“ပေါင်းစည်းအားနှင့် ကျောက်စရစ်လေး”

တောင်ကြီး၊ ၂၀၁၆ ခုနှစ်၊ ဧပြီလ (၆) ရက်

ကမ္ဘာပေါ်တွင် သဘာဝသယံဇာတများစွာရှိကြသည်။ လူသားအားလုံးမှီတင်းနေထိုင်ရာ အိမ်ကလေးများဖြစ်သည့် ၀ါးအိမ်၊ ပျဉ်ထောင်အိမ်၊ အုတ်အိမ်နှင့် အခြားအိမ်ပုံစံများကိုလည်း သဘာဝသယံဇာတများနှင့်သာ ပြုလုပ်ကြသည်။ အိမ်ကလေးကိုယ်စီမှာ ကိုယ်ပိုင်အရည်အသွေး နှင့် ခံနိုင်ရည်စွမ်းအားများကိုယ်စီရှိကြသည်။ သို့သော်လည်း အိမ်ကလေးများသည် အချိန်ကာလလိုက်ပြီး ခံနိုင်ရည်စွမ်းအားများ ကွာခြားသွားတတ်သည်။ ထိုသို့သောကြံ့ခိုင်မှုစွမ်းရည်၊ ခံနိုင်ရည် စွမ်းအားများကွာခြားလာသည်နှင့်အမျှ ရပ်တည်မှုအခြေအနေလည်း မတူညီနိုင်ပါ။ ကမ္ဘာပေါ်ရှိလူသားအားလုံးသည် ၀ါးပင်ကလေး၊ သစ်ပင်ကလေး၊ ကျောက်စရစ်ကလေး  များနှင့်   တူပါသည်။ လူသားချင်းတူညီပေမဲ့ အသက်ရှုတာခြင်း ကွာခြားသည် ဆိုကြသည့်အတိုင်း လူများသည် သဘာဝသယံဇာတများဖြစ်သော သစ်၊  ၀ါး၊ ကျောက်စရစ်ကလေးများဘ၀နှင့် တူပါသည်။ လူတိုင်း၏ အသက်ရှင်နေထိုင်ခြင်း၊ ရုန်းကန်လှုပ်ရှားနေရခြင်းသည်  အတူတူပင်ဖြစ်သည်။  ဤသတ္တ လောကကြီးထဲမှာ ရုန်းကန်လှုပ်ရှားတာခြင်းတူသော်လည်း လောကဓံတရား ခံနိုင်ရည် စွမ်းအားများ မတူကြပါ။   တချို့ကသစ်လို လူတွေအသုံးပြုခြင်းခံရပြီး၊ တချို့က၀ါးလိုလူတွေ လိုအပ်ချက်အရ အသုံးပြုခြင်းခံရပြန်သည်။ ကျောက်စရစ်ကလေးတွေလိုလည်း လူတွေနည်းမျိုးစုံ အသုံးပြုခြင်းခံရသည်။ လူတွေလုပ်ဆောင်မှုအပေါ် အခြေခံပြီးတာရှည်ခံနိုင်ရည်စွမ်းအား ပြောင်း လဲတတ်ကြသည်။ ဥပမာ-ကျောက်စရစ်ကလေးများသည် လူတို့၏လိုအပ်ချက်ကြောင့် တစ်ခုနှင့် တစ်ခု ပေါင်းစည်းတည်ဆောက်ထားခြင်းခံရတတ်ကြသည်။ ထိုသို့ပေါင်းစည်းမှုစွမ်းအားကြောင့် ကျောက်စရစ်ကလေးများသည် အင်အားများပိုမိုတောင့်တင်းလာပြီး လောကဓံ တရားတိုက်ခိုက်မှုကို ကြံ့ကြံ့ခံနိုင်မည်ဖြစ်သည်။
ကျောက်စရစ်အရိုင်းတုံးကလေးများနှင့်တူသော လူသားများသည်  ပင်ကိုယ်အရည်အချင်းများ၊   တန်ဖိုးများ ကိုယ်စီရှိကြသည်။ သို့သော်လည်း အမှားအမှန်၊ အကောင်းအဆိုးကို ဝေဖန်ပိုင်းခြားနိုင်သည့် အသိပညာတည်းဟူသောအရာမရှိလျှင် ဘိလပ်မြေနှင့် ရောစပ်ပေါင်းစည်းမထားသော ကျောက်စရစ်နှင့်တူသည်။ ခံနိုင်ရည်စွမ်းအားအလျှောက် သူ့တန်ဖိုးနှင့် သူရှိနေသော်လည်း ပိုမိုတန်ဖိုးရှိအသုံးဝင်သော အရာဖြစ်မလာနိုင်ပါ။ လူသားတိုင်းသည် မွေးဖွားလာကတည်းမှစ၍ ရယ်လေ့ရှိသော၊ ပြုံးလေ့ရှိသော၊ ကြင်နာလေ့ရှိသော၊ ငိုလေ့ရှိသော စသည့်စိတ်ထားများသည် ပင်ကိုယ်ရှိပြီးသားဖြစ်သည်။ ထို့ကြောင့်ပညာ၏ အဓိကပင်ရင်းဖြစ်သော သည်းခံခြင်း၊ ခွင့်လွတ်ခြင်း၊ စာနာခြင်း၊ နားလည်ခြင်းစသည့်မေတ္တာ၊ ဂရုဏာ၊ မုဒိတာ တရားများကို
