိုင်မှသာ ထက်မြက်သည့်မင်းဟုဆိုလိုခြင်းဖြစ်သည်။ တခြားဘာသာများကိုပုတ်ခတ်ခြင်းမပြု၊ မိမိကိုးကွယ်သည့်ဘာသာကိုလည်းအဓွန့်ရှည်တည်တံ့ခိုင်မြဲအောင် အားကျိုးမာန်တက်လုပ်ဆောင်ဖို့လည်းလိုပါတယ်။
တိုင်းပြည်အုပ်ချုပ်ရေးတွင် အုပ်ချုပ်ရေးအဆင့်ဆင့်ရှိသည်ဖြစ်ရာ မိမိအုပ်ချုပ်သည့် မိမိနယ်ပယ်အလျောက် မိမိဘာသာသာသနာမြှင့်တင်ဖို့ရန်မှာ အုပ်ချုပ်သူတိုင်းတာဝန်ရှိသည်ဆိုတာကို သိရှိဖို့လိုပါတယ်။ ဘာသာသာသနာပျောက်လျင် မိမိနယ်မြေသည်လည်းပျောက်သွားမည်မှာအသေအချာပင်ဖြစ်ပါတယ်။ ပအိုဝ်းလူမျိုးများအနေဖြင့် မိမိကိုးကွယ်သည့် ဘာသာသာသနာမပျောက်ပျက်အောင် ထိန်းသိမ်းရန် အားလုံးတွင် တာဝန်ရှိပါတယ်။
ယခုဖွဲ့စည်းထားသည့် ပအိုဝ်းအမျိုးဘာသာသာသနာ မြှင့်တင်ရေးအဖွဲ့မှာသံဃာတော်များကျင်းပသည့် စာမေးပွဲများတွင် ကုသိုလ်အားဝေယျာဝစ္စစသည်ဖြင့် ပါဝင်ကုသိုလ်ယူခြင်းစသည့်သာသနာမြှင့်တင်ခြင်းလုပ်ငန်းများတွင် ပါဝင်ကုသိုလ်ယူ လုပ်ဆောင်သွားမည်ဆိုတာလည်းသိရှိရပါတယ်။
ယနေ့ခေတ် ယနေ့ကမ္ဘာသည် နိုင်ငံရေး၊ စီးပွားရေး၊ လူမှုရေးစသည့် ကူးလူးဆက်နွယ်မှုကြီးမားသထက် ကြီးမားလာသည့်အတွက် မိမိနယ်မြေ၊ မိမိလူမျိုးမိမိဘာသာသာသနာကို စနစ်တစ်ကျထိန်းသိမ်းစောင့်ရှောက်မမှုမျိုးရှိဖို့ လိုပါတယ်။ သို့မဟုတ်ပါကအင်အားကြီးမားသည့် ရိုက်ခတ်မှုဒဏ်များရှိလာပါက ခံနိုင်ရည်မရှိပဲအရည်ပျော်သွားနိုင်ပါတယ်။ ယခုဖွဲ့စည်းထားသည့် ပအိုဝ်းအမျိုးဘာသာသာသနာ မြှင့်တင်ရေးအဖွဲ့သည် ဘာသာသာသနာအတွက် အုတ်တစ်ချပ်သဲတစ်ပွင့် ဖြစ်လာမည်ကိုလည်းစာရေးသူအနေဖြင့် ယုံကြည်မိပါကြောင်းရေးသားတင်ဆက်လိုက်ရပါတယ်။
ခွန်ဝီရ
Like On Facebook
Follow On Twitter
Subscribe On RSS