မီးဖိုဆောင်ကိစ္စ တာဝန်ယူထမ်းဆောင်နေသည့် အမျိုးသမီးများသည် မနက်မိုးမလင်းမီ အိပ်ယာမှ ထကြရပြီး တစ်အိမ်သားလုံး၏ တစ်နေ့တာ စားသောက်ရေးအတွက် လုံလုံလောက်လောက် ပြင်ဆင်ချက်ပြုတ်ပေးနေရပါသည်။ ထို့အပြင် တစ်အိမ်လုံး၏ သန့်ရှင်းရေး၊ လျှော်ဖွတ်ရေး၊သိမ်းဆည်းရေးကိစ္စတွေပါ လုပ်ဆောင်နေရသောကြောင့် တခါတလေ တစ်အိမ်သားလုံးထက် နောက်ကျမှ အိပ်ယာဝင်ရပါသေးသည်။ ထိုချက်ပြုတ် ပြင်ဆင်ပေးမှုအပေါ်တွင် တစ်ခါတစ်ရံ မိသားစုများထဲမှ စိတ်တိုင်းကျမှု မရှိခဲ့လျှင် ပြစ်တင်ပြောဆိုမှုများခံရသည်မက အမျိုးသမီးတစ်ဦး၏ စိတ်ရင်းစေတနာမှန်များအပေါ် တခါတလေ ပြစ်တင်စော်ကားမှုများလည်း ခံနေရပါသည်။
အိမ်မှုကိစ္စဆောင်ရွက်ရာတွင် မိသားစုဝင်များ ပူးပေါင်းပါဝင်ဆောင်ရွက်နိုင်လျှင် ပိုမိုသာယာ ပျော်ရွှင်သော မိသားစုဘ၀ကို မလွှဲမသွေ တည်ဆောက်နိုင်မည်ဖြစ်ပါသည်။ အဘယ်ကြောင့်ဆိုသော် အိမ်မှုကိစ္စအ၀၀ကို ဆောင်ရွက်နေသည့် အမျိုးသမီး၏ ကြုံတွေ့နေရသည့် ခက်ခဲပင်ပန်းမှုများအပေါ်သိရှိနားလည်လာနိုင်ကာ ကိုယ်ချင်းစာတရားများ ပိုမိုထားရှိနိုင်၍ အပြန်အလှန် နားလည်မှုများ ပိုမိုတိုးပွားလာစေကာ သာယာပျော်ရွှင်သည့် အိမ်ထောင်ရေးတစ်ခုကိုလည်း တည်ဆောက်နိုင်ပါမည်။
အိမ်ထောင်ရေးသည် မြစ်ပြင်ကျယ်ကြီးနှင့် တူပါပေသည်။ မြစ်၏ ဟိုတစ်ဘက်ကမ်းသို့ သွားဖို့ရာ တစ်ယောက်အားနှင့် လှော်ခတ်၍ မရောက်နိုင်သကဲ့သို့ နှစ်ယောက်ပေါင်းပြီးမှ အိမ်ထောင်ရေးဆိုသည့် မြစ်ပြင်ကျယ်မှာ မုန်တိုင်းဒဏ်ကို အံတုရင်း တက်ညီလက်ညီ လှော်ခတ်နိုင်မှသာလျှင် မိမိတို့ ရောက်ရှိလို သည့် မြစ်၏ တစ်ဘက်ကမ်းသို့ လျှင်မြန်စွာ ရောက်ရှိနိုင်မည်ဖြစ်သည်။ ထိုအတူ အိမ်ထောင်ရေးသာယာ ပျော်ရွှင်စွာ တည်ဆောက်နိုင်ရန် မိသားစုကိစ္စများ ဆောင်ရွက်ရာတွင် တက်ညီလက်ညီ လုပ်ဆောင်သင့်ပေသည်။ အိမ်မှုကိစ္စသော်လည်းကောင်း၊ ပြင်ပစီးပွားရေးနှင့် လူမှုရေးကိစ္စများ ဆောင်ရွက်ရာတွင်သော်လည်းကောင်း အမျိုးသား၊ အမျိုးသမီး လုပ်ငန်းများမခွဲခြားဘဲ တက်ညီလက်ညီ ပူးပေါင်းလုပ်ဆောင်ခြင်းအားဖြင့် မိမိလိုချင်သည့် အိမ်တွင်းငြိမ်းချမ်းရေးကို မလွှဲမသွေရယူပိုင်ဆိုင်နိုင်မည်ဖြစ်ပါသည်။
အမျိုးသမီးဖြစ်လျှင် အိမ်မှုကိစ္စနိုင်နင်းရမည်။ အိမ်မှုကိစ္စနိုင်နှင်းမှသာလျှင် မိန်းမကောင်းပီသသည် ဟူသော အမွေအနှစ်များကို ယနေ့ချိန်ထိ သားသမီးများအပေါ် လက်ဆင့်ကမ်း သင်ကြားမှုများ ရှိနေပါသေးသည်။ ဤသွန်သင်ဆုံးမမှုကြောင့်ပင် သမီးမိန်းခလေးများသည် အလိုလိုနေရင်း အိမ်မှုကိစ္စသည် ၎င်းတို့၏ တာဝန်ပင်ဖြစ်သည်ဟု မှတ်ယူထားကြသည်။ ထို့ကြောင့် ခလေးငယ်ဘ၀မှ ဆော့ကစားရာပင် အိုးပုတ်၊ အိုးရုပ်များကိုသာ ရွေးချယ်၍ ထမင်းဟင်းချက်ပြုတ်သည့် ကစားနည်းများကိုသာ ရွေးချယ်ကစားတတ်ကြပါသည်။ အချိန်တန် အရွယ်ရောက်လာသောအခါ မီးဖိုဆောင်ကိစ္စကို အလိုလိုပင် တာဝန်ယူတတ်လာပါသည်။ ထို့ကြောင့် အမျိုးသမီးဘ၀သည် မီးဖိုဆောင်မှာပင် အချိန်ကုန်ဆုံး တတ်ကြပါသည်။
သားသမီးများ၏ အနာဂတ်ဘ၀သည် မိဘများ၏ သွန်သင်ဆုံးမမှုပေါ်တွင် အများကြီး မူတည်သည်။ သမီးမိန်းခလေးဖြစ်လျှင် ကိုယ်နုတ်အမူအရာ ယဉ်ကျေးသိမ်မွေ့ရမည်ဟု သွန်သင်ဆုံးမမှုများ မှန်ကန်သော်လည်း စိတ်ဓါတ်အပိုင်းတွင် ကျောက်ဆောင်ကျောက်သားကဲ့သို့ ခိုင်ခိုင်မာမာ ထားရှိနိုင်ရန်နှင့် လိုအပ်သည့် သတ္တိများ မွေးဖွားရန် သွန်သင်ဆုံးမမှု အားနည်းပါသည်။ ထို့ကြောင့် အမျိုးသမီးများသည် အများအားဖြင့် အနိုင်ကျင့်ခံဘ၀များကို ကျရောက်ခဲ့ရပါသည်။ သားယောကျာ်းလေးဖြစ်လျှင် ရဲရင့်ရမည်၊ သတ္တိရှိရမည်ဟု သွန်သင်ဆုံးမမှုမှန်ကန်သော်လည်း မည်သည့်နေရာ၊ မည့်သည့်အချိန်တွင် ရဲရင့်ရမည်၊ သတ္တိရှိရမည်၊ ထိုရဲရင့်ခြင်းများအပေါ် တာဝန်ယူတာဝန်ခံမှု ရှိရမည်ဟူ၍လည်း သွန်သင်ဆုံးမမှုများလည်း ပြုပေးသင့်ပေသည်။
အမျိုးသားဖြစ်ခြင်း၊ အမျိုးသမီးဖြစ်ခြင်းများအပေါ် တန်းတူသွန်သင်ဆုံးမမှုများမပြုလျှင် ခွဲခြားသတ်မှတ်ခြင်းများကို ငယ်စဉ်ကတည်းကပင် စတင်ဖြစ်ပေါ်စေခဲ့သည်။ မည်သည့်လုပ်ငန်းများမဆို သားသမီးများ အတူတကွ ပူးပေါင်လုပ်ဆောင်မှု အားနည်းလာတတ်ပါသည်။ အထူးသဖြင့် မိသားစုကိစ္စတွင် အမျိုးသားများသည် အိမ်ပြင်ထွက်၊ ၀င်ငွေရှာ၊ စီးပွားရေးလုပ်ဟူသည့် တာဝန်ရှိသည်ဟုသတ်မှတ်ပြီး အိမ်မှုကိစ္စသည် မိမိနှင့်သက်ဆိုင်မှုမရှိသည်ဟု မှတ်ယူတတ်လေ့ရှိကြသည်။
အိမ်မှုကိစ္စများကို ပါဝင်လုပ်ဆောင်လာခြင်းအားဖြင့် အမျိုးသမီးများ၏ ဘ၀ကို ကိုယ်ချင်းစာနားလည်ပေးနိုင်လာမည်ဖြစ်ပါသည်။ ထို့အတူ နိုင်ငံရေး၊ စီးပွားရေးနှင့် လူမှုရေးရာကိစ္စများကို လုပ်ဆောင်ရာတွင်လည်း အမျိုးသမီးများကို လက်တွဲခေါ်ယူရန် အရေးကြီးပါသည်။ အမျိုးသမီးများ၏ ဘ၀သည် မီးဖိုဆောင်ကိစ္စတွင် မပြီးဆုံးစေဘဲ ပြင်ပလောက၏ အတွေ့အကြုံ၊ ဗဟုသုတများကိုလည်း ဖြည့်ဆည်းပေးသင့်ပါသည်။ အများအားဖြင့် အမျိုးသမီးများသည် အကြံဥာဏ်ကောင်းများကို ပိုမို ပိုင်ဆိုင်ထားကြသည်။ အိမ်တစ်အိမ်တွင် မိသားစုကိစ္စ စီမံခန့်ခွဲမှုအပိုင်းသည် အိမ်ရှင်မအမျိုးသမီးများ အဓိကတာဝန်ယူကြသည်ကို တွေ့ရသည်။
ယနေ့ခေတ်တွင် အိမ်ထောင်ဦးစီးတစ်ယောက် ၀င်ငွေရှာရုံနှင့် လုံလောက်မှုမရှိသည်မှာ လူတိုင်း အသိပင်ဖြစ်ပါသည်။ အဘယ်ကြောင့်ဆိုသော် သားသမီးများ၏ ပညာသင်စရိတ်တစ်ခုတင် ကြီးမားနေသည်ကို တွေ့နေရပါသည်။ မိသားစုအတွက် လိုအပ်သည့် စီးပွားရေး၊ ကျန်းမာရေး၊ လူမှုရေးနှင့် အခြားသော အရေးအရာများ ဖြေရှင်းရာတွင် လိုချင်ဖြစ်ချင်သည့်အတိုင်း ဖြစ်မလာနိုင်သောကြောင့် အမျိုးသမီးများပါ တန်းတူဝင်ငွေရှာကြသည်ကို တွေ့နေရပါသည်။ ဤသို့ တန်းတူရှာနိုင်ပါမှသာလျှင် လူဘုံအလယ်တွင် တင့်တင့်တယ်တယ်နေနိုင်မည်ဖြစ်ပါသည်။
ယနေ့ခေတ်တွင် နိုင်ငံရေးအရသော်လည်းကောင်း၊ စီးပွားရေးအရသော်လည်းကောင်း အောင်မြင် သည့် အမျိုးသမီးများရှိသည်ကို လူတိုင်းအသိပင်ဖြစ်နေပါသည်။ ထို့ကြောင့် ကျန်ရှိနေသေးသည့် မီးဖိုဆောင်တွင် အချိန်ကုန်ဆုံးနေသေးသည့် အမျိုးသမီးများ၏ ဘ၀ကိုလည်း လက်တွဲ ခေါ်ယူသင့်ပေသည်။ အမျိုးသမီးများကိုယ်တိုင်လည်း ရုန်းထွက်နိုင်အောင် ကြိုးစားရပါသည်။ နိုင်ငံရေး၊ စီးပွာရေး ကိစ္စဟူသည် မိမိနှင့် မသက်ဆိုင်သည်ဟူသော ခံယူချက်များ ပြောင်းလဲပေးရန် အချိန်တန်ပြီဖြစ်သည်။
သို့ဖြစ်ပါ၍ စာရေးသူမှ တင်ပြလိုသည်မှာ နိုင်ငံတော်ငြိမ်းချမ်းရေးကိစ္စရပ်များကို ဆောင်ရွက်ရာတွင် အမျိုးသမီးများပါဝင်မှသာလျှင် ပိုမိုပြည်စုံ၍ ငြိမ်းချမ်းရေးကိုလည်း ပိုမိုလျှင်မြန်စွာ တည်ဆောက်နိုင်မည် ဖြစ်ပါသည်။ ငြိမ်းချမ်းရေးတွင် အမျိုးသမီးပါဝင်လာမှုသည် ပို၍အရေးကြီးပါသည်။ အိမ်တစ်အိမ်တွင် မိခင်မရှိသည့်အိမ်သည် မပြည့်စုံသကဲ့သို့ နွေးထွေးမှုလည်းရှိမည် မဟုတ်ပါ။ သို့ရာတွင် ငြိမ်းချမ်းရေး တည်ဆောက်ရာတွင်လည်း အမျိုးသမီးပါဝင်မှုမရှိခြင်းသည် ပြည့်စုံနိုင်မည်မဟုတ်ချေ။ လူသားများအပေါ် ကိုယ်ချင်းစာတရားများ ပိုမိုထားရှိနိုင်သည်လည်း အမျိုးသမီးများဖြစ်ကြသည်။ အဘယ်ကြောင့်ဆိုသော် အမျိုးသမီးအများစုသည် မွေးရာပါ မိခင်စိတ်ကို အပြည့်အ၀ ပိုင်ဆိုင်ထားကြပါသည်။
ထို့ကြောင့် အမျိုးသမီးများ၏ အိမ်မှုကိစ္စများကို ၀ိုင်းဝန်းလုပ်ဆောင်ပေးခြင်းဖြင့် နိုင်ငံရေး၊ စီးပွားရေး၊ လူမှုရေး၊ ငြိမ်းချမ်းရေး စသည့်အရေးအရာကိစ္စရပ်များ ဆောင်ရွက်ရာတွင် အမျိုးသမီးများ ပိုမိုပါဝင်လာနိုင်၍ လက်ရှိနိုင်ငံတော်၏ ငြိမ်းချမ်းရေးတည်ဆောက်ရာတွင်လည်း ပိုမိုအထောက်အကူပြုပေးနိုင်မည်ဖြစ်သည်။ အဘယ်ကြောင့်ဆိုသော် “ငိုနေသော ခလေးများ တိတ်အောင်လုပ်ပေးနိုင်ခြင်းနှင့် ခလေးငယ်များ၏ လိုအင်ဆန္ဒများကို ထပ်တူကျအောင် ဖြည့်ဆည်းပေးနိုင်ခြင်းသည် မိခင်များဖြစ်သည့် အမျိုးသမီးများဖြစ်ကြသည်” ကိုလူတိုင်းအသိပင်ဖြစ်သည်။ ထို့ကြောင့် အမျိုးသမီးများ အချိန်ပေးပြီး ပိုမိုပါဝင်လာနိုင်ရန် အိမ်မှုကိစ္စရပ်များ ၀ိုင်းဝန်းကူညီဆောင်ရွက်ရင်း “အိမ်တွင်းငြိမ်းချမ်းရေးမှ နိုင်ငံတော် ငြိမ်းချမ်းရေးဆီသို့ တည်ဆောက်ကြပါစို့”လို့ အကြံပြုရေးသား တင်ပြလိုက်ရပါသည်။
နန်းအွဉ်ရက်ခွို,
Like On Facebook
Follow On Twitter
Subscribe On RSS