ထည့်သွင်းပေးရန် လိုပါသည်။ သို့မှသာ လောကဓံတရားကို ခံနိုင်ရည်ရှိသူများ ဖြစ်လာမည်ဖြစ်သည်။  ကျောက်စရစ်ကလေး တစ်ခုတည်းဖြင့် ခိုင်မာသည့်အရာတစ်ခုကို တည်ဆောက်လို့မရသလို   လူသား တစ်ယောက်တည်းနှင့် ကောင်းမွန်သောပတ်ဝန်းကျင်၊ လူ့အသိုင်းအ၀ိုင်းကို တည်ဆောက်၍   မရနိုင်ပါ။ ထို့ကြောင့်ကျောက်စရစ် အရိုင်းတုံးများကို ပေါင်းစုပြီးကျစ်လစ်ခိုင်မာသော အရာတစ်ခုကို ပြုလုပ်ဖန်တီးဖို့ရန်အတွက်
ဘိလပ်မြေလိုသလို လူသားတစ်ဦးတစ်ယောက်မှာရှိသည့် ကိုယ်စီတန်ဖိုး အရိုင်းတုံးများကို ပေါင်းစည်းဖို့
အတွက် နည်းပညာလိ်ုအပ်သည်။ အဘယ်ကြောင့်ဆိုသော် ကျစ်လစ်ခိုင်မာပြီး လောကဓံတရားများ၏ အထုအထောင်းတွေကို ရင်ဆိုင်အံတုရင်း ငြိမ်းချမ်းသာယာသည့် လူ့အဖွဲ့အစည်းဖြစ်ရန်အတွက် ညီညွတ်သောအင်အားများရှိဖို့လည်းလိုသည်။ ညီညွတ်ပြီး အင်အားရှိသည့် အဖွဲ့အစည်းအတွက် ပညာတည်းဟူသော အရာနှင့်ပေါင်းစပ်ဖို့လိုပါသည်။ ထို့ကြောင့် လူတစ်ဦးတစ်ယောက်အတွက် ဘ၀သည်အဓိပ္ပ္ပါယ်တစ်ခုရှိရမည်၊ ရှင်သန်ရမည် ကောင်းရာကောင်းကျိုးတွက် မိမိ၏မိသားစုအတွက် လူမှုပတ်ဝန်းကျင်ကောင်းဖို့ရန်အတွက် တိုင်းပြည် ကောင်းဖို့ရန်အတွက် အဆင့်ဆင့်ကြိုးစားသွားရမည် ဖြစ်သည်။ ကြိုးစားမှုတိုင်းတွင် အနစ်နာခံမှုနှင့် စွန့်စားမှုကို ထပ်တူပေါင်းစည်းမှုသည်လည်း အောင်မြင်မှုလမ်းကြောင်းဆီသို့ပျံသန်းဖို့ရန်အတွက် အတောင်ပံတစ်စုံဖြစ်နိုင်သည်။ ဘ၀ဆိုသည့်လမ်းကြောင်းတွင် ငွေကြေးဆိုသောအခက်အခဲ    (သို့မဟုတ်)  အခြားသောအတားအဆီးများသည် သွေဖ်ီမှု၏အကြောင်းတရားများ ဖြစ်လာနိုင် သည်။  ပတ်ဝန်းကျင်၏ရိုက်ခတ်မှုလှိုင်းသည် မိမိဘ၀ကိုဖန်တီးခြင်းမဟုတ်ဘဲ မိမိကသာ မိမိပတ်ဝန်းကျင်ကောင်းကို ဖန်းတီးနိုင်ရမည်ဆိုသည့် ခံယူချက်ကို လေးနက်စွာသဘောပေါက်ပါက တန်ဖိုးရှိသော ကျောက်စရစ်ကလေးဖြစ်ရန် ကြိုးစားနိုင်မည်ဖြစ်သည်။  အခက်အခဲ၊ အပြိုင်အဆိုင်၊ အတွန်းအတိုက်တိှု့ ဆီးကြိုနေခြင်းသည် ဘ၀အတွက်ရဲဝံ့စွာ စွန့်စားကျော်လွှားဖို့သာဖြစ်ပြီး ရပ်တန့်နေရန် အကြောင်းရင်း လုံးဝမဟုတ်ကြောင်းကို လေးနက်စွာ နားလည်သဘောပေါက်ပါက (Step by Step) တစ်ဆင့်ပြီးတစ်ဆင့်ကြိုးစားကာ အောင်မြင်မှုကိုဆွတ်ခူးယူနိုင်မည်မှာ အသေအချာပင် ဖြစ် သည်။

ခမ်းစန္တာပအိုဝ်းမူပေ