ကမ္ဘာမြေကြီးမှာနေထိုင်ကြသည့် သက်ရှိသတ္တဝါများအတွက် မရှိမဖြစ်လိုအပ်သည့်အရာတစ်ခုမှာ ရေပင်ဖြစ်ပါသည်။ လူတို့သည် စားသောက်ရန်၊ စိုက်ပျိုးရန်အတွက် ရေသည် နေ့စဉ်မိမိတို့နေထိုင်မှုဘဝမှာ အလွန်အရေးပါသောအရာဖြစ်သကဲ့သို့သက်ရှိဖြစ်သောတိရိစ္ဆာန်များ၊ အပင်များသည်လည်း ရှင်သန်ကြီးထွားရန်အတွက် ရေကိုသာအဓိကအားထားနေရသည်။ ထို့ကြောင့်ရေသည် ကမ္ဘာမြေကြီးမှာ နေထိုင်ကြသောသက်ရှိများအတွက် မရှိမဖြစ်လိုအပ်သည့် အရာတစ်ခုဖြစ်ကြောင်းစာရေးသူအနေဖြင့် ယူဆထားပါသည်။
မိမိတို့နေထိုင်ကြသောကမ္ဘာမြေပြင်၏ (၂၉)ရာခိုင်နှုန်းသည် မြေထုဖြစ်ပြီး(၇၁)ရာခိုင်နှုန်းသည် ရေထုများဖြင့် ဖုံးလွှမ်းထားပါသည်။ ရေအများစုဖြစ်သော(၉၇)ရာခိုင်နှုန်းခန့်သည် ပင်လယ်သမုဒ္ဒရာများနှင့် ကုန်းတွင်းပင်လယ်များတွင် ရှိနေပြီးဆားငန်ဓာတ်အလွန်များလှသည်။ (၃)ရာခိုင်နှုန်းခန့်သာရေချိုဖြစ်သည်။ သို့သော်လူတို့အသုံးပြုနိုင်သောရေချိုက (၁)ရာခိုင်နှုန်းသာရှိသည်ကိုပညာရှင်များ၏ အဆိုအရသိရှိရပါ သည်။ ကျန်ရှိသော (၂)ရာခိုင်နှုန်းခန့်သည်ဝင်ရိုးစွန်းဒေသရေခဲများမှာရောက်ရှိနေခြင်းနှင့် အလွန်နက်သော မြေအောက်တွင် အောင်းနေပါသည်။ လူတို့အသုံးပြုသောရေချိုများအနက်အချို့မှာ လူနှင့်ဝေးသည့်နေရာတွင် တည်ရှိနေကြောင်းကိုတွေ့ရှိရပါသည်။ ထိုရေများကိုရေရှားပါးသောဒေသသို့ သယ်ယူပို့ပေးရန်မှာမလွယ်ကူလှပါ။ ထိုအချက်များကိုကြည့်ခြင်းအားဖြင့် ကမ္ဘာမြေကြီးတွင် ရေထုသည်အများဆုံးဖုံးလွှမ်းထားသော်လည်းလူသားများအတွက် အမှန်တကယ်အသုံးပြု၍ ရသည့်ရေသည် အနည်းငယ်သာရှိပါသည်။
ယခုအခါတွင် လူသားများ၏ လောဘ၊ ဒေါသ၊ မောဟများနှင့် မဆင်မခြင်ပြုလုပ်မှုကြောင့် ရာသီ ဥတုဖောက်ပြန်လာပြီးသဘာဝပတ်ဝန်းကျင်ကိုပါ ပျက်ဆီးယိုယွင်းစေပါသည်။ စိုက်ပျိုးရေးအတွက် ရေကို အလွန်အကျွံသုံးစွဲခြင်း၊ စက်ရုံများမှ ညစ်ညမ်းသောဓာတုရေများကိုမြစ်၊ ချောင်းထဲသို့ စွန့်ထုတ်ခြင်း၊ လူတို့ ၏ စည်းကမ်းမဲ့သောအမှိုက်များကိုရေထဲစွန့်ပစ်ခြင်း စသည့်အချက်များကြောင့် ရေပေါကြွယ်ဝသော်လည်း သုံးစွဲရန် မသင့်သောကြောင့်ရေပြဿ နာကို ကြုံတွေ့နေရသည့်ဒေသများလည်းရှိသည်။ ယခင်က မြစ်ချောင်းများတွင် သောက်သုံးရေအဖြစ်သုံးစွဲ၍ရသောရေများသည် ယခုအခါ အဝတ်လျှော်ဖွတ်ရန်၊ ရေချိုးရန်နှင့် စိုက်ပျိုးရေးအတွက်သာအသုံးပြု၍ရတော့သည်ကို