အိမ်၊ မြေ၊ စက်ယန္တရားများကို ပအိုဝ်းအမျိုးသားအဖွဲ့ချုပ်ထံ လှူဒါန်းခြင်း

နေပြည်တော်၊ ၂၀၁၃ ခုနှစ်၊ သြဂုတ်လ (၂၂) ရက်

ပအိုဝ်းအမျိုးသားအဖွဲ့ချုပ် တွဲဖက်အတွင်းရေးမှူး၊ အမျိုးသားလွှတ်တော်ကိုယ်စားလှယ်၊ ပအိုဝ်းကိုယ်ပိုင် အုပ်ချုပ်ခွင့်ရဒေသ၊ ရှမ်းပြည်နယ် မဲဆန္ဒနယ်အမှတ် (၉)၊ ပတ္တမြားနဂါးကုမ္ပဏီ ဥက္ကဋ္ဌ ဦးနေ၀င်းထွန်း (ခ) ဦးနေ၀င်းဆွေ(၁၃/တကန(နိုင်) ၀၄၄၁၉၀) ၊ အမှတ် (၂၆၀/ခ) အရှေ့မြို့ပတ်လမ်း၊ သစ်တောရပ်ကွက်၊ တောင်ကြီးမြို့က သြဂုတ်လ ၂၂ ရက်၊ ညနေ (၅း၃၀) နာရီအချိန် နေပြည်တော်၊ အမှတ် ၃၂၄ - ၃၂၆၊ တီးတိန်လမ်း၊ ဥတ္တရသီရိမြို့နယ်ရှိ နေအိမ်၌ ဗုဗ္ဗသီရိမြို့နယ်၊ ဇ၀နဒီပရပ်ကွက်၊ စကားဝါလမ်း၊ အိမ်အမှတ် (၁၄၉၇)၊ ဧရိယာအကျယ်အ၀န်း (၈၀ ပေ x ၈၀ ပေ)ရှိ မြေကွက်နှင့် တစ်ထပ်အိမ် (၁) လုံး ၊ စက်ယန္တရားများ ဖြစ်သော -

    ၁။    ဟိုပုံးမြို့နယ်               Backhoe        ( Sany R – 360 )
    ၂။    ဆီဆိုင်မြို့နယ်             Backhoe        ( Doosan R – 225 )
    ၃။    ပင်လောင်းမြို့နယ်        Backhoe        ( Sany R – 360 )
    ၄။    သထုံမြို့နယ်               Backhoe        ( Doosan R – 225 )
           (မွန်ပြည်နယ်၊ ပအိုဝ်းဒေသအတွက်)

စုစုပေါင်း စက်ယန္တရားပစ္စည်း (၄) စီးတို့ကို ပအိုဝ်းအမျိုးသားအဖွဲ့ချုပ်၊ အတွင်းရေးမှူး ဦးခွန်သိန်းဖေ၊ (၁၃/တကန(နိုင်)၀၉၃၃၉၂) ၊ အမှတ် (၁၈) ဈေးပိုင်းရပ်၊ တောင်ကြီးမြို့၊ ပအိုဝ်းအမျိုးသားအဖွဲ့ချုပ်၊ ဟိုပုံးမြို့နယ် ပြည်သူ့လွှတ်တော်ကိုယ်စားလှယ်ထံသို့ ပေးအပ်လှူဒါန်းခဲ့ကြောင်း သတင်းရရှိသည်။

နေပြည်တော်ရှိ အိမ်နှင့်မြေမှာ အမျိုးသားအကျိုးစီးပွား အတွက် နေရာဌာန ရုံးဖွင့်လှစ်ရန်အတွက် ဖြစ်ပြီး စက်ယန္တရားများမှာ ဒေသဖွံ့ဖြိုးရေး လုပ်ငန်းများတွင် အသုံးပြုရန်အတွက် ရည်ရွယ် လှူဒါန်းခြင်းဖြစ်ကြောင်း သိရှိရပါသည်။