ခေတ်သစ်လူပါးကို သတိထားစို့ ရွှေပအိုဝ်းတို့

တောင်ကြီး၊ ၂၀၁၉ ခုနှစ်၊ သြဂုတ်လ (၁)ရက်

Credit - Photo

ကျွန်ုပ်တို့လူ့ပတ်ဝန်းကျင်တွင် မျိုးစုံသော လူပေါင်းစုံရှိနေပေမည်။ ကျွန်ုပ်တို့ လူမျိုးတူအချင်းချင်းသော်လည်းကောင်း၊ မိမိပတ်ဝန်းကျင်တွင် နေထိုင်သော အခြားလူမျိုးသော်လည်းကောင်း လူဟုဆိုသော်လည်း စိတ် နေစိတ်ထား စရိုက်လက္ခဏာ၊ တွေးတောကြံဆမှုများများသည် မိမိနှင့်တူသောသူမရှိနိုင်ကြောင်းကို သတိပြုစေချင်သည်။ အကောင်းမြင်နိုင်သောသူသည် ရာခိုင်နှုန်းနည်းပါးနေသည့် ခေတ်စနစ်ကြောင့် မိမိတို့လူမှုပတ်ဝန်း ကျင်ကို ထိခိုက်စေနိုင်သော လုပ်ရပ်ပေါင်းစုံရှိနေပေလိမ့်မည်။ ထို့ကြောင့် ကျွန်ုပ်တို့သည်လည်း မိမိအခွင့်အရေး လူမျိုးအတွက်အခွင့်အရေး၊ တိုင်းပြည်အတွက် အခွင့်အရေးစသည်တို့ကို မိမိတတ်နိုင်သော လုပ်ဆောင်နေသော လမ်းကြောင်းအတိုင်း တစိုက်မတ်မတ်လုပ်ဆောင်သွားရန် လိုအပ်နေပါသည်။

သူတစ်ပါးကိုလည်း ထိခိုက်နစ်နာမှုမရှိစေဘဲ မိမိအတွက်၊ လူမျိုးအတွက်၊ တိုင်းပြည်ကောင်းကျိုး အတွက် ဆောင်ရွက်ရာတွင် အခက်အခဲအတိုက်အခံများစွာရှိနေပေလိမ့်မည်။ လူမျိုးကောင်းကျိုးဆောင်ရွက်ရင်း ကိုယ့်အကျိုးသာဖြစ်သွားသော လုပ်ဆောင်မှုများလည်းရှိနိုင်ပါသည်။ ထိုသို့မဖြစ်အောင် ကိုယ့်ကိုကို ဆင်ခြင်တုံတရားဖြင့် အများအကျိုးကို ရှေးရှုရမည်ဖြစ်သည်။ အခွင့်အရေးကို လူတိုင်းလိုချင်ကြသည်၊ မျော်လင့်ကြ သည်၊ သို့သော် အခွင့်အရေးကို သူတစ်ပါးက မိမိကိုချစ်မြတ်နိုးလွန်းသောကြောင့် “ ရော့မင်းအတွက် အခွင့် အရေး “ ဟုဆိုကာ ပေး၍မရပါ။

အခွင့်အရေးသည် မိမိ၏လုပ်ကိုင်ဆောင်ရွက်မှု၊ ကြိုးပမ်းအားထုတ်မှု၊ စေတနာ၊ ဝါသနာ၊ အနစ်နာခံ၍ အလုပ်လုပ်မှုပေါ်မူတည်ပြီး အခွင့်အရေးသည် ပေါ်လာရခြင်းဖြစ်သည်။ ကြိုးစားအားထုတ်မှုလည်းမရှိ၊ အလုပ်ကို အလုပ်နှင့်တူအောင်လည်း မလုပ်သူအဖို့ အခွင့်အရေးသည် ပေါ်လာစရာအကြောင်း နည်းလှပေသည်။

အင်္ဂလိပ်စကားပုံတစ်ခုရှိသည်။ “ You Get What You Pay For”  ဟူ၍ုဖြစ်သည်။ အဓိပ္ပာယ်မှာ ကိုယ်ပေးသလောက် ကိုယ်ရမည်ဖြစ်သည်။ ထို့အပြင် “ As a man grows so shall he rape “ ဆိုသည့် အတိုင်း “ သင်စိုက်သမျှ သင်ရိတ်သိမ်းရမည်” ဟူ၍ဖြစ်သည်။ “ ဘူး” စိုက်လျှင် “ ဘူး” သာသီးမည်ဖြစ်သည်။  “ ဘူး”  စိုက်ပြီး “ ဖရုံ” သီးချင်၍မရသည့်အပြင် ထုံးစံလည်းမရှိခဲ့ပေ။ ကိုယ်လုပ်သလောက် အကျိုးခံစားရမည် ဖြစ်သည်။ ကိုယ်လုပ်တာထက်ပို၍ အကျိုးခံစားရမည်မဟုတ်ပေ။ လူအချို့သည် အခွင့်အရေးကို မျော်ကိုး၍အ လုပ်လုပ်တတ်ကြသည်။ အချို့ဆိုလျှင်ပင် အလုပ်ကိုတွင်ကျယ်အောင် မလုပ်နိုင်သေးဘဲ အခွင့်အရေးတောင်း တတ်ကြသည်။

ကျွန်ုပ်တို့လူမျိုးဖြစ်သည့် လူကြီးပိုင်းတစ်ဦး၏ပြောစကားကို ပြန်အမှတ်ရလာမိသည်။ ထိုစကားမှာ “ Do Frist Complain Later “ အလုပ်ကို အရင်လုပ်ပြီးမှ အခွင့်အရေးကိုပြောပါဟု ဆိုလိုပါသည်။ အခွင့်အရေး ဟူသည် ကိုယ်ကိုယ်တိုင် လုပ်ဆောင်ရမည်ဖြစ်ကြောင်းနှင့် အလုပ်ကို ဘာမှ ဖြစ်ဖြစ်မြှောက်မြှောက် မလုပ်ရ သေးဘဲ အခွင့်အရေးတောင်းတတ်သူကို အခွင့်အရေးသမားဟု ခေါ်တွင်ရမည်ဖြစ်သည်။ အခွင့်အရေးသမားဟု အခေါ်ခံရသူသည် ကောင်းသောသူမဟုတ်ကြောင်း လူတိုင်းသိသည်။ ရသင့်ရထိုက်သည့် အခွင့်အရေး ထက်ပိုယူခြင်း၊ တပ်မက်ခြင်းသည် အတ္တကြီးသူ၊ လောဘကြီးသူဖြစ်သွားသည်။ အတ္တသမားသည် အရင်းရှင် စိတ်ဓါတ်ကဲ့သို့ “ ငွေသာရမည်ဆိုလျှင် လူတောင်သတ်ရဲကြောင်းနှင့်ဘယ်သူသေသေ ငါမသေရင် ပြီးရော” ဟူသော လူစားမျိုးဖြစ်သည်။

လူတိုင်းသည် မိမိတို့ဘဝတိုးတက်ကြီးပွားရေးအတွက် အခွင့်အရေးတစ်ရပ်ရခဲ့ဖူးကြမည်ဖြစ်သည်။ မိမိအသုံးမချနိုင်၍ ၎င်းအခွင့်အရေးနှင့်ဝေးကွာသွားသူလည်းရှိနိုင်၏။ မိမိအတွက် ဆိုက်ရောက်လာသော အခွင့် အရေးကို မှန်ကန်စွာအသုံးချနိုင်လျှင် အကျိုးဖြစ်ထွန်းမည်ဖြစ်သည်။ အခွင့်အရေးသည် ကိုယ့်ကြိုးစားအားထုတ် မှု၊ တာဝန်ကျေပွန်မှု၏ရလဒ်ပင်ဖြစ်သည်။

ကျွန်ုပ်တို့ပြောဆိုနေကြသည် ကံကောင်းသည်၊ ကံဆိုးသည် ဟူသော စကားများသည် မှားသည်ဟု လည်းမဆိုနိုင်ပေ။ ကံ၊ ကံ၏အကျိုးသည်လည်း မိမိ၏ပြုမူဆောင်ရွက်မှုပင်ဖြစ်သောကြောင့်ဖြစ်သည်။ အလုပ် ကို မှန်ကန်စွာလုပ်လျှင် အလုပ်၏အကျိုးကို ခံစားရမည်ဖြစ်သည်။ “ ကံမကောင်း ၊ အကြောင်းမလှ”  ဟူသည် မှာ မည်သူမပြု မိမိမှုကြောင့်ပင်ဖြစ်သည်။

ကျွန်ုပ်တို့အမျိုးသားကို ထမ်းဆောင်နေကြသော ယနေ့လူငယ်များသာမက ရှေးဆောင်လမ်းပြပေးသော မျိုးချစ်ခေါင်းဆောင်များလည်း အမျိုးသားရေးဆောင်ရွက်လာရာ လမ်းတစ်လျှောက်တွင် အခက်အခဲ ဆူးငြှောင့်ခလုတ်များစွာကို ရင်ဆိုင်ဖြတ်ကျော်ခဲ့မှုများကြောင့်သာ ယနေ့မိမိပအိုဝ်းလူမျိုးများလည်း ငြိမ်းချမ်းရေး အသီးအပွင့်ကို အခွင့်အရေးကြီးသဖွယ် ခံစားစံစားနေကြရသည်။ ထိုသည်ကို အကောင်းမြင်ဝါဒဖြင့် ရှုမျှော်ခံစားမှုမရနိုင်ဘဲ ပအိုဝ်းအမျိုးသားခေါင်းဆောင် မည်သူမည်ဝါဖြစ်ကြောင်း စသည့်သွေးခွဲစကား၊ အဖွဲ့အစည်း အပေါ် အမြင်စောင်းစေသည့် အတိုက်အခံစကားများလည်း များစွာပေါ်ထွက်နေလေ့ရှိသည်။

ဆိုလိုသည်မှာ မည်သည့်အဖွဲ့အစည်းအတွင်းတွင် နေထိုင်သူဖြစ်စေ၊ မည်သည့်လူမျိုးဖြစ်စေ၊ မည်သူ့ သားသမီးဖြစ်စေ၊ မည်သည့်လူမျိုးအကျိုးကို ဆောင်ရွက်သည်ဖြစ်စေ “ ပတ္တမြားမှန်လျှင် ရွံ့နွံမနစ်” ဆိုသည့် အတိုင်း လူမှန်လျှင်လည်း မိမိကိုမွေးဖွားသော မိဘမည်သူဟူသည်ကို “ မသိနိုင်ဘူးလား ” ထိုသို့မဟုတ်ဘဲ ထို သို့အကောင်းမြင်စိတ်မွေးဖွားနိုင်ခြင်းမရှိသော သူများသည် မိမိကိုမွေးဖွားပေးသော မိဘမရှိဘဲ အုတ်ကြားမြက်ပေါက် ဆိုသည့်အတိုင်း မိမိကို လူမသိသူမသိဘဲ မွေးဖွားလာခြင်းလော၊ ထိုမှမဟုတ် ကောက်၍မွေးစားခံရခြင်းလော ဟူသည်ကို မိမိကာယကံရှင်ကိုယ်တိုင်သာ သိနိုင်ပေလိမ့်မည်။

တောလိုက်မုဆိုးသည် သားကောင်ကိုဖမ်းနိုင်ရန် စဉ်ဆက်မပြတ်ချောင်းမြောင်းနေသကဲ့သို့လူမျိုး အတွက်အလုပ်နှင့်သက်သေမပြနိုင်ဘဲ ၎င်းအခွင့်အရေးကိုချောင်းမြောင်းနေမည့် အခွင့်အရေးသမားများလည်း များစွာရှိနေလိမ့်မည်။ ထိုသို့ချောင်းမြောင်းနေတတ်သူများလည်း အခွင့်အရေးကို အချိန်တိုတိုနှင့် ရလျှင်ရ မရ လျှင်မမှန်သောနည်းလမ်း ( ပအိုဝ်းအခေါ် ဥာဏ်ဟွေး၊ အကျင်ဟွေး) ကို ကျင့်သုံးတတ်၏။ ယခုခေတ်အရ မဟုတ်မမှန် ထင်ယောင်ထင်မှားစရာကောင်းသော ဝါဒဖြန့်မှုနှင့်ကျင့်သုံးတတ်၏။  ဤအချက်များကို အမျိုးသား ရေးအကျိုးအတွက် စွမ်းစွမ်းတမံ ကြိုးစားဆောင်ရွက်လျှက်ရှိသော မျိုးချစ်ရွှေပအိုဝ်းတို့ သတိဝိရိယဖြင့် နေထိုင်နိုင်ကြရန် သတိပေးအပ်ပါသည်။

နန်းစိန်ကျင်း (အွံအား)