မြင်တွေ့ရပါသည်။ ယနေ့ခေတ်တွင် လူဦးရေတိုးတက်လာသည်နှင့်အမျှ စားနပ်ရိက္ခာများရရှိရန်အတွက် ပိုမိုစိုက်ပျိုးကြရမည်ဖြစ်သည်။ စိုက်ပျိုးသည့်အခါ ရေကိုပိုမိုသုံးစွဲလာရမည်ဖြစ်သည်။ စိုက်ပျိုးရေးအတွက် ချောင်းထဲမှ ရေကိုအလွန်အကျွံ သုံးစွဲသောကြောင့် ချောင်းရေခန်းခြောက်မှုများ နှစ်စဉ်နှစ်တိုင်း ကြုံတွေ့နေရသည်ကိုလည်းတွေ့ရှိရပါသည်။ ချောင်းရေအသုံးပြု၍မရသောကြောင့် စိုက်ပျိုးရေးအတွက် မြေအောက်ရေကိုအပြိုင်အဆိုင်တူး၍ ရေသွင်းစိုက်ပျိုးနေကြသည့်အတွက် မြေအောက်ရေအရင်းအမြစ် ကုန်ခန်းသွားနိုင်သည့် အဖြစ်သို့ ရောက်ရှိနိုင်ပါသည်။
နွေရာသီရောက်တိုင်းမိမိတို့ကြားနေရသောသတင်းမှာ ရေရှားပါးခြင်းပြဿ နာပင်ဖြစ်သည်။ တစ်နှစ်ထက်တစ်နှစ် ပိုပို၍ ရေရှားပါးမှုဒဏ်ကိုအများပြည်သူများခံစားနေကြရပါသည်။ ရှေးဘိုးဘွားများကလာမည့် အနာဂါတ်တွင် ရေရှားပါးပြီးရေကိုဝယ်သောက်ရမည့်အဖြစ်သို့ ရောက်ရှိနိုင်သည့်အကြောင်းပြောခဲ့ကြသော် လည်းရယ်စရာစကားအဖြစ်သာထင်ခဲ့ဖူးပါသည်။ ယခုအခါ ထိုစကားသည် မယုံ၍ မရတော့ပေ။ လက်ရှိ အခြေအနေအရ လျှပ်စစ်ထုတ်ယူရန် ရေအားနည်းသောကြောင့် လျှပ်စစ်မီးရရန် အလှည့်ကျစနစ်ဖြင့် ပေးနေသည်ကိုနေရာတိုင်းတွင် မိမိတို့ကိုယ်တိုင်ပင်မျက်မြင်ကြုံတွေ့နေရပြီဖြစ်သည်။ အင်းလေးကန်ကြီးရေခန်းခြောက်သည့်သတင်းကိုလည်း နှစ်စဉ်ကြားနေရပါသည်။ ယခင်ကမြန်မာနိုင်ငံအောက်ပိုင်း (အညာဒေသ)တွင်သာရေရှားပါးမှုပြဿနာ၊ မြေအောက်ရေခန်းခြောက်မှု၊ သောက်သုံးရေရရှိမှု ခက်ခဲခြင်းစသည့်သတင်းများကို ကြားနေခဲ့ရပြီးလွန်ခဲ့သော နှစ်များတွင် ရေရှားသည့် သတင်းကို အချို့နေရာများတွင် သာကြားနေရပါသည်။ ယခုအခါ နေရာတိုင်းတွင် ရေရှားသည့်ပြဿ နာကို ကြုံတွေ့နေရပါသည်။ ယခုတွင် အအေးပိုင်းဒေသဖြစ်သောရှမ်းပြည်နယ်တွင် ရေရရှိမှုအခက်အခဲများကိုကြားနေရပြီဖြစ်ပါသည်။ ရေရရှိမှု အခက်အခဲပြဿ နာကို နေရာတိုင်းလိုလိုတွင် ကြားနေရပါသည်။ ရေနှင့်ပတ်သက်သောအရေးသည် လူတိုင်းနှင့်သက်ဆိုင်သည့်အတွက် မိမိတို့အနေဖြင့် အမှတ်တမဲ့မနေသင့်ကြတော့ပေ။ ရေလိုအပ်ချက်များ၊ ရေရှားပါးမှုသည် တစ်နှစ်ထက်တစ်နှစ် ကြီးမားလာသည့်အပေါ် သဘာဝပတ်ဝန်းကျင်ထိန်းသိမ်းရေး ပညာရှင်များကရေအရင်းအမြစ်ထိန်းသိမ်းပေးသော