စည်းလုံးမှုဟူသောစကားလုံးသည် လူတိုင်းနှင့် ရင်းနှီးပြီးသားဖြစ်ပါသည်။ စည်းလုံးညီညာအောင်ကြောင်း ဖြာဆိုသည့်အတိုင်း စည်းလုံးမှုရှိမှသာလျှင် မိမိတို့သွားချင်သောပန်းတိုင်သို့ အချိန်မှီအရောက်လှမ်းနိုင်မည် ဖြစ်ပါသည်။ ထို့ကြောင့် နိုင်ငံရေး၊ စီးပွားရေးလူမှုရေးစသည့်အရေးအရာမှန်သမျှကိစ္စကို ဆောင်ရွက်ရာတွင် စည်းလုံးမှုပါရှိမှသာလျှင် အရာရာတိုင်းအလွယ်တကူပြီးဆုံးသွားနိုင်မည် ဆိုသည်ကိုလူတိုင်းသိရှိပြီ်းပါသည်။ စည်းလုံးမှုမည်မျှပင် အရေးကြီးကြောင်းကို ဤဆောင်းပါးတွင် ရေးသားတင်ပြလိုပါသည်။
ရှေးဦးစွာကျေးရွာတွင်ရှိသောလူများသည် တစ်ဦးနှင့်တစ်ဦးလူမှုရေးအနေဖြင့်လည်းကောင်း၊ စီးပွားရေး အနေဖြင့်လည်းကောင်း နေ့စဉ်ပေါင်းသင်းဆက်ဆံနေရကြရပါသည်။ တစ်ဦးအပေါ်တစ်ဦးနားလည်မှု ရယူရင်း အတူတကွနေထိုင်ကြပါသည်။ ထို့အတူမိသားစုတွင်လည်း အပြန်အလှန်တစ်ဦးအပေါ်တစ်ဦး နားလည်ပြီးစည်းလုံးမှု မပျက်စီးအောင် အလေးထားကာ နေထိုင်ကြပါသည်။ အချင်းချင်းအဆင်ပြေမှု၊ နားလည်မှုရှိမှသာ မိမိပတ်ဝန်းကျင် သစ်သို့ ရောက်ရှိသောအခါ လူအများနှင့် ပေါင်းသင်းဆက်ဆံရာ၌ အလွယ်တကူနေတတ်လာမည် ဖြစ်ပါသည်။ ဥပမာ-ကျေးရွာတွင် မိမိတည်ဆောက်ချင်သော တံတားတစ်ခုကို တစ်ယောက်တည်းသာ ပြုလုပ်သွားမည်ဆိုလျှင် မိမိသတ်မှတ်ထားသောအချိန်၌် အချိန်မီပြုလုပ်သွားနိုင်မည်မဟုတ်ပေ။ ကျေးရွာရှိရွာသူ/သားများ အချင်းချင်း ပူးပေါင်းတိုင်ပင်ဆွေးနွေး ကြပြီးလုပ်ဆောင်မည်ဆိုလျှင် ဤတံတားခိုင်ခံ့အောင် မည်ကဲ့သို့တည်ဆောက်ရမည် စသည့် အကြံဉာဏ်အမြောက်အများပေါ်ထွက်လာကာ လူတစ်ယောက်နှင့်တစ်ယောက်သည် မတူညီသည့် ဖန်တီးနိုင်မှု အရည်အသွေးများလည်း ဖော်ထုတ်ခွင့်ရရှိမည်ဖြစ်သည်။ ထိုသို့ဖော်ထုတ်ခွင့်ရရှိခြင်းကြောင့် မိမိတို့ အရည်အချင်းများလည်း အလဟသမဖြစ်စေဘဲ ရည်မှန်းထားသည်ထက်ပိုမိုကောင်းမွန်ခိုင်ခံ့အောင် တည်ဆောက် နိုင်ပြီး တစ်ဦးနှင့်တစ်ဦးရင်းနှီးမှုရှိစေကာ စည်းလုံးမှုလည်းပိုမိုရရှိစေပါသည်။ စည်းလုံးမှု ရှိလျှင် မိမိကျေးရွာအတွင်း မည်သည့်အရာကို မဆိုတွန့်ဆုတ်နှောင့်နှေးခြင်းမရှိစေဘဲ ကျေးရွာဖွံ့ဖြိုးရေး လုပ်ငန်းလုပ်ဆောင်ရာ၌ ထိထိ ရောက်ရောက်ပေါက်ပေါက်မြောက်မြောက် ဖြစ်ထွန်းလာမည် ဖြစ်ပါသည်။ ဒေသဖွံ့ဖြိုးရေးလုပ်ငန်းများကိုလည်း အားသွန်ခွန်စိုက် ပူးပေါင်းဆောင်ရွက်ပြီးလက်ရှိအခြေအနေထက် ပိုမိုကောင်းမွန်လာအောင် စည်းလုံးမှု ခိုင်မြဲစေရန် လုပ်ဆောင်ရပါမည်။
စီးပွားရေးလုပ်ငန်းလုပ်ကိုင်ရာတွင်လည်းတစ်ဦးတည်းသာ ပြုလုပ်နေမည်ဆိုလျှင် အောင်မြင်မှုရရှိသော် လည်း မိမိလုပ်ကိုင်နေသောထုံးတမ်းစဉ်လာအတိုင်းသာ လုပ်ဆောင်သွားနေမည်ဖြစ်ပါသည်။ ယနေ့ အချိန်အခါ သည် တိုးတက်မှုမြန်ဆန်ခြင်းကြောင့် စီးပွားရေးလုပ်ကိုင်နေသော မိတ်ဆွေများအချင်းချင်း ပူးပေါင်းလုပ်ဆောင်ကြ မည်ဆိုလျှင် သစ်ဆန်းသောနည်းလမ်းများ၊ လုပ်နည်းလုပ်ဟန်များ ပိုမိုပေါ်ထွက် လာပြီးတိုးတက်သော ခေတ်နှင့် အညီ လုပ်ကိုင်နိုင်မည်ဖြစ်သည်။ သို့သော် ပူးပေါင်းလုပ်ဆောင် ကြသော်လည်းအချင်းချင်းစည်းလုံးညီညွှတ်မှုမရှိလျှင် မိမိတို့မျှော်လင့်သည့် အောင်မြင်မှုအတိုင်းအတာ တစ်ခုထိရရှိနိုင်မည်မဟုတ်ပါ။ စည်းလုံးမှုရှိမှသာ ရေရှည်တည်တံ့ သော အောင်မြင်မှုရရှိနိုင်မည်ဖြစ်သည်။
ထို့ကြောင့်မည်သည့်နေရာ၊ မည်သည့်အချိန်တွင် အချင်းချင်းပူးပေါင်းလုပ်ဆောင်မှု လိုအပ်သကဲ့သို့ စည်းလုံးမှုသည်လည်း အချိန်တိုင်းလိုအပ်ပါသည်။ တိုင်းရင်းသားအချင်းချင်းစည်းလုံးညီညွတ်မှုရှိမှသာလျှင် တိုင်းပြည်လည်း တိုးတက်လာမည်ဖြစ်သကဲ့သို့ ဂီတာတီးရာတွင်လည်း ကြေး၊ ကြိုး၊ သရေစုပေါင်းပါမှ သာယာနာ ပျော်ဖွယ်သည့် အသံရရှိမည်ဖြစ်သကဲ့သို့ ပန်းချီကားရေးဆွဲရာ၌ အရောင်စုံမှသာ ခံစားချက်ပြည့်ဝသော ပန်းချီကား တစ်ချပ် ပေါ်ထွက်လာမည်ဖြစ်ပါသည်။
စည်းလုံးမှုသည် မိမိအတွက်သာမကမိသားစု၊ မိတ်ဆွေ၊ ရပ်ရွာ၊ မြို့၊ တိုင်းပြည်အတွက်လည်းပိုမိုအရေးပါ လှပေသည်။ ထို့ကြောင့် အခြေအနေအရသော်လည်းကောင်း တစ်ဦးနှင့်တစ်ဦး အချိန်ကြာမြင့်စွာ အလှမ်းဝေးကွာခဲ့ ကြသော်လည်း စည်းလုံးမှုဆိုသည့်အရာကို မိမိတို့နှလုံးသားထဲတွင် အစဉ်အမြဲ သိမ်းဆည်းထားဖို့လိုအပ်ပေသည်။ ထို့ကြောင့် စည်းလုံးမှု၏ရလာဒ်သည် မည်မျှပင်အကျိုးရှိသည်ကို လက်တွေ့လုပ်ဆောင်ပါမှ မြင်နိုင်သည့်အရာဟု ယုံကြည်ရင်း ရေးသားတင်ပြလိုက်ပါသည်။
ဆားမူးပေး(စန္တားခမ်း)
Like On Facebook
Follow On Twitter
Subscribe On RSS