ရှင်လျှက်နှင့်သေနေသူများ

တောင်ကြီး၊ ၂၀၁၉ ခုနှစ်၊ သြဂုတ်လ (၈)ရက်

ဤဆောင်းပါးတွင်ပါဝင်သော အကြောင်းအရာများသည် မိမိတို့ပတ်ဝန်းကျင်နှင့် နေရာတိုင်း လိုလိုပင်ရှိနေသည်ကို သတိပြုမိသူနည်းပါးသည့်အပြင် မိမိကိုယ်တိုင်လည်း ရှင်လျှက်သေနေသူ ဟုတ်/မဟုတ် ပြန်လည်ဆန်းစစ်နိုင်ရန် ရေးသားရခြင်းဖြစ်ပေသည်။

ပညာရှိသုခမိန်များ ဖွင့်ဆိုထားသောအသက်ရှင်လျှက်သေသူများမှာ ̋ စီးပွားမရှုာ ရောဂါထူလှ၊ ကင်းပပညာ များစွာကြွေးတင်၊ လုပ်ခွင်မကပ် စိတ်ဓါတ်ပျော့ညံ့၊ ပျင်းရိချိန်ဖြုန်း ကုသိုလ်မှုန်း ̋  တို့ဖြစ်ပါသည်။ တစ်ဦးချင်းစီ၏အဓိပ္ပါယ်ဖွင့်ဆိုချက်များကို ရေးသားတင်ပြသွားမည်ဖြစ်ပါသည်။

(၁) စီးပွားမရှာ- လောကလူ့ပုံအလယ်တွင် တင့်တောင့်သင့်တယ်နေထိုင်နိုင်ဖို့ရန် စီးပွားရေးသည်များစွာအရေးပါအရာ အရောက်ဆုံးဖြစ်သည်ကို လူတိုင်းအသိပင်တည်း။ မိမိပတ်ဝန်းကျင်ရှိအချို့လူများသည် အားအင်များ ပြည့်စုံပါလျှက် စီးပွားရေးကြီးပွားရေးတို့ကို ကြိုးစားရှာဖွေခြင်းမပြုဘဲ ဘဝကိုဖြစ်သလို ပေါက်လွတ်ပဲစား နေထိုင်ကြသည်ကို ဝမ်းနည်းစွာတွေ့ရှိရပါသည်။ ထိုသို့ ဖြစ်သလိုနေထိုင်ခြင်းကြောင့် အသက်ကြီးလာ၍ အိုမင်းမစွမ်းဖြစ်လာသည့်အချိန်တွင် ဒုက္ခကြီးစွာရောက်တတ်သည်ကို သတိပြုသင့်ပေသည်။ အရွယ်ကောင်းခိုက် စီးပွားဥစ္စာမရှာလျှင် ရှင်လျှက်သေနေသူနှင့်အတူတူပင်ဖြစ်သည်။

(၂) ရောဂါထူလှ- ရောဂါထူပြောသည့်လူတစ်ဦးသည် သေနေ့ကိုစောင့်ရသည့် သေလူပင်ဖြစ်သည်။ အကြောင်းကား ရောဂါထူပြောခြင်းကြောင့် ချမ်းသာစွာမနေထိုင်ရ၊ ချမ်းသာစွာမစားရသည့်အပြင် ကိုယ်ဆင်းရဲခြင်း စိတ်ဆင်းရဲခြင်းဖြင့် ဘဝကိုအချိန်ကုန်စေသောလူစားမျိုးပင် ဖြစ်ပေသည်။

(၃) ကင်းပပညာ- လောကရှိအရောင်အားလုံးတွင် ပညာ၏အလင်းရောင်သည် အတောက်ပဆုံးအရောင်ဖြစ်သကဲ့သို့  အတတ်ပညာအသိပညာတစ်မျိုးမျိုးကို ကျွမ်းကျင်ပိုင်နိုင်စွာတတ်မြောက်သောသူသည် သူတစ်ပါးထက် အောက်ကျနောက်ကျမဖြစ်ရသည့်အပြင် လူရိုသေရှင်ရိုသေပင် ခံရပေသည်။ ပညာကင်းသောသူသည်ကား သေနေသူပင်ဖြစ်သည်။

(၄) များစွာကြွေးတင်- စီးပွားရေးအဆင်မပြေ၍ အခြားသူများ၏ငွေကြေးဖြင့်လည် ပတ်နေရသူလည်း များစွာရှိပေသည်။ အဆင်ပြေသူများရှိသကဲ့သို့ အဆင်မပြေသူများလည်းရှိပါသည်။ အကြွေးကင်းသူဟူ၍ မရှိသလောက်နည်းပါးသော်လည်း အမြဲတမ်းအကြွေးနွံနစ်နေသူကား သေသူနှင့်မ ခြားတော့ပေ။

(၅) လုပ်ခွင်မကပ်- စားဝတ်နေရေးအတွက် မည်သည့်အလုပ်ကိုမျှစိတ်မဝင်စားသောသူသည် အလကားလူပိုပင်ဖြစ်သည်။ ထိုသူသည်လည်း သေလူနှင့်အတူတူပင်ဖြစ်ပါသည်။

(၆) စိတ်ဓါတ်ပျော့ညံ့- လောက၌မည်သည့်အလုပ်မဆို ပြီးမြောက်အောင်မြင်စေရန် စိတ်ဓါတ်ကြံ့ခိုင်မှုသည် လွန်စွာအရေးကြီးလေသည်။ စိတ်ဓါတ်ကြံမှုမရှိဘဲဗေဒါပင်လို လေတိုက်ရာနောက်သို့ ယိမ်းယိုင်လျှင် မည်သည့်အလုပ်မှအောင်မြင်မည်မဟုတ်ပါ။ ထိုလူစားမျိုးသည်လည်း ရှင်လျှက်သေသူပင်ဖြစ်ပါသည်။

(၇) ပျင်းရိချိန်ဖြုန်း- ဘဝတက်လမ်း၏အကြီးမားဆုံးအဟန့်အတားမှာ ပျင်းရိခြင်းပင်ဖြစ်သည်။ ထို့အတူပင် လက်ကြောမတင်း၍အပျင်းထူသောသူသည် မည်သည့်နေရာမှ အားကိုးအားထား၍မရသည့်အပြင် ဆန်ကုန်မြေလေးအလကားလူပင် ဖြစ်ပါသည်။ ထိုသူသည်လည်း ရှင်လျှက်နှင့်သေသူပင်ဖြစ်သည်။

(၈) ကုသိုလ်မှုန်း- လူသားတိုင်းသည် ယခုဘဝစားဝတ်နေရေးအတွက် စီးပွားရေးတို့ကိုကြိုးစား၍ရှာဖွေရသလို နှောင်ဘဝအတွက်လားရာကောင်းဖို့ရန် ကုသိုလ်ကောင်းမှုတို့ကို လူတိုင်းမဖြစ်မနေပြုလုပ်ဆောင်ရွက် သွားရမည်ဖြစ်သည်။ ကုသိုလ်ကောင်းမှုတရားတို့၌ မေ့လျှော့သောသူသည် သေလူနှင့်မခြားပေ။

စာဖတ်ပရိသတ်များအနေဖြင့် အထက်ပါဆောင်းပါးစာစုတို့ကို ဖတ်ရှုရခြင်းကြောင်း မိမိကိုယ်ကို အသက်ရှင်လျှက်နှင့်သေသူဟုတ်မဟုတ် ပြန်လည်ဆန်းစစ်ပြီး လောက၏ကောင်းကျိုးတရားများကို ဆထက်ထမ်းပိုး သယ်ပိုးနိုင်ကြပါစေဟု ဆုတောင်းရင်း နိဂုံးချုပ်အပ်ပါသည်။

မေတ္တာဖြင့်
ခွန်ဗေခြောင်