သစ်တောများပြုန်းတီးမှုများနှင့် ရာသီဥတုပြောင်းလဲခြင်းများကြောင့် ပြောဆိုလာသည်ကိုလည်းတွေ့နေရပါသည်။ သစ်တောများသည် နေရာဒေသအလိုက် တစ်နှစ်ထက် တစ်နှစ်ပြုန်းတီးနေသည်ကိုတွေ့ရှိရပါသည်။ သစ်ပင်များမရှိလျှင် မြေအောက်ရေများခန်း ခြောက်ပြီးရေရရှိမှု ပိုမိုခက်ခဲလာမည်ဖြစ်သည်။ ရေမရှိခြင်းသည် ရေထိန်းနိုင်သည့်သစ်ပင်များ၊ ရေထိန်းရန် စနစ်တကျမရှိခြင်းကြောင့်ဖြစ်သည်။ မိုးရေများရရှိရန် သစ်ပင်များထိန်းသိမ်းရန်လိုအပ်လာပါသည်။ သစ်ပင်များသစ်တောများ စိုက်ပြီးသဘာဝပတ်ဝန်းကျင်ပျက်စီးအောင်လုပ်သည့် စက်ရုံများ၊ ဓာတုစွန့်ပစ်ပစ္စည်းများ မလုပ်ရန်၊ သစ်တောများမပြုန်းတီးရန်အတွက် တောမီးရှို့ခြင်း၊ တောမီးလောင်ခြင်း၊ သစ်ခုတ်ခြင်းများ ကိုလုပ်ရန်မသင့်တော့ပေ။
အချို့နိုင်ငံများကသောက်သုံးရေကို အခြားနိုင်ငံများသို့ ဝယ်ယူနေရသည့်အချိန်တွင် မိမိတို့နိုင်ငံ သည်အခြားနိုင်ငံများနှင့် ရေမျှဝေသုံးစွဲရခြင်းမရှိသည်မှာကံကောင်းလှပါသည်။ မြစ်၊ ချောင်း၊ အင်းအိုင်များ သဘာဝစိပ်စမ်းရေများဖြင့် ရေအရင်းအမြစ်ပေါကြွယ်ဝသော နိုင်ငံတစ်နိုင်ငံဖြစ်ပါသည်။ ရေအရင်းအမြစ် ပေါကြွယ်ဝသော်လည်းရေကိုတန်ဖိုးထားရကောင်းမှန်းမသိကြပေ။ တန်ဖိုးပမာဏအားဖြင့် အကုန်အကျ မများလှသောရေကို အလွယ်တကူရယူသုံးစွဲနိုင်သည့် ဒေသများမှာလိုအပ်သည်ထက် ပိုမိုသုံးစွဲကြသည်ကို တွေ့ရှိရပါသည်။ မိမိတို့ ရေကိုမဆင်မခြင်သုံးစွဲနေသည့်အချိန်တွင် တစ်နေ့တာအချိန်ပေးပြီး ရေတစ်ပုံးမျှ မရသည့်သူများ အနှံ့အပြားတွင် ရှိနေသည်ကိုသတိရရန်လိုသည်။ အချို့သောနေရာများတွင် ရေခပ်ခြင်းကို အလုပ်တစ်ခုကဲ့သို့ လုပ်နေရသည့်အတွက်ကြောင့် မိသားစုလုပ်ငန်းအဆင်မပြေမှုများလည်းကြုံတွေ့ နေရသည်။ လွန်ခဲ့သော (၁၀)နှစ်ခန့်မှ စာရေးသူတို့ နေထိုင်သောပင်လောင်းမြို့နယ် တောင်ဘက်ရှိ ရွာတွင် မိုးခေါင်ရေရှားသည့်အဖြစ်ကို ကြုံတွေ့ခဲ့ရသည်။ သောက်သုံးရေရရှိရန်အတွက် ဘုန်းကြီးကျောင်းမှ ရေကိုတန်းစီစောင့်ကြရသည်။ အချို့ရွာများကအဝတ်လျှော်ဖွတ်ရန်၊ရေချိုးရန်အတွက် (၄)မိုင်ခန့်ဝေးသော ရေရှိရာများသို့ ဆိုင်ကယ်များဖြင့် သွားခဲ့ကြသည်ကိုလည်း ကြုံခဲ့ဖူးပါသည်။ ထို့ကြောင့် ရေ၏ တန်ဖိုးကို သိကြရန်လိုအပ်ပါသည်။
ယခုအခါတွင် ရေရှားပါးမှုပြဿနာကိုမိမိတို့မကြုံရသည့်တိုင်အောင် အများအားဖြင့် အပူချိန် မြင့်မားလာသည်နှင့်အမျှ ရေရရှိမှုအခက်အခဲရှိလာပြီးရေရှားပါးနေကြောင်းကို လူတိုင်းပါးစပ်ဖျားမှ ပြောဆို နေကြသည်။ ̏ထမင်းအသက် ခုနှစ်ရက် ရေအသက်တမနက်˝ဆိုသည့်စကားသည် လူသားအားလုံးနှင့် သက်ဆိုင်ပါသည်။ လူတစ်ဦးချင်းစီအတွက် နေ့စဉ်ရေအရင်းအမြစ်ကို ပိုမိုလိုအပ်လာမည်ဖြစ်သည်။ ထို့ကြောင့် နိုင်ငံသားများရေရှားပါးမှုဒဏ်၊ စားနပ်ရိက္ခာရှားပါးမှုဒဏ်၊ အငတ်ဘေးဒဏ်နှင့် မကြုံရစေရန် တာဝန်ရှိသူများအနေဖြင့် စနစ်တကျစီမံကွပ်ကဲဆောင်ရွက်ပေးနိုင်ရန်လိုအပ်လှပါသည်။ ရာသီဥတုပြောင်း လဲမှုကြောင့် မိုးခေါင်မှုပိုမိုများပြားလာသဖြင့် တည်ရှိနေသောရေအရင်းအမြစ်များထိန်းသိမ်းသည့်အပြင် မိုးရေစုဆောင်းသုံးစွဲခြင်း ပြုလုပ်ပါကလူဦးရေအတွက် လုံလောက်သည့် အစားအစာထုတ်လုပ်မှုအတွက် စိတ်ချရမည်ဖြစ်သည်။
ထို့ကြောင့် ယခုအချိန်တွင် ရေကိုစနစ်တကျသိုလှောင်ထားသင့်ပြီဖြစ်သည်။ ရေများလေလွင့်မှု မရှိစေရန် ထိန်းသိမ်းရန်လိုအပ်ပါသည်။ တစ်နိုင်ငံလုံးအတိုင်းအတာဖြင့်ကြည့်လျှင် မြေအောက်ရေအဆင့် များလာအောင် ထိန်းသိမ်းရန်လိုအပ်လာပြီဖြစ်သည်။ မြေအောက်ရေပြန်လည်ဖြည့်ဆည်းရန် သစ်တောသစ်ပင်များကိုထိန်းသိမ်းရမည်ဖြစ်သည်။ သစ်တောပြုန်းတီးသွားသောနေရာများတွင် ပြန်လည်စိုက်ပျိုးခြင်း များပြုလုပ်သင့်ပါသည်။ သစ်တောပြုန်းတီးပါကမိုးခေါင်လာမည်ဖြစ်ပြီး သစ်တောများမပြုန်းတီးစေရန် သစ်တောများတွင် သစ်ပင်များကိုတိုးချဲ့စိုက်ပျိုးသင့်ပါသည်။ မြစ်၊ ချောင်းများထိန်းသိမ်းခြင်းသည်လည်း မြေအောက်ရေတက်လာမှုကို အထောက်အကူပြုပါသည်။ မိုးရာသီတွင်လည်း ရေကိုစနစ်တကျသိုလှောင် ထားခြင်းဖြင့် ရေးရှားပါးသည့် အခက်အခဲကိုဖြေရှင်းနိုင်မည်ဖြစ်သည်။ ရေရှားပါးသောဒေသတွင် စေတနာရှင်အဖွဲ့များ၊ လူမှုအဖွဲ့အစည်းများနှင့် NGO အဖွဲ့များကဖြန့်ဝေကူညီကြသော်လည်းရေရှည်တွင် ကူညီပေးရန်မှာမဖြစ်နိုင်ပေ။ ရေရှားပါးသည့်ပြဿ နာကိုဖြေရှင်းနိုင်ရန် ဝိုင်းဝန်းတိုင်ပင်ကြရန် လိုအပ်ပြီ ဖြစ်ပါသည်။ မိမိတစ်ဦးချင်းစီမှ အစပြု၍ ရေကိုအကျိုးရှိရှိအသုံးချပြီးရေအရင်းအမြစ်များမဆုံးရှုံးစေရန် အစိုးရမှအစ ပြည်သူများအားလုံးဝိုင်းဝန်းထိန်းသိမ်းကြရန် လိုအပ်ကြောင်းတင်ပြလိုက်ရပါသည်။
ခြဲုင်းမူ;ပေ;(စန္တာ;ခမ်း)
Like On Facebook
Follow On Twitter
Subscribe On